Morgunblaðið - 09.04.1994, Blaðsíða 53

MORGUNBLAÐIÐ LAUGARDAGUR 9. APRÍL 1994
53
Skólaheimsóknir Stórstúkunnar
Frá Birni Jónssyni:
Þó að Stórstúka íslands virðist
ekki í fljótu bragði fyrirferðarmikil
í starfi á vettvangi bindindismála
þá má þó fullyrða að hún hefir lát-
ið verulega mikið til sín taka í skipu-
lögðum skólaheimsóknum það sem
af er þessum vetri.
Alls höfum við heimsótt 14 skóia
og rætt við nemendur í flestum
bekkjardeildum. Viðtökur hafa alls
staðar verið á einn veg, mjög já-
kvæðar og góðar, bæði af hálfu
nemenda og kennara. I sambandi
við þessar heimsóknir höfum við
einnig víða boðað til kvöldfundar
með foreldrum og öðrum þeim sem
hafa áhuga á að styðja æskuna til
þátttöku í bindindisstarfi. Hafa þeir
fundir verið sumstaðar allvel_ sóttir
og yfirleitt mjög gagnlegir. í sept-
embermánuði heimsóttum við þrír
félagar frá Stórstúkunni alla skól-
ana í Vestmannaeyjum. Þar vorum
við í tvo daga og áttum góðan
kvöldfund með heimamönnum. í
nóvember lögðum við svo leið okkar
í Sandgerði og Garð og fengum þar
sömu ágætu viðtökurnar og í Vest-
mannaeyjum. Þar vorum við fjórir
á ferð.
Þann 10. janúar sl. voru 110 ár
frá því fyrsta Góðtemplarastúkan á
Islandi var stofnuð. Sá tímamóta-
atburður gerðist á Akureyri og
hlaut stúkan nafnið ísafold nr. 1.
I tilefni þeirra tímamóta lagði fram-
kvæmdanefnd Stórstúkunnar leið
sína til Akureyrar, hélt þar fund
og tók einnig þátt í opnum hátíðar-
fundi þar sem vel var mætt og
málin rædd af mikilli alvöru og
löngun til að leggja bindindisbarátt-
unni lið í orði og verki. Málflytjend-
ur voru bæði úr röðum heilbrigðis-
stétta og templara. Ennfremur
heimsóttum við skólana á Akureyri
eftir því sem tími vannst til. Stór-
templar, sr. Björn Jónsson, predik-
aði 5 Akureyrarkirkju við guðsþjón-
ustu sunnudaginn 9, janúar og á
afmælisdeginum, 10. janúar, flutti
hann erindi um bindindismál í sal
Menntaskólans á Akureyri. Þess
skal sérstaklega minnst að í öllum
þeim skólum, sem við heimsóttum
á Akureyri, var okkur frábærlega
vel tekið.
Síðast í janúar heimsóttum við
svo skólana í Keflavík og Njarðvík.
Þar vorum við sex félagar úr fram-
kvæmdanefnd og áttum góðu að
mæta ekki síður en annars staðar.
Komið var í flesta bekki grunnskól-
ans og í Fjölbrautaskóla Suðurnesja
flutti stórtemplar erindi. Fleiri
skólaheimsóknir eru þegar í aug-
sýn.
Um árangur þessara heimsókna
er auðvitað erfítt að segja. Þarna
er um að ræða sáningu sem bíður
uppskerudagsins. Og vissulega er
það von okkar að uppskeran verði
a.m.k. erfíðisins virði.
Þær góðu fréttir höfum við þegar
fengið að úr hópum þeirra barna
og unglinga, sem við töluðum við,
hafi nokkur nú þegar gengið til liðs
við okkur og gerst félagar í stúkum
sem starandi eru á þeim stöðum
sem við heimsóttum.
Hér hefír aðeins verið drepið á
einn þátt, að vísu þann gildasta nú
sem stendur, í bindindisstarfi Stór-
stúku íslands. En margt fleira hef-
ir verið gert og víðar komið við
sögu. Ég minni á málþing sem við
áttum frumkvæði að og stóðum
fyrir ásamt Áfengisvarnarráði og
Landsambandinu gegn_ áfengisböl-
inu um einkavæðingu ÁTVR, viku-
legan útvarpsþátt á sl. sumri, bar-
áttu gegn hinum svonefndu „bjór-
hátíðum“ — bindindisdag fjölskyld-
unnar sem haldinn var í þriðja sinn
á okkar vegum með drengilegri
aðstoð margra félagasamtaka síð-
ast í nóvembermánuði.
Ýmislegt fleira mætti minnast á
þótt hér verði staðar numið. Að
lokum skal öllum þeim skólamönn-
um sem opnað hafa skóla sína fyr-
ir okkur þakkað fyrir framúrskar-
andi móttökur og drengilegan
stuðning við þann málstað sem við
leituðumst við að túlka meðal nem-
enda þeirra. Nemendum þökkum
við einnig og hvetjum sem allra
flesta til að hlýða kallinu og gera
vegbindindis að sínum ævivegi. Það
er mikill og ótvíræður gæfuvegur.
BJÖRN JÓNSSON,
frá bamastúkustarfi.
Pennavinir
BANDARÍSK kennslukona sem
getur ekki um aldur með útvist,
sund og bréfaskriftir sem áhuga-
mál:
Verona R. Halvorsen,
2736 Nautilus Dr.,
Avon Park,
Florida 33825,
U.S.A.
EINHLEYP 24 ára Ghanastúlka
með áhuga á tónlist, íþróttum og
ferðalögum. Hefur lengi langað að
eignast íslenska pennavini:
Julie Jackson,
P.O. Box 249,
Oguaa Town,
Ghana.
EINHLEYP 25 ára Ghanastúlka
með áhuga á íþróttum, tónlist,
ferðalögum, matargerð og ljós-
myndun:
Ruth Danful,
P.O. box 1281,
Oguaa City,
Ghana.
FIMMTÁN ára japönsk stúlka með
tónlistaráhuga:
Shinobu Yokota,
101 Jinya-cho Aza Esashi-cho,
Hiyama-gun Hokkaido,
043 Japan.
FRÁ Hjaltlandi skrifar 43 ára kona
sem býr í litlu fískiþorpi og hefur
áhuga á tónlist, bókmenntum, fu-
glaskoðun og útivist:
Brenda Finegan,
16 Houll Road,
Scalloway,
Shetland,
United Kingdom.
FINNSK 25 ára stúlka með áhuga
á tónlist, bókmenntum og bréfa-
skriftum m.m.:
Seya Tahvanainen,
Tohmajarventie 83 C 19,
82140 Kiihtelysvaara,
Finland.
SEXTÁN ára Ghanapiltur, skóla-
piltur, með áhuga á íþróttum og
ferðalögum:
Mike Foreigner,
P.O. Box 236,
Agona-Swedru,
Ghana.
SÆNSKUR 34 ára karlmaðura vill
komast í samband við konur, 20-35
ára:
Göran Engström,
Seminarveg 33b,
791 36 Falun,
Sverige.
LEIÐRÉTTING
Höfundarnöfn
féllu niður
Urldir síðustu minningargrein-
inni um Önnu Helenu Benediktsson
á blaðsíðu 36 í Morgunblaðinu í gær
áttu að standa þrjú höfundarnöfn:
Davíð, Magnús og Víglundur. Hlut-
aðeigendur eru beðnir afsökunar á
mistökunum.
VELVAKANDI
HORFIN
ÞJÓNUSTULUND
NÝLEGA kom ég inn í minn við-
skiptabanka með svart/hvíta
passamynd til að fá bankakort,
en var gerður afturreka þar sem
myndin var ekki í lit. Ég er með
ágætis litmynd í ökuskírteininu
sem ég get sýnt hvar og hvenær
sem er sé þess óskað.
Það eru til tæki sem prenta
litmynd beint á t.d. stutterma
skyrtuboli, en þegar allar öflug-
ustu peningastofnanir landsins
taka sig saman um debetkort
hverfur þjónustulundin gjörsam-
lega.
Ef þetta samráð er ekki brot
á samkeppnislögum þá eru þau
gölluð. Almenningur er látinn
snúast út í bæ til að taka af sér
litmyndir. Þetta kostnar þjóðina
ca. 200 milljónir. Búnaður sem
prentaði litmyndir beint úr videó-
vél á kortin mundi kosta smápen-
inga í þeim samanburði og senni-
lega spara bönkunum einnig pen-
ing, en það virðist ekki skipta
þá neinu máli. Almenningur
borgar brúsann í hærri þjónustu-
gjöldum og vöxtum sem þeir
koma sér saman um, enda engin
samkeppni erlendis frá.
Eg held að íslenska bankakerf-
ið (sem var ríkisrekið að mestu
leyti) hafi verið ekki minni afæta
á launafólk í landinu en landbún-
aðurinn.
Nú stefnir hið ríkismiðstýrða
orkukerfi með væntanlegum sæ-
strengjum frá Kröfluvirkjunum í
að taka við þessu forystuhlut-
verki.
Ég er kominn út fyrir efnið
en vona að bankarnir sjái hið
fyrsta að sér og bjóði almenningi
sjálfsagða þjónustu.
160750-4729
TAPAÐ/FUNDIÐ
Ullarhúfa tapaðist
SVÖRT og hvít köflótt ullarhúfa
tapaðist á Laugavegi eða þar í
grennd sl. sunnudag. Finnandi
visamlega hringi í síma 655500.
Eyrnalokkur tapaðist
GULLEYRNALOKKUR, hring-
laga, tapaðist á göngugötunni frá
Skerjafírði út að Ægisíðu, á
föstudaginn langa. Finnandi vin-
samlega hringi í síma 610207.
Úr tapaðist
GYLLT karlmannsúr af gerðinni
Lusina, smíðað í Genf 1952, tap-
aðist í Austurbæ Reykjavíkur í
febrúarlok. Finnandi vinsamlega
hringi í síma 46077. Fundarlaun.
Úlpa tapaðst
DÖKKRÓSÓTT spariúlpa með
rauðum líningum af fjögurra ára
stúlku tapaðist fýrir u.þ.b. fjórum
vikum. Finnandi vinsamlega
hringi í síma 672999.
GÆLUDÝR
Hvolpa- og hundavinir
VIÐ ERUM hér 6 systkini (3
hundar og 3 tíkur) kátínufull og
dálítið baldin. Við erum blanda
af labrador, border collie, beagle
og skosk/íslenskum. Þrátt fyrir
að vera ekki af aðalsættum eru
forfeður og -mæður okkar ljúfir
og gæfir og við ætlum, með góðu
uppeldi, að verða það líka. Frek-
ari upplýsingar í heimasíma
79133 og vinnusíma hjá hús-
bónda okkar 674065.
Týndur köttur
GRÁR högni týndist frá Háhæð
í Garðabæ fyrir u.þ.b. hálfum
mánuði. Hafi einhver orðið hans
var er hann vinsamlega beðinn
að hringja í síma 657247.
Týndur köttur
GRÁBRÖNDÓTTUR ómerktur 5
mánaða högni með hvíta týru í
rófu, hvíta fætur og háls, týndist
frá Langholtsvegi 120 á skírdag.
Upplýsingar um hann eru þegnar
í síma 688169.
Pelsjakkar og kápur
Pelsfóðurskápur og jakkar í öllum stærðum.
Loðskinnshúfur og treflar. Mikið úrval.
Opið í dag laugard. til kl. 16.
Greiðskjör við allra hæfi.
j
DrTCIIVHVIWI Þar sem
rElUSllVll Jm I vandlátir
Kirkjuhvoli • sími 20160 LJJHJ Versla.
IAUF
Ráðstef na um f logaveiki
haldin á Hótel Sögu, sal A,
þann 16. april 1994
í tilefni 10 ára afmælis Landssamtaka áhugafólks um
flogaveiki (LAUF) munu samtökin halda „Ráðstefnu um
flogaveiki" á Hótel Sögu, sal A, þann 16. apríl 1994.
Ráðstefnan um flogaveiki verður öllum opin meðan hús-
rúm leyfir og vill LAUF hvetja alla þá sem áhuga hafa
að mæta.
DAGSKRÁ:
Kl. 09.00 Þórey V. Ólafsdóttir, formaður LAUF.
Kl. 09.15 Sverrir Bergmann, læknir: Greining og með-
ferð við flogaveiki. Fyrirspurnum svarað.
Kl. 10.15 Kaffihlé.
Kl. 10.45 Sr. Bragi Skúlason: Sorg og sorgarviðbrögð
v/langvarandi veikinda.
Kl. 11.25 Guðlaug María Bjarnadóttir: Foreldri barns
með flogaveiki.
Kl. 12.00 Matarhlé.
Kl. 13.00 Pétur Lúðvíksson, barnalæknir: Flog og floga-
veiki hjá börnum. Fyrirspurnum svarað.
Kl. 14.00 Elfas Olafsson, læknir: Notkun „heilasíritans"
við greiningu og meðferð á flogaveiki.
Fyrirspurnum svarað.
Kl. 15.00 Kaffihlé.
Kl. 15.15 Rannveig Traustadóttir, félagsfræðingur:
Umönnun sjúkra og fatlaðra barna innan
fjölskyldunnar.
Kl. 16.15 Peter Rogan, yfirkennari í Liverpool: Stuðning-
ur við börn með flogaveiki í almennum skólum.
Kl. 17.15 Afmæliskaffi í boði LAUFs.
Þátttöku þarf að tilkynna á skrifstofu LAUFs, sími 812833,
fax 813552, fyrir 13. apríl 1994.
Þátttökugjald er kr. 500.
Spennandi
kompudagar
um helgina!
Bæöi
laugardag og
sunnudag veröa
SÉRSTAKIR KOMPUDAGAR
í Kolaportinu og þá óvenju mikið af alls
konar notuðum munum. Opið kl. 10-16.
P.S. (afgefnu tilefni)
Við flytjum ekki í Tollhúsið fyrr
en um miðjan maimánuð!
KOLAPORTIÐ
-5 ára og alltaf ferskt!