Morgunblaðið - 14.08.1994, Blaðsíða 29

MORGUNBLAÐIÐ
MINNINGAR
SUNNUDAGUR 14. ÁGÚST 1994 29
MALEN G. KRÖYER
leg, segjandi sögur og hló svo
hvellt og dillandi að lífsgleðin sjálf
hefði litið um öxl og öfundað hana
af, fulltrúi feimnislausrar sveita-
mennsku af því tagi sem lærist á
því að deila kjörum með öðrum í
umburðarlyndi og skilningi á kost-
um þeirra og göllum. Hún var
stjórnsöm og lét sér fátt mannlegt
óviðkomandi, en lagði jafnan gott
til og hækkaði þá róminn ef því
var að skipta.
Síðar, þegar ég eltist svolítið,
dvaldist ég á hveiju sumri um
nokkurra ára skeið á heimili henn-
ar á þeim tíma bernskunnar þegar
lífið er eintómt glaðasólskin með
sunnanþey eða það rignir eins og
hellt sé úr fötu og brimið lemur
fjöruna með súgi. Hún tók mér
eins og hún ætti í mér hvert bein
og þegar heimsóknirnar urðu lang-
ar og margar sagði hún mér að
hún liti á mig sem einskonar fóst-
urson sinn og ég gæti sem best
litið á hana og mann hennar sem
fósturforeldra mína, enda skyld-
leikinn mikill við þau bæði. Ekki
rækti ég sonarskyldurnar vel eftir
að ég eltist og kom alltof sjaldan
í heimsókn en var jafnan tekið eins
og ég væri týndi sonurinn þegar
svo bar við.
Það er mikil gæfa að kynnast
fólki eins og Karítas sem hefur
yndi og unun af lífinu sjálfu í öll-
um margbreytileik sínum, söng
og dansi, spjalli og sögu, fólki sem
auðgar lífið og leggur til þess af
sannfæringu og meðfæddum
hæfileika. Hún brá sér auðveld-
lega í hlutverk skemmtikraftsins
með galsa og groddaskap en átti
hins vegar líka auðvelt með að
sýna ljúfleik, blíðu og viðkvæmni
í fari sínu sem veitist svo mörgum
okkar erfitt. Að hafa hana sem
uppalanda í sumarheimsóknum á
Húsavík fannst mér á sínum tíma
kannski sjálfsagt. Síðar varð mér
ljóst hve dýrmætt það var, án
þess að ég orðaði það nokkurn
tíma við hana.
Sumir hafa einhvers konar
þyngdarsvið og eru ævinlega eftir-
tektarverðir sakir eiginleika sinna
og mennsku. Karítas Hermanns-
dóttir var ein af þeim. Megi ástvin-
ir hennar og fjölskylda finna styrk
í sorg sinni í minningu hennar.
Hermann Þórðarson.
Á kveðjustund langar okkur með
þessum fátæklegu orðum að þakka
vinskapinn og samverustundir á
liðnum árum við þau Kaju og
Steina. Það eru að verða 20 ár
síðan við kynntumst þessu sóma-
fólki og erum stolt af því að hafa
tengst þessari fjölskyldu við hjóna-
band Ónnu og Ásgeirs. Við þökk-
um Kaju hlýjuna og gleðina sem
hún bar alltaf með sér. Glaðvær
og smitandi hlátur hennar gat ekki
annað en haft góð áhrif á þá sem
hún umgekkst. Við minnumst með
þakklæti allra blómanna, kertanna
og smádótsins sem hún færði okk-
ur hvort sem hún kom í stutta
heimsókn eða til þess að gleðjast
með okkur á tímamótum í fjöl-
skyldunni. Kaja gleymdi ekki litl-
um munnum eða höndum og oftar
en ekki fékk smáfólkið líka gjafir
frá „ömmu“ Kaju. En þó gjafirnar
væru góðar var vináttan mikilvæg-
ari. Fyrir hana þökkum við af al-
hug. Við biðjum guð að styðja
Steingrím sem var svo stór hluti
af henni Kaju. Væri hún nefnd á
nafn var hann þar líka. Hann hef-
ur misst mikið.
Elsku Ásgeir, Anna, Arna Sig-
ríður og Auður Karítas. Við syrgj-
um öll þessa stóru og hlýju konu
en minningarnar um hana fara í
sjóð sem við getum leitað í um
alla framtíð.
Birgi og fjölskyldu svo og systk-
inum Kaju vottum við einlæga
samúð.
Við viljum kveðja Kaju með
sömu orðum og hún notaði gjarnan
þegar hún kvaddi: „Guð geymi þig
vina.“
Ari, Sigríður Dóra, Inga
og Sigurður Ari.
+ Malen Gunnarsdóttir Kröy-
er fæddist 14. febrúar 1918
að Hleinagarði í Eiðaþinghá.
Hún varð bráðkvödd hinn 4.
ágúst síðastliðinn á heimili
Elínar dóttur sinnar á Hall-
ormsstað. Foreldrar Malenar
voru Gunnar Sigurðsson frá
Hleinagerði í Eiðaþinghá og
kona hans Guðlaug Sigurðar-
dóttir frá Hjartarstöðum í sömu
sveit. Tveggja ára fluttist hún
með foreldrum sínum í Beinár-
gerði á Völlum. Hún var elst
sjö systkina. Nú eru tvö eftir á
lífi. Hún ólst upp ásamt sínum
systkinum og gekk að allri al-
mennri vinnu á heimilinu. Á
sínum unglingsárum fór hún
sem kaupakona að Egilsstöðum
þjá Fanneyju og Sveini og síðar
hjá séra Marinó í Vallanesi
sumarið 1937. Þá um haustið
fór hún í Hússtjórnarskólann á
Hallormsstað og var þar í tvo
vetur, næstu tvo vetur þar á
eftir vann hún þar sem aðstoð-
arvefnaðarkennari hjá frú Sig-
rúnu Blöndal. Eftir það fór hún
á vegum Kvenfélagasambands
Austurlands til Reykjavíkur til
náms í fatasaumi og hélt hún
síðan saumanámskeið víðs veg-
ar um Austurland. 11. nóvem-
ber 1944 giftist hún Kristjáni
Elísi Kröyer frá Stóra-Bakka
og hófu þau þar búskap og
bjuggu til ársins 1958 er þau
fluttu að Unalæk á Völlum.
Malen og Kristján eignuðust
þijár dætur. Þær eru: Guðlaug,
gift Jóni Björnssyni, eiga þau
tvær dætur, elstu dóttur sína
misstu þau ársgamla. Elín, gift
Þorsteini Þórarinssyni, eiga
þau þijár dætur og tvo syni.
Sigrún Antonína, gift Jóni Har-
aldssyni og eiga þau eina dótt-
ur. Arið 1967 fluttust þau bú-
ferlum til Reykjavíkur. Á
Kleppsvegi 134 bjuggu þau til
ársins 1985 er Kristján lést.
Eftir það bjó Malen að Keldu-
landi 7 þar sem heimili hennar
var fram á síðustu stund. Útför
Malenar fer fram frá Bústaða-
kirkju á morgun.
ÁSTKÆR amma okkar er látin.
Það var á sólríkum sumardegi
að amma hvarf frá okkur svo
I t I Krossar
TTT áleidi
I viSarlit og máloóir.
Mismunandi mynslur, vönduo vinna.
Simi 91-35929 og 35735
skyndilega. Við höfum í raun ekki
ennþá áttað okkur á því að hún sé
endanlega farin. Það er skrítið til
þess að hugsa að við eigum ekki
eftir að njóta stunda með henni
framar.
Alltaf var jafn notalegt og hlýtt
að koma til ömmu og eiga með
henni góða stund.
Aldrei stóð á veitingunum hjá
henni og gætti hún þess alltaf að
enginn færi svangur heim. Hún tók
okkur alltaf opnum örmum og vildi
allt fyrir okkur gera, er við dvöldum
hjá henni. Voru það ætíð góðar
stundir og þeim munum við seint
gleyma.
Ámma fór alltaf austur á Hérað
á sumrin. í sumar fór hún óvenju
snemma til að vera Kristjáni, yngra
barnabarni sínu stoð og stytta eft-
ir að hann fótbrotnaði. Veitti hún
ómetanlega hjálp þá sem endra-
nær. Viljum við þakka henni fyrir
það.
Það stoðar ei, þótt helgan rétt vér hljótum,
ef hugann fyllir þras og öfund blind,
því eflaust samt að feigðarósi fljótum,
og feigðarmyrkur byrgir vonar-tind.
Nei, látum tærar hugarlindir líða
svo iétt og hreint um þroskuð andans lönd,
og treystum því, að betra muni bíða
og bera fley að gullnri sigur-strönd.
(Úr ættjarðarljóði langömmu okk-
ar, Antoníu Petru Jónsdóttur.)
Elsku amma, þakka þér fyrir all-
ar ánægju- og gleðistundir sem þú
gafst okkur. Þeim gleymum við
aldrei.
Barnabömin.
Blómastofa
fíiðfinns
Suöuriandsbraut 10
108 Reykjavík. Sími 31099
Opið öllkvöid
+
Jarðarför föður okkar,
GUÐBRANDS GUÐBJARTSSONAR
fyrrum hreppstjóra í Ólafsvík,
sem lóst þann 10. ágúst sl., fer fram frá Ólafsvfkurkirkju miðviku-
daginn 17. ágúst nk. kl. 14.00.
Kristbjörg Guðbrandsdóttir,
Guðbrandur Þ. Guðbrandsson,
Sigþór Guðbrandsson.
t
Útför móður okkar, tengdamóður,
ömmu og langömmu,
KARITASAR INGIBJARGAR
RÓSINKARSDÓTTUR,
verður gerð frá ísafjarðarkapellu þriðju-
daginn 16. ágúst kl. 14.
Þeim, sem vildu minnast hennar, er
bent á Fjórðungssjúkrahúsið á ísafirði.
Lydia Rósa Sigurlaugsdóttir,
Erling Sigurlaugsson, Halldóra Sigurgeirsdóttir,
Ingibjörg Sigurlaugsdóttir,
Helga Hermannsdóttir, Margrét Óskarsdóttir,
Soffia Ingimarsdóttir,
barnabörn og barnabarnabörn.
+
Ástkær móðir okkar, tengdamóðir og amma,
MALEN G. KRÖYER,
Keldulandi 7,
sem andaðist fimmtudaginn 4. ágúst sl., verður jarðsungin frá
Bústaðakirkju mánudaginn 15. ágúst kl. 13.30.
Guðlaug Kröyer, Jón Björnsson,
Elín Kröyer, Þorsteinn Þórarinsson,
Sigrún Kröyer, Jón Haraldsson
og barnabörn.
+
Ástkær eiginkona mín, dóttir, móðir og systir okkar,
MARGRÉT LIUA RUT ANDRÉSDÓTTIR,
Fífuseli 14,
sem lést þann 8. ágúst, verður jarðsungin frá Fossvogskirkju
mánudaginn 15. ágúst kl. 13.30.
Guðmundur Björgvinsson,
Andrés Sighvatsson, Júliana Viggósdóttir,
börn og systkini hinnar látnu.
+
Elskuleg móðir okkar, tengdamóðir, systir, amma og langamma,
SIGRÍÐUR LOFTSDÓTTIR,
Víðimel 47,
Reykjavík,
sem lést í Borgarspítalanum 9. ágúst, verður jarðsungin frá Foss-
vogskirkju þriðjudaginn 16. ágúst kl. 13.30.
Þórunn Edda Sigurjónsdóttir, Leifur Magnússon,
Loftur Þór Sigurjónsson, Guðjóna Loftsdóttir,
Lovísa Loftsdóttir,
barnabörn og barnabarnabarn.
+
Elskuleg dóttir okkar,
TINNA RÓS JÓHANNSDÓTTIR,
Akurgerði 22,
Akranesi,
sem lést 9. ágúst, verður jarðsungin frá Akraneskirkju mánudag-
inn 15. ágúst kl. 14.00.
Belinda J. Ottósdóttir, Jóhann Árni Svansson
og aðrir aðstandendur.
+
Innilegar þakkir fyrir auösýnda samúð og vinarhug við andlát og
útför
ANTONS G.E. BJARNASEN,
Faxastfg 1,
Vestmannaeyjum.
Guðrún J. Jakobsdóttir, Sigríður S. Jakobsdóttir,
Ólafur Ó. Jakobsson.
+
Þökkum innilega auðsýnda samúð og vináttu við andlát og útför
móður okkar, tengdamóður, ömmu og langömmu,
SIGRÍÐAR ÁSLAUGAR JÓNSDÓTTUR,
ísafirði.
Sérstakar þakkir flytjum við hjúkrunarfólki á þjónustudeild Hlífar
og Fjórðungssjúkrahúsinu á (safirði.
Erling Þór Hermannsson, Gréta Þórðardóttir,
Sesselja Áslaug Hermannsdóttir, Páll Zóphoniasson,
Ásthildur tnga Hermannsdóttir, Kristján Rafn Guðmundsson,
Björn Hermann Hermannsson, Jensína Guðmundsdóttir,
Jón Gestur Hermannsson, Berta Gunnarsdóttir,
Ásdís Sigrfður Hermannsdóttir, Árni Ragnarsson,
barnabörn og barnabarnabörn.
+
Þökkum auðsýnda samúð og hlýhug
vegna andláts og jarðarfarar eigin-
manns míns, föður okkar, tengdaföður
og afa,
SIGURÐAR Ó. SIGURÐSSONAR
fyrrv. mjólkurbflstjóra,
Bakkatjörn 9,
Selfossi,
Sérstakar þakkir sendum við starfsfólki
gjörgæsludeildar Borgarspítalans og
deildar A-4.
Guðrún Guðjónsdóttir,
Jóna S. Sigurðardóttir, Guðmundur V. Þorkelsson,
Ragnheiður B. Sigurðardóttir, Theodór I. Vilmundarson,
Sigurður J. Sigurðsson, Hjördís Gunnlaugsdóttir
og barnabörn.