Morgunblaðið - 13.10.1994, Blaðsíða 12

12 FIMMTUDAGUR 13. OKTÓBER 1994
MORGUNBLAÐIÐ
AKUREYRI
*
Igulkerið flytur frá Svalbarðseyri í nýtt húsnæði á Akureyri og starfsfólki fjölgar um helming
Japanir kaupa
framleiðsluna
STARFSFÓLKI ígulkersins hf. fjölg-
ar um nær helming þegar fyrirtækið
flytur starfsemi sína frá Svalbarðs-
eyri í austurhluta Hekluhússins svo-
kallaða á Akureyri en Gunnar Blön-
dal, eigandi þess, festi nýverið kaup
á þeim hluta hússins, alls 635 fer-
metrum. Fyrirtækið hefur gert
samning við japanska fyrirtækið
Tokyo • Seafoods sem hefur sent
gæðastjóra sinn Minoru Maeda hing-
að ti! að fylgjast með framleiðslunni.
Breytingar standa yfir
Breytingar á Hekluhúsnæðinu
standa nú yfir og gerði Gunnar Blön-
dal ráð fyrir að vinnsla gæti hafist
þar eftir um hálfan mánuð. „Þetta
pláss hérna býður upp á að við getum
fjölgað starfsfólki, hér er mun rýmra
og þægilegra að vera.
Það er mjög gott að flytja starfsem-
ina hingað, styttra með alla að-
drætti og að koma framleiðslunni frá
sér og þá er starfsfólkið hjá mér að
langmestu leyti úr bænum svo þetta
er í alla staði betri kostur,“ sagði
Gunnar.
Fullunnið hráefni
í vinnslunni á Svalbarðseyri starfa
nú 20 manns en Gunnar áætlar að
þegar hún verði komin af stað á
Akureyri af fullum krafti verði á
milli 30-40 manns að störfum þar.
Fyrirtækið á einn bát sem notaður
er til hráefnisöflunar og hefur tekið
annað á leigu. Igulkerin eru veidd
að mestu í Eyjafirði, að auki áætlar
Gunnar að kaupa hráefni annar stað-
ar að eftir þörfum en hann hefur í
hyggju að halda vinnslunni gangandi
í allan vetur.
Gunnar byijaði í ígulkeravinnslu í
fyrra, þá var hráefnið flutt hálfunnið
til vinnslu en nú er það fullunnið í
100 gramma neytendapakkningar.
„Það skapar bæði meiri vinnu hér
og meiri verðmæti," sagði Gunnar.
Hann vonast til að í kjölfar þess að
flutt verður í nýtt húsnæði verði
hægt að vinna úr 150 til 200 kílóum
af hrognum á dag þegar framleiðslan
er komin á fulla ferð. „Hann segir
það, Japaninn, að hann sjái fyrir sér
70 manna vinnustað í framtíðinni,
en tíminn verður að leiða það í ljós.“
Gunnar og Gísli leika
GUNNAR Kvaran sellóleikari og
Gísli Magnússon píanóleikari halda
tónleika á vegum Tónlistarfélags
Akureyrar í Safnaðarheimili Akur-
eyrarkirkju í kvöld, fímmtudags-
kvöldið 13. október kl. 20.30. Á
efnisskránni eru verk eftir Beethov-
en, Brahms, Jón Nordal og Shos-
takovítsj.
Samstarf þeirra Gunnars og
Gísla nær allt aftur til ársins 1973
en frá þeim tíma hafa þeir haldið
fjölda tónleika og komið fram í út-
varpi og sjónvarpi.
GUNNAR Blöndal í þeim hluta
Hekluhússins svonefnda sem
fyrirtæki hans ígulkerið hf.
hefur fest kaup á en á mynd-
inni að neðan er japanski
gæðastjórinn Minoru Maeda
frá Tokyo Seafoods sem kaup-
ir alla framleiðslu ígulkersins.
Við borðið eru starfsstúlkurn-
ar Jenný, Vala, Laufey og
Helga.
Morgunblaðið/Rúnar Þór

Með sameiginlegum innkaupum hefur
okkur tekist að ná hreint ótrúlegu verði
á GSM farsímum frá Ericsson.
Nýi GH-198 farsíminn fcest nú á
59.900 kr, staðgreitt.
Efþú ert að hugsa um aðfá þér GSM
farsíma, œttir þú að hafa samband sem
fyrst við neðangreinda söluaðila
- því aðeins er um takmarkað magn
að rœða.
• Söluaðilar:
Hátækni hf. Ármúla 26 sími 885000
Nýherji hf. Skaftahlíð 24 símí 697700
Radiomiðun hf. Grandagarði 9 sími 622640
ÞESSI______
FARSl'MI ER
ÁAÐEINS
59.900 KR!
Aðstoð Félags-
málastofnunar
hækkar mikið
AÆTLAÐ er að fjárhagsaðstoð á vegum Félagsmálastofnunar Akureyrar
á þessu ári nemi um 28 milljónum króna og hefur hún hækkað umtalsvert
á síðustu árum. Bæjarráð Akureyrar mun á fundi í dag ræða um úttekt
sem fyrirhugað er að gera þar sem m.a. á að reyna að grafast fyrir um
orsakir þessarar miklu hækkunar á útgjöldum vegna fjárhagsaðstoðar. At-
vinnuástandið eitt er ekki talið skýra hækkunina en flestir sem leita eftir
aðstoð eru ýmist í vinnu eða hafa bætur en geta ekki framfleytt fjölskyldu
sinni á þeim tekjum. „Þetta er dæmi þess að lágmarkslaun eru skelfilega
lág og fólk þarf íjárhagsaðstoð Félagsmálastofnunar bara til að geta lif-
að,“ sagði Sigfríður Þorsteinsdóttir formaður félagsmálaráðs Akureyrar.
Úttekt
Hún sagði að hugmyndin væri
sú að gerð yrði úttekt þar sem reynt
yrði að komast að því hvað ylli því
að fjárhagsaðstoð á vegum Félags-
málastofnunar Akureyrar hefði
hækkað svo mikið á síðustu þremur
árum. Atvinnuástand hefði á þessum
tíma ekki versnað til svo mikilla
muna að það eitt skýrði hækkunina.
Verið gæti að fólk væri meðvitaðra
um rétt sinn til aðstoðar og ef til
vill væri það einnig ófeimnara við
að leita eftir henni en áður var.
„Þess eru mörg dæmi að fólk sem
er í fullu starfl, hefur dagvinnu á
lágmarkslaunum, hefur leitað til
stofnunarinnar eftir aðstoð því endar
ná ekki saman, fólk framfleytir ekki
fjögurra manna fjölskyldu á slíkum
launum," sagði Sigfríður og benti
einnig á að fólk með fullar atvinnu-
leysis- eða örorkubætur leitaði einn-
ig eftir aðstoð. „Þetta nægir ekki
til framfærslu fjöískyldna, tekjulágt
fólk hefur því í auknum mæli leitað
eftir viðbótarfé hjá félagsmálastofn-
un til að endar nái saman, aðstoðin
verður að eins konar tekjutrygg-
ingu,“ sagði Sigfríður.
Jón Björnsson félagsmálastjóri á
Akureyri sagðist telja ástæðu aukn-
ingarinnar tvíþætta. Annars vegar
atvinnuleysi, minni tekjumöguleikari
og rýmandi kaupmáttur og aukin
skattbyrði og þar af leiðandi versn-
andi afkoma. Hins vegar benti hann
á að árið 1991 hefðu ný lög tekið
gildi sem kváðu á um að sveitarfélög
ættu að setja sér reglur um fjárhags-
aðstoð. Fram til þess tíma hefði frek-
ar verið litið svo á að fjárhagsaðstoð
væri nokkurs konar „redding“,
meira og minna persónubundin, sem j
ekki hefði að markmiði að tryggja
landsmönnum tekjur upp að ákveðn-:
um lágmarki.
Tekjutrygging
Velti Jón því upp hvort þessar
reglur hafi orðið til þess að sveitar-:
félögin hafi í kjölfar þessa tekið:
óafvitandi að sér að verða einhvers
konar tekjutrygging, að tryggja fólki
uppbót á ýmist örorku- eða atvinnu-
leysisbætur eða laun, taxta sem
væru of lágir til að fólk gæti lifað
af þeim. Vonaðist hann til að úttekt-
in sem fyrirhugað er að gera á fjár- j
hagsaðstoðinni leiddi í ljós hvort svo
væri. „Ef það er tilfellið virðast sveit-
arfélögin, óvænt og án þess að hafa
gert sér grein fyrir því lent í því að
vera einhverskonar sjálfkrafa upp-
bót á of lág laun og það er býsna
stórt mál.“