Morgunblaðið - 06.11.1994, Blaðsíða 2

2 SUNNUDAGUR 6. NÓVEMBER 1994
MORGUNBLAÐIÐ
FRÉTTIR
Vegir
liggja til
allra átta
Hrafnkell A. Jónsson um kröfugerð í kjarasamningunum
Leyft verði að flytja
inn landbúnaðarvörur
greiðsluerfiðleikum vegna hús-
næðiskostnaðar og það yrði varla
gert öðruvísi en með beinum aðgerð-
um um lækkun skulda. „Mér sýnist
að það sé komið að þeim punkti að
við verðum að gera þær kröfur sem
neytendur að verð á landbúnaðar-
vörum lækki. Ég sé ekki hvernig
menn muni verja það til lengdar að
hafna því að hér gildi heimsmark-
aðsverð á landbúnaðarvörum," sagði
Hrafnkell. Hann sagðist ekki sjá
aðrar leiðir í því en að leyfa innflutn-
ing landbúnaðarvara.
„Það verður að leggja niður fyrir
sér hvort hagsmunir 3.000-5.000
framleiðenda í iandinu eiga að vera
ríkari heldur en neytendanna ef
menn ætla sér að byggja hér upp
siðaðra manna þjóðfélag, þar sem
fólk hefur þokkalega til hnífs og
skeiðar," sagði hann.
Kröfur Dagsbrúnar tilbúnar í
lok nóvember
Að sögn Guðmundar J. Guð-
mundssonar, formanns Dagsbrúnar,
er enn talsverð vinna eftir við mótun
kröfugerðar innan félagsins og
kvaðst hann ekki eiga von á að hún
lægi fyrir fullbúin fyrr en í lok mán-
aðarins. Sagði Guðmundur að samn-
ingar Dagsbrúnarmanna þörfnuðust
mikillar endurskoðunar og kröfur um
lækkun skatta og hækkun skattleys-
ismarka væru mjög háværar. Einnig
væri áhugi á lækkun vöruverðs en
ekki iægi fyrir hvaða tiilögur yrðú
ofan á í þeim efnum, þar sem menn
væru ekki sammála um leiðir en
margir hefðu mikla samúð með
bændum.
ÞAÐ getur oft verið erfitt að
ákveða hvaða stefnu skal taka
við gatnamót. Hins vegar er -
of hastarleg lausn að láta ferð-
ina enda á vegaskiltinu, eins
og varð í þessari ökuferð. En
sennilega hefur ökumaðurinn
vitað hvert hann vildi fara.
Aðeins gleymt að haga akstri
eftir aðstæðum í þetta sinn og
því fór sem fór.
HHRAFNKELL A. Jónsson, formað-
ur verkalýðsfélagsins Arvakurs á
Eskifirði, vill að Verkalýðshreyfingin
geri þá kröfu, í tengslum við gerð
næstu kjarasamninga, að matvöru-
verð lækki með því að opnað verði
fyrir innflutning á landbúnaðarvör-
um. Mótun kröfugerðar vegna kjara-
samninga er mislangt á veg komin
í aðildarfélögum og á vettvangi
landssambanda innan ASÍ. Heild-
stæð kröfugerð liggur hvergi fyrir
en búist er við að línur verði eitthvað
famar að skýrast á sambandsstjórn-
arfundi ASÍ 21. og 22. nóvember.
Landbúnaðarvörur fluttar inn
Hrafnkell kveðst ekki hafa trú á
að beinar kauphækkanir muni
skipta sköpum fyrir afkomu lág-
launafólks en nauðsynlegt sé að
leysa vanda þeirra sem eigi í
Morgunblaðið/Júlíus
Óánægja kaupenda með útreikning vaxta og verðbóta í húsbréfakerfinu
Reiknað frá samningi
en ekki afhendingu íbúðar
VEXTIR og verðbætur á húsbréfum eru almennt
reiknaðir frá þeim degi sem samningur tekst um-
kaup notaðra íbúða, yfirleitt frá þeim degi' sem
kaupandi skrifar undir kauptilboð. Lögskil fara
hins vegar fram þegar íbúðin er afhent enda
hefur seljandi arð af henni með afnotum til þess
tíma. Hefur þetta stundum valdið óánægju kaup-
enda.
Sigurður Geirsson, forstöðumaður húsbréfa-
deildar Húsnæðisstofnunar, segir að vaxtadagur
fasteignaveðbréfa sem eru grundvöllur húsbréf-
anna sé upphaflega tilgreindur í kauptilboði sem
báðir aðilar skrifa undir. Húsbréfadeildin fari eft-
ir samningi aðila enda sé það ekki hennar að
ákveða vaxtadaginn. Hann bendir á kosti þess
fyrir seljanda að miða vextina við undirritun kaup-
tilboðs, hann viti þá betur hvað hann fái út úr
húsbréfunum og þar með fyrir eignina en ef óvissa
ríkti um vaxtadaginn.
Þvert á fyrri venju
Jón Guðmundsson, formaður Félags fasteigna-
sala, segir að þegar húsbréfakerfið var tekið upp
hafí þessi framkvæmd verið tekin upp í samræmi
við regiur ráðuneytisins. Hún sé hins vegar þvert
á þær venjur sem áður ríktu í viðskiptum með
notaðar íbúðir, þegar vextir voru reiknaðir frá
afhendingardegi íbúðar enda fari þá lögskil fram
og seljandi hafi arð af íbúðinni með afnotum til
þess dags. Jón segir að vaxtadagurinn sé tilgreind-
ur í öllum tilboðum og á opinberu eyðublaði fyrir
kauptilboð sé gert ráð fyrir að vextir reiknist frá
þeim tíma sem kauptilboð er samþykkt. Orfáir
kaupendur hafi fundið að þessu, talið sig vera að
greiða vexti aftur í tímann, en sæst á fyrirkomu-
lagið. Telur hann að þetta fyrirkomulag hljóti að
hafa verið tekið upp til að létta framkvæmd hús-
bréfaviðskiptanna.
Vegna þess ianga biðtíma sem verið hefur eftir
húsbréfum síðari hluta þessa árs hefur þetta
vandamál orðið meira áberandi. Afhending íbúða
hefur dregist vegna þess að húsbréfadeildin hefur
ekki haft heimild í lánsíjárlögum til að gefa út
húsbréf. Dæmi eru um að fyrsti gjalddagi bréf-
anna sé að nálgast þó íbúðin hafi ekki verið af-
hent en Sigurður Geirsson segir að húsbréfadeild-
in reyni þá að koma til móts við óskir manna um
að fresta afborguninni til næsta gjalddaga.
Niðurstaða embættismanna Hafnarfjarðar um fjármál listahátíðar
Stj órn tjáir sig síðar
GUNNAR Gunnarsson, stjórnarfor-
maður Listahátíðar í Hafnarfirði
hf., vill ekki tjá sig um þá ályktun
bæjarlögmanns og -endurskoðanda
í Hafnarfirði að stjórnin beri fulla
ábyrgð á óreiðu í bókhaldi hátíðar-
innar. „Stjórn Listahátíðar mun
funda um málið þegar bæjarráð
hefur tekið ákvörðun um framgang
þess,“ sagði Gunnar við Morgun-
blaðið í gær.
Gunnar sagði að skýrslan hefði
enn ekki verið lögð fram og hann
hefði ekki séð hana en hins vegar
setið fundi með bæjarlögmanni og
bæjarendurskoðanda vegna máis-
ins. Málið tæki ákveðna stefnu eft-
ir fund bæjarráðs og í framhaldi
af því muni stjórnin ræða það. Á
þessu stigi væri ekkert segja um
málið.
Vinnubrögð gagnrýnd
Ingvar Viktorsson, oddviti al-
þýðuflokksmanna í bæjarstjórn
Hafnarfjarðar, gagnrýndi í samtali
við Morgunblaðið í gær vinnubrögð
meirihluta bæjarstjórnar í málinu
og segir margt benda til að bæjar-
stjóri hafi gefið bæjarráði rangar
upplýsingar. Margnefnd skýrsla
hafi átt að vera tilbúin á fimmtudag
í fyrri viku og aftur á síðastliðinn
fimmt.udag en þá hafi bæjarstjórn
verið tjáð að svo væri ekki. „Það
er ljóst að skýrslan var tilbúin fyrir
síðasta fund. [Á föstudag] voru all-
ir fjölmiðlar komnir í málið. Það eru
furðuleg vinnubrögð að bæjarfull-
trúar og bæjarráðsmenn fái ekki
að sjá skýrsluna, sem þeir fóru fram
á að yrði gerð, áður en málið var
sett i fjölmiðla og það er alvarlegt
mál ef bæjarstjóri hefur sagt ósatt.“
Ingvar sagðist ekki tjá sig um
þær niðurstöður skýrslunnar sem
fram hafa kömið i fjölmiðlum fyrr
en eftir bæjarráðsfund á mánudag.
► 1-48 .
Barnið mitt er fíkiil
►Hvenær teljast böm fíklar?
Þessari spurningu og mörgum
fleiri er varpað fram í viðamikilli
úttekt á áfengis- og agavandamál-
um barna og unglinga, þar sem
því er m.a. haldið fram að stefna
stjómvalda sé óljós meðan þetta
samfélagsmein verður æ ógnvæn-
legra. Meðferðarmál séu í molum
og þekkingarleysi fagaðila of al-
gengt.
/10
Martröð Clintons
►Þingmeirihluti bandarískra
demókrata í hættu. Repúblíkanar
munu treysta stöðu sín í báðum
deildum Bandaríkjaþings eftir
kosningarnar á þriðjudag skrifar
Karl Blöndal, fréttaritari Morgun-
blaðsins í Bandaríkjunum. /14
Kveðja frá annarri
strönd
►Úr nýjum bókum Hörpuútgáfan
hefur gefið út sögu Halldóru Briem
eftir Steinunni Jóhannesdóttur.
/18
Heppni og útsjónar-
semi
►í Viðskiptum og atvinnulífi á
sunnudegi er að þessu sinni rætt
við Jón Júlíusson, kaupmann og
athafnamann, sem oftast er
kenndur við Nóatún./20
B
► 1-28
Fyrsti forsetinn
►Þrír stuttir kafiar úr ævisögu
Sveins Bjömssonar forseta eftir
Gylfa Gröndall,2
Eftirlæti pönkarans
►Ein helsta hljómsveit íslenskrar
rokksögu var Hinn íslenski þursa-
flokkur sem fléttaði saman þjóð-
legum stemmum og framsæknu
rokki.5
Að lifa og hrærast í
sagnfræði
► Bergsteinn Jónsson prófessor í
sagnfræði lítur yfír farinn veg. G
Öld fíflsinS
►Hugsuðurinn og rithöfundurinn
Gunnar Dal kemur víða við í sam-
ræðum sínum við Hans Kristján
Ámason í nýútkominni bók undir
heitinu Að elska er að lifa.10
Klif rað í klettum
►Það heyrir fortíðinni til að klet-
taklifur sé íþrótt sem aðeins fáir
útvaldir sérvitringar stundi. /14
BÍLAR______________
► 1-4
Fiat Punto
►Valinn bíli ársins í Danmörku./l
Skoda Felicia
►Jóhannes Tómasson var í Prag
og fékk forsmekkinn af arftaka
Favorit./2,3
FASTIR ÞÆTTIR
Fréttir 1/2/4/6/bak Skák 36,3b
Leiðari 24 Velvakandi 36
Helgispjall 24 Fólk i fréttum 38
Reykjavíkurbréf 24 Bíó/dans 40
Minningar 26 íþróttir . 44
Myndasögur 34 Útvarp/sjónvarp 46
Bréf til blaðsins 34 Dagbók/veður 47
ídag 36 Gárur 6b
Skop 36 Mannlifsstr. 6b
Brids 36 Kvikmyndir 12b
Stjömuspá 36 Dægurtónlist 13b
INNLENDAR FRÉTTIR:
2—4—8—BAK
ERLENDAR FRÉTTIR:
1-6