Morgunblaðið - 06.11.1994, Blaðsíða 22
r
22 SUNNUDAGUR 6. NÓVEMBER 1994
MORGUNBLAÐIÐ
KVIKMYNDIR/Sambíóin hafa tekið til sýninga myndina Bad.Girls, Villtar Stelp-
. ■ — ■
ur, kúrekamynd með kvenhetjum. I aðalhlutverkum eru Madeleine Stowe, Mary
Stuart Masterson, Andie McDowell og Drew Barrymore.
Útlæerar
ogill-
skeyttar
CODY (Madeleine Stowe)
rekur fyrirtæki í elstu
atvinnugreininni og býr í
villta vestrinu. Hjá henni
starfa Anita (Mary Stuart
Masterson), Lilíy (Drew Bar-
i-ymore) og Eileen (Andie
MacDowell). Þær eru af ólíku
sauðahúsi en eiga flestar það
sameiginlegt að hafa orðið
undir í hörðum frumbýlis-
heimi villta vestursins, sem
gerði áform þeirra að engu
og neyddi þær út í þennan
bissness. Þær taka því eins
og hvetju öðru hundsbiti og
en bíða færis á að komast í
burtu frá misjafnlega ógeð-
felldum kúnnunum og hefja
nýtt líf. En draumnum er
tefit í tvísýnu þegar einn
góðan veðurdag kúnni nokk-
ur gengur í skrokk á einni.
stúlkunni. Aðrar koma til
hjálpar og kúnninn geldur
fyrir með lífi sínu. Samfélag-
ið í hóruhúsi Cody leysist upp
þegar einn þeirra er hent í
fangelsi þar sem hennar virð-
ist ekkert bíða nema gálginn.
Við bætist að varasjóðnum
sem stúlkumar höfðu safnað
til þess að gera sér kleift að
hefja nýtt líf er stolið. Nú
er að duga eða drepast og
hórurnar fjórar ákveða að
láta ekki traðka á sér leng-
ur. Þær ákveða að gerast
útlagar, frelsa Cody úr fang-
elsi, ríða úr bænum með
byssur á mjöðm og hefja leit
að týnda fjársjóðinum og
þeir sem ætla að standa í
vegi þeirra skulu fá að gjalda
það dýru verði.
{ Hollywood hafa verið
framleiddar þúsundir mynda
um útlaga í villta vestrinu. í
nokkrum þeirra hefur ein og
ein kona verið innan um alla
strákana en hver minnist þess
að áður hafi verið gerð mynd
um útlagaflokk fjögurra
harðsvíraðra kvenna sem ríða
um héruð og vega mann og
annan án þess að blikna?
Þrátt fyrir það að stelpurnar
séu í aðalhlutverkum leggja
aðstandendur myndarinnar
áherslu á að fyrir þeim hafí
öðru fremur vakað að gera
ekta vestra og leikstjórinn
Jonathan Kaplan segist hafa
sótt mikið í smiðju sinna
frægu forvera John Ford,
Sam Peckinpah en þó einkum
Sergio Leone, meistara spag-
hettívestranna.
Afraksturinn er enda sá
að í bandarísku dagblaði sem
fjallaði um myndina var Cody,
sem Madeleine Stowe leikur,
valin einkunnin „Clint
Eastwood með brjðst" til að
undirstrika það að hórurnar
fjórar eru ekki pempíur held-
ur harðjaxlar.
Af öllum körlunum í Holly-
wood var Jonathan Kaplan
manna líklegastur til að fá
að leikstýra mynd eins og
þessari. Hann er þekktastur
fyrir myndirnar The Accused,
þar sem Jodie Foster fór á
kostum í aðalhlutverki fórn-
arlambs nauðgunar og hlaut
óskarsverðlaun fyrir og þá
stýrði hann Love Fields sem
færði Michelle Pfeiffer ósk-
arsverðlaunatilnefningu.
Þetta hefur þótt sýna að
Kaplan sé einn þeirra sjald-
séðu karla í kvikmyndaborg-
inni sem getur búið til mynd-
ir þar sem konur gegna veiga-
meira hlutverki að vera yfír-
borðskenndar týpur og frem-
ur hluti af sviðsmyndinni en
sögunni.
En voru þá engar konur í
leikstjórastétt sem hefði verið
nær að fela verkefnið? Vissu-
lega, og þá leiðina átti að
fara í fyrstu. Upphaflega var
Bad Girls verkefni sem
Tamra Davis, séu sem leik-
stýrði Guncrazy þar Drew
Barrymore var í aðalhlut-
verki, bar ábyrgð á. Eftir að
tökur voru hafnar undir henn-
ar stjóm fór hins vegar allt
í hund og kött. Tamra hafði
ekki áður unnið fyrir kvik-
myndaver á borð við Fox og
áætlanir hennar stóðust ekki.
Hún var ekki vön að vinna
með stjömum á borð við þær
sem prýða myndina og Ka-
plan segir í dag að hún hafí
í áætlunum sínum m.a. van-
metið hégómleikaþáttinn sem
sé óhjákvæmilegt að taka inn
í myndina þegar Hollywood-
stjömur eru annars vegar.
T.a.m. hafi hún ekki verið
reiðubúin til að ætla nægilega
langan tíma í förðun og snyrt-
ingu daglega og fyrir vikið
hafí soðið upp úr. Leikkon-
umar fjórar hafa í blaðavið-
tölum lýst því að mórallinn
hafí verið orðinn óþolandi og
fólk hafí varla getað talast
við.
Þegar tökur höfðu staðið í
nokkrar vikur og búið var að
moka jafnvirði um 700 millj-
ónum íslenskra króna í hítina
án þess að nokkuð virtist
geta gengið eins og ætlast
var til var framleiðendum
hins vegar nóg boðið. Tamra
Davis var rekin og fram-
leiðsla myndarinnar stöðvuð
í þijár vikur. Fjárfestingin var
í hættu og því varð að hafa
snör handtök ef ekki átti illa
að fara. Kaplan var á lausu
og virtist kjörinn í hlutverkið.
Hann tók það að sér og byxj-
aði á því að fara vandlega
yfir handritið og heimta ýms-
ar breytingar.
Hann leit á þetta sem ein-
stakt tækifæri fyrir sig til
þess að gera vestrann sem
hann hafði alitaf dreymt um
að gera í anda meistaranna
sem fyrr voru nefndir og því
ákvað hann að skerpa á ýmsu
í myndinni og m.a. gera það
sem Tamra Davis hafði lagt
minna upp úr og það var að
hafa hin hefðbundnu vestra-
element á sínum stað í mynd-
inni. Útlagar verða að geta
setið hest og gert kúnstir á
• baki, dregið upp byssumar
skjótar en andstæðingurinn
og skotið af nákvæmni sem
CLINT Eastwood með brjóst sagði gagnrýnandi nokkur um Cody (Madeleine Stowe),
sem hér er leidd í gálgann í myndinni Bad Girls, Villtum stelpum.
vondum mönnum er sjaldan
gefín í kvikmyndum. Því taldi
Kaplan útilokað að hægt yrði'
að breyta gleðikonunum í trú-
verðuga útlaga nema leikkon-
umar yrðu sendar í reiðskóla
og fengju þjálfun í kúreka-
og útlagalistum.
Eftir þriggja vikna þjálfun
undir stjóm áhættuleikarans
Walter Scotts, sem var að-
stoðarleikstjóri Kaplans, vom
Stowe, Masterson, Bar-
iymore og MacDowell orðnar
færar í flestan sjó í kúnstum
villta vestursins og voru
meira að segja flestar hveijar
famar að geta talast við. Upp
úr því fór allt að ganga í
haginn við gerð myndarinnar.
Leikkonumar fjórar hafa
allar getið sér gott orð í kvik-
myndaheiminum undanfarin
ár en eiga þó fátt sameigin-
legt á ytra borðinu. Sú yngsta
þeirra, Drew Barrymore, sem
er aðeins 20 ára, á lengstan
feril að baki; debuteraði á
hvíta tjaldinu bamung í Alte-
red States eftir Ken Russel
og varð bamastjama þegar
hún lék í mynd E.T, vinsæl-
ustu mynd allra tíma þar til
Spielberg sló sjálfum sér við
með Jurassic Park.
Drew, sem er sonardóttir
Ieikarans fræga John Barry-
more, beið síðan leið flestra
bamastjama; sú að hverfa
af sviðinu og þurfa að sætta
sig við höfnun eftir alla at-
hyglina sem E.T. hafði fært
henni. Hún leiddist í óreglu,
fór að reykja 9 ára, drakk
og reykti marijúana 12 ára
og var komin í kókaín um
fermingu. Stelpan hefur verið
að ná áttum undanfarin ár
og hefur fengið tækifæri tii
að sanna sig á hvíta tjaldinu
á nýjan leik. Síðast sást hún
í kvikmyndahúsum hér í Poi-
son Ivy sem er nýj-
asta mynd hennar
ásamt Guncrazy
sem fyrr var getið og
færði henni Golden Globe-til-
nefningu. Undanfarin ár hef-
ur hún leikið í Irreconcilable
Differences, Firestarter,
Cat’s Eye, See You in the
Moming og Far From Home.
Þá lék hún í sjónvarpsmynd
hlutverk hjónadjöfulsins ill-
ræmda Amy Fisher (sem drap
eiginkonu Joey Buttofuoco
eins og frægt varð í Ameríku)
og hefur ieikið í sjónvarpsser-
íunni 2000 Malibu Road.
Andie MacDowell hafa
tugþúsundur íslendinga séð í
bíó undanfama mánuði í Four
Weddings and a Funeral þar
sem hún er í hlutverki kon-
unnar setur líf piparsveinsins
sem Hugh Grant leikur á
annan endann. Þar áður lék
hún á móti Bill Murray í einni
best heppnuðu gamanmynd
síðasta árs, Groundhog Day,
og í mynd Robert’s Altmans,
Short Cut. Andie MacDowell
var fyrirsæta í fremstu röð
þegar heni bauðst árið 1984
hlutverk í Tarzan-mynd Hugh
Hudsons, Greystoke; The
Legend of Tarzan, Lord of the
Apes og skömmu síðar lék
hún í St. Elmo’s Fire. Flestar
myndir MacDowell, fram að
Bad Girls, hafa gengið vel í
gagnrýnendur og áhorfendur,
og auk þeirra sem fyrr voru
taldar má nefna „sex, lies and
videotape," eftir Steven
Soderbergh, sem færði henni
Golden Globe-tilnefningu eins
og hlutverk hennar á móti
Gerard Depardieu í mynd
Peters Weirs, Green Card.
Henni brá fyrir í mynd Alt-
mans, Player, og lék nýlega
á móti Liam Neeson í mynd-
inni Deception. Þá lék hún á
móti Bruce Willis í Hudson
Hawk og John Malkovich í
The Object of Beauty.
Mary-Stuart Masterson á
að baki hefðbundnri leiklist-
arferil en stöllur hennar. Hún
er meðlimur í hinu fornfræga
Actors’ Studio í New York,
þar sem ótrúlega margir af
fremstu kvikmyndaleikurum
Bandaríkjanna hafa komið
við, og hefur átt að fagna
velgengni á sviði. Margir
minnast hennar sjálfsagt úr
myndinni um Steikta græna
tómata og þar áður úr At
Close Range með Sean Penn
og Christopher Walken. Síð-
ast sást hún í kvikmyndahús-
um hér á landi í Benny and
Joon fyrr á árinu en þar lék
hún á móti Johnny Depp.
Um þessar mundir er að
LILLY (Drew
Barrimore) er ekkert
lamb að leika sér við
með Colt-byssu í
hvorri hendi.
koma í kvikmyndahús mynd-
in Radioland Murders þar sem
hún leikur aðalhlutverkið á
móti manni sem heitir Brian
Benben.
Benben þessi er einmitt
eiginmaður aðalleikkonu Bad
Girls, Madeleine Stowe. Mad-
eleine er dæmi um leikkonu
sem fær óvænt tækifæri til
að slá í gegn og tekst að
nýta sér það. Hún var ný-
hætt háskólanámi í Kalifomíu
og farin að stússa í kringum
leikhús þegar hún hitti um-
boðsmann leikarans Richard
Dreyfuss, sem hreifst víst
einkum af göngulagi hennar
og bauð henni samning. Þetta
var snemma á síðasta áratug.
Það var því kannski engin
tilviljun að Dreyfuss var í
aðalhlutverki fyrstu kvik-
myndar sem Madeleine fékk
hlutverk í. Sú hét Stakeout
og var gerð 1988. Stowe lék
einnig í framhaldsmyndinni
Another Stakeout og á móti
Jack Nicholson í The Two
Jakes. Síðan vann hún fyrir
Robert Altman í Short Cut
og hlaut viðurkenningu fyrir
það aukahlutverk. Með Jonat-
han Kaplan, leikstjóra Bad
Girls, vann hún að gerð
myndarinnar Unlawful
Entry. Þar var hún í aðalhlut-
verki eins og í Blink, sem
sýnd var hér nýlega, en stóra
tækifærið hennar og það sem
gerði að verkum að farið var
að tala um hana sem stjömu
var stærsta kvenhlutverk
myndarinnar um Síðasta mó-
híkanann þar sem Daniel
Day-Lewis var í aðalhlut-
verki. Madeleine er víst frem-
ur einræn og féll ekki vel inn
í hópinn sem stóð að Bad
Girls en hins vegar er hún
sú sem ætti að vera best á
heimavelli í Villta vestrinu því
hún á tvo búgarða, annan í
Kalifomíu og hinn í Texas
og þar kann hún best við sig
að sögn á hestbaki; brenni-
merkjandi og geldandi kálf-
ana sjna.
Bad Girls er meðal fjöl-
margra mynda sem gerðar
hafa verið í ár og hafðar eru
til marks um að árið 1994
sé ár konunnar í Hollywood.
Árið 1993 átti að vera ár
konunnar en það var bara í
orði. Einu almennilegu kven-
hlutverkin það ár hlutu
Emma Thompson í Howard’s
End og Holly Hunter í Piano.
Feministum í Hollywood þyk-
ir það standa upp úr árinu
1993 þar á bæ að það
ár lék Demi Moore
konuna sem lét Robert
Redford kaupa sig fyr-
ir miHjón dollara í Indec-
ent Proposal. Um 1994
virðist ætla að gegna
öðru máli; Meryl Streep
leikur hasarhetju í Ri-
ver Wild, Kathleen
Tumer fer á kostum
í Serial Mom og
áfram mætti lengi
telja en til að
undirstrika það
að árið 1994 sé
hið raunverulega
ár konunnar, hið
fyrsta sem verðskuldi
það nafn í 20 ár, er
myndin Bad Girls —
fyrsti alvöruvestrinn um
konur — gjarnan nefnd.
Ekki er hins vegar víst
að hennar verði minnst
fyrir aðra hluti ef marka
má viðtökur — og þó.
Bandarísk blöð fullyrða
að áhrifa myndarinnar
muni fljótlega gæta í tlsku-
heiminum og vestin sem
útlagastelpumar fjórar
klæðast í myndinni eigi eft-
ir að skila sér inn í tísku-
verslanimar áður en langt
um líður.