Morgunblaðið - 09.11.1994, Blaðsíða 48
í
N G A
L«m
alltaf á
Miðvikudögnm
MORGUNBLAÐID, KRINGLAN I 103 REYKJAVÍK
SlMI 691100, SÍMBRÉF 691181, PÓSTHÓLF 3040 / AKUREYRI: HAFNARSTRÆTI 86
MIÐVIKUDAGUR 9. NÓVEMBER 1994
VERÐ í LAUSASÖLU 125 KR. MEÐ VSK
Landakotsspítali í mál
gegfn sjúkraliðum
Félagsdóm-
ur úrskurði
um vinnu í
verkfalli
ÞINGFEST var í gær mál fyrir
Félagsdómi, þar sem Landakots-
spítali krefst þess að sjúkraliðum
verði gert að virða skrá, þar sem
tíundaðir eru þeir sjúkraliðar á spít-
alanum, sem óheimilt er að gera
verkfall. Búist er við að málflutn-
ingur verði fyrir Félagsdómi á
föstudag.
Landakotsspítali vísar til laga um
kjarasatnninga opinberra starfs-
manna. í lögunum eru tilgreindir
þeir starfsmenn, sem ekki er heim-
ilt að gera verkfall og einnig er til-
greint að heimild til að gera verk-
fall nái ekki til þeirra, sem starfa
við nauðsynlegustu öryggisgæslu
og heilbrigðisþjónustu. Gert er ráð
fyrir að skrá yfír þá, sem falla und-
ir þennan lið, sé birt opinberlega.
Hinn 3. nóvember sl., eða á fímmtu-
dag í síðustu viku, birtist slík skrá
frá St. Jósefsspítala, Landakoti, í
B-hluta Stjórnartíðinda.
Svo tekið sé dæmi úr skránni er
þar gert ráð fyrir að á hjúkrunar-
deildum, þar sem nú starfa 36
sjúkraliðar í 26 stöðum, starfí 23
sjúkraliðar í 18,3 stöðum í verkfalli
og á barnadeild, þar sem nú starfa
9 sjúkraliðar í 6,3 stöðum, verði 4
einstaklingar í 3,5 stöðum í vinnu
í verkfalli.
Ósáttir við skrána
Sjúkraliðar eru ósáttir við skrá
Landakotsspítala og hafa ekki viljað
samþykkja hana. Þeir hafa vísað
spítalanum á undanþágunefnd fé-
lagsins, til að komast að samkomu-
lagi um neyðarþjónustu á meðan á
verkfalli stendur. Kristín Á. Guð-
mundsdóttir, formaður Sjúkraliða-
félags íslands, segir, að stofnanir
rjúki nú til með litlum sem engum
fyrirvara eftir að verkfall var boðað.
Slíkt sé ekki hægt að sætta sig við.
■ Samningar eru ekki/24
SH gerir út á túnfísk
frá Fílabeinsströnd
SÖLUMIÐSTÖÐ hraðfrystihús-
anna hefur ásamt indverskum fjár-
festum sett á stofn útgerðarfyrir-
tæki, sem gerir út tvö nótaskip,
sérsmíðuð til túnfískveiða.
Nýja fyrirtækið heitir Goodman
Shipping, en það rekur skrifstofu í
Abidjan á Fílabeinsströndinni í
Vestur-Afríku. Skipin tvö, sem
Goodman Shipping gerir út, eru
milli 64 og 69 metra löng, stærra
skipið er 1.150 tonn að stærð en
hið minna um 950 tonn. Enn sem
komið er, eru þau með franskri og
afrískri áhöfn, en reiknað er með
að íslenzkir skipstjórar taki við þeim
innan fárra mánaða.
Að sögn Jóns Ingvarssonar,
stjórnarformanns SH, er hér um
að ræða verkefni, sem á sér alllang-
an aðdraganda. í október á síðast-
liðnu ári gerði SH samstarfssamn-
ing við Indveija um uppbyggingu
útgerðar og vinnslufyrirtækis á Ind-
landi, en segja má að þetta sé fyrsta
skrefíð í þá átt. „Við höfum ákveð-
ið að fara varlega í þetta verkefni,
en lítum á þessi fyrstu skref sem
ákveðna tilraun, sem taka beri hlið-
sjón af, þegar næstu skref verða
ákveðin. Fyrirtækinu er stjórnað
af íslendingum og við hjá SH teljum
þetta tímamót í íslenzkri útgerðar-
sögu,“ segir Jón Ingvarsson.
Að sögn hans eru skipin nú að
veiðum nálægt miðbaug suður af
Afríkuríkinu Líberíu. Veiði hefur
verið fremur dræm síðustu dagana,
en búizt er við aukinni fískigengd
á næstu vikum.
■ SH hefur hafið/B2
Hátt uppi
NÚ er verið að leggja síðustu
hönd á endurbætur á Þjóðminja-
safninu utanverðu og næstu daga
hverfa vinnupallarnir sem verið
hafa við húsið síðustu þrjú ár eða
frá því framkvæmdir hófust. Að
sögn Þórs Magnússonar, þjóð-
minjavarðar, er enn mikið verk
óunnið við endurbætur innan-
dyra, en ekki útlit fyrir að það
verk hefjist á næstunni og varla
verði miklar framkvæmdir á
næsta ári vegna fjárskorts, þar
sem Iitlum íjármunum sé varið
til viðgerða. Þór sagði að fram-
kvæmdirnar hefðu raskað starf-
seminni innanhúss talsvert, þar
sem taka hefði þurft sýningar
niður o g færa hluti til og pakka
niður. Myndin sýnir iðnaðarmenn
ganga frá kanti á þaki Þjóðminja-
safnsins í gær.
Morgunblaðið/Kristinn
Irving Oil sækir um lóðir
undir átta bensínstöðvar
Engar lausar lóðir í Reykjavík
ætlaðar slíkri starfsemi
Minnst
verðbólga
á Islandi
ÍSLENDINGAR búa nú við
minnstu verðbólgu allra þjóða
á Evrópska efnahagssvæðinu.
Á tímabilinu september 1993
til september 1994 mældist
hún 0,7% hér á landi en var
að meðaltali 3% í ríkjum Evr-
ópusambandsins. Var verð-
bólgan 1,6% í Frakklandi, 2,2%
í Lúxemborg, 2,2% í Danmörku
og 2,4% í Bretlandi.
Samkvæmt nýjum útreikn-
ingum Hagstofu Islands hefur
verðlag hér á landi hjaðnað um
0,1% sl. 12 mánuði. Vísitala
framfærslukostnaðar lækkaði
um 0,1% í nóvember frá
mánuðinum á undan vegna
verðlækkana á grænmeti og
dilkakjöti en þar á móti vógu
hækkanir á dagblöðum og
hækkun húsnæðiskostnaðar.
■ Verðhjöðnun/14
KANADÍSKA fyrirtækið Irving Oil
Ltd. hefur sótt um lóðir undir
bensínstöðvar í Reykjavík. Sam-
kvæmt minnispunktum aðstoðar-
forstöðumanns Borgarskipulags,
hefur fyrirtækið hug á að reisa
a.m.k. átta bensínstöðvar á höfuð-
borgarsvæðinu. Engar lóðir eru
fyrir hendi í Reykjavík, sem ætlað-
ar eru undir slíka starfsemi. Á
fundi borgarráðs í gær var sam-
þykkt að vísa erindinu til Borgar-
skipulags.
I erindi Othars Arnar Petersens,
umboðsmanns Irving Oil Ltd. á ís-
landi, til Borgarskipulags segir að
fyrirtækið hafi í hyggju að hefja
rekstur olíufélags á Islandi í náinni
framtíð. Þess vegna sé óskað eftir
að hið fyrsta verði úthlutað nokkr-
um lóðum til fyrirtækisins undir
bensínstöðvar í Reykjavík eftir nán-
ara samkomulagi.
Meðalstórar stöðvar
Með umsókninni fylgja upplýs-
ingar um fyrirtækið þar sem bent
er á að ísland sé á norðlægum slóð-
um eins og þeim sem fyrirtækið
hefur þjónað. Þá séu þeir staðir sem
fyrirtækið hefur þjónað líkir ís-
lenskum bæjum og þorpum og
starfsmenn því kunnir aðstæðum á
smærri stöðum. Forsvarsmenn fyr-
irtækisins hafí ákveðið að hasla sér
völl á íslandi og því sé nauðsyn á
aðstöðu fyrir starfsemina.
í minnispunktum Bjarna Reyn-
arssonar, aðstoðarforstöðumanns
Borgarskipulags, kemur fram að
fulltrúar Irving Oil hafí hug á að
byggja að minnsta kosti átta bens-
ínstöðvar á höfuðborgarsvæðinu.
Um sé að ræða meðalstórar bensín-
stöðvar miðað við bandarískar
stöðvar, þar sem boðið er upp á
ýmsar vörur tengdar bílaþjónustu
og fleira.
Fulltrúar Reykjavíkurborgar
sýndu fulltrúum fyrirtækisins stað-
setningu núverandi olíustöðva í
borginni og kynntu aðalskipulag
Reykjavíkur. Bent var á að sam-
kvæmt íslenskum skipulags- og
byggingarlögum mætti ekki byggja
afgreiðslustöðvar fyrir olíu- og
bensín, nema þar sem skipulag
ákvæði. Þá var upplýst að ekki
væru til staðar lóðir í Reykjavík,
sem ætlaðar væru undir bensín-
stöðvar. Jafnframt að átta vikur
tæki með auglýsingu að breyta
formlega landnotkun. Þá segir að
á Aðalskipulagi Reykjavíkur 1990-
2010 falli bensínstöðvar undir land-
notkunarflokkinn verslun og þjón-
ustu.
Niðurstaða fundarins varð sú að
fulltrúar fyrirtækisins kæmu til
Borgarskipulags óskum og/eða
hugmyndum um lóðir fyrir bensín-
stöðvar. Jafnframt myndi Borgar-
skipulag kanna mögulega staðsetn-
ingar á nýjum bensínstöðvum.