Morgunblaðið - 07.12.1994, Blaðsíða 14
14 MIÐVIKUDAGUR 7. DESEMBER 1994
MORGUNBLAÐIÐ
Framsóknarflokkur Norðurlandi eystra
Jóhannes Geir
stefnir ofar
Frambjóðendur valdir á aukakjör-
dæmisþingi á Húsavík
FRAMSOKNARMENN velja fram-
bjóðendur í sjö efstu sæti lista
flokksins í Norðurlandskjördæmi
eystra fyrir næstu kosningar á
aukakjördæmisþingi sem haldið
verður á Hótel Húsavík nk. laugar-
dag. 23 gefa kost á sér í framboð.
Jóhannes Geir Sigurgeirsson þing-
maður og Guðmundur Stefánsson
varaþingmaður stefna að hækkun
á listanum og nýir frambjóðendur
sækjast eftir sætum ofarlega.
Þingmenn gefa
áfram kost á sér
Þingmenn flokksins í kjördæm-
inu, Guðmundur Bjarnason, Val-
gerður Sverrisdóttir og -Jóhannes
Geir Sigurgeirsson, gefa kost á sér
áfram. Jóhannes Geir segist stefna
að öruggu sæti. Vegna ákvæða í
kosningalögum færist eitt þingsæti
af Norðurlandi eystra á Reykjanes
í næstu þingkosningum og verða
því kosnir fimm þingmenn úr kjör-
dæminu í stað sex, auk uppbótar-
sætis.
Jóhannes er einmitt 6. þingmað-
urinn og segir hann að 3. sætið á
lista Framsóknarflokksins geti
ekki talist öruggt þingsæti. „Ég
hef hins vegar ekki gefið það út
að ég sækist sérstaklega eftir öðru
af tveimur efstu sætunum af þeim
ástæðum að ég má helst ekki nefna
1. sætið vegna þess að þá er ég
kominn í samkeppni við varafor-
mann flokksins og ekki heldur 2.
sætið því þá er ég að fella konu,“
segir Jóhannes.
Fjöldi nýrra frambjóðenda
Guðmundur Stefánsson, fyrsti
varaþingmaður flokksins, segist
stefna að kjöri í 3. sætið en hann
skipaði það fjórða síðast. Einhveij-
ir af nýju frambjóðendunum stefna
á sæti ofarlega en hafa engu lýst
yfir opinberlega nema Ingunn St.
Svavarsdóttir, sveitarstjóri á Kópa-
skeri, sem gefur kost á sér í 2.-3.
sæti.
Aðrir frambjóðendur eru Elsa
Friðfinnsdóttir á Akureyri, Jón 111-
ugason í Mývatnssveit, Stefán
Eggertsson í Þórshafnarhreppi,
Gísli Sigurðsson í Ljósavatns-
hreppi, Jóhanna Valdimarsdóttir í
Eyjafjarðarsveit, Ásdís Eydal á
Akureyri, Haraldur E. Jónsson á
Raufarhöfn, Halldóra Jónsdóttiri í
Aðaldælahreppi, Þröstur Aðal-
bjarnarson í Öxarfjarðarhreppi,
Hulda Finnlaugsdóttir í Mývatns-
sveit, Helga Jónsdóttir á Ólafs-
firði, Sigurbjörg Jónsdóttir á Rauf-
arhöfn, Sara Hólm í Reykjahreppi,
Helga Eiríksdóttir á Dalvík, Gunn-
laugur Aðalbjarnarson í Reykjavík,
Kristín Torberg í Eyjafjarðarsveit,
Bjarni Aðalgeirsson á Húsavík og
Kristján Ólafsson á Dalvík.
Sentíum
í pöstkröfu.
5% staðgreiðsluafsláttur
OplO laugartíag frá kl. 10-18 OptB sunnutíag frá Irf. 13-17
Blað allra landsmanna!
- kjarni málsins!
LAIMDIÐ
Morgunblaðið/Silli
GUÐNI Halldórsson, safnvörður, afhendir Einari Njálssyni,
bæjarstjóra, fyrsta eintakið, en sitjandi eru höfundarnir, Sigur-
jón Jóhannesson og Jóhann Hermannsson.
• •
Ornefni og sögu-
minjar á Húsavík
Húsavík - Safnahúsið á Húsavík
hefur gefið út kortabók með skrá
yfir örnefni og söguminjar í Húsa-
víkurlandi og hefur Guðni Halldórs-
son, safnvörður, haft forgöngu um
þessa útgáfu. Um skráningu og rit-
stjórn bókarinnar sáu Siguijón Jó-
hannesson fyrrverandi skólastjóri
og Jóhann Hermannsson fyrrver-
andi skattstjóri.
Yfir 400 örnefni
Áður fyrr var nauðsynlegt að
þekkja kennileiti til að ná áttum
þegar engir vegir voru, kunna skil
á landamerkjum svo og vita deili á
svæðum þegar skipað var í fjárleit-
ir. Þótt nú séu breyttir tímar er
alltaf gott og oft nauðsynlegt að
þekkja örnefni.
í þessari bók eru yfir 400 ör-
nefni sem færð hafa verið inn á
loftmyndir, teknar á vegum Land-
mælinga íslands. Einnig prýða bók-
ina ljósmyndir af málverkum og
teikningum Jóhanns Björnssonar,
myndskera, af gömlum bæjum og
býlum á Húsavík.
Þessa dagana ganga konur úr
Kvenfélagi Húsavíkur í hús og selja
bókina jafnframt því sem hún er
seld á skrifstofu Safnahússins.
Upplagið er ekki stórt og eftir ára-
mótin mun bókin einungis fást
keypt hjá Safnahúsinu.
Þegar bókin var kynnt fyrir
blaðamönnum og bæjarstjóra af-
hent fyrsta eintakið þakkaði Einar
Njálsson, bæjarstjóri, Guðna safn-
verði fyrir hans mikla framtak við
útgáfu þessarar góðu og glæstu
bókar og allt það starf sem hann
væri að vinna að með því að gera
úr Safnahúsinu lifandi stofnun sem
jafnframt varðveitti gamla muni
sem ættu og segðu sína sögu.
Lions-
klúbbur-
inn Höfði
20 ára
Hofsósi - Á haustdögum hóf Lions-
klúbburinn Höfði sitt hefðbundna
vetrarstarf. í ár má segja að klúb-
burinn standi á vissum tímamótum
því 15. desember nk. eru tuttugu
ár liðin frá stofnun hans.
Markmið Lionshreyfingarinnar
er: Við leggum lið og vissulega
hafa klúbbfélagar lagt góðum mál-
' um lið á starfssvæði klúbbsins, eft-
ir því sem mögulegt hefur verið.
Lionsmenn hafa verið með margs-
konar fjáröflun í gegnum árin með
ýmiskonar sölu og eins hafa klúbb-
félagar tekið að sér að vinna alls-
konar verk. Öllu því fé sem klúbb-
félagar afla er varið til líknar- og
menningarmála, en félagsgjöld eru
hinsvegar notuð til að standa undir
rekstri klúbbsins. Lionsfélagar
hafa gegnum árin styrkt grunn-
skólana á svæðinu til tækjakaupa,
þá hefur heilsugæslunni á Hofsósi
og læknamóttökunni í Fljótum ver-
ið færð tæki að gjöf einnig hafa
þeir styrkt björgunarsveitina
Gretti.
20 félagsmenn
Þá ber að geta þess að annað
hvert ár hefur klúbburinn boðið
eldri íbúum á svæðinu í skemmti-
ferð um nágrannabyggðir og hafa
þær ferðir tekist mjög vel. En fé-
lagsstarf krefst vinnu og hafa fé-
lagar í klúbbnum kynnst því. Mikil
fækkun hefur orðið í frá því sem
mest var, flestir hafa félagar verið
37 en eru núna skráðir 20. En þó
að hafi fækkað í klúbbnum þá eru
þeir sem eftir eru ákveðnir í að
halda á lofti merki klúbbsins svo
sem verið hefur.
Formaður klúbbsins nú er Pálmi
Rögnvaldsson.
, , ' ' Morgunblaðið/Gísli Bogason
IBUAR Djúpavogs fjölmenntu við opnun nýja íþróttahússins.
Nýtt íþróttahús tekið í
notkun á Djúpavogi
Djúpavogi - Nýtt og glæsilegt
íþróttahús var tekið í notkun með
viðhöfn á Djúpavogi 1. desember
sl. Margt góðra gesta mætti við
opnunina, þ.á m. sveitarstjórnar-
menn úr nágrannasveitarfélögum
ásamt fulltrúum frá ýmsum íþrótta-
samtökum.
Ólafur Ragnarsson, sveitarstjóri,
rakti aðdraganda og byggingarsögu
hússins og kom fram í máli hans
að kostnaðaráætlun hafi að mestu
staðist og kostnaður við bygging-
una fullkláraða numið 93 milljónum
króna.
Salur íþróttahússins er 15x29 m
en undanfarin ár hefur kennsla far-
ið fram í sal slökkvistöðvarinnar,
sem er 64 fm og án búnings- og
baðaðstöðu, þannig að hér er um
mikla framför að ræða fyrir alla
íbúa staðarins.
Anna Bergsdóttir, skólastjóri
Djúpavogsskóla, rakti sögu íþrótta-
kennslu á staðnum, sem virðist
hafa verið með ýmsum hætti fram
að þessu. Margar góðar gjafir bár-
ust íþróttahúsinu í tilefni dagsins.
Það má með sanni segja að íbúar
staðarins geti verið stoltir af fram-
taki þessu, sem menn vilja að mestu
leyti þakka áræði sveitarstjórans,
Ólafs Ragnarssonar.