Morgunblaðið - 20.12.1994, Blaðsíða 1

72 SIÐUR B
291. TBL. 82. ÁRG. ÞRIÐJUDAGUR 20. DESEMBER1994 PRENTSMIÐJA MORGUNBLAÐSINS
Jimmy Carter til friðarviðræðna við Radovan Karadzic í Bosníu
Carter ber
lof á „friðar-
vilja“
Sar^jevo. Reuter.
JIMMY Carter, fyrrverandi forseti
Bandaríkjanfla, hrósaði Bosníu-
Serbum í gær fyrir „friðarvilja" sinn
og sagði, að málstaður þeirra hefði
verið affluttur og misskilinn. Tals-
maður Bandaríkjastjórnar vísaði
þessum ummælum hans á bug og
sagði, að það væru fyrst og fremst
Serbar, sem hefðu gerst sekir um
yfirgang og grimmdarverk í Bosníu.
Carter er í Bosníu í boði Radovans
Karadzics, leiðtoga Serba.
Carter segist ætla að vinna að
friði í Bosníu á grundvelli alþjóðlegu
friðaráætlunarinnar, sem Serbar
hafa hafnað, en vill þó ekki binda
sig við skiptinguna, sem þar er kveð-
Serba
ið á um, 51% til múslima og Króata
og 49% til Serba. Þeir ráða nú 70%
landsins og segjast ekki geta látið
neitt af hendi af efnahags- og hern-
aðarlegum ástæðum. Að sögn Cart-
ers buðu Serbar vopnahlé án tafar
og kváðust reiðubúnir að ræða áætl-
un fimmveldanna um skiptinguna.
Karadzic neitaði þessu í samtali við
CWAf-sjónvarpsstöðina í gærkvöldi.
Svikin loforð Serba
Carter fékk Serba til að leyfa
hjálparflug til Sarajevoflugvallar en
Alexander Ivanko, talsmaður gæslu-
liðs Sameinuðu þjóðanna, kvaðst
efast um að framhald yrði á því eft-
Reuter
JIMMY Carter, fyrrum Bandaríkjaforseti, og Radovan Karadzic,
leiðtogi Bosníu-Serba, takast í hendur fyrir viðræðurnar í Pale
í Bosníu í gær. Til vinstri stendur eiginkona Carters, Rosalyn.
ir að Carter færi en hann stefndi
að því í.3 fara í dag til Belgrad í
Serbíu til viðræðna við Slobodan
Milosevic forseta. Hafa Serbar ekki
staðið við nein af þeim loforðum, sem
voru skilyrði viðræðnanna, ef undan
er skilin opnun flugvallarins.
„Það eru Bosníu-Serbar, sem hafa
sýnt öðrum yfirgang í þessu stríði
og ég er viss um, að bandarískur
almenningur hefur fengið réttar
fréttir af því,“ sagði Dee Dee My-
ers, talsmaður Hvíta hússins, í gær
en ljóst er, að frumkvæði Carters
að þessu sinni mælist illa fyrir í
Bandaríkjunum. Lagði Myers
áherslu á, að Carter væri ekki á
vegum bandarískra stjórnvalda.
Talsmaður Bosníustjórnar var
afar ósáttur við yfirlýsingar Carters,
sagði þær bera vott um að hann
væri illa upplýstur.
Líða fyr-
ir syndir
forfeðra
Jerúsalem. The Daily Telegraph.
YFIRVÖLD trúmála í ísrael
neita að viðurkenna hjónaband
Massoud Cohen og Shoshana
Haddad, vegna synda sem sagt
er að forfeður konunnar hafi
drýgt fyrir 2.500 árum.
Astæðan er sú að meðlimir
Haddad-fjölskyldunnar, sem
flutti til ísraels frá Túnis,
kunna að vera afkomendur tún-
ísks gyðings, sem rekinn var
úr prestastétt fyrir að kvænast
fráskilinni konu en það er and-
stætt trúarreglum.
Massoud Cohen er af trúuðu
fólki og margir prestar í ætt
hans. Hann verður því að lúta
ströngum trúarreglum.
Cohen og Hassad fengu að
endingu rabbína til að fram-
kvæma hjónavígsluna en yf-
irrabbíninn í ísrael hefur hins
vegar ekki viðurkennt gifting-
una og njóta þau því engra
réttinda sem hjónum ber.
Umberto Bossi
Flokks-
bræðrum
lýst sem
„lúsum“
Róm. Reuter.
HARÐUR ágreiningur er kominn
upp innan Norðursambandsins, eins
af stjórnarflokkunum á Ítalíu, vegna
tilraunar Umbertos Bossis, leiðtoga
flokksins, til að koma Silvio Berlusc-
oni forsætisráðherra frá. Bossi lýsir
flokksbræðrum sínum sem ekki vilja
fella forsætisráðherrann sem „lúsum
og svínum“ í fréttabréfi sem birt var
í gær.
Bossi sagði að stjórn Berlusconis
væri búin að vera og sakaði forsætis-
ráðherrann um að hegða sér eins og
rómverskur keisari. Hörðust var
gagnrýnin þó á þá þingmenn Norður-
sambandsins sem leggjast gegn til-
raun hans til að fella stjórnina og
mynda nýja samsteypustjórn með
vinstri- og miðflokkum sem nú eru
í stjómarandstöðu. „Norðursam-
bandið hefur aldrei verið til sölu og
verður það aldrei, þótt sambandið,
eins og aðrir flokkar, hafi fengið til
sín tækifærissinnaðar lýs og svín,“
skrifaði hann.
Afgreiðsla fjárlaga tefst
Marcello Staglieno, næstáhrifa-
mesti forystumaður Norðursam-
bandsins í efri deild þingsins, sagði
í gær að 24 þingmenn flokksins í
efri deildinni og 60 af 100 í neðri
deildinni væru reiðubúnir að greiða
atkvæði gegn vantrauststillögunni.
Einn þeirra er Roberto Maroni inn-
anríkisráðherra.
Búist er við að vantrauststillög-
urnar verði ekki afgreiddar fyrr en
í fyrsta lagi á föstudag. Stefnt hefur
verið að því að neðri deild þingsins
afgreiði fjárlögin annað kvöld en lík-
legt er að töf verði á því.
Kákasusbúar rísi
upp gegri Rússum
Grosní, Moskvu. Reuter, The Daily Telegraph.
YFIRMAÐUR hers Tsjetsjena hvatti í gær þjóðirnar í öllu Kákasus til að
rísa upp gegn- Moskvuvaldinu og brjóta árás þess á bak aftur. Lauslegt
samband herflokka í Kákasushéruðum Rússlands hefur lýst því yfir að
kalli Rússar ekki her sinn á brott frá Tsjetsjníju muni verða efnt til al-
menns herútboðs gegn þeim. í gærkvöldi hvatti Dzhokar Dúdajev, leiðtogi
landsins, til viðræðna við Rússa en ekki er vitað hvort hann bauð vopnahlé.
Hart var barist skammt fyrir utan
höfuðstað Tsjetsjníju, Grosní, í gær
og herþotur reyndu án árangurs að
fella sjónvarpsturn borgarinnar.
Hershöfðingi í Tsjetsjníju hefur
neitað að hlýða fyrirskipunum frá
Moskvu og vitað er að mikil óánægja
er innan hersins með innrásina.
Aðstoðarráðherrann Valerí Vostrok-
ín undirhershöfðingi, gagnrýndi í
gær innrásina. Hann sagði að herinn
ætti ekki að gegna lögreglustörfum
og kalla bæri liðið á brott.
Umbótasinnar í Moskvu fordæma
yfirleitt aðgerðirnar en ekki er þó
einhugur meðal þeirra. Andrej Koz-
yrev utanríkisráðherra hefur ákveðið
að segja sig úr Valkosti Rússlands
vegna gagnrýni leiðtoga flokksins,
Jegors Gajdars, á stjórnina.
Brynvagnar hersins voru í gær
sendir til að styrkja varðstöðvar sem
lögreglan í Moskvu hefur komið sér
upp við helstu samgönguleiðir inn í
borgina en öryggisviðbúnaður hefur
verið efldur mikið. Óttast yfii’völd
að flugumenn Tsjetsjena reyni að
vinna hermdarverk.
■ Hæðast að Rússum/20
Reuter
Eftirmynd
Stonehenge
úr ísskápum
í TILEFNI þess að sumarsól-
stöður verða síðar í vikunni
á suðurhveli jarðar, tóku
nýsjálenskir listamenn sig
til og reistu nákvæma eftir-
mynd Stonehenge-minjanna í
Bretlandi, úr gömlum ísskáp-
um. A myndinni getur að líta
listamennina Sean Burke,
Adrian McGoverns og Gra-
eme Cairns við eftirmyndina
en talið er að frummyndin
Stonehenge hafi verið reist á
tímabilinu 2700-1490 f.Kr. og
notuð við helgiathafnir tengd-
ar sólardýrkun.