Morgunblaðið - 31.12.1994, Blaðsíða 11

MORGUNBLAÐIÐ
LAUGARDAGUR 31. DESEMBER 1994 11
FRÉTTIR
Halla Margrét Arnadóttir
I öðru sæti í söng-
keppni á Italíu
Halla Margrét Árnadóttir
sem fylgdu ítölsku söngvurun-
um í keppninni. Augljóst megi
vera að góðar viðtökur sem
söngvari fær, hafi sálfræðileg
áhrif á dómara, þótt að svo eigi
ekki að vera. „Ætli ég hefði
ekki bara hreppt fyrsta sætið
í keppninni, hefði ég haft ráð
á að smala handsterkum vinum
og kunningjum í salinn," bætir
Halla Margrét við í léttum dúr.
Halla Margrét lauk tækni-
legu söngnámi seinasta vor og
hefur haft ítalskan einkakenn-
ara síðan. Hún segir ekkert sér
að vanbúnaði að kljást við hinn
harða heim samkeppni sem ein-
kennir sönginn, og þótt að hún
muni vart syngja á Scala í
næstu viku, finni hún sterkan
nieðbyr, jafnt á Italíu sem á
Islandi, sem fylli sig bjartsýni.
HALLA Margrét Árnadótt-
ir sópransöngkona hreppti
fyrir skömmu annað sætið
í söngkeppninni Leon d’Or
í Bologna á Italíu ásamt
tveimur öðrum söngvurum.
Um 60 söngvarar hófu
keppni.
Halla Margrét söng aríu
eftir Rossini og kveðst
ánægð með bæði viðtökur
áhorfanda og dómara, sem
voru allir ítalskir. Leon
d’Or er alþjóðleg söng-
keppni og virt á ítalskan
mælikvarða en Halla Mar-
grét kveðst þó þekkja
dæmi þess að þeir sem beri
sigur út býtum í söng-
keppnum sem þessum, geti
hvorki tekið frægð né flóði
atvinnutilboða í kjölfarið
sem gefnum hlut. Aðrir
þættir ráði þar meiru, svo
sem iðni og heppni, þótt svo
að góður árangur í söngkeppn-
um sé ekki til trafala. Hún sé
þó búin að fá nokkur athyglis-
verð tilboð í kjölfar keppninn-
ar, sem hún muni kanna nánar.
Tók þátt til að herða sig
Halla Margrét kveðst ekki
hafa átt von á jafn góðum
árangri og raun ber vitni, því
helsti tilgangurinn með þátt-
töku sinni hafi verið að kynn-
ast því andrúmslofti sem ríkir
í söngkeppnum. Samkeppnin sé
þar allsráðandi og álagið meira
en t.d. á tónleikum, sem sé góð
reynsla og styrkjandi. Hún hafi
rennt að mörgu leyti blint í sjó-
inn, og til dæmis verið granda-
laus gagnvart fjölmennum
klappliðum vina og ættingja
TVÆR af þeim kynjaskepnum sem fram koma á sýningu Þjóð-
dansafélagsins, en myndin er tekin á æfingu.
Þjóðdansafélagiö
í Þjóðleikhúsinu
ÞJÓÐDANSAFÉLAG Reykjavíkur
heldur danssýnignu í Þjóðleikhúsinu
þann 10. og 11. janúar. Uppistaða
sýningarinnar á skírskotun í Bósa
sögu og Herrauðs, og segir Sigríður
Þ. Valgeirsdóttir, driffjöður sýning-
arinnar, að sett verði á svið dansleik-
urinn í höll Goðmundar á Glæsivöll-
um.
Alls taka um 40 félagar úr Þjóð-
dansafélaginu þátt í sýningunni, en
auk þeirra koma fram Kammerkór
og Kammersveit Langholtskirkju
undir stjórn Jóns Stefánssonar, en
stjórnendur sýningarinnar eru Sig-
ríður Þ. Valgeirsdóttir og Kolfinna
Sigurvinsdóttir.
Sigriður segir að sýningin skiptist
í tvo hluta. Fyrri hluti sýni dans-
skemmtun eins og þær voru á 14.
og 15. öld, en síðari hlutinn sýni
dansskemmtun á bænum Vík, eða
Reykjavík, um miðja 18. öld. Ýmsar
kynjaverur koma við sögu, en Sigríð-
ur segir að fyrr á öldum hafi verið
algengt að þær hafi sett svip á dans-
skemmtanir.
Hún segir að sýningin marki í
raun vinnu hennar sjálfrar síðastliðin
40 ár, en Sigríður hefur starfað með
Þjóðdansafélaginu í þann tíma. Br
sýningin nú árangur rannsókna
hennar á þessu sviði.
------♦--------
Þjónusta apótekanna
Næturvarsla í
Iðunnarapóteki
KVOLD-, nætur- og helgarþjónusta
apótekanna í Reykjavík dagana 30.
desember 1994 til 5. janúar 1995
er í Garðsapóteki, Sogavegi 108,
og Lyfjabúðinni Iðunni, Laugavegi
40a.
Nætur- og helgarþjónusta er í
Lyfjabúðinni Iðunni. 1 dag, gaml-
ársdag, verður Garðsapótek opið frá
9-12, en opið til 22 aðra daga.
Rangar upplýsingar voru um
þjónustu apótekanna í Morgunblað-
inu í gær.
AKUREYRI
A
UA framleiðir þorskbita fyrir Big Boys í Bandaríkjunum
Arðsemin eykst verulega
ÚTGERÐARFÉLAG Akureyringa
hóf fyrir skömmu framleiðslu á
þorskbitum fyrir fyrirtækið Big
Boys í Bandaríkjunum. Til fram-
leiðslunnar er notaður sá hluti
þorskflaksins sem áður fór í blokk
en með þessu móti fæst um 27%
hærra verð fyrir fiskinn. Áætlað er
að framleiðslan nemi til að byija
með 15 þúsund pundum á.mánuði,
en gert er ráð fyrir að tvöfalda það
magn er kemur fram á næsta ár.
Frá þessu er sagt i ÚA-fréttum,
sem komu út í gær. Þar kemur einn-
ig fram að þessi nýja framleiðsla
sé afrakstur mikils þróunarstarfs
sem hófst fyrir nokkrum árum í
kjölfar minnkandi sölu á hinni hefð-
bundnu fimm punda pakkningu, en
sú pákkning fagni senn hálfrar ald-
ar afmæli sínu.
Fimmtán þúsund pund
á mánuði
Útgerðarfélag Akureyringa í
samvinnu við Coldwater hefur leitað
leiða til að fá hærra verð fyrir þann
hluta hráefnisins sem ekki gengur
inn í flakapakkningar- og var gerð
tilraun til að skera þaú stykki niður
í 35-55 gramma bita og var prufa
send til Big Boys í Bandaríkjunum.
Big Boys rekur fjölda skyndibita-
staða og hefur lengi haft slíka bita
á boðstólum. Prufan frá ÚA var
samþykkt af þeirra hálfu þannig
að framleiðslan hófst af fullum
krafti í haust.
Framleiðslan nemur um 15 þús-
und pundum á mánuði en fyrirhug-
að er að tvöfalda magnið í mars-
mánuði og auka það enn meir síð-
ar. Jafnframt hefur þessi nýja vara
verið kynnt öðrum kaupendum og
lofa viðtökur góðu. Fyrir hvert pund
af þorskbitum fást 2,35 dollarar en
einungis 1,85 dollarar fyrir pundið
í blokkarpakkningunni. Mismunur-
inn er 50 cent á pundið eða 27%
þannig að um verulega aukna arð-
semi er að ræða.
Næg verk-
efni hjá
Slippstöð-
inni-Odda
NÆG verkefni eru hjá starfsmönn-
um Slippstöðvarinnar-Odda um
þessar mundir og útlitið nokkuð
bjart næstu vikur að sögn Brynjólfs
Tryggvasonar yfirverkstjóra.
Stærsta verkefnið er við uppsetn-
ingu rækjulínu um borð í Svalbak
EA, togara Útgerðarfélags Akur-
eyringa, en því verður væntanlega
lokið um miðjan næsta mánuð. Þá
var skömmu fyrir jól skipað upp
fiinm gámum sem innihéldu efni í
nýjan dráttarbát Akureyrarhafnar
sem á að heita Sleipnir. Smíði báts-
ins fer fram í Slippstöðinni-Odda
og sagði Brynjólfur hana vera kjöl-
festuverkefni stöðvarinnar næstu
þijá mánuði. Efnið var keypt í Hol-
landi, en báturinn verður 17 metra
langur. Auk smíði dráttarbátsins
er búið að bóka nokkur viðhalds-
verkefni hjá stöðinni þannig að
verkstjórinn sagði útlitið nokkuð
gott framundan. Þess bæri þó að
geta að starfsmenn væru nokkru
færri en var á sama tíma í fyrra
þegar þeir voru um 130 talsins en
er nú um 100.
Morgunblaðið/Rúnar Þór
KEA vill ketilhúsið
Sigurpáll
íþróttamaður
Norðurlands
SIGURPÁLL Geir Sveinsson kylfing-
ur í Golfklúbbi Akureyrar var valinn
íþróttamaður Norðurlands í kjöri sem
dagblaðið Dagur efnir til árlega en
þetta er í tíunda sinn sem íþrótta-
maður Norðurlands er valinn. Vern-
harð Þorleifsson júdómaður úr KA
varð í öðru sæti, Jón Arnar Magnús-
son fijálsíþróttamaður í þriðja sæti,
Einar Þór Gunnlaugsson torfæru-
aksturmaður í fjórða og Kristinn
Björnsson skíðamaður í því fimmta.
KAUPFÉLAG Eyfirðinga hefur
óskað eftir viðræðum við Akur-
eyrarbæ um leigu á svokölluðu
„ketilhúsi“ í Grófargili en sam-
þykkt hefur verið að kaupa um-
rætt hús á 15 milljónir króna.
Kaupfélagið vill leigja húsið í eitt
til þijú ár fyrir Þvottahúsið Mjöll,
en samkvæmt samningi um kaup
Akureyrarbæjar á húsinu á KEÁ
að rýma það og afhenda á sumri
komanda.
Meirihluti bæjarráðs samþykkti
á fimmtudag að taka upp viðræður
við forráðamenn KEA um tíma-
bundna leigu á húsinu.
Nota féð í annað
Sigríður Stefánsdóttir sem situr
í bæjarráði fyrir Alþýðubandalagið
telur að semja eigi um frestun á
kaupum fremur en leigu. í bókun
hennar í bæjarráði segir: „Ef
bæjarráð teystir sér ekki til að
koma „ketilhúsinu“ í notkun eins
og fyrirhugað hefur verið en KEA
telur sig þurfa á húsinu að halda
áfram, tel ég að fremur eigi að
semja um frestun á kaupum á
húsinu en leigu þess. Þær 15 millj-
ónir króna sem ætlaðar eru til
kaupanna á næsta ári mætti þá
nýta til annarra aðkallandi verk-
efna á sviði menningarmála.”
-----» » ♦-----
Tvær ára-
mótabrennur
TVÆR áramótabrennur verða á
Akureyri í kvöld, gamlárskvöld.
Önnur verður sunnan við
Réttarhvamm, á inóts við Möl og
sand, en hin á Bárufellsklöppum
þar sem áramótabrenna hefur ver-
ið áratugum saman. Krakkar úr
hverfunum í kring hafa safnað í
þá brennu í rúman mánuð.
Messur um áramót
AKUREYRARPRESTAKALL:
Guðsþjónusta á Dvalarheimilinu
Hlíð kl. 16.00 í dag, gamlársdag,
Kór aldraðra syngur. Aftansöngur
í Akureyrarkirkju kl. 18.00. Há-
tíðarguðsþjónusta á nýjársdag kl.
14.00. Hátíðarguðsþjónusta kl.
14.00 á Seli á nýjársdag.
GLERÁRKIRKJA: Aftansöng-
ur á gamlársdag kl. 18.00. Bern-
harð Haraldsson skólameistari
Verkmenntaskólans á Akureyri
flytur hugleiðingu. Hátíðarmessa
kl. 16.00 ánýjársdag. Michael Jón
Clarke syngur einsöng.
HJÁLPRÆÐISHERINN: Ára-
mótasamkoma kl. 23.00 á gaml-
árskvöld. Hátíðarsamkoma kl.
17.00 sunnudaginn 1. janúar, her-
mannavígsla. Söngstund á Skjald-
aivík, 3. janúar, kl. 16.00, jóla-
fagnaður Herfjölskyldunnar kl.
20.00 miðvikudaginn 4. janúar og
söngstund á Kristnesi fimmtudag-
inn 5. janúar kl. 15.00. Hin góð-
kunnu hjón Imma og Óskar verða
á Akureyri um hátíðarnar.
HVÍTASUNNUKIRKJAN:
Fjölskyldusamvera kl. 22.00 á
gamlárskvöld, farið verður í leiki,
drukkið kaffi og fleira. Nýjárs-
dagur kl. 15.30; hátíðarsamkoma,
ræðumaður Jóhann Pálsson.
GRENIVÍKURKIRKJA: Aftan-
söngur á gamlárskvöld kl. 18.00.