Morgunblaðið - 31.12.1994, Blaðsíða 25

MORGUNBLAÐIÐ
LAUGARDAGUR 31. DESEMBER 1994 25
frægum ljósleiðara sem lagður var
yfir fiskislóð Eyjamanna síðsumars.
Róbert segir að flestir þeir notend-
ur sem slegist hafi í hópinn undan-
farið séu fyrirtæki, líklega ríflega
helmingur þeirra sem tengst hafi í
þessum mánuði, en einnig sé mikið
um ungmenni sem viti ekkert og
kunni ekkert í tölvumálum. „Við
leggjum því mikla áherslu á þjón-
ustuna," segir Róbert, „því notendur
sem ekki eru tölvufróðir þurfa oft
ansi mikla aðstoð á meðan þeir eru
að komast af stað, meðal annars til
að fínna það sem þeir vilja, en þeir
eru flestir fljótir að læra grunnatrið-
in og koma sér upp rútínu, sem þeir
svo fylgja."
Öryggismál
Öryggismál á netinu hafa verið
mjög til umræðu og til að mynda
hafa margir áhyggjur af því að ef
þeir kaupi eitthvað á netinu og gefi
upp númer á greiðslukorti geti
óprúttinn komist yfir númerið og
nýtt í eigin þágu. Róbert segir að
vissulega sé slíkt tæknilega mögu-
legt í dag og það sé góður siður að
gefa ekki upp greiðslukortsnúmer
nema í beinu sambandi við fyrirtæk-
ið sem skipta á við, til að mynda
með símbréfi eða símtali. Hann seg-
ist þó aldrei hafa heyrt af því að
íslendingur hafi lent í slíkum
hremmingum og reyndar aðeins
óljósar spurnir af þessháttar frá
Bandaríkjunum. „Þó þetta sé mögu-
legt þá þarf tii þess mikla kunnáttu
og mjög góð sambönd og mér finnst
líklegt að sá sem hafi slíka'kunnáttu
og slík sambönd sé að fást við arð-
bærari vinnu en stela greiðslukorta-
númerum," segir Róbert og hlær.
Hann bætir síðan við af meiri alvöru
að á næstu grösum sé lausn á þessu
og segist reikna með að fyrir fyrsta
febrúar verði búið að búa svo um
hnútana að allt sem berist frá Mið-
heimum fari í „rugluðum" pökkum,
það er pökkum sem búið er að læsa
á þann hátt að móttakandi geti einn
lesið það sem í pakkanum er og
skilið það; fyrir öðrum sé það hreint
volapyk. Þetta tengist því verkefni
Miðheimamanna að koma upp bóka-
verslun á netinu; tölvubókaútibúi frá
Bóksölu stúdenta, þar sem hægt
verði að kynna sér bókaúrval, 1.600
titla alls, og kaupa bók snimmhend-
is lítist mönnum á, en þetta verður
fyrsta eiginlega verslunin á netinu,
þar sem öll viðskipti, nema afhend-
ing, fari fram í tölvu.
Reiknistofnun Háskólans
Reiknistofnun Háskólans hefur
boðið þeim sem vilja aðgang að net-
inu undanfarin ár og Douglas Brot-
chie, forstöðumaður stofnunarinnar,
segir að það sé í samræmi við þá
stefnu Háskólans að landsmenn allir
hafi aðgang að honum og sama gildi
um aðgang að Internetinu og bóka-
safni Háskólans. Þjónustan sé þó
aðallega ætluð háskólamönnum og
því lítil þjónusta veitt önnur en teng-
ingin sjálf. „Þessi þjónusta er ætluð
sérstökum notendahóp og við erum
ekki að markaðssetja hana og sækj-
umst í raun ekki eftir almennum
notendum þó þeir séu velkomnir, en
‘allir þurfa að greiða fyrir aðgang,
fast skrefagjald eftir því hversu not-
andi er lengi í netsambandi og síðan
geymslugjald, sem fer eftir því hve
mikið viðkomandi geymir inni á tölvu
Háskólans. Ég vil þó leggja áherslu
á að við erum ekki að keppa við
neinn og ef í ljós kemur að við erum
að undirbjóða einkafyrirtæki verður
gjaldskráin sennilega hækkuð, enda
er Háskólinn ekki fyrirtæki,“ segir
Douglas og bætir við að þar sem
95% notkunarinnar séu á vegum
háskólaborgara, sé almennum not-
anda lítið sinnt. „Ég tel affarasælast
QLAIM1
ÞEKKING-REYNSLAORYGGI
fyrir almennan notanda að leita til
einkaaðila,“ segir hann, „því þar fær
hann sérsniðna þjónustu og aðstoð."
Nýherji
Tölvufyrirtækið Nýheiji hefur
einnig boðið upp á aðgang að Inter-
netinu og Baldur Johnsen hjá Ný-
heija segir að notendur þar séu nú
eitthvað á annað hundraðið. Hann
segir að fram til þessa hafí aðgangur
verið seldur á 1.540 kr. á mánuði,
og ekkert gjald verið fyrir tengitíma,
en fýrirtækið hafi lagt út í töluverðar
íjárfestingar til að bæta þjónustuna,
auka hraðann og þess háttar og því
eigi þetta gjald eftir að hækka tals-
vert. „Við höfum farið rólega af stað
með þessa þjónustu og mótað hana
í rólegheitum, en stefnum á að auka
hana til muna í byijun ársins,“ segir
hann og bætir við að Nýheijamenn
horfi mikið til þjónustu fyrir fyrir-
tæki, sem byggist á alhliða þjónustu,
umsjón tenginga og öryggisþjónustu,
aukinheldur sem fyrirtæki geti þá
fengið upphringisamband, X25-tengi
eða jafnvel fastlínusamband, „en við
ætlum ekki að vanrækja einstaklings-
markaðinn“.
Baldur segir að sókn Nýheija inn
á Internet-markaðinn tengist ekki
síst því að fyrirtækið er að fara að
selja nýja útgáfu af stýrikerfinu
OS/2, Warp, en í því séu innifalin
ýmis Internettól, sem geri öll sam-
skipti og vinnu á netinu mun auð-
veldari og að öllu leyti sé betra að
eiga við slíkt samband í OS/2 en í
DOS óg/eða Windows. AS/400 um-
hverfíð getur nú einnig tengst Inter-
netinu og Baldur segir að þar opnist
ýmsir samskiptamöguleikar fyrir
þau fjölmörgu fyrirtæki sem byggja
rekstur sinn á þeim búnaði.
Framtíðarsýn
Internet dagsins í dag er eins og
stórborg þar sem finna má hvaðeina
sem hugurinn girnist ef þú á annað
borð ratar, því engin umferðarmerki
er þar að fínna og engin umferðar-
ljós og þar er engin löggæsla, enda
var kerfi byggt upp til að geta „lif-
að“ án eftirlits og miðstjórnar. Þetta
stjórnleysi, sem flýtt hefur út-
breiðslu kerfisins, gæti líka orðið
þróuninni íjötur um fót því í straumi
notenda inn á netið fljóta oft með
óprúttnir tölvuþrjótar. Því er mikil
umræða um öryggismál á netinu og
hvernig megi best tryggja að not-
andi get óhræddur farið inn á netið
í leit að skemmtun og/eða fróðleik
og átt viðskipti við þá sem honum
þóknast án þess að eiga á hættu að
lenda í klóm fjárplógsmanna eða þá
að einhver tölvuþijóturinn brjótist
inn á tölvuna hans og steli póstinum,
eða þaðan af verra. Ýmis fyrirtæki
hafa sérhæft sig í að setja upp það
sem á ensku kallast firewall, eða
eldvarnavegg, en líkja má við dyra-
vörð sem stöðvar alla umferð og
kannar hvert erindið sé, híort við-
komandi hafa aðgangsheimild, eða
hvort hann verði að bíða þess að
einhver hleypi honum inn, tekur við
pósti og kallar á aðstoð ef einhver
reynir að ryðjast inn. Ýmsar útgáfur
eru til að slíkum dyravörðum, þar á
meðal dyraverðir sem gefa þijótnum
upp rangar upplýsingar og elta hann
síðan uppi og komast að- netfangi
hans svo bregðast megi við á viðeig-
andi hátt. Eins og Róbert nefnir þá
hefur „rugltækni" líka vaxið fískur
um hrygg og þannig má senda hvaða
upplýsingar sem er án þess að nokk-
ur geti lesið nema viðtakandi og sú
samskiptategund á eftir að verða
allsráðandi á næstu misserum.
Internet framtíðarinnar verður því
vonandi stórborg þar sem tugmillj-
ónir notenda geta ferðast um vel
lýstar breiðgötur, brugðið sér í versl-
anir, hlustað á tónlist eða horft á
sjónvarp, lesið fræðibækur eða
skemmtirit og öllum er sama um lit-
arhátt, trúar- eða stjórnmálaskoðan-
ir eða kyn. Eins og jafnan í stórborg-
um geta ævintýraþyrstir leitað uppi
myrka kima og skuggahverfi þar
sem lýsingin er lítil eða engin og
fáar götur merktar, sumar meira að
segja vitlaust — en hvenær sem er
slökkt á tölvunni og horfið heim.
► Auglysing
. um
sameiningu

samræmi vi& ofanritað
verður skrifstofu Lífeyrissjóðs
bókagerðarmanna að
Hverfisgötu 21, skrifstofu
Lífeyrissjóós Félags garðyrkju-
manna aö Óóinsgötu 7
og skrifstofu Lífeyrissjóós
múrara að Síóumúla 25 lokað
fró og með 1. janúar 1995.
Skrifstofa Sameinaða
lífeyrissjóðsins er áb
Suóurlandsbraut 30
IV. hæó
108 Reykjavík
sími 568 6555
• Lífeyrissjóðs bókageróarmanna
• Lífeyrissjóós Félags garbyrkjumanna
• og Lífeyrissjóós múrara
• vió Sameinaöa lífeyrissjóóinn
flfcjér með tilkynnist öllum þeim,
er telja til eignar e&a skuldar
hjó Lífeyrissjó&i bókager&armanna
kt.430269-01 19, Lífeyrissjóði
Félags garðyrkjumanna
kt. 610870-0159 eða Lífeyris-
sjó&i múrara kt. 430269-0469
a& ókveðið hefur verið a&
sameina fyrrnefnda sjóði
Sameina&a lífeyrissjó&num
kt. 620492-2809 fró og með
1. janúar 1995.
fj||reytingar þar að lútandi hafa verið
ókve&nar ó reglugerðum fyrrnefndra
sjóða og hafa þær verið staðfestar af
fjármólaróðuneytingu í samræmi við
2. gr. laga nr. 55/1980.
jHeð vísan til fyrrnefndra reglugerða
sjóðanna tekur Sameinaði lífeyris-
sjóðurinn við allri starfsemi þessara
lífeyrissjóða og réttindum þeirra og
skyldum frá og með 1. janúar 1 995
og frá sama tíma tekur hann við öllum
eignum og skuldum sjóðanna.
Reykjavík, 30. desember 1994
Stjórn Lífeyrissjóðs bókagerðarmanna
Stjórn Lífeyrissjóðs Félags garðyrkjumanna
Stjórn Lífeyrissjóðs múrara
Stjórn Sameinaða lífeyrissjóðsins
*Ofey5rir
^^oameinaoi
lífeyrissjóðurinn
Suðurlandsbraut 30, 108 Reykjavík
Sími 568 6555, Fax581 3208
Grænt númer 800 6865