Morgunblaðið - 14.01.1995, Blaðsíða 8

8 LAUGARDAGUR 14. JANÚAR 1995
MORGUNBLAÐIÐ
FRÉTTIR
Úttekt endurskoðenda á viðakiptum Hagvirkis-Kletts hf ■ við Hafnarfjarðarbæ
Svei mér þá Jóhann minn ef ég er ekki búinn að finna dótakistilinn þinn. .
Úttekt á gróðursetningu á Hólmsheiði
Árangiir betri en
áður var talið
Morgunblaðið/Ólafur Sæmundsen
SITKAGRENI í Hestabrekkum á Hólmsheiði.
RANNSÓKNASTÖÐ Skógræktar
ríkisins að Mógilsá hefur gert út-
tekt á árangri Skógræktarfélags
Reykjavíkur við gróðursetningu á
Hólmsheiði. Úttektin leiddi m.a. í
ljós að mun minna drepst af plönt-
um en áður var talið og að vel
hefur verið að verki staðið við upp-
eldi plantna og gróðursetningu
þeirra.
Ásgeir Svanbergsson, deildar-
stjóri hjá Skógræktarfélagi
Reykjavíkur, segir að byrjað hafi
verið að planta á Hólmsheiði að
marki árið 1982 en þau gróður-
setningarsvæði félagsins sem al-
menningur þekkir best eru Heið-
mörk og Öskjuhlíð. Ásgeir segir
að félagsmenn hafi verið einir til
frásagnar um árangur af starfinu,
sem sé ekki alltaf sýnilegur allra
fyrst. Þess vegna hafi verið stofnað
til úttektarinnar og óháður aðili
fenginn til að segja álit sitt á starfi
félagsins.
Reynslan seinvirkur kennari
Ingileif Steinunn Kristjánsdóttir
plöntulífeðlisfræðingur gerði út-
tektina fyrir rannsóknastöðina að
Mógilsá. I skýrslu hennar segir um
markmiðin að þau hafi verið að
kanna ástand plantna 1-2 mánuð-
um eftir gróðursetningu, að meta
árangur af gróðursetningaraðferð-
um og setja upp föst snið til að
unnt verði að fylgjast með og
meta árangur til langs tíma.
Ingileif segir að í skógræktar-
starfi sé reynslan dýr kennari og
seinvirkur og ýmislegt hefði verið
talið um árangur sem úttektin
hefði leitt í ljós að væri ekki rétt.
Til dæmis hefði komið í ljós að
mun minni afföll eru af plöntum
en áður var talið. Þess vegna hefði
verið plantað mjög þétt en nú hefði
komið í Ijós að það væri ekki nauð-
synlegt.
Birki stendur sig vel
Ingileif segir að skýrslan gefi
líka upplýsingar um það hvernig
staðir séu bestir til að planta í.
„Það þýðir ekkert að planta í mel,
flag eða grámosa vegna frostlyft-
ingar. Það eru svo margir vetur
inni í þessum vetri okkar, þíða og
frost á víxl og þess vegna er mjög
erfitt fyrir plöntur að lifa af. Þá
eru greinilegar vísbendingar um
það í skýrslunni að það borgar sig
að planta í skjóli fyrir helstu vind-
átt við þúfu eða stein.“
í ljós kom að birki stendur sig
mjög vel og að mikils megi vænta
af sitkagreni en þetta sé ekki svæði
fyrir lerki.
Ánægjulegar niðurstöður
Ásgeir segir að niðurstöður
skýrslunnar séu ákaflega ánægju-
legar fyrir Skógræktarfélagið. í
henni sé farið viðurkenningarorð-
um um það hversu gróðursetning-
araðferð sé vönduð og að í ljós
hafi komið að afdrif plantnanna
séu furðu góð þar sem 80% af
þeim haldi áfram að vaxa við það
að koma upp á þessi öræfi.
Þegar byijað var að gróðursetja
í Hólmsheiðina var hún rótnöguð
og ekki fór að sjást þar nein breyt-
ing á landinu fyrr en sumarið 1990
en svo virðist sem það taki 5-6
ár fyrir plöntur að taka verulega
við sér.
Kostnaður aðallega við laun
Unglingar í sumarvinnu skóla-
fólks hafa unnið við gróðursetning-
una og hefur kostnaður við hana
aðallega verið fólginn í launum
þeirra. Ásgeir segir ánægjulegt
fyrir borgarbúa að sjá að skattpen-
ingum þeirra hafi ekki verið sóað
og að Skógræktarfélagið hafi verið
að gera rétt undanfarin ár.
Evrópsku laganemasamtökin
Efla ábyrgð
laganema
Haraldur Örn Ólafsson
HARALDUR Örn
Haraldsson hefur
verið forseti
ELSA, The European Law
Students’ Association, eða
Evrópsku laganemasam-
takanna eins og þau eru
nefnd á íslensku, síðan í
nóvember. Samtökin voru
stofnuð árið 1981, félagar
eru yfír 10 þúsund og
starfa í 32 Evrópulöndum.
Höfuðstöðvar þeirra eru í
Brussel.
- Hvert er markmið
samtakarma?
„Markmið samtakanna
er að leggja sitt af mörk-
um til að efla og bæta
laganám og vera vett-
vangur gagnkvæms skiln-
ings, samvinnu og per-
sónulegra samskipta milli
laganema og ungra lög-
fræðinga frá ýmsum lönd-
um. Einnig er það hlutverk þeirra
að auka félagslega ábyrgð laga-
nema og ungra lögfræðinga. Þetta
eru því samtök með háleitar hug-
sjónir."
- Hvernig eru þessi markmið
framkvæmd?
„Það eru haldnar ráðstefnur
allt árið um kring um lögfræðileg
málefni og á þær sendum við fólk
okkar. Tveir úr samtökunum er
nú staddir á ráðstefnu í Passau í
Þýskalandi þar sem rætt er um
horfur í varnarmálum Evrópu.
Líkur eru á því að við sendum fleiri
utan í febrúar á ráðstefnu um
einkavæðingu og næsta sumar
verður ráðstefna í Prag um rétt-
indi barna.
Á sumrin erum við með vinnu-
skipti, þá fara íslenskir laganemar
utan til starfa í mánuð og erlend-
ir laganemar koma hingað. ís-
lenskir laganemar hafa bæði starf-
að á Norðurlöndum og í Þýska-
landi og á síðasta ári fóru til að
mynda sex nemar utan í þeim til-
gangi. Við tókum í staðinn á móti
sex erlendum laganemum og sáum
um að þeir hefðu hér aðstöðu,
atvinnuleyfi og annað slíkt.
- Hvaða skiiyrði þurfa laga-
nemar að uppfylla til að vera send-
ir á ráðstefnu eða til að komast í
vinnu á erlendri grundu?
„í raun er öllum fijálst að fara,
en við auglýsum styrki til farar-
innar og þeir laganemar sem hafa
starfað mest innan ELSA og í
Orator, félagi laganema, fá yfir-
leitt þá styrki. Þeir sem fara á
ráðstefnu núna eru á
öðru, þriðja og fjórðu
ári í námi.“
- Hvað kostar - að
senda laganema á ráð-
stefnu?
„Ef ráðstefnan er í Norður- eða
Mið-Evrópu kostar það yfirleitt í
kringum 50 til 60 þúsund krónur.
Styrkurinn sem nemarnir fá er um
20.000 kr. Yfírleitt gista þeir á
einkaheimilum, þátttökugjaid er
frekar lágt og í því er nánast allt
innifalið. Dýrustu kostnaðarliðir
eru flug- og lestarferðir."
- Hvaða mál hafa verið efst á
baugi á síðustu ráðstefnum?
„Sameining Evrópu er mikið í
brennidepli núna, enda þótt segja
megi að málin séu jafnmörg og
ráðstefnurnar."
- Heldurðu að þátttaka ís-
lenskra laganema í samtökunum
geti leitt til þess að þeir fari til
starfa á erlendri grundu að námi
lóknu?
„Markmið okkar er að opna
augu laganema og víkka sjóndeild-
arhringinn, gera laganema hæfari
til að starfa á erlendum vett-
► Haraldur Örn Ólafsson er
fæddur 8. nóvember 1971.
Hann varð stúdent frá Versl-
unarskóla íslands árið 1991 og
er nú á fjórða ári í laganámi
við Háskóla íslands. Hann hefur
lengi verið í stjórn Alpaklúbbs-
ins, hefur meðal annars gengið
yfir Grænlandsjökul á skíðum,
og einnig hefur hann tekið að
sér leiðsögn á gönguferðum
hér innanlands á sumrin. Har-
aldur hefur verið félagi í ELSA
í nokkur ár og forseti Islands-
deilarinnar síðan í nóvember.
Sambýliskona hans er Una
Björk Ómarsdóttir laganemi.
vangi, en ég efast um að það verði
til þess að fólki fari að flytjast úr
landi. Það yrði þá helst til að afla
sér meiri menntunar og til að
starfa tímabundið erlendis. Hitt
er nú frekar markmiðið að auka
þekkingu og hæfni laganema. Það
er mikið hagsmunamál fyrir okkur
íslendinga hver stefnan verður í
utanríkismálum. Samtökin eru
ópólitísk og hafa þar af leiðandi
enga stefnu í þeim málum. En það
skiptir kannski ekki öllu máli hver
stefna okkar í utanrikismálum
verður, mikilvægast fyrir okkur
er að þekkja þessi erlendu réttar-
kerfi, erlendu lög og aðrar þjóðir."
- Finnst þér samtökin hafa skil-
að einhverjum árangri?
„Mér finnst þau hafa opnað
augu okkar fyrir Evrópu og þeim
möguleikum sem þar eru í boði,
bæði hvað snertir störf
fyrir lögfræðinga og
einnig fyrir þeim mögu-
leikum sem Islendingar
hafa í Evrópu.
Fjórum sinnum á ári
haldnir samstarfsfundir innan
ELSA þar sem mál eru skipulögð,
ég var á einum slíkum forseta-
fundi í Slóveníu um áramótin og
það er einstakt að sitja við borð
þar sem nánast allar Evrópuþjóðir
eru samankomnar og skiptast á
skoðunum og ræða um framtíð-
ina.“
- Hvernig hafa erlendir laga-
nema Iátið af dvölinni hér?
„Mjög vel, og vinnuveitendur
þeirra bæði hjá stofnunum og fyr-
irtækjum voru ánægðir með störf
þeirra. Þeir komu hingað fyrst og
fremst vegna áhuga á landinu.
Þeim fannst fólkið hér hlýlegt og
hjálpsamt og þeir voru heillaðir
að fegurð landsins. Ég hef orðið
var við mikinn áhuga á íslandi og
þegar ég var á fundinum úti var
ég í stöðugum yfirheyrslum um
landið, ekkert land vakti jafnmik-
inn áhuga og Island.“
Samtök
háleitra
hugsjóna