Morgunblaðið - 25.01.1995, Page 2

2 MIÐVIKUDAGUR 25. JANÚAR 1995
MORGUNBLAÐIÐ
FRÉTTIR
Frumvarp um breytingu á lögum um viðlagatryggingn
Ofanflódasjóður fær 50
milljónir kr. í viðbótartekjur
RÁÐGERT er að afla ofanflóðasjóði 50 millj-
óna króna viðbótartekna árlega næstu fimm
ár með 10% álagi á viðlagatryggingagjald,
samkvæmt frumvarpi sem heilbrigðis- og
tryggingaráðherra kynnti í ríkisstjóm í gær.
Reiknað er með að frumvarpið komi fram á
Alþingi í næstu viku.
Viðlagatryggingagjald er hlutfall af bruna-
bótamati. Sem dæmi má nefna að af íbúðar-
húsi með tæplega 18 milljóna króna brunabóta-
mati er viðlagatryggingagjald nú 4.462 krónur
og með 10% álagi verður það rúmlega 4.900
krónur. Af rúmlega 11 milljóna króna eign
hækkar gjaldið úr 2.767 krónum í rúmar 3.000
krónur.
Dögg Pálsdóttir, skrifstofustjóri í heilbrigð-
is- og tryggingamálaráðuneytinu, sagði í sam-
tali við Morgunblaðið að frumvarpið væri sam-
ið í framhaldi af áliti nefndar, sem félagsmála-
ráðherra hefði skipað síðastliðið sumar, til að
endurskoða lög um vamir gegn snjóflóðum og
skriðuföllum frá 1985.
Breytingar nauðsynlegar
Nefndin hefði skilað af sér í nóvember og í
niðurstöðum hennar kæmi meðal annars fram
að hún teldi nauðsynlegt að veita meira fjár-
magni til snjóflóðavama, jafnframt því sem
hún teldi ýmsar breytingar á lþgunum nauðsyn-
legar í ljósi tíu ára reynslu. I framhaldi af því
hefði ríkisstjórnin falið félagsmálaráðherra að
undirbúa breytingar á lögunum og heilbrigðis-
og tryggingamálaráðherra sem yfirmanni
tryggingamála að undirbúa breytingar á lögum
um viðlagatryggingu til að afla þessara við-
bótartekna.
Telgur úr 26 í 80 miiy.
Nefndin hefði lagt til 10% álag á iðgjöld
viðlagatryggingar í fimm ár. Nú fengi sjóður-
inn 5% af iðgjaldatekjum viðlagatryggingar
auk beinna framlaga á fjárlögum. Samanlagt
hefðu tekjurnar verið um 26 milljónir á ári,
en með þessum breytingum yrðu tekjur sjóðs-
ins um 80 milljónir króna á ári.
Systir Erlu !
og Guð-
mundar
fæddist fyrst
FYRSTA barnið, sem fæddist á
Fæðingarheimili Reykjavíkur eft-
ir að það var opnað að nýju, kom
í heiminn rétt fyrir kl. 12 á há-
degi í gær. Það var myndarleg
stúlka, sem mældist 18,5 merkur
(4.620 g) og var 56,5 cm að lengd.
Foreldrar hennar eru þau Þórunn
Guðmundsdóttir og Halldór Hall-
dórsson, en á myndinni eru þau
sæl og ánægð með litlu dótturina.
Þau eru líka ánægð, stóru systkin-
in Guðmundur Sævar og Erla
Dögg. Elínborg Jónsdóttir, deild-
arstjóri á Fæðingarheimilinu,
sagði að viðbrögð barnshafandi
kvenna við opnun Fæðingarheim-
ilisins hefðu verið miklu meiri en
búist hefði verið við.
Fjárhagsáætlun Reykjavíkurborgar
Tekjur EQtaveitu
3 milljarðar kr.
ÁÆTLAÐAR tekjur Hitaveitu
Reykjavíkur eru 3 milljarðar árið
1995, samkvæmt fjárhagsáætlun
Reykjavíkurborgar. Er þá gert ráð
fyrir um 4% aukningu á vatnssölu
miðað við árið 1993 en á síðasta
ári jókst salan um 6% frá árinu
1993. Til framkvæmda er áætlað
að veija 866 milljónum króna en
afgjald til borgarsjóðs er áætlað um
802 milljónir króna á árinu.
30 milljónir til borana á
lághitasvæði
í ræðu borgarstjóra við fyrri
umræðu um fjárhagsáætlun kom
fram að ráðgert er að verja 30
millj. til borana á einum til tveimur
rannsóknarholum á lághitasvæði á
höfuðborgarsvæðinu. Borað verður
allt niður að 1.000 metra dýpi til
mælinga á hita í útjaðri jarðhita-
svæða. Jafnframt er áætlað að veija
15 millj. til að ljúka borun á rann-
sóknarholu á Ölkelduhálsi.
Fram kom að á Nesjavöllum er
áformað að veija 58 millj. til undir-
búnings stækkunar á virkjuninni,
32 millj. til kaupa á varaspenni og
8 millj. til athugunar á álags- og
vinnsluþáttum virkjunarinnar.
Til lagningu Suðuræðar frá Suð-
urfelli í Breiðholti að Vífilsstaðavegi
er áætlað að veija 150 millj. en það
er tveggja ára verk. Gert er ráð
fyrir 3 millj. til undirbúnings útboða
á Reykjaæð, 39 millj. til Grafar-
holtsæðar og 25 millj. til stofnæða
með Víkurvegi.
Endurnýjun lagna
188,5 milljónir
Borgarstjóri sagði að til end-
urnýjunar á lögnum eldri en 25 ára
yrði varið 188,5 millj., til fram-
kvæmda í nýjum hverfum verður
varið 96,5 millj. og til nýrra heim-
æða í um 450 ný'hús verður varið
70 millj. Til starfsmannahúsa á
Nesjavöllum verður varið 65 millj.
og 58 millj. eru áætlaðar til stækk-
unar á aðalstöðvum Hitaveitunnar
við Grensásveg og til kaupa á töivu-
búnaði, 10 millj.
Loks kom fram að fyrirhugað
væri að veija allt að 10 millj. til
kaupa á hlutabréfum í hitaveitu í
Galanta í Slóvakíu.
Morgunblaðið/Júlíus
LJÓSASTAURINN gekk inn í bílinn miðjan við ökumannssætið.
Alvarlega slasaður
eftir árekstur
UNGUR maður slasaðist alvarlega
og var lagður inn á Borgarspítalann
eftir að bíll sem hann ók kastaðist
á ljósastaur við árekstur á Sæbraut
snemma í gærmorgun.
Tveir menn voru í bílnum og
meiddust báðir. Þar sem ljósastaur-
inn gekk inn í bílinn miðjan sátu
þeir fastir í flakinu og þurfti að
kalla til tækjabíl slökkviliðs til að
losa þá.
Síðan voru þeir fluttir á slysa-
deild, þar sem farþeginn fékk að
fara heim að lokinni skoðun og
aðhlynningu en ökumaður var lagð-
ur inn á sjúkrahúsið. Að sögn lækn-
is á slysadeild var hann alvarlega
slasaður en ekki í bráðri lífshættu.
Forsætisráðherra um stj órnsýslukæru Hafnarfjarðar
Bréf Alþýðuflokks
byggt á misskilningi
DAVÍÐ Oddsson forsætisráðherra
segir að bréf, sem bæjarfulltrúar
Alþýðuflokksins í Hafnarfirði sendu
honum í síðustu viku, sé í grundvall-
aratriðum á misskilningi byggt og
í því sé farið með ósannindi. I bréf-
inu fóru bæjarfulltrúarnir fram á
að Davíð vísaði frá sér stjórnsýslu-
kæru bæjaryfirvalda Hafnarfjarðar
vegna viðskipta bæjarins við Hag-
virki-Klett hf. en Rannveig Guð-
mundsdóttir félagsmálaráðherra
hefur óskað eftir því að forsætisráð-
herra skipi seturáðherra í málinu.
Davíð Oddsson sendi bæjarfull-
trúum Alþýðuflokksins svarbréf í
gær og segir þar að forsenda mála-
tilbúnaðar þeirra, að svo miklu leyti
sem rökstuðningur sé skiljanlegur,
virðist vera sú, að Rannvéig Guð-
mundsdóttir félagsmálaráðherra
hafi verið talin sjálfkrafa vanhæf
til að úrskurða í máli sem varði
kæruna vegna flokkstengsla við
aðila málsins.
„Félagsmálaráðherra einn hafði
úrskurðað sig frá málinu af þeim
persónubundnu vanhæfísástæðum
sem hún nefnir. Það er ekki á valdi
forsætisráðherra að hnekkja þeirri
niðurstöðu. Forsætisráðherra ber því
að lögum að beita sér fyrir setningu
ráðherra til að fara með það kæru-
mál, sem félagsmálaráðherrann hef-
ur sagt sig frá af vanhæfisástæðum.
Sá ráðherra, sem settur yrði í hans
stað, yrði sjálfstætt að meta, hvort
vanhæfísannmarkar væru á að hann
gæti tekið að sér málið,“ segir í bréfi
forsætisráðherra.
Þar segir einnig að önnur atriði
bréfs alþýðuflokksmannanna séu
ekki innlegg í umræðuna, sum ósönn
og önnur utan við efni málsins.
Seturáðherra ófundinn
Ekki hefur verið ákveðið hver
verður skipaður seturáðherra í um-
ræddu máli. „Það eru ýmis álitaefni
í málinu sem þarf að skoða mjög
vandlega sem geta lotið að fordæmi
og öðru. Því hafa verið teknir
nokkrir dagar í þetta áður en ráð-
herra tekur hina endanlegu ákvörð-
un,“ sagði Eyjólfur Sveinsson að-
stoðarmaður forsætisráðherra.
Samkvæmt upplýsingum
Morgunblaðsins er helst talið koma
til greina að fela annaðhvort Jóni
Baldvin Hannibalssyni utanríkis-
ráðherra og formanni Alþýðu-
flokksins eða Þorsteini Pálssyni
dómsmálaráðherra málið. Þá mun
einnig verið að kanna þann mögu-
leika að fela einhveijum utanað-
komandi málið.
Lægri fast-
eignaskattar
BORGARRÁÐ hefur samþykkt að
fella niður fasteignaskatta elli- og
örorkulífeyrisþega með tekjur allt að
625 þús. á ári. Það sama gildir um
hjón með tekjur allt að 675 þús. á ári.
í tillögu framtalsnefndar er lagt
til að einstaklingar með tekjur allt
að 688 þús. og hjón með tekjur allt
að 961 þús. fái 80% lækkun á skött-
unum. Einstaklingar með tekjur allt
að 780 þús. og hjón með tekjur allt
að 1.094 þús. fá 50% lækkun.
REYKJAVJK:
- Borgarráð hefur sam-
þykkt lækkun fasteignaskatts
hjá elli- og örorkulífeyris-
þegum árið 1995 skv. eftir-
farandi viðmiðunartölum
Tekjur Tekjur gefa
einstaklings hjóna lækkun um
allt að 625 875 þús. kr. 100%
688 961 80%
780 1.094 50%
hærri tekjur gefa engan afslátt