Morgunblaðið - 25.02.1995, Blaðsíða 1

/
47. TBL. 83. ÁRG.
Franki
fellur í
óvissu
París. Reuter.
FRANSKI frankinn féll í gær gagn-
vart þýsku marki vegna óvissunnar
um niðurstöður frönsku forsetakosn-
inganna í apríl og maí.
Lækkunin átti sér fýrst og fremst
stað þar sem fjárfestar breyttu sjóð-
um, sem varðveittir hafa verið í doli-
urum, í mörk í stórum stíl.
Fjárfestar eru uggandi um niður-
stöður kosninganna. Þeir hafa talið
framboð Edouards Balladurs forsæt-
isráðherra besta kostinn fyrir fjár-
magnsmarkaðinn vegna fylgis hans
við Myntbandalag Evrópu (EMU)
og festu { fjármálastjórn.
Vantar hugrekki
Eftir þvi sem nær dregur og fylgi
Balladurs minnkar eykst þó ótti fjár-
fesa um að hvorki hann né aðrir
frambjóðendur hafí hugrekki til þess
að grípa til þess stórtæka nið-
urskurðar ríkisútgjalda, sem nauð-
synlegur er eigi Frakkar að uppfylla
skilyrði Maastricht-samkomulagsins
fyrir myntbandalagið.
Halli á ríkissjóði í Frakklandi er
á bilinu 4,6-5% af vergri landsfram-
leiðslu en verður að lækka í 3% sam-
kvæmt forsendum Maastricht-sam-
komulagsins fyrir EMU.
-----»-»-4-----
Verkföll
ógna öryggi
Helsinki. Morgunblaðið.
VERKFALL um 70.000 sjúkraliða á
finnskum ríkisspítölum hófst í gær.
Jorma Reini ríkissáttasemjari sagði
mikið bera í milli.
Sjúkraliðar krefjast 10% kaup-
hækkunar en stendur 2,6% hækkun
til boða. Fyrr í vikunni hófst einnig
verkfall slökkviliðs- og sjúkraflutn-
ingamanna. Þá er kennaraverkfall
boðað frá 11. mars. Verkföllin eru
talin geta ógnað öryggi.
Banna
banana
Ankara. Reuter.
BORGARSTJÓRNIN í Izmir í
Tyrklandi lagði í gær bann við
sölu á bönunum sem seldir eru
undir vörumerkinu Dole.
Með þessu vilja borgaryfir-
völd mótmæla stuðningi
bandaríska öldungadeildar-
mannsins Bob Dole við Arme-
níumenn.
„Maðurinn er mjög fjand-
samur Tyrkjum. Menn verða
því að kaupa banana með öðru
nafni," sagði talsmaður
borgarráðsins.
Dole þykir líklegastur til
þess að hljóta útnefningu sem
frambjóðandi Repúblikana-
flokksins við forsetakosning-
arnar á næsta ári.
80 SÍÐUR LESBÓK/C/D
STOFNAÐ 1913
LAUGARDAGUR 25. FEBRÚAR 1995 PRENTSMIÐJA MORGUNBLAÐSINS
Rússar hafa misst
1.146 hermenn
Moskvu, Goity. Reuter.
RÚSSNESKUR embættismaður
skýrði frá því í gær að 1.146 rúss-
neskir hermenn hefðu faliið og 5.000
hermenn særst eða veikst í stríðinu
í Tsjetsjníju sem hefur staðið í 11
vikur.
Embættismaðurinn, Dmítríj
Volkogonov, formaður nefndar sem
Jeltsín forseti skipaði til að fjalla um
stríðsfanga, sagði að 347 hermanna
væri saknað.
Áður hafði mannréttindafulltrúi
Rússlands sagt, að stríðið hefði kost-
að 25.000 óbreytta borgara lífið.
Volkogonov sagði að ekki væri
vitað með vissu um mannfallið í röð-
um tsjetsjenskra hermanna, en sam-
kvæmt grófri áætlun hefðu um 1.000
þeirra fallið.
Barist sunnan Grosní
Rússneskar hersveitir gerðu í gær
stórskotaárásir á vígi Tsjetsjena
sunnan við Grosní, höfuðstað héraðs-
ins, og fregnir hermdu að Rússar
væru að flytja hermenn og vopn suð-
vestur af borginni. Tsjetsjenar hafa
sagt að þeir ætli að heyja skæruhem-
að gegn Rússum frá fjöllum í suður-
hluta héráðsins.
Reuter
Sýknudómi
mótmælt
ÍSLAMSKIR bókstafstrúarmenn í
Pakistan hrópuðu í gær á dauða
yfir Benazir Bhutto, forsætisráð-
herra landsins, dómurum og
tveimur kristnum mönnum, sem
dómararnir sýknuðu af að hafa
lastað spámanninn frá Mekka, en
áður höfðu þeir verið dæmdir til
hengingar. Pakistanska mannrétt-
indanefndin hefur fagnað úr-
skurðinum sem „sigri réttlætisins“
og hvatt til, að lögin um viðurlög
við guðlasti verði afnumin.
Ákæruvaldið í Pakistan ætlar að
áfrýja dómnum. Hér stumra
nokkrir bókstafstrúarmenn yfir
einum félaga sínum, sem lét bug-
ast af geðshræringu yfir sýknu-
dóminum.
Kvennaljóminn Giscard d’Estaing um Díönu prinsessu
Gædd kattareðli
París. Reuter.
DÍANA prinsessa er gædd kattar-
eðli, hreyfir sig hljóðlaust og er enn
fallegri í raunveruleikanum en á
myndum, að sögn Valery Giscard
d’Estaings, fyrrverandi Frakk-
landsforseta.
I viðtali kvennablaðsins Femmes
við forsetann fyrrverandi, sem er
69 ára gamall, minnist hann þess
er hann var sessunautur bresku
prinsessunnar í veislu í Versölum.
Hann segir stór, blá augu Díönu
hafa heillað sig upp úr skónum.
Giscard d’Estaing er sagður hafa
áhuga á að verða forseti á ný.
Hann hefur þótt mjög upp á kven-
Vel fór á með Valery Giscard
d’Estaing fyrrum Frakk-
landsforseta og Díönu prins-
essu í glæsihöllum Versala.
höndina og er hann var
forseti árin 1974-1981
gaf háðblaðið Le Canard
Enchainé í skyn að hann
hefði margsinnis haldið
fram hjá eiginkonu
sinni.
í nóvember sl. sendi
Giscard d’Estaing frá
sér skáldsögu með djörf-
um ástafarslýsingum,
hún fjallar um veiði-
mann sem verður ástfanginn af
ungri konu við fyrstu sýn, gagnrýn-
endur telja að um eigin reynslu
höfundar sé að ræða.
Reuter
Verkföll í Bæjaralandi
FYRSTU verkföll í málmiðnaði
í Þýskalandi í 11 ár hófust í
gær. Beinast þau í fyrstu aðeins
gegn framleiðslufyrirtækjum í
Bæjaralandi en launþegasam-
tökin IG Metall lióta að þau
breiðist smám saman til annarra
fylkja komi vinnuveitendur ekki
til móts við kröfur verkfalls-
manna. Krefjast þeir 6% hækk-
unar launa og að loforð um stytt-
ingu vinnuviku úr 36 stundum í
35 verði efnd frá 1. október.
Vinnuveitendur vilja ekki hefja
viðræður nema launþegasam-
tökin fallist á að ræða leiðir til
að draga úr kostnaði. Þannig
hyggjast þeir mæta Iaunahækk-
unum. A myndinni leggja tvær
konur áherslu á kröfur sínar við
hlið Siemens-verksmiðjanna I
Niirnberg.
Fjölgun M-Evrópuríkja í NATO o g ESB
Stækkun get-
urtekið 10 ár
Bratislava. Reuter.
RICHARD Holbrooke, aðstoðarut-
anríkisráðherra Bandaríkjanna, sem
fjallar um málefni Evrópu, sagði í
gær, að 5-10 ár myndu að öllum
líkindum líða þar til ríki Míð-Evrópu
yrðu tekin inn í vestrænt varnarsam-
starf á borð við Atlantshafsbanda-
lagið (NATO) og Evrópusambandið
(ESB).
„Ríkjunum mun miða að þessu
marki á sínum hraða hverju. Af
Bandaríkjanna hálfu verður ekkert
látið ógert til þess að stuðla að þess-
ari þróun,“ sagði Holbrooke.
Holbrooke, sem er á ferðalagi í
Slóvakíu, gaf ekki til kynna hvenær
hann teldi að ríki Mið-Ameríku gætu
fengið aðild að NATO eða ESB.
Hann sagði í fyrradag, að NATO
myndi engar ákvarðanir taka á þessu
ári um væntanlega aðild Mið-Evr-
ópuríkja að bandalaginu.
Rússar andvígir
Pólland, Tékkland, Ungveijaland
og Slóvakíu fýsir að fá aðild að
NATO þar sem þau eiga ekki aðild
að neinu varnarsamstarfi eftir að
Varsjárbandalagið leystist upp.
Rússnesk stjórnvöld hafa hins veg-
ar lagst hart gegn þeirri hugmynd.
Síðastur til þess að láta þá afstöðu
opinberlega í ljós var Víktor Tsjerno-
myrdín forsætisráðherra Rússlands,
sem varaði í síðustu viku við stækk-
un NATO í austurátt.
Frelsi í flugi
Ottawa. Reuter.
SAMKOMULAG um aukið frelsi í
flugi milli Bandaríkjanna og
Kanada var undirritað í gær en
Bill Clinton Bandaríkjaforseti er
nú í opinberri heimsókn í Kanada.
Clinton sagði að um sögulegt
samkomulag væri að ræða sem
væri til eftirbreytni fyrir önnur
í N-Ameríku
ríki. Það myndi leiða til aukinna
viðskipta og skapa ný störf beggja
vegna landamæranna.
Samkomulagið hefur í för með
sér, að innan þriggja ára verður
nánast fullt frelsi í flugi milli
Bandaríkjanna og Kanada orðið
að veruleika.