Morgunblaðið - 25.02.1995, Blaðsíða 48
48 LAUGARDAGUR 25. FEBRÚAR 1995
MORGUNBLAÐIÐ
\
Dýraglens
JÍIA PAVÍ6 B-lt
Tommi og Jenni
TMROD THAT SNODBALL
AT ME,Y0l) BLOCKMEAD, AND
YOO'LL REGRET IT FORTME
REST OF YOUR LIFE!
YOULL LIE ADAKE AT
NI6MT,AND YOli'LL ASK
Y0UR5ELF OVER AND OVER,
"DHY DID I DO IT?"
BUTMAYBE ILL
A5K MY5ELF
''WHY DIDN'T
YOU DO IT? "
BECAUSE SME'D
PROBA0LY TURN
AROUND, AND
KICK ME INTO
A SNOWBANK!
'~~u
Uís-
YOU WERE
LUCKY'!
Ef þú kastar þessum snjó- Þú munt liggja vakandi En kannski Af því hún myndi Þú varst
bolta í mig, asninn þinn, á nóttunni og spyija mun ég spyija liklega snúa sér heppin!!
muntu sjá eftir þvi alla þína sjálfan þig aftur og aft- sjálfan mig: við og sparka mér
ævi! ur: „Af hveiju gerði ég „Af hveiju út í snjóskafl!
það?“ gerði ég það
ekki?“
BREF
TTL BLAÐSINS
Kringlan 1103 Reykjavík • Sími 569 1100 • Símbréf 569 1329
Fjöldi fagmanna
á sviði nudds
Frá Rafni Geirdal:
í SÍÐUSTU grein minni sem var
birt föstudaginn 30. desember
varpaði ég fram þeirri spurningu
hvort ástæða væri til að óttast
ofmettun í nuddstéttinni. Ég svar-
aði því þannig til að ef einungis
væru tilteknir útskrifaðir fagmenn
á sviði nudds, þá væri ekki komin
ofmettun í greinina. Hins vegar
þyrftu þeir sem hafa tekið almenn
námskeið og hefðu hug á að starfa
á þessu sviði að sækja um í fagn-
ám og útskrifast úr slíku námi til
að styrkja faglegan mátt stéttar-
innar og til að auka öryggi í þjón-
ustu til neytenda.
En hversu margir hafa útskrif-
ast sem nuddarar/nuddfræðingar?
Því er til að svara, að ég held að
um 30 nuddarar hafi útskrifast
af almennum nuddstofum á und-
anförnum tveimur áratugum. Síð-
an ætla ég að um 20 nuddarar séu
sjálfmenntaðir en hafi í gegnum
reynslu öðlast almenna viðurkenn-
ingu sem nuddarar. Sumir þeirra
hafa engan annan menntunar-
grunn haft, en aðrir hafa verið
íþróttakennarar, snyrtifræðingar
og annað því skylt og haslað sér
völl á sviði nudds.
Síðan myndi ég ætla að um 50
hafi útskrifast úr nuddskólum er-
lendis, þar af um 30 úr nuddskó-
lanum í Boulder í Bandaríkjunum
einum og sér, en lánasjóðurinn
veitti námslán til íslenskra nem-
enda þar um nokkurra ára skeið.
Þá hafa um 25 útskrifast frá
Svæðameðferðarskóla íslands, en
hann hóf störf árið 1989 og lauk
störfum árið 1991. Síðan hafa 53
útskrifast sem nuddfræðingar frá
Nuddskóla Rafns. Þá hafa um 20
nemendur sem hættu námi hjá
þeim nuddskóla verið metnir inn
hjá félagi íslenskra nuddara og
hafa allmargir þeirra öðlast út-
skrift sem nuddarar frá því fé-
lagi. Að lokum hafa þrír nuddarar
útskrifast nýlega frá Ármúlaskóla.
Alls eru þetta um 200 nuddar-
ar/nuddfræðingar.
Hve margir nuddarar
eru starfandi?
En þá mætti spyija næstu
spurningar og hún er sú hversu
margir fullgildir nuddarar/nudd-
fræðingar eru starfandi á þessu
sviði? Mín ágiskun væri sú að um
50 séu í fullu starfi og um 50 í
hálfu starfi, eða alls um 100
manns, eða um helmingur þeirra
sem hafa starfsrétt á þessu sviði.
Síðan ber að geta þess að sum-
ir úr þessum hópi hafa fengið lög-
gildingu sem sjúkranuddarar sem
er lögverndað af heilbrigðisráðu-
neytinu. Löggildingin átti sér stað
árið 1987 og var þá sett sú regla
að allir sem hefðu starfað á þessu
sviði í þrjú ár áður-en löggilding
átti sér stað fengju löggildingu.
Er þetta af sumum kallað „afa
regla“. Þannig fengu um 20 fyrr-
um nuddarar sem menntaðir höfðu
verið á almennum nuddstofum
undir handleiðslu meistara löggild-
ingu. Reyndar var þessu mótmælt
allkröftuglega af Sjúkranuddara-
félagi íslands en gekk ekki eftir.
Þá fengu jafnframt um sjö nudd-
fræðingar frá nuddskólanum í
Boulder löggildingu og var ég
þeirra á meðal. Eftir þetta voru
kröfumar hertar.í þá veru að ein-
ungis þeir sem gengju í gegnum
opinberlega viðurkennda sjúkra-
nuddskóla í Þýskalandi og Kanada
fengju löggildingu. Alls hafa um
20 sjúkranuddarar menntast á
þeim vettvangi. Þannig mætti
segja að alls væru um 170 sem
væru menntaðir sem nuddar-
ar/nuddfræðingar, en um það bil
30 úr þessum hópi sem hafa feng-
ið löggildingu sem sjúkranuddar-
ar, teljist með sjúkranuddurum
sem eru um 50 talsins.
Skipulag hefur
farið batnandi
Eins og lesendur geta eflaust
séð skarast þessi svið allmikið og
hefur það stundum leitt til góðrar
samvinnu en stundum til allmikilla
eldglæringa. Segja má að á undan-
förnum árum hafi margt gerst í
þá átt að aukið skipulag er að
komast á þessi mál. Þannig lét
starfshópur í Landlæknisembætti
frá sér bréf vorið 1992 sem nefnd-
ist drög að starfsleyfi fyrir sjúkra-
nuddara þar sem ákveðið var að
slíkt nám þyrfti að vera á háskóla-
stigi. Síðan tók menntamálaráðu-
neyti þátt í samkomulagi við Ár-
múlaskóla vorið 1993 um að náms-
braut fyrir nuddara ætti að vera
aðfaranám fyrir nuddnám til
heilsubótar en um það gat ég í
síðustu grein minni. Þannig hafa
myndast tvö stig til þjálfunar,
annars vegar sjúkranuddnám á
háskólastigi og hins vegar nuddn-
ám á framhaldsskólastigi. Þeir
sem útskrifast sem sjúkranuddar-
ar geta sótt um starfsleyfi hjá
heilbrigðisráðuneyti og fengið lög-
gildingu í kjölfarið þannig að það
er opinberlega viðurkennt. Þeir
sem brautskrást sem nuddarar frá
Fjölbraut í Ármúla eða sem nudd-
fræðingar frá Nuddskóla Rafns
hafa hins vegar skjal frá þessum
stofnunum sem votta að þeir hafi
lokið formlegu námi í nuddi.
Það er von mín að neytendur
geti notið þjónustu frá löggiltum
sjúkranuddurum, sem og nuddur-
um/nuddfræðingum sér til heilsu-
bótar. Mér sýnist að einna skyn-
samlegast sé að hver og einn neyt-
andi meti fyrir sig hvern hann
telur hæfan til að veita sér þjón-
ustu. Sumum fínnst, tryggast að
löggilding liggi þar að baki. Aðrir
sækjast meira eftir að nudd-
ari/nuddfræðingur hafi menntast
á tilteknum stað. Enn aðrir sækj-
ast eftir góðum nuddhöndum.
Meginatriðið er að hið mikla heil-
sugildi nuddsins skili sér til neyt-
andans á sem tryggastan hátt.
Gerist það er markmiðinu náð.
Virðingarfyllst,
RAFN GEIRDAL,
Smiðshöfða 10, Reykjavík.
Allt efni sem birtist í Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.