Morgunblaðið - 12.03.1995, Blaðsíða 38

38 SUNNUDAGUR 12. MARZ 1995
MORGUNBLAÐIÐ
Dýraglens
Heldur þú að hundar breytist Ég er viss um að þeir gera það. Ég sé ekki smáa letrið lengur
með aldrinum eins og fólk? eins vel og áður.
BREF
TIL BLAÐSINS
Kringlan 1103 Reykjavík • Sími 569 1100 • Símbréf 569 1329
Opið bréf til
Gunnars Kvaran,
forstöðumanns
Kjarvalsstaða
Frá Sverri Ólafssyni:
í sjónvarpsviðtali á Stöð 2 22.
febrúar sl. varst þú, Gunnar Kvaran
m.a. spurður um „valdastöður þínar
og einræðis tilburði" í íslensku
menningarlífi.
Þú vildi lítið úr
þeim völdum gera
og kallaðir gagn-
rýnisraddir „gaml-
an söng og tuggur,
sem þú hefðir áður
heyrt“. Áður hefur
þú látið þér um
munn fara jafn
Sverrir fráleitan málflutn-
Ólafsson jng 0g ag segja að
gagnrýnisraddir séu „að leita sér
að athygli", eða að allir þeir sem
eitthvað hafa um þessi mál að segja,
séu „undirmálsfólk í listum“. Mál-
flutningur af þessu tagi, er þér ekki
sæmandi og vona ég að þér fari að
verða það ljóst.
í fyrrnefndum þætti sást þú þér
ekki fært að svara athugasemdum
mínum með öðrum hætti en að ofan
er gefið. Því vil ég freista þess nú,
að þú gerir þjóðinni opinberlega
grein fyrir eftirtöldum atriðum.
Hefur þú jafnframt opinberu
embætti þínu sem forstöðumaður
Kjarvalsstaða, verið: Formaður
stjómar Listasjóðs atvinnulífsins og
hefur þú komið nærri kaupum sjóðs-
ins á listaverkum? Eftir hvaða lista-
mann hafa verið keypt verk? Listr-
áðgjafi Flugleiða við kaup á verkum
og stofnun listasafns fyrirtækisins?
Hefur þú stofnað og rekið fyrirtæk-
ið íslensk listmiðlun, á meðan þú
hefur verið í starfi á Kjarvalsstöð-
um? Hefur „íslensk listmiðlun“ stað-
ið að sölu listaverka til ríkisins
og/eða annarra aðila? Hvaða lista-
menn hafa verið skjólstæðingar fyr-
irtækisins? Situr þú í Korpúlfsstaða-
nefnd ásamt félaga þínum úr „ís-
lenskri listmiðlun“? Stýrir bróðir
þinn og meðeigandi í „íslenskri
listmiðlun", Ólafur Kvaran, sýning-
um Norræna hússins, samhliða
starfi sínu við Norrænu ráðherra-
nefndina í Kaupmannahöfn? Er Ól-
afur jafnframt forstöðumaður Lista-
safns Einars Jónssonar (í leyfi frá
störfum). Hefur þú fmmkvæði að
listaverkakaupum Reykj avíkurborg-
ar? Hefur þú verið dómnefndarmað-
ur og/eða ráðgjafi í helstu list-
skreytingasamkeppnum borgarinn-
ar, svo sem um listaverk í hið nýja
ráðhús Reykjavíkur og útiverk við
Borgarleikhús? Hveijir hafa unnið
þær samkeppnir? Hefur þú umsjón
með Ásmundarsafni og einkasýn-
ingum þar? Hveijir hafa sýnt þar?
Hefur þú setið í svokallaðri „bienna-
lnefnd“ menntamálaráðuneytisins,
jafnframt starfí þínu á Kjarvalsstöð-
um? Úthlutaðir þú þaðan sýningar-
tækifæmm erlendis til listamanna?
Hvaða listamanna? Hefur þú áhrif
á það hvaða íslenskir listamenn fá
sýningartækifæri erlendis á vegum
Kjarvalsstaða? Hvaða núlifandi
listamenn hafa fengið slík tækifæri?
Hefur þú áhrif á það hvaða lista-
menn fá boðssýningar á Kjarvals-
stöðum, starfslaun og styrki frá
Reykjavíkurborg? Hefur þú áhrif á
það hvaða íslenskir iistamenn fá
erlenda „listspekúlanta" til að skoða
verk sín, eða sitja allir listamenn
við sama borð? Eru það oft sömu
listamenn (svokallað „landslið") sem
sitja í fyrirrúmi um slík tækifæri?
Boðaðir þú ýmsa fyrirmenn í at-
vinnulífinu á þinn fund á Kjarvals-
stöðum, þar sem þú lagðir fram lista
yfir þá listamenn, sem þeir ættu að
kaupa verk eftir? Eru þetta eðlilegar
starfshættir safnstjóra í opinbem
embætti? Vilt þú upplýsa þjóðina
um nöfn þessara „yfirburða" lista-
manna og rök þín fyrir þeirri fullyrð-
ingu?
Hver er ástæðan fyrir því að
gagnrýnendur á störf þín í hópi
listamanna sitja ekki við sama borð
og aðrir listamenn hjá þeim stofnun-
um og fyrirtækjum sem þú vinnur
fyrir? Eru það eðlilegir stjórnar-
hættir á sama tíma og skoðana- og
tjáningafrelsi er í stjómarskrá talið
til fæðingarréttar hvers manns?
Hefur þú einhverntíma reynt að
hafa áhrif á val Ríkissjónvarpsins á
„Listamanni vikunnar"? Fylgir sú
ábyrgð starfí forstöðumanns Kjarv-
alsstaða? Er það eðlilegt starfssvið
þitt sem forstöðumanns Kjarvals-
staða, að veita einstaklingum og
einkafyrirtækjum listráðgjöf?
Meiri valddreifingu
Ég er þeirrar skoðunar að borgar-
yfirvöld verði að hluta til að bera
þann kross að hafa ekki afmarkað
betur starfssvið þitt og siðferðilega
eðlilegt umfang þess. Vissulega hef-
ur þú gert ýmsa góða hluti á Kjarv-
alsstöðum og það ber að þakka en
það þýðir ekki að störf þín séu haf-
in yfir gagnrýni. Getum við ekki
verið sammála um það, Gunnar, að
eðlilegra sé í svo smáu samfélagi
að dreifa völdum á fleiri aðila og
þannig stuðla að því að íslensk lista-
saga verði ekki gerð að einlitri lyga-
sögu um stórasannleik, heldur fái
hin raunverulega flóra íslenskra
lista að sjá dagsins ljós? Hér á landi
era fjölmargir einstaklingar sem era
að minnsta kosti jafnhæfir þér til
að meta stöðu og gæði lista, enda
er það mat vægast sagt ákaflega
afstætt. Ég vona að þú sjáir þér
fært að upplýsa þjóðina undan-
bragðalaust um ofangreindar at-
hugasemdir. Að öðrum kosti er eins
líklegt að þú þurfir lengi enn að
hlusta á það sem þú kallar „gamla
sönginn" og „tugguna“.
Þessar athugasemdir eru byggðar
á heimildum frá: Menntamálaráðu-
neytinu, Reykjavíkurborg, starfs-
mönnum Flugleiða, Sýslumanns-
embættinu í Reykjavík, starfsmönn-
um Rúv-sjónvarp, Listskreytinga-
sjóði ríkisins og Menningarmála-
nefnd Reykjavíkur.
SVERRIR ÓLAFSSON,
listamaður.
Allt efni sem birtist í Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.