Morgunblaðið - 25.03.1995, Qupperneq 60

60 LAUGARDAGUR 25. MARZ 1995
MORGUNBLAÐIÐ
E<S HErALDRE! '\~~7p’Ft)B£)ULB3 T EKK&&T /T/U-
TAPAD DA/Vl/Vtl ) (WeKAUG FERÐ EF ÉG FEP AÐ TAfí*
-------1 /——•—y XpOAÐþuír '—rrrr^rr-._.»
,..I/ECT/ é<3
SP/L/NU
Ljóska
Smáfólk
Þannig lýkur ritgerð
minni um sólina ...
Þú ert næst,
herra...
gerðin mín
um vind-
ínn .
BREF
HL BLAÐSINS
Kringlan 1103 Reykjavík • Sími 569 1100 • Símbréf 569 1329
Er dómsmálaráðu-
neytið á fráfæru-
tímabilinu ennþá?
Frá Sveini Bjömssyni:
ER ÞAÐ tilfellið að þar inni skilji
menn ekki hvað er að gerast í þjóð-
félaginu? Skilja ekki hvað glæpa-
klíkurnar, þessir 230 manns sem
eiga að vera innilokaðir, en vaða
hér uppi, fremja alls konar glæpi,
ræna og rupla, ráðast á fólk á göt-
um úti og vaða inn á heimili fólks
og lögreglan ræður ekki við neitt
vegna fámennis. Stundum nást þeir
og eru settir inn á meðan verið er
að rannsaka mál þeirra, játa og er
svo sleppt. Fremja kannski 2-3
innbrot á sólarhring.
Lögreglunni fækkar jafnt og
þétt. Fé til lögreglunnar skorið við
nögl og nánast algjört fjársvelti til
lögreglunnar. Slíkt er búið að vara
lengi. Það gerir lögregluna mátt-
lausa gagnvart glæpalýðnum. Blátt
bann við aukavinnu nema kannski
50 tímum á mánuði, sem eru fljótir
að fara, en eins og allir vita er
mest að gera fýrir lögregluna á
nóttunni. Þeir vita ekki þessir ráða-
menn í dómsmálaráðuneytinu að
eftir því sem lögreglan er fámenn-
ari verður hún máttlausari, en
glæpalýðurinn veit það og notfærir
sér.
Launin hjá lögreglunni eru svo
lítil, að þeir geta ekki framfleytt
fjölskyldum sínum. Þetta er að
verða til skammar hjá dómsmála-
ráðuneytinu að niðurníða svona lög-
regluna, sem endar bara með því,
eins og ég hef áður sagt, að það
fást engir almennilegir menn í hana
lengur. Starf lögreglunnar er ekki
metið nóg, enda það nýjasta að láta
hjálparsveitir vinna lögreglustörf,
sem er fyrir neðan allar hellur.
Hjálparsveitimar eru alveg bráð-
nauðsynlegar og hafa unnið mörg
frábær afrek, þannig að til sóma
er, en að ætla sér að fara að nota
góðsemi þeirra afla til að vinna lög-
reglustörf er fyrir neðan allar hell-
ur. Auðvitað eiga yfirmenn lögregl-
unnar í Reykjavík að fá lánaða lög-
reglumenn frá nálægum bæjarhlut-
um í vissum tilfellum, en þá kemur
á daginn, að þeir eru svo illa mann-
aðir, að þeir eru ekki aflögufærir,
nema að kalla út aukavaktir, en
það kostar peninga sem lögreglan
hefur ekki ráð á, en hjálparsveitir
kosta ekkert. Svona langt er nú
gengið. Allt er á niðurleið vegna
sparnaðar hjá þessum háu hermm.
Sem dæmi má nefna, að það voru
ekki nema fimm nemendur í Lög-
regluskólanum í vetur. Sýslumenn-
irnir höfðu ekki efni á að senda
nýja lögreglumenn í skólann vegna
peningaleysis og svo engir nýir lög-
reglumenn ráðnir, þó bráðnauðsyn-
legt sé. Kannski leggja þessir herr-
ar í dómsmálaráðuneytinu Lög-
regluskólann niður. Þó ættu þeir
að vita að lögbrotum er alltaf að
fjölga. Eitrið er enn meira og flæð-
ir yfir landið. Sannleikurinn er því
miður sá, að þessum fíkniefnamál-
um hefur ekki verið nóg sinnt vegna
lítils mannafla í fíkniefnalögregl-
unni. Ekki gert eins og lofað var
fyrir margt löngu þegar Kristján
Pétursson deildarstjóri á Keflavík-
urflugvelli varaði við auknu eitur-
efnasmygli til landsins með flugvél-
um og skipum, þá væri kannski
minna um þessi vandamál núna.
Ég starfaði þá með Kristjáni í
nefnd, sem mig minnir að hafi ver-
ið skipuð af Alþingi líklega fyrir ca
15-20 árum. Þá lofaði þáverandi
dómsmálaráðherra fleiri hundum
sérþjálfuðum fyrir vélarrúm skipa
og í flugvélum, þannig að oft væri
hægt að skipta um, því hundar
verða líka þreyttir, en ekkert gerð-
ist að ráði í þeim málum.
Þessu rolukasti í dómsmálaráðu-
neytinu verður að linna. Það eru
nýir tímar og fráfærutímabilið
löngu liðið. Það þarf að borga lög-
reglunni mannsæmandi fastakaup,
minnka eftirvinnu, en þegar hún
verður að vinnast geta lögreglu-
menn fengið hann að mestu í fríum,
í sumarfríum eða vetrarfríum eða
þegar hentar. Að þessu þarf að
vinna í næstu samningum. Það er
gott að starfandi lögreglumenn eru
farnir að þora að láta heyra frá sér
sannleikann í þessu ófremdar-
ástandi, sem er orðið um allt land.
Vonandi verða þeir ekki reknir
fyrir að segja meiningu sína.
Svo er það dómskerfíð sem er í
molum. Engir dómar að ráði fyrir
innbrot og þjófnaði, nauðganir eða
rán. Það læðist að mér sá grunur,
að fangelsisleysið ráði þar ein-
hveiju. Kannski bara miklu. Það
er auðvitað bágt fyrir dómarann,
að dæma menn í langt fangelsi,
þegar þeir vita að þangað komast
þessir ógæfumenn ekki fyrr en eft-
ir dúk og disk. Þegar þeir hafa
kannski lagast, eru orðnir heimilis-
feður eða eftir 2-6 ár frá því að
þeir frömdu afbrotið, settir inn. Þá
fer þetta að nálgast mannréttinda-
brot hjá dómsmálaráðuneytinu. Ef
það á að hafa einhver áhrif hjá
afbrotamönnum að fara í fangelsi,
verður það helst að gerast strax
eftir að dómur er fallinn. Annars
er þetta allt vonlaust hjá þessum
afbrotamönnum og þeir bæta meiru
og meiru við sig af afbrotum eins
og reyndin hefur orðið. Það er ann-
ars dálítið skrýtið, að enginn stjórn-
málaflokkur hefur nú þegar stutt
er til kosninga beitt sér fyrir að
stemma stigu við fíkniefnamálum.
Það sést ekki á stefnuskrá þeirra.
Kannski eru engin atkvæði á bak
við slíkt?
Það væri nú gott ef dómsmála-
ráðuneytið drifi nú í því að klára
þetta litla fangelsi á Litla-Hrauni
og taki úr umferð verstu skunkana.
Það gæti haft áhrif. Setja suma
unga á meðferðarheimili, svo sem
í Krísuvík og víðar. Ég hef aldrei
viljað að mjög ungir afbrotamenn
færu inn um mjög slæma afbrota-
menn sem eru kannski á Litla-
Hraúni. Það gæti gert þá verri en
þeir voru.
SVEINN BJÖRNSSON,
fyrrv. yfirlögregluþjónn.
Allt efni sem birtist I Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.