Morgunblaðið - 07.04.1995, Qupperneq 16

16 FÖSTUDAGUR 7. APRÍL 1995
LANDIÐ
MORGUNBLAÐIÐ
Loksins messufært eftir
langan illviðriskafla
Þórshöfn - Eftir langa illviðriskafla
varð loks messufært á Þórshöfn á
sunnudag en litlu munaði þó að
kirkjukórinn yrði veðurtepptur inni
í Kelduhverfi.
Kórinn fór á kirkjukóramót sem
haldið var í Skúlagarði fyrir alla
kirkjukóra í Norðursýslunni og var
fimm tíma á leiðinni þangað með
rútu. Ekki tók þó betra við á heim-
leiðinni seint um laugardagskvöld
en þá var komið versta veður og
voru kórfélagar þá sjö tíma á. leið-
inni til Þórshafnar með aðstoð snjór-
uðningstækis.
Til Þórshafnar komst kórinn loks
klukkan sjö á sunnudagsmorgun og
hafði það tekið alla nóttina að kom-
ast þessa leið sem í venjulegu færi
er rétt um tveggja tíma akstur.
Hátíðleg æskulýðsmessa var síðan
haldin í Sauðaneskirkju og tóku
bæði skátar og fermingarbörn virk-
an þátt í henni og lásu bænir og
ritningargreinar.
Hefð er orðin fyrir því að vígsla
ungskáta fari fram við guðsþjónustu
í kirkjunni og er það jafnan hátíðleg
athöfn en einnig var barnsskírn svo
bjartur ljómi var yfir litlu kirkjunni
á Sauðanesi þennan sunnudag þar
sem æskan var í aðalhlutverki.
Að messu lokinni buðu skátar öll-
um í kaffiveitingar og kvöldvöku í
félagsheimilinu en nokkuð öflugt
skátastarf er hér á Þórshöfn undir
einstakri stjórn íþróttafulltrúans
Stefáns Más Guðmundsonar og var
þar fjölmenni í góðum fagnaði.
Við erum í hátíðarskapi og bjóðum þér
sérstaklega á opnunina.
Glæsilegt úrval af úrvals fatnaði í nýrri
og stórglæsilegri verslun.
►FJOLSKYLDUNNN
Hennes & Mauritz stórverslun
opnar í dag í Húsi verslunarinnar - áður IKEA
——~— ------—j—
Morgunblaðið/Anna Ingólfsdðttir
ÞÁTTTAKENDUR sem luku námskeiði í umönnun barna.
Starfsfræðslunám-
skeið á Egilsstöðum
Egilsstöðum - Verkalýðsfélagið
hefur í samvinnu við MFA á und-
anförnum vikum
haldið tvö
kjarnanámskeið
fyrir starfsfólk í
umönnunarstörf-
um. Annað var
fyrir þá sem ann-
ast börn en hitt í
umönnun aldr-
aðra og fatlaðra.
Námskeiðin hó-
fust á sjálfstyrk-
ingu og skyndi-
hjálp var stór þáttur. Komið var
inn á líkamsbeitingu, samskipti
o.fl. Hvort námskeið tók um 60
kennslustundir og voru sjö leið-
beinendur á hvoru. Um 40 konur
luku þessu kjarnanámi sem veitir
rétt til launahækkunar. Markmið
með námskeiðum þessum var að
efla meðvitund og auka starfs-
hæfni.
Sjálfstyrking kemur sér vel
Bryndís Sigurgeirsdóttir,
starfsstúlka á Sjúkrahúsinu á
Egilsstöðum, var ein þátttakenda
á námskeiðinu. Hún telur nám-
skeiðið mjög gagnlegt. Þar hafi
komið fram atriði sem vekji um-
hugsun um ýmis málefni innan
starfsins. Hún segir sjálfstyrk-
ingu og siðfræði og samskipti
koma sér vel bæði persónulega
og eins í starfi en aðrir þættir svo
sem skyndihjálp komi að gagni
við verklega þáttinn.
Morgunblaðið/Árni Helgason
NÝIR rekstraraðilar og starfsmenn veitingastaðarins Knudsens.
Nýir rekstaraðilar
Knudsens í Stykkishólmi
Stykkishólmi - Veitingastaðurin
Knudsen tók til starfa í nýju húsi í
miðbænum í Stykkishólmi fyrir fjór-
um árum. Hann hefur notið vinsælda
bæði hjá bæjarbúum og ferðamönn-
um enda hefur hann þótt hlýlegur
og þjónustan góð.
Lárus Pétursson og Hafdís
Knudsen byggðu húsið og hafa ann-
ast rekstur Knudsens en þann 1.
mars sl. tóku nýir aðilar við rekstrin-
um. Það voru hjónin Guðmundur
Svavarsson og Hrafnhildur Björns-
dóttir sem komu hingað frá Eski-
fírði ásamt dóttur sinni, Þórunni, og
tengdasyni, Hilmari Hákonarsyni.
Þau hafa tekið Knudsen á leigu til
eins árs. Ástæðan fyrir því að þau
komu hingað segja þau að því ráði
viss ævintýralöngum og áhugi fyrir
að reyna eitthvað nýtt á nýjum stað.
Þau eru ekki ókunnug svona rekstri
því Hrafnhildur rak um tíma mat-
sölustað á Eskifirði. Aðspurð eru þau
mjög ánægð með þær móttökur sem
þau hafa fengið frá þau hófu störf
og sögðu að bæjarbúar hafi sýnt
þeim mikinn velvilja og að þau væru
bjartsýn á framhaldið.
Á Knudsen verður lög áhersla eins
og áður á góða þjónustu og góðan
mat svo að allir sem koma fari
ánægðir frá þeim. Þá ætla þau að
bjóða upp á skemmtikrafta annað-
hvert föstudagskvöld. Knudsen er
opinn alla virka frá kl. 11.30-23.30
og um helgar til kl. 2 eftir miðnætti.
Frumsýning' á Volvo 960
í Vestmannaeyjum
Vestmannaeyjar - Brimborg hf.
verður með stórsýningu í Vest-
mannaeyjum helgina 8.-9. apríl þar
sem nýr Volvo 960 verður sýndur í
fyrsta sinn á íslandi. Volvo 960 er
flaggskip Volvo- verksmiðjanna,
með 6 strokka vél, sjátfskiptingu,
loftpúða í stýri, ABS hemlakerfi,
samlæsingu, leðursætum og mörgu
fleiru, segir í fréttatilkynningu.
Til viðbótar við Volvo 960 mun
Brimborg hf. sýna Volvo 850, marg-
verðlaunaðan glæsivagn, Volvo 460
fjölskyldubíl á góðu verði, Daihatsu
Charade, vinsælasta smábílinn og
Ford Mondeo sem var kjörinn bíll
ársins 1994. Nokkrir góðir notaðir
bílar verða einnig til sýnis og sölu.
Sýningin verður í íþróttahúsinu í
samvinnu við Handknattleiksráð
ÍBV og verður ýmislegt til skemmt-
unar til viðbótar við úrval nýrra og
notaðra bíla. Sýningin verður opin
frá 10-17 laugardag og 13-16
sunnudag. Boðið verður upp á kaffi
og meðlæti.