Morgunblaðið - 11.04.1995, Blaðsíða 43

MORGUNBLAÐIÐ
ÞRIÐJUDAGUR 11. APRÍL 1995 43
BRÉF TIL BLAÐSIIMS
Hver á
auðlindir
landsins?
Það er aldrei of
seint — leggðu
inn strax í dag
Frá Ólafi Maríussyni:
INNLEGG þitt í banka lífsins, er
gjöf til barnsins þíns og er ekki
stórt í sniðum, aðeins eitt orð.
Orðið er trúnaðartraust.
Þegar fyrstu vextir berast,
hlýnar þér um hjartarætur - barn-
ið þitt kemur til þín og segir,
mamma - pabbi, ég þarf að segja
þér svolítið. Svo koma vaxtavextir
þið eruð að eignast sameiginlegan
fjársjóð, sem enginn getur tekið
frá ykkur. Barnið þitt hefur eign-
ast sterkan vin, fastan punkt í líf-
inu og öryggiskennd sem er líf-
snauðsynleg öllum mönnum. Sjóð-
urinn ykkar eflist - það koma
fleiri börn, þau fá sitt innlegg.
Pöstu punktarnir verða að sterk-
um stoðum, þessar sterku stoðir
verða burðarvirki að æðsta tak-
marki kristinnar trúar - kærleik-
anum.
Hinn æðsti skapari himins og
jarðar, gaf manninum ljós af sínu
ljósi - til ferðarinnar miklu,
reynslustigsins á jarðarkringlunni.
Þetta ljós er Guðs neisti í brjósti
þínu - kærleikurinn. En því miður
er maðurinn að glata þessari dýr-
mætustu gjöf sinni í græðgi - öf-
und og takmarkalausan valda-
hroka.
Ást og kærleikur eru systkini -
ástin er krefjandi en kærleikurinn
ekki.
Það má ekki ske, að barnið þitt
standi aleitt - ráðalaust, með
hræðsluglampa í augum, starandi
út í kalda nóttina - kallandi á hjálp
í örvæntingu sinni.
Heyrirðu ekkert?
Sérðu ekkert?
Ertu of upptekinn að sinna því
sem einskisvert er, þegar reynslu-
tíma þínum lýkur? Stöðvaðu hrað-
ann - gáðu að þér - þú ert með
fjöregg þjóðarinnar, lífsblómann
sjálfan í höndunum. Ertu að láta
hann koðna niður í höndum þér?
Það er ófyrirgefanlegt. •
Við verðum að styrkja og standa
með börnum okkar, af öllum
mætti, til að þau geti staðið á
móti þessari gráðugu, svörtu eyð-
andi hönd sem seilist til þeirra með
öllum ráðum - þau geta þetta
ekki ein og óstudd.
Burt með fíkniefnin og eiturlyf-
in, þau eru skugginn svarti sem
læsir klónum, hvar sem færi gefst.
Stöndum við ráðþrota gagnvart
þessari ófreskju? Sem er að éta
börnin okkar. Ofreskja sem teygir
svarta krumlu sína í alla grunn-
skóla landsins. Ég trúi því ekki,
við með víkingablóð í æðum látum
í minni pokann fyrir þessari
ófreskju.
Erum við að verða einhverskon-
ar miðjumoðsaumingjar, sem
sjáum ekkert, heyrum ekkert -
lítum undan þegar á okkur er kall-
að? Ætlum við að láta þennan
andskota ráðast inn á heimili okk-
ar, á skítugum skónum, án þess
að snúast til varnar? Ég trúi því
ekki! Hvar eru nú allir riddarar
götunnar, næturriddararnir sem
ráðast á saklaust fólk með ofbeldi
og barsmíðum? Snúið þið ykkur
að því sem að gagni kemur og
hjálpið okkur að leggja óargadýrið
að velli - sýnið samstöðu og verið
stoltir af verkum ykkar.
Fyrsta innlegg í banka lífsins
þarf ekki að vera stórt til að það
beri árangur. Árangurinn næst
aðeins þegar fjársjóður okkar í
banka lífsins er orðinn það öflugur
að börnin okkar - fjöregg þessarar
þjóðar - hafa fengið þann sterka
bakhjarl sem samhent og ham-
ingjusöm fjölskylda er.
Eflum fjölskyldutengslin -
trúnaðinn og traustið - þá þurfum
við ekki að kvíða framtíðinni. Það
er ósk mín að banki lífsins megi
vera öflugastur af öllum bönkum
landsins og öll þjóðin leggi sinn
skerf til þess. Innleggið er ekki
stórt, aðeins eitt orð sem þú gefur
barninu þínu - orðið er trúnaðar-
traust.
ÓLAFUR MARÍUSSON,
Heiðvangi 7, Hafnarfírði.
Frá Einari Erlingssyni:
ÞAÐ VÆRI dapurlegt til þess að
hugsa að tveir grátkirtlar yrðu orsök
þess að landauðn yrði með ströndum
landsins. Eins og horfir nú er verið
að taka lífsbjörgina af fólkinu með
núverandi kvótakerfí: Smábátarnir
brendir og fiskvinnslan tekin af fólk-
inu í sjávarþorpunum og flutt út á
sjó til fullvinnslu, ekki hefur heldur
verið hugsað um velferð fiskistofn-
anna þar sem miðin eru völtuð með
botnvörpum, en hver og ein þekur
ummál margra knattspyrnuvalla og
eirir engu á vegferð sinni um hafið.
Hverjir voru að tala um að þjóðin
ætti auðlindina? Hvað hefur fólk að
gera með eign eða þjóðararf sem
búið er að girða af til handa örfáum
sægreifum? Er þá ekki eins gott að
selja miðin á einu bretti og skipta
upphæðinni milli fólks sem það gæti
notað til brottfarar af skerinu?
Mér hefur fundist fara lítið fyrir
umræðunni um þetta mál málanna
hjá stjórnmálamönnum okkar í kosn-
ingahríðinni. Ætlar enginn einn
flokkur að ganga fram fyrir sköldu
og segja þessu stórhættulega kvóta-
kerfi stríð á hendur? Ég yrði ekki
hissa þótt sá hinn sami fengi góðan
byr í seglin.
Ég vil benda fóki á að lesa grein
Önundar Ásgeirssonar, fyrrverandi
forstjóra OLIS, sem birt var í Morg-
unblaðinu 25. mars sl. Er ekki kom-
inn tími til að þjóðin vakni til meðvit-
undar um þetta stórhættulega ferli
sem hér er komið á góðan skrið með
okkur fram af hengibrúnni.
EINAR ERLINGSSON,
Langholtsvegi 63.
FORVITNIÉEGT
m FRÓÐEEGT,
SKEMMTIEEGT
m SKRÍTIÐ...
DAGAR ÍSLANDS er forvitnileg bók þar sem
Jónas Ragnarsson rifjar upp atburði úr sögu
og samtíð á nýstárlegan hátt.
•Efni bókarinnar raðað eftir mánaðardögum.
•A þriðja þúsund atburðir frá fyrri öldum til okkar daga.
• Stórtíðindi í aldanna rás en einnig hið skrítna og skondna.
•Unnið úr hundruðum heimildarrita.
DAGAR ÍSLANDS er eiguleg og
áhugaverð bók sem flett verður aftur og aftur.
BÓK FYRIR FÓLK Á ÖLLUM ALDRI!
é
VAKA-HELGAFELL
SÍÐUMÚLA 6, 1 08 REYKJAVÍK
FERMJXGAHGjÖFIX f ÁH