Morgunblaðið - 12.04.1995, Síða 5

MORGUNBLAÐIÐ
MIÐVIKUDAGUR 12. APRÍL 1995 5
FRÉTTIR
Viðhaldsstöð Flugleiða á Keflavíkurflugvelli hefur starfað í rúm tvö ár
Þrátt fyrir harðnandi samkeppni
ber markaðsstarf árangnr
Þrátt fyrir harðnandi
samkeppni á alþjóðleg-
um viðhaldsmarkaði
hefur Flugleiðum tekist
að ná samningum við
erlend flugfélög um við-
hald á flugvélum.
Egill Ólafsson heimsótti
viðhaldsstöð Flugleiða á
Keflavíkurflugvelli.
VIÐHALDSSTÖÐ Flug-
leiða á Keflavíkurflug-
velli hefur tekist að
hasla sér völl á alþjóð-
legum viðhaldsmarkaði. I ár og í
fyrra náði stöðin samningum um
viðhald á nokkrum Fokker-50 flug-
vélum. Að sögn Guðmundar Páls-
sonar, framkvæmdastjóra tækni-
sviðs og stöðvarreksturs, hefur
verið harðsóttara fyrir Flugleiðir
að ná árangri á þessu sviði en
gert var ráð fyrir í upphafi þegar
ákveðið var að byggja nýja við-
haldsstöð á Keflavíkurflugvelli.
Astæðan sé sífellt harðnandi sam-
keppni á þessum markaði.
Viðhaldsstöð Flugleiða á Kefla-
víkurflugvelli tók til starfa 24.
febrúar 1993. Öll starfsemi við-
haldsdeildar var flutt í nýju stöðina
nema hvað línuviðhald á Fokker-50
vélum er enn í Reykjavík. Starfs-
. menn viðhaldsstöðvarinnar eru nú
um 150. Þeim var fjölgað um 20
fyrir um hálfu ári. Astæðan er
m.a. sú að tekist hefur að fá við-
haldsverkefni frá útlöndum.
Samningar um skoðun
á Fokker-50 vélum
Á síðasta ári sá viðhaldsdeild
Flugleiða um stórskoðun á þremur
Fokker-50 flugvélum fyrir norskt
flugfélag. Guðmundur sagðist gera
sér vonir um að framhald yrði á
þessum viðskiptum. Gera þyrfti
stórskoðun á vélunum aftur á
næsta ári.
Nýlega náðu Flugleiðir samningi
við SAS um stórskoðun á þremur
Fokker-50 vélum. I samningnum
eru fyrirheit um skoðun á fleiri
vélum, en SAS á 22_Fokker-50
vélar. Verðmæti samningsins er
20-30 milljónir króna. Flugvélam-
ar koma til landsins í júlí.
„Markaðsstarf okkar hefur stað-
ið í eitt og hálft ár og á þeim tíma
höfum við náð að koma okkar
nafni á framfæri við mjög marga
aðila. Nú hrúgast inn beiðnir um
tilboð í verk sem við fengum aldr-
ei áður. Árangurinn af markaðs-
starfinu er því greinilegur," sagði
Valdimar Sæmundsson, deildar-
stjóri skipulags- og söludeildar.
Harðnandi samkeppni á
alþjóðlegum markaði
„Það er gífurlega hörð sam-
keppni á þessum alþjóðlega við-
haldsmarkaði og miklu harðari en
hefur sést nokkru sinni áður.
Ástæðan fyrir þessu er sú að á
síðasta áratug var mikill uppgang-
ur í fluginu og mikil þensla. Það
var framleitt óheyrilegt magn af
flugvélum. Það leit út fyrir að
gömlu flugvélunum yrði haldið við
lengi, sem hefði þýtt að þær hefðu
þurft mjög mikið viðhald. Vegna
VERIÐ var að ljúka A-skoðun á Aldísi 737-400 vél Flugleiða í gær. í ljós kom smávægilegur
leki í fóðringu í hjólabúnaði. Vel gekk að gera við bilunina.
Morgunblaðið/RAX
FLUGVIRKJAR Flugleiða fundu
Aldísar. Hurðin var tekin
þessarar þenslu var byggt mjög
mikið af flugskýlum. Fjöldi fyrir-
tækja byggði risaflugskýli til að
taka að sér viðhald fyrir aðra.
Síðan breyttist mjög margt í
alþjóðlegu flugumhverfi og það
leiddi til kreppu. Fjölda flugvéla
var hreinlega lagt til langs tíma.
Ekkert varð úr þeirri viðhaldsvinnu
sem menn áttu von á og nú standa
þessi stóru flugskýli, sem hafa
mörg hver ráðist í miklar íjárfest-
ingar, verkefnalaus," sagði Valdi-
mar.
Valdimar sagði að þessi harða
samkeppni hefði leitt til verðlækk-
unar á viðhaldsþjónustu. Viðhalds-
þjónusta á Fokker-50 vélum væri
núna t.d. 15-20% ódýrari en hún
var fyrir tveimur árum.
Leiðandi í viðhaldi á
Fokker- 50 vélum
Valdimar sagði að Flugleiðir
væru núna leiðandi fyrirtæki í við-
haldi á Fokker-50 vélum, bæði
hvað varðar verð og gæði þjón-
litla sprungu í hurð á farmklefa
af og sprungan lagfærð.
ustunnar, en fjögur fyrirtæki í
heiminum keppa aðallega á þess-
um markaði. Hann sagði að Flug-
leiðum hefði tekist að ná þessu
SAS-verkefni þrátt fyrir að við-
haldsdeild SAS hefði boðið í verkið.
Guðmundur sagði að umframaf-
kastageta viðhaldsstöðvarinnar
væri um 20%. Hann sagði að stöð-
in gæti aukið afkastagetuna með
því að bæta við mannskap. Það
yrði gert ef tækist að ná fleiri al-
þjóðlegum viðhaldsverkefnum.
Guðmundur sagði að skortur á
velmenntuðum flugvirkjum væri
ekki vandamál fyrir Flugleiðir.
„Islenskir flugvirkjar eru vel-
menntaðir og það er sóst eftir þeim
í vinnu erlendis. Ég get nefnt sem
dæmi að íslenskir flugvirkjar hafa
stofnað fyrirtæki í Indónesíu og
sjá um viðhald á flugvélum þar
fyrir eitt flugfélag. Einn fyrrver-
andi starfsmaður okkar er orðinn
tæknistjóri fyrir flugfélag á Ind-
landi,“ sagði Guðmundur.
Á SKRÚFUDEILD var verið að fa
Flugvirkjar töldu þörf á að gera
Umsjón með viðhaldi
Viðhaldsstöð Flugleiða hefur
tekist að ná samningum um við-
haldsumsjón fyrir önnur flugfélög.
„Viðhald á einni Fokker-50 vél
felur í sér 724 mismunandi við-
haldsverk. Sum eru unnin á hveij-
um.degi og sum á 12 ára fresti.
Það er mikil vinna fólgin í því að
halda utan um stjórn á þessari við-
haldsvinnu. Okkur hefur tekist að
ná samningum um að taka að okk-
ur viðhaldsumsjón fyrir sænskt
flugfélag sem er að byija rekstur
á Fokker-50 vélum.
Það eru mörg minni félög að
færa sig yfir í rekstur Fokker-véla
og því teljum við okkur eiga mögu-
leika á að vinna markað á þessu
sviði,“ sagði Valdimar.
Rétt að byggja upp
viðhaldsstöð hér á landi
Kostnaður við viðhald á flugvél-
um er mikill. Árleg velta viðhalds-
deildar Flugleiða er um 1,5 milljarð-
ra yfir skrúfu úr Fokker- 50 vél.
lagfæringar á einu skrúfublaði.
ar. Kostnaðurinn felst ekki síst í
dýrum varahlutum og varahlutalag-
er. Flugleiðir þurfa t.d. að eiga tvo
aukahreyfla, en einn hreyfíll kostar
um 320 milljónir króna. Verðmæti
varahreyfla og varahluta sem Flug-
leiðir eiga er yfir 2,5 milljarðar
króna. Innan Flugleiða hefur þeirri
spurningu stundum verið veit upp
hvort hagkvæmara sé að kaupa við-
haldsþjónustu frá útlöndum en að
reka eigin viðhaldsdeild.
„Ég held að það hafi verið rétt
ákvörðun hjá Flugleiðum að vera
með viðhaldið áfram hér á landi.
Það voru uppi vangaveltur um hvort
það væri skynsamlegt. Ég tel að
það hafi tekist mjög vel til og það
hafí verið rétt ákvörðun að byggja
viðhaldið upp á íslandi og bjóða
þessa vinnu til útflutnings. Það er
hægt að bera þetta saman við okk-
ar skipasmíðaiðnað sem hefur á
fáum árum flust úr landi að veruleg-
um hluta. í staðinn fyrir að flytja
vinnuna út erum við að flytja vinnu
inn í landið,“ sagði Guðmundur.