Morgunblaðið - 12.04.1995, Blaðsíða 44

44 MIÐVIKUDAGUR 12. APRÍL 1995
MORGUNBLAÐIÐ
Dýraglens
Grettir
Ljóska
Ferdinand
BREF
TTL BLAÐSINS
Kringlunni 1 103 Reykjavík • Sími569 1100 • Símbréf 569 1329
Ættleiðing
Ekki bara von heldur góður möguleiki
Frá Guðrúnu 0. Sveinsdóttur:
í MORGUNBLAÐINU síðasta
föstudag 31. mars rakst ég á grein
eftir Lindu Magnúsdóttur. „Þegar
glasafijóvgun er eina vonin“ er
nafn greinarinnar og er ég mjög
ósátt við það. Hugleiðingar Lindu
um glasafijóvgunardeild
Landspítalans geri ég ekki at-
hugasemdir við, vil aðeins lýsa
ánægju minni með árangur deild-
arinnar og ekki síður það góða
viðmót og skilning sem starfsfólk
deildarinnar sýnir fólki sem þang-
að leitar eftir aðstoð.
Mig langar hins vegar til að
benda barnlausum hjóinum á þann
möguleika að ættleiða bam. í
mínum huga er það að eignast
barn svo miklu meira en aðeins
meðganga og fæðing. Að eiga
barn er miklu fremur að annast
barnið, ala það upp og geta dag-
lega sýnt því ást og umhyggju.
Að fá bamið sitt í fangið í fyrsta
sinn er stór stund, sú stærsta í
lífínu og gildir þá einu hvort um
er að ræða fæðingu eða ættleið-
ingu. Að eignast kjörbam er líka
fæðing, bara annars konar fæðing
en oftast er talað um, nefnilega
fæðing eða upphaf fjölskyldu.
Vinkonur mínar sem hafa bæði
ættleitt böm og einnig fætt börn
em sammála mér um þetta.
Þegar hjón ættleiða barn fær
barn sem misst hefur fjölskyldu
sína annað tækifæri í lífínu, tæki-
færi til að eignast nýja fjölskyldu,
jafnframt því að hjónin fá tæki-
færi til að gefa kærleik sinn og
ástúð bami sem ekki nyti þessa
annars. Svo sannarlega gagn-
kvæmur ávinningur.
Við hjónin vomm svo lánsöm
fyrir 10 áram að ættleiða litla
stúlku frá Sri Lanka, og þrem
ámm síðar eignuðumst við dreng
sem fæddur er í Indlandi. Börnin
okkar vora langþráð óskabörn og
hafa gert líf okkar skemmtilegra
og innihaldsríkara en okkur óraði
fyrir. Auk hamingjunnar sem
börnin hafa fært okkur hafa
ferðalög okkar til að sækja þau
verið spennandi og vonandi aukið
víðsýni okkar, en jafnframt gert
okkur þakklátari fyrir að fá að
búa í okkar góða landi og njóta
þeirra lífskjara sem hér era. Ann-
ar kostur við ættleiðingu er sá að
báðir foreldrar eru jafnmikilvægir
í undirbúningi hennar og einnig
eftir heimkomu barnsins, verka-
skipting er ekki sjálfgefín eins og
á meðgöngutíma og við bijóstag-
jöf eftir fæðingu.
Eg vil hvetja alla þá sem beij-
ast við ófijósemi til að íhuga það
hvort ættleiðing geti verið rétta
lausnin á barnleysinu. Þótt flest-
um þyki í fyrstu sjálfsagt að þeir
eignist börn þegar þeir kjósa þá
verður reynslan oft önnur, börnin
láta bíða eftir sér. Þá er gott að
vita að möguleikarnir eru fleiri
en sýnist í fljótu bragði, hægt er
að ættleiða börn af erlendum upp-
runa og alltaf er eitthvað um að
óskað sé eftir fósturforeldram fyr-
ir íslensk börn.
Ættleiðingar barna frá fjarlæg-
um löndum hafa tíðkast síðastliðin
25 ár. Rannsóknir á högum kjör-
barna hafa ekki ennþá verið gerð-
ar á ísiandi en niðurstöður rann-
sókna í nágrannalöndunum eru
mjög samhljóða, börnunum og
fjölskyldum þeirra vegnar al-
mennt mjög vel. Um 300 börn af
erlendum upprana hafa eignast
íslenska kjörforeldra og starfandi
er félag kjörfjölskyldna sem einn-
ig aðstoðar umsækjendur um ætt-
leiðingu. Félagið heitir íslensk
ættleiðing.
GUÐRÚN Ó. SVEINSDÓTTIR,
Fögrubrekku 2, Kópavogi.
Spyrðu hundinn þinn hvort Hann sagði „nei“. Hvernig gat hann sagt „nei“?
hann vilji koma út að Hundar geta ekki talað... Hann
leika... hvíslaði.
Geta hundar hvísl-
að?
Nauðsynlegfur texti?
Frá Birni Matthíassyni:
ÉG VAR viðstaddur fermingar-
guðsþjónustu í Neskirkju 2. apríl
sl. þegar frænka mín fermdist. Á
þessari hátíðlegu stund hefði ég
ætlað að presturinn veldi ritn-
ingarlestur sem mundi hæfa tæki-
færinu. Nóg er af fallegum tilvitn-
unum í Biblíuna sem gætu talist
veganesti fyrir unglinga sem nú
stíga inn á braut fullorðinsáranna.
En ekki var því að heilsa. Sr.
Frank Halldórsson las þess í stað
kafla úr IV. Mósebók, 21. k., 5-9.
Fjallaði textinn um eitraða högg-
orma sem bitu og drápu ísraels-
menn í eyðimörkinni. Báru þeir
sig að vonum illa við Móse sem
aftur kvartaði við Jahve. Hann
fyrirskipaði að settur skyldi eitur-
ormur á stöng og ef höggormur
hafði bitið. einhvern og hann leit
til ormsins á stönginni, skyldi hann
lífí halda.
Nú spyr ég, hvaða erindi átti
þessi texti til fermingarbarnanna?
Var þetta tal um dauða ísraels-
menn, eiturorma og dýrkun á
ormshaus upp á stöng það vega-
nesti sem presturinn fann best
fynr fermingarbörnin?
I prédikuninni sjálfri gat prestur-
inn þess að nú stæðu börnin fyrir
ýmsu af því vali sem bíður ung-
linga í náinni framtíð. Þeir ættu
kost á því að „detta í það“, eins
og hann orðaði það, eða ná sér í
fíkniefni. Þetta fannst mér óviður-
kvæmilegt, enda er það margt ann-
að og jákvæðara sem bíður fólks
á unglingsáranum og fyrstu full-
orðinsáranum.
Þarna hefði mátt betur vanda til.
BJÖRN MATTHÍASSON
Allt efni sem birtist í Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.