Morgunblaðið - 12.04.1995, Side 8

8 MIÐVIKUDAGUR 12. APRÍL 1995
MORGUNBLAÐIÐ
FRÉTTIR
Það hefði einhvern tímann þótt saga til næsta bæjar að fína fólkið í útlöndum vildi fara í sorpið okkar.
Borgarsljórn samþykkir breyttar reglur um fjárhagsaðstoð
Fjárhagsaðstoð hækkar
til einstæðra foreldra
BREYTTAR reglur um fjárhagsaðstoð til skjólstæðinga Félagsmála-
stofnunar Reykjavíkurborgar hafa verið samþykktar í borgarstjórn.
Reglurnar gera ráð fyrir að dregið verði úr ijárhagsaðstoð til ein-
staklinga en framlag til einstæðra foreldra verði hækkað. Reglurn-
ar taka gildi 1. maí_ og verða til reynslu í eitt ár en endurskoðaðar
eftir sex mánuði. í bókun Sjálfstæðisflokksins í borgarstjórn er
meðal annars bent á að útgjöld vegna fjárhagsaðstoðar muni auk-
ast um tugi milljóna við breytinguna. I bókun Reykjavíkurlistans
segir að markmið með breytingunni sé meðal annars að einfalda
reglurnar, auka jafnræði með umsækjendum og flýta afgreiðslu.
Oskað
aðstoðar
vegna
þjófnaðar
RANNSÓKNARLÖGREGLAN
óskar eftir að heyra í kaup-
endum notaðra tölva frá hug-
búnaðarfyrirtæki á Smiðju-
vegi 4 í tengslum við rannsókn
máls.
Selt í gegnum
smáauglýsingar
Hörður Jóhannesson, yfir-
lögregluþjónn hjá RLR, sagði
að tveir menn væri í haldi
vegna innbrots og gruns um
að hafa stolið og komið í verð
töluverðu magni af tölvum,
símtækjum, faxtækjum og
öðrum skrifstofubúnaði.
Mennirnir hefðu auglýst bún-
aðinn til sölu í smáauglýsing-
um DV og selt í leiguhúsnæði
við Smiðjuveg.
Þess vegna óskar rann-
sóknarlögreglan eftir að heyra
í kaupendum notaðs hugbún-
aðar frá hugbúnaðarfyrirtæki
á Smiðjuvegi 4 í Kópavogi.
544 milljónir á fjárhagsáætlun
Um 3 þúsund einstaklingar og
fjölskyldur fá^aðstoð frá Félagsmála-
stofnun á ári og sagði Ingibjörg
Sólrún Gísladóttir borgarstjóri, að á
fjárhagsáætlun borgarinnar fyrir
árið 1995 væri gert ráð fyrir um
544 milljónum króna vegna fjár-
hagsaðstoðar og húsaleigubóta.
„Það er ekki markmið í sjálfu sér
að ná fram sparnaði með þessum
breytingum en við ætlum okkur að
reyna að halda þessu innan þeirra
marka sem fjárhagsáætlun borgar-
innar gerir ráð fyrir,“ sagði hún.
„Markmiðið er að einfalda reglum-
ar, gera þær skýrari og skiljanlegri
fyrir umsækjendur, starfsfólk,
stjórnendur og stjórnmálamenn. Þá
eiga þær einnig að tryggja jafnræði
í meðferð þessara mála hjá borg-
inni. Reglurnar eru svo óljósar og
mikið um heimildargreiðslur en þá
er veruleg hætta á að sambærileg
mál fái ekki sömu afgreiðslu. Og
þar sem fólk þekkir illa rétt sinn er
það líka illa í stakk búið til að áfrýja
sínu máli.“
60% skjólstæðinga einhleypir
- meirihlutinn karlmenn
Borgarstjóri sagði að 60% þeirra
sem nýtu aðstoðar frá félagsmála-
stofnun væru einhleypingar og að
karlmenn væru í meirihluta. Sagði
hún að stærsti einstaki hópur skjól-
stæðinga á Akureyri væri einstæðar
mæður eða 40% hjá Félagsmála-
stofnun Akureyrar en hann væri
ekki nema 26% í Reykjavík. Samt
væri stærra hlutfall einstæðra for-
eldra sem byggi í Reykjavík. „Ég
held að þetta sé vegna þess að regl-
urnar okkar virka svona,“ sagði
Ingibjörg.
I bókun Reykjavíkurlistans segir
einnig að reglurnar miði að því að
koma til móts við fátækar barnafjöl-
skyldur. í því fyrirkomulagi sem
hingað til hafi tíðkast hafi greiðslum
verið skipt með óeðlilegum hætti
milli ólíkra hópa skjólstæðinga. Ein-
stæðar mæður hafi verið 26% skjól-
stæðinga en einhleypir 60% og.feng-
ið 55% heildaraðstoðar. Einstæðar
mæður með tvö börn hafi aðeins
notið 2,82% af fjárhagsaðstoðinni.
40% hjóna með tekjur
undir viðmiði
í bókun Sjálfstæðisflokksins segir
meðal annars að skýrsla endurskoð-
enda sýni að ráðstöfunartekjur fjöl-
skyldu með þrjú börn verða allt að
145 þús. á mánuði eftir skatt. Þá
segir, „Til þess að hafa sömu ráð-
stöfunartekjur þurfa hjón með þrjú
börn að hafa að minnsta kosti 220
þús. í laun á mánuði. 40% hjóna á
vinnumarkaði á íslandi voru með
tekjur undir þeim mörkum á síðasta
ári.“ Þá jafngildi fjárhagsaðstoðin
því að einstaklingur hafí um 65 þús.
í laun á mánuði.
Bent er á að þeim fjölgi sem rétt
eigi á bótum með nýju reglunum og
að heimildargreiðslur verði meiri en
skýrslan geri ráð fyrir. Fjárhagsað-
stoð til einstaklinga hækki um 23%
eða úr rúmum 43 þús. í rúm 53 þús.
á mánuði en um 58% fyrir hjón.
Fullar atvinnuleysisbætur fyrir ein-
stakling á mánuði séu 50 þús. Fjár-
hagsaðstoðin muni því vera jafngild
því að laun einstaklings séu 65 þús.
á mánuði. Þá hafi bótagreiðslur frá
ríkinu svo sem barnabætur og
barnabótauki engin áhrif á fjárhags-
aðstoðina samkvæmt lögum. Jafn-
framt segir: „Þessar reglur eru til
þess fallnar að festa fólk í kerfi
Félagsmálastofnunar af þeirri
ástæðu að hagur þess mun versna
fjárhagslega með því að fara út á
vinnumarkaðinn."
Menningarmiðstöð ungs fóiks
Húsið er rekið
af þeim sem
nota það
MENNINGAR- og
upplýsingamiðstöð
ungs fólks, Hitt
húsið, var opnuð 15. nóvem-
ber 1991 í Brautarholti. Um
er að ræða verkefni á veg-
um íþrótta- og tómstunda-
ráðs sem upphaflega fór af
stað í tilraunaskyni til sex
mánaða. Verkefnið hefur
vaxið að umfangi síðan.
Starfsmenn voru fjórir upp-
haflega en eru nú 13 í átta
stöðugildum og flutti upp-
lýsingamiðstöðin í Geysis-
húsið á homi Aðalstrætis
og Vesturgötu í gær.
- Út á hvað hefur starf-
semin helst gengið?
„í fyrstu var áherslan
mjög mikið lögð á skemmt-
anir og dansleiki en þróunin
hefur orðið í þá átt að gera
Hitt húsið að menningarm-
iðstöð ungs fólks. Nú er svo kom-
ið að við erum alveg hætt
skemmtanastarfsemi. Við sjáum
um Ungt fólk í Evrópu, sem er
ungmennaskiptaverkefni á veg-
um Evrópusambandsins, og rek-
um fyrir hönd menntamálaráðu-
neytisins.
Síðan erum við með starf fyrir
fatlaða en þeir eru með félagsmið-
stöð í húsinu. Einnig getur ungt
fólk leitað hingað eftir upplýsing-
um um hvaðeina sem því við kem-
ur hvað varðar menntun, atvinnu-
og ferðamál, svo dæmi séu tekin.
Jafnframt má nefna aðstöðu fýrir
leikhópa og listsmiðju."
- Hverjir eru það helst sem
leita til ykkar?
„Það er fólk á aldrinum 16-25
ára, bæði framhaldsskólanemar,
atvinnulaust ungt fólk og þeir
sem vinnandi eru.“
- Hvernig hefur starfsemin
hlaðið utan á sig?
„Fyrsta árið komu í húsið til
okkar 40.000 gestir og á síðasta
ári voru þeir 70.000. Bæði höfum
við aukið við starfsemina og eins
hefur Hitt húsið orðið miðstöð
úrræða fyrir ungt atvinnulaust
fólk því við erum með námskeið
og starfsþjálfun fyrir þennan hóp.
Á þessu ári má gera ráð fyrir
að um 300 ungmenni á þessum
aldri sæki námskeið hjá okkur."
Hvernig námskeið eruð þið
með?
„Við erum með fjögurra vikna
námskeið fyrir atvinnulaus ung-
menni til þess að efla sjálfsímynd
þeirra. Við leiðbeinum þeim með
það hvernig á að sækja um vinnu,
heilbrigt líferni, meðferð peninga,
launamál og réttindi og skyldur
á vinnumarkaði. Síðan fá krakk-
arnir tímabundna ____________
ráðningu í ákveðin
störf hjá borginni, fé-
lögum og samtökum, í
fjóra til sex mánuði.
Á þessu ári hafa um —
eitt hundrað ungmenni sótt nám-
skeiðin og eru þau að fara í störf
núna. En samkvæmt síðustu
tölum eru 900 manns á aldrinum
16-25 ára án atvinnu.
Námskeiðin fyrir atvinnulausa
hafa staðið yfir í tvö ár og við
erum að glíma við það í dag að
fá til okkar krakka sem verið
hafa án atvinnu í eitt og hálft
upp í tvö ár. Þegar við byijuðum
voru 28 á atvinnuleysisskrá svo
þörfin fyrir þessi úrræði verður
alltaf meiri og meiri. Við þurfum
að bregðast við á einhvern hátt.
Logi Sigurfinnsson
► LOGI Sigurfinnsson fæddist
i Reykjavík 1. september 1963.
Logi lauk stúdentsprófi frá
Fjölbrautaskólanum í Breið-
holti árið 1963 og hélt þá til
Svíþjóðar til að nema tóm-
stundafræði. Að því búnu
starfaði hann sem forstöðu-
maður í Félagsmiðstöðinni
Vitanum í Hafnarfirði I eitt ár.
Logi var forstöðumaður í
Frostaskjóli í tvö ár ogþvínæst
ráðinn til starfa við tilrauna-
verkefnið Hitt húsið í Brautar-
holti í nóvember 1991.
Gestir voru
70.000 á
síðasta ári
Til dæmis er miðað við að hér
í húsinu verði framköllunarað-
staða, klippiherbergi fyrir kvik-
myndir, gagnasmiðja þar sem
krakkar geta lært og skrifað rit-
gerðir á tölvu og fundaaðstaða
fyrir féiög og samtök. Margt af
þessu kemst vonandi í gagnið
strax en sem stendur erum við
búin að flytja skrifstofu- og
starfsmannaaðstöðuna hingað
niður eftir. Það er í raun þriggja
ára áætlun að gera húsnæðið til-
búið fyrir starfsemina."
- Leita unglingar í vandræð-
um til ykkar?
„Já, það er hluti af starfinu.
Það er leitað til okkar vegna
vandræða með búsetu, vinnu og
ýmiss konar félagsleg vandamál.
Atvinnumálunum er til dæmis
skipt í þrennt. Einn starfsmaður
sér um fræðslu, annar um sam-
skipti við atvinnurekendur og sá
þriðji um ráðgjöf."
Eruð þið með kynfræðslu eða
sálfræðiþjón ustu?
„Við höfum ekki boðið upp á
það nema í hópum sem við höfum
verið með fyrirlestra fyrir. Hins
_________ vegar er það stefnan
að vera með tiitekna
þemamánuði þar sem
sérfræðingar á hveiju
sviði sjá um fræðslu.
Þetta er eitthvað sem
við sjáum fram á að geta gert í
samstarfi við aðrar stofnanir.
Annars leggjum við mesta
áherslu á það í starfseminni að
styðja við bakið á krökkunum í
stað þess að mata þau. Einn
starfsmaður hefur umsjón með
hveiju starfi fyrir sig, til dæmis
leiklistar- eða tónlistarstarfi,
hann einn sér þá um það að
styrkja krakkana eftir því sem
við á. í raun má orða það sem
svo að húsið sé rekið af þeim sem
nota það, með hjálp starfsmann-
anna.“