Morgunblaðið - 12.05.1995, Blaðsíða 4
4 FÖSTUDAGUR 12. MAÍ 1995
MORGUNBLAÐIÐ
I
FRÉTTIR
Nemendur Reykholtsskóla og for-
eldrar safna undirskriftum
Ráðherra telji
Olafi hug’hvarf
FIMM nemendur Reykholtsskóla
afhentu Bimi Bjamasyni mennta-
málaráðherra í gær bréf og lista
með undirskriftum nemenda skól-
ans. Lýsa þeir óánægju sinni með
endurráðningu Ólafs Þ. Þórðarson-
ar, fyrrverandi þingmanns, í stöðu
skólameistara og biðja ráðherra
um, að fá Ólaf tii að endurskoða
ákvörðun sína. Einnig hafa for-
eldrar bama við skólann hafið
undirskriftasöfnun.
Segir í bréfi til ráðherra að
Oddur Albertsson skólameistari
hafí náð að breyta skólanum úr
hnignandi og dauðadæmdri stofn-
un í vettvang þar sem unglingar
nútímans geti geti unað sér vel
og einbeitt sér að menntun sinni,
einkum þeir sem verið hafi utan-
gátta í skólakerfinu.
„Það er okkar skoðun að komi
Ólafur aftur til starfa muni starf-
semi skólans skaðast vemlega,“
eins og segir í bréfí nemendanna.
Ólafur hafí ekki stundað kennslu
í 15 ár og hafí ekki réttindi til
kennslu á framhaldsskólastigi eða
stjómunar slíks skóla.
„í ljósi þessara hluta geta nem-
endur Reykholtsskóla ekki sætt sig
við skólameistaraskipti. Þess
vegna viljum við góðfúslega biðja
þig, háttvirti menntamálaráð-
herra, að fá Ólaf til þess að endur-
skoða ákvörðun sína, ef ekki fyrir
nemendur, þá fyrir komandi kyn-
slóðir," eins og segir í bréfínu.
Búið að ganga frá ráðningu
Bjöm Bjamason sagði í samtal-
ið við Morgunblaðið að búið væri
að ganga frá ráðningu Ólafs og
launakjörum. Aðspurður hvort
heimsókn nemendanna breytti
framvindu málsins sagði ráðherra
að þess hefði verið farið á leit að
hann fengi Ólaf til þess að endur-
skoða ákvörðun sína og myndu
þeir eflaust tala saman. „Við
sjáum til hvemig málið þróast,“
sagði hann að lokum.
Gissur Öm Gunnarsson talsmað-
ur nemenda sagði að Reykholts-
skóli hefði haft á sér orð fyrir að
vera fyrir vandræðaunglinga, sem
alls ekki væri rétt. Sæktu margir
skólann vegna þess að þeir vildu
sjálfír komast úr því umhverfi sem
blasti við unglingum í Reykjavík.
MorgunDlaoiö/ivnstinn
BJÖRN Bjarnason menntamálaráðherra tekur við bréfi og
undirskriftalista nemenda Reykholtsskóla úr hendi Gissurar
Arnar Gunnarssonar. Ásamt Gissuri komu til fundarins Harpa
Rún Eiríksdóttir, Birgir Dagbjartur Sveinsson, Bertíria G.
Rodriguez og Erling G. Kristjánsson.
Ingibjörg Sólrún Gísladóttir um framtíðarhlutverk Korpúlfsstaða
Húsið sýnt og hugmyndum safnað
Morgunblaðið/Sverrir
INGIBJÖRG Sólrún Gísladóttir borgarsljóri var á ferð um Graf-
arvog í gær og heimsótti m.a. Barnasmiðjuna hf. sem sérhæfir
sig í framleiðslu leiktækja fyrir börn. Borgarstjóri brá á leik
og prófaði eitt af gormatækjunum sem fyrirtækið hefur hann-
að. „Það var mjög gaman að heimsækja þetta fyrirtæki. Þar
starfa 10 til 15 manns og er þarna unnið mjög merkilegt starf.
Það vantar hins vegar nokkurn stuðning við iðnframleiðslu af
þessu tagi,“ sagði hún.
INGIBJORG Sólrún Gísladóttir
borgarstjóri segir að Korpúlfs-
staðir verði opnaðir almenningi
til skoðunar í byijun júní og safn-
að verði hugmyndum um fram-
tíðarhlutverk og notkun hússins.
„Það er jafnframt ljóst að Golf-
klúbbur Reykjavíkur hefur
áhuga á að komast þarna inn í
tengslum við golfvöllinn sem ver-
ið er að gera. Þeir höfðu hugsað
sér að byggja sérstakt klúbbhús
en hafa sýnt áhuga á að fara inn
í austasta hluta hússins og mér
finnst það vel geta komið til skoð-
unar. Svo hafa kvikmyndagerð-
armenn sýnt áhuga á Korpúlfs-
stöðum sem kvikmyndaveri en
húsið er það stórt að það getur
rúmað mismunandi starfsemi,"
segir Ingibjörg Sólrún en hún
var á ferð um Grafarvog í gær-
dag og heimsótti stofnanir og
fyrirtæki.
Útibú Borgarbókasafns
opnað á næsta ári
Borgarstjóri kynnti sér m.a.
væntanlegt útibú Borgarbóka-
safnsins í Grafarvogskirkju.
„Það húsnæði er tilbúið og erum
við að gera okkur vonir um að
þar verði hægt að opna nýtt útibú
á næsta ári,“ sagði hún.
„Það er hvergi verið að fram-
kvæma eins mikið á vegum borg-
arinnar og í Grafarvogi, enda er
þetta nýbyggingarhverfi. Þarna
er að fara af stað samkeppni um
hönnun leikskóla og um næstu
mánaðamót verða væntnlega
kynntar niðurstöður úr sam-
keppni um hönnum grunnskóla,
sagði Ingibjörg Sólrún.
A ferð sinni um Grafarvog
heimsótti hún m.a. leikskólann
Funaborg, íþróttamiðstöð Ung-
mennafélagsins Fjölnis, Áburð-
arverksmiðjuna, Barnasmiðjuna
hf. og hjúkrunarheimilið Eir. í
gærkvöldi var borgarstjóri á al-
mennum borgarafundi í Fjörgyn.
NYTJAVARP í eyjum undan Mýr-
um hefur verið rænt undanfarna
daga. Að sögn Svans Steinarsson-
ar, eins þeirra sem á og nytjar
eyjarnar, hafði verið farið í flest
hreiður þegar hann kom til eftirlits
í eyjamar á þriðjudagsmorgun.
Svanur sagði að m.a. hefði verið
farið í Þormóðssker og einnig í
varp í landi Straumfjarðar og fleiri
eyjar við Mýrar. Sést hefði til ferða
óviðkomandi í Hjörsey en þar hefði
ekki enn verið vitjað.
Svanur sagði hlunnindabændur
orðna langþreytta á að varp þeirra
væri rænt og því spillt ár eftir ár.
Hann sagði að á þriðjudag hefði
hann komið að aðkomumönnum
með alvæpni við selaveiðar í heim-
Varp rænt
við Mýrar
ildarleysi. Sama dag hefði litlu
munað að meintir eggjaþjófar
hefðu verið staðnir að verki. Sést
hefði til þeirra á rauðum gúmmí-
bát í fleiri en einu varpi.
Svanur kvaðst hafa verið á eftir-
litsferð þennan dag og séð þegar
menn á bátnum forðuðu sér. Hann
hefði gert lögreglu á Akranesi við-
vart og hefði hún tekið á móti
bátnum við komu inn til Akraness.
Þá hefðu aðeins verið um borð í
bátnum að sögn tvö svartbaksegg
úr Þormóðsskeri en sést hefði til
sama báts á ferð víða um þau varp-
lönd sem ummerki voru um að
hefðu verið rænd þegar að var
komið.
Svanur sagði að í ljós hefði kom-
ið að um væri að ræða gúmmíbát
Rauðakrossdeildarinnar á Akra-
nesi, sem vera ætti til taks í
neyðartilvikum á Akranesi. Hann
sagði að formaður Rauðakross-
deildarinnar á Akranesi hefði beð-
ist afsökunar á því að bátur deild-
arinnar hefði verið notaður til ferð-
ar af þessu tagi án vitneskju RKI
og hefðu landeigendur ekki í
hyggju að fylgja málinu eftir með
kæru.
Búist er við smölun nýrra flokksfélaga fyrir formannskosningarnar í Alþýðubandalaginu
Málamiðlun hafnað á
fundi frambjóðenda
Barátta er í uppsiglingu fyrir formannskosningamar í
Alþýðubandalaginu og í samantekt Omars Friðriksson-
ar kemur fram að Steingrímur J. Sigfússon og fylgis-
menn reyndu að fá Margréti Frímannsdóttur til að
hætta við formannsframboð gegn stuðning í varaform-
annsembættið, en Margrét kannast ekki við nein tilboð.
REIKNAÐ er með mjog harðri baráttu um
formennskuna í Alþýðubandalaginu í kjölfar
þess að Margrét Frímannsdóttir alþingismað-
ur lýsti yfír að hún gæfí kost á sér til for-
mannskjörs í flokknum en Steingrímur J.
Sigfússon varaformaður lýsti yfir framboði
sínu á seinasta ári. Liðssöfnun til stuðnings
framboðsefnum er þegar hafín. Gera alþýðu-
bandalagsmenn sem rætt var við ráð fyrir
mikilli smölun nýrra flokksfélaga í sumar en
skriflegar kosningar um formann og varafor-
mann fara fram seinstu vikumar fyrir lands-
fund í haust meðal allra flokksbundinna al-
þýðubandalagsmanna en talning atkvæða fer
svo fram á landsfundinum.
Vill forðast átök fylkinga
Margrét segist vera að svara íjölda áskor-
ana sem hún hafí fengið um að bjóða sig fram.
Aðspurð segir hún að einhver áherslumunur
sé á milli hennar og Steingríms hvað stefnu
flokksins varðar.
„Við höfum hins vegar staðið saman að
stefnumótun innan Alþýðubandalagsins og ég
reikna því ekki með að það sé stór málefnaleg-
ur munur á milli okkar. Ég vil hins vegar sjá
breytta stjómunarhætti innan flokksins, meiri
valddreifingu og aukna þátttöku almennra
félaga í að móta stefnu flokksins," segir hún.
„Eg átti alveg eins von á að það kæmu
fleiri framboð og það hefur legjð í loftinu um
skeið að það yrði Margrét. Ég hef ekkert
nema gott um það að segja,“ segir Steingrím-
ur. Hann segist leggja áherslu á að kosninga-
baráttan verði prúðmannleg.
„Ég mun fyrir mitt leyti reyna að stuðla
að því að þetta verði ekki að leðjuslag og
ætla að reyna að forðast að til verði skýrt
afmarkaðar fylkingar sem eigast við,“ segir
hann. Steingrímur segir að það verði að koma
í ljós hvort um stefnuágreining sé að ræða á
milli hans og Margrétar.
Miðstjómarfundur verður haldinn 27. maí
þar sem kosin verður yfirkjörstjóm og í tengsl-
um við miðstjómarfundinn kemur fram-
kvæmdastjóm flokksins saman, þar sem vænt-
anlega verður ákveðið hvenær landsfundur fer
fram, skv. upplýsingum Einars Karls Haralds-
sonar, framkvæmdastjóra flokksins.
Landsfundir Alþýðubandalagsins hafa oft-
ast verið haldnir í október eða nóvember en
Steingrímur vill hins vegar að fundinum verði
flýtt fram í september. Yfírkjörstjóm auglýsir
eftir framboðum til formanns og varaform-
anns og ákveður framboðsfrest sem skal vera
minnst fjögurra vikna langur. Yfírkjörstjórn
ákveður hvenær allsheijaratkvæðagreiðslan á
að hefjast og á hún að standa yfír í minnst
tvær vikur og vera lokið á öðrum degi lands-
fundar. Allir flokksbundnir félagsmenn sem
em á kjörskrá mánuði áður en landsfundur
hefst hafa atkvæðisrétt í kosningunum og fá
þeir atkvæðaseðilinn sendan heim.
Samkvæmt heimildum ' Morgunblaðsins
reyndu Steingrímur og nánustu stuðnings-
menn hans að fá Margréti ofan af því að bjóða
sig fram til formanns og telja sig hafa komið
þeim boðum skýrt á framfæri við Margréti
að hún myndi fá góðan stuðning í varaform-
annsstöðuna ef samkomulag næðist um sam-
eiginlegt framboð þeirra, þannig að ekki þyrfti
að koma til kosninga.
„Við ræddum saman um það hvort við
gætum náð einhverri málamiðlun en það voru
alls engin boð í gangi og niðurstaðan varð
þessi. Það er útilokað annað en að sinna þeim
áskorunum sem ég hef fengið alls staðar af
landinu," segir Margrét.
„Ég vildi fyrir mitt leyti halda opnum öllum
möguleikum á samkomulagi án kosninga.
Vissulega hefði verið hægt að hugsa sér að
það hefði skapast það andrúmsloft að einhver
samkomulagsuppstilling um forystusveit
flokksins yrði á borðinu og þá gæti verið sjálf-
kjörið eins og var síðast,“ segir Steingrímur.
Þingflokksformennska Svavars breytti
stöðunni
Skiptar skoðanir eru um hvaða áhrif val
Svavars Gestssonar til formennsku í þing-
flokknum hafði á formannsframboðin. Full
samstaða var innan þingflokksins um að Sva-
var tæki við þingflokksformennskunni en það
var Olafur Ragnar Grímsson, formaður flokks-
ins, sem gerði tillögu um Svavar eftir að hafa
ráðfært sig við alla þingmennina.
Meðal stuðningsmanna Margrétar er litið
svo á að þessi niðurstaða hafi aukið mögu-
leika hennar í formannskosningum og gert
um leið möguleika Steingríms á að ná kjöri
torsóttari, þar sem aldrei gæti náðst sátt inn-
an flokksins um að Steingrímur og Svavar
gegndu samtímis þessum tveimur helstu for-
ystuembættum flokksins. Fylgismenn Stein-
gnms telja aftur á móti, skv. upplýsingum
Morgunblaðsins, að sú samstaða sem náðist
um Svavar hefði átt að geta orðið grundvöllur
að samkomulagi um formannsskiptin í haust.
i
i;
i
i;
f
i
t
i
f
I
i
I
l
l
\
i
l
i
l