Morgunblaðið - 12.05.1995, Blaðsíða 6
6 FÖSTUDAGUR 12. MAÍ 1995
MORGUNBLAÐIÐ
FRÉTTIR
Morgunblaðið/Árni Sæberg
NEMENDUR Smáraskóla héldu upp á 40 ára afmæli Kópavogs-
kaupstaðar í gær með því að borða afmælisköku úti við.
Hátíðahöld í tilefni 40 ára afmælis Kópavogskaupstaðar
Nágrenni Kópavogskirkju
verði menningarsvæði
FJOLBREYTT dagskrá var í
Kópavogi í gær í tilefni 40 ára
afmælis kaupstaðarins. Hátíðin
hófst siðasta laugardag og verður
haldið upp á afmælið á ýmsan
hátt langt fram eftir ári. Bæjar-
stjórn ákvað á hátíðarfundi að
umhverfi Kópavogskirkju, svokall-
aður Vesturbakki, verði menning-
arsvæði og þar rísi engar bygging-
ar sem ekki hýsi starfsemi tengda
menningu.
Að sögn Sigurðar Geirdals
bæjarstjóra stóð til að reisa ráðhús
á svæðinu en frá því hefur verið
horfið með ákvörðun bæjarstjórn-
ar. Svæðið í kringum Kópavogs-
kirkju verður eingöngu notað fýrir
menningu og listir. Þar á að reisa
menningarmiðstöð, sem hýsa á
tónlistarsal og bókasafn.
Hugað að listum á afmælinu
Sigurður segir að bæjarstjómin .
hafí alltaf notað afmælisdaginn til
að huga sérstaklega að listum í
bænum. Það var einnig gert í gær
og var listhópum og -stofnunum
sem hafa þjónað bænum vel og
Morgunblaðið/Krissý
RÓBERT Amfinnsson er
heiðurslistamaður
Kópavogs 1995.
lengi veitt sérstakt framlag í við-
urkenningarskyni. Þetta eru Sam-
kór Kópavogs, Skólahljómsveit
Kópavogs, Tónlistarskóli Kópa-
vogs, Leikfélag Kópavogs, Mynd-
listarskóli Kópavogs og skólakórar
bæjarins.
A hátíðarsamkomu í Gerðar-
safni síðdegis í gær voru lista-
mönnum veittar viðurkenningar.
Róbert Amfinnsson er heiðurs-
listamaður Kópavogs í ár. Hann
hefur búið í áratugi í Kópavogi
og á 50 ára listamannsafmæli á
þessu ári. Hann hefur leikið yfir
200 leiksviðshlutverk fyrir utan
a.m.k. 600 hlutverk í útvarpi, sjón-
varpi og kvikmyndum.
Aðrir listamenn sem fengu
viðurkenningar í gær eru Guðrún
Birgisdóttir flautuleikari, Nanna
Ólafsdóttir, ballettdansari og
danshöfundur, Kristín Geirsdóttir
myndlistarmaður, Hafdís Ólafs-
dóttir myndlistarmaður, Anna Sig-
ríður Siguijónsdóttir, myndlistar-
maður og myndhöggvari, og Ólaf-
ur Kjartan Sigurðsson baritón-
söngvari.
Lag og ljóð til bæjarins
Sigurður Geirdal segir að bæn-
um hafi borist fjöldi blómakarfa
og kveðja í tilefni afmælisins en
nefndi sérstaklega að Ingibjörg
Þorbergs hefði komið til sín í gær
og fært sér lag og ljóð, tileinkað
Kópavogi á 40 ára afmæli bæjarins.
Morgunblaðið/Krissý
FIMM listamenn fengu viðurkenningar í tilefni afmælis Kópa-
vogskaupstaðar á hátíðarsamkomu í Gerðarsafni í gær.
Morgunblaðið/Krissý
BÆJARSTJÓRN Kópavogs hélt hátíðarfund í gærmorgun og
ákvað þá m.a. að svæðið við Kópavogskirkju yrði í framtíð-
inni helgað menningu og listum.
í gær var opið hús í leikskólum
Kópavogs, Taflfélag Kópavogs
hélt atskákmót i íþróttahúsinu
Digranesi og í gærkvöldi voru
hátíðartónleikar í Digraneskirkju.
Þar komu fram ýmsir tónlistar-
menn, eldri og yngri, m.a. úr
Skólahljómsveit Kópavogs, úr
Kársneskórnum, Strengjasveit
Tónlistarskóla Kópavogs og fleiri.
Gjábakkadagur
Hátíðahöldin í dag fara fram
undir yfirskriftinni Gjábakkadag-
ur. Hann er tileinkaður eldri borg-
urum. í Gjábakka, félagsmiðstöð
aldraðra, verður samfelld dag-
skrá. M.a. verður opnuð sýning á
málverkum Sigfúsar Halldórsson-
ar auk þess sem hann heldur tón-
leika ásamt Friðbirni Jónssyni.
Þá verður bókmenntadagskrá þar
sem lesið verður úr verkum Jóns
úr Vör.
í íþróttahúsinu Digranesi verð-
ur tónlistardagskrá Kórs eldri
borgara og leikfimisýning aldr-
aðra. í Félagsheimilinu forsýnir
leikhópur aldraðra Fullveldisvof-
una, leikrit eftir Þóri Steingríms-
son. Að leiksýningunni lokinni
verður spilakvöld og dans eldri
borgara í Félagsheimilinu.
Friðlýsing Kópavogsleiru
í tengslum við afmælið hefur
verið lagt til að friðlýsa Kópavogs-
leiru, en hún er meðal helstu
óspilltu leirusvæða sem eftir eru
í þéttbýli á innnesjum. Á Kópa-
vogsleiru, sem er hluti af Álftanes-
svæðinu, eru mikilvægar varp- og
dvalarstöðvar 30 staðbundinna
fuglategunda og svæðið er mikil-
vægur viðkomustaður um 10 teg-
unda umferðarfugla.
Sigurður Geirdal segir að bæjar-
ráð hafí tekið jákvætt í tillöguna
en haft verði samráð við Garðabæ
vegna þess að hluti leirunnar sé í
landi hans. Kópavogsleiran verður
kynnt á Leirudegi á sunnudag.
Bæjarstjórnarmeirihlutinn í Húsavík gerir tillögur um sölu hlutafjár í SH
Gengið verði að
tilboði ÍS-hópsins
Hætt við sameiningu
Á FUNDI bæjarráðs Húsavíkur í
gær voru lagðar fram tillögur
meirihluta bæjarstjómar til stjóm-
ar Framkvæmdalánasjóðs bæjarins
um að taka tilboði íslenskra sjávar-
afurða hf. um kaup á hlutafé í
Fiskiðjusamlagi Húsavíkur hf. Mál-
ið var ekki afgreitt á fundinum,
sem var frestað til kl. 17 í dag að
beiðni fulltrúa minnihlutans, sem
vildu kynna sér tillögumar.
Skv. tillögunum er þannig geng-
ið frá kaupunum að eignarhalds-
fyrirtæki ÍS, Trygging hf. og Olíu-
félagið hf. munu kaupa hlutabréf
fyrir 13 milljónir á genginu 1 og
fyrir 62 milljónir á genginu 1,25.
Ekkert verður af sameiningu FH
við útgerðarfélögin Höfða og íshaf.
í samningi ÍS og stjómenda FH
er gert ráð fyrir að eignarhaldsfé-
lag ÍS, Olíufélagið og Trygging
kaupi hlutafé fyrir 75 milljónir á
nafnverði. Gengið er út frá því að
Framkvæmdalánasjóður Húsavík-
ur, sem fer með hlut bæjarins í
FH, og Kaupfélag Þingeyinga
muni einnig neita forkaupsréttar.
Fyrirtækin þijú munu jafnframt
kaupa hlutabréf af Framkvæmdal-
ánasjóði fyrir 40 milljónir að nafn-
verði á genginu 1,25. Þau munu
sömuleiðis kaupa hlutabréf af
Kaupfélagi Þingeyinga á sama
gengi.
Bærinn missir meirihluta
Með kaupunum missir Fram-
kvæmdalánasjóðurinn meirihluta í
FH. Sjóðurinn átti 54% hlutafjár,
en hlutur hans fer niður í 45%.
Einnig er gert ráð fyrir að hlutur
Kaupfélagsins minnki, en það á
26% í félaginu.
Forsenda fýrir hlutafjárkaupun-
um er að afurðasölusamningur ÍS
og FH haldist og að gerðir verði
samningar um sölu afurða útgerð-
arfyrirtækjanna Höfða hf. og ís-
hafs hf., en þau eru í eigu sömu
aðila og eiga Fiskiðjusamlagið. ÍS
setur sömuleiðis það skilyrði að
gerðir verði viðskiptasamningar
við Tryggingu hf. og Olíufélagið
hf. um sölu olíu og vátrygginga.
ÍS heitir því á móti að tryggja
að flutningar á afurðum FH og
útgerðarfyrirtækjanna fari um
Húsavíkurhöfn. Samskip hf. ann-
ast þessa flutninga í dag, en afurð-
irnar eru fluttar til Akureyrar þar
sem þær eru settar um borð í skip.
Með samningnum fellur ÍS frá
fýrri kröfu um að FH verði samein-
að útgerðarfyrirtækjunum Höfða
og íshafi. Kristján Ásgeirsson,
oddviti G-listans og framkvæmda-
stjóri íshafs og Höfða, var andvíg-
ur sameiningu. Vegna kröfu hans
hefur meirihluti bæjarstjórnar fall-
ið frá því að sameina fyrirtækin.
SH þakkaður áhuginn
Skv. tillögunum sem lagðar
voru fyrir bæjarráð í gær er gert
ráð fyrir að Sölumiðstöð hrað-
frystihúsanna verði sent bréf þar
sem þeim yrði skýrt frá niðurstöðu
málsins og þakkað fyrir áhuga
sem samtökin hefðu sýnt Fiskiðju-
samlagi Húsavíkur. SH bauðst til
að kaupa hlutafé fyrir 100 milljón-
ir á genginu 1,25 og vildi jafn-
framt kaupa hlut Framkvæmdal-
ánasjóðs í FH.
í bókun sem forystumenn meiri-
hlutaflokkanna, Framsóknar-
flokks og Alþýðubandalags og
óháðra, lögðu fram í bæjarráði
segir: „Meirihlutinn er sammála
um að tilboðin verði ekki metin
út frá upphæðunum einum og sér
heldur verði að skoða framtíðar-
möguleika fyrirtækisins með tilliti
til framleiðsluverkefna og mark-
aðsmála. Þegar atriði eins og sér-
vinnslusamningur við Covee í
Belgíu, sölumöguleikar á afurðum
úr tvífrystum físki, markaður fyrir
rækju og kostnaður sem óhjá-
kvæmilega leiðir af því að skipta
um söluaðila og breyta fram-
leiðsluaðferðum er metin er meiri-
hlutinn sammála um að tilboð IS
sé farsælli kostur.“
Fundur er boðaður í bæjarstjórn
Húsavíkur nk. þriðjudag þar sem
búist er við að gengið verði frá
málinu með formlegum hætt.
Nýr bisk-
upsritari
l.ágúst
SÉRA Bald-
ur Kristjáns-
son, sókn-
arprestur á
Höfn í
Hornafirði,
tekur við
starfi bisk-
upsritara 1.
ágúst næst-
komandi.
Hann tekur við starfinu af
séra Þorbirni Hlyni Árnasyni,
sem gegnt hefur því síðastlið-
in fimm ár, en hann tekur
aftur við starfi sóknarprests
á Borg á Mýrum.
Séra Baldur Kristjánsson
lauk guðfræðinámi árið 1984,
en áður hafði hann lokið
BA-prófi í almennum þjóðfé-
lagsfræðum. Hann stundaði
framhaldsnám í guðfræði í
Bandaríkjunum.