Morgunblaðið - 12.05.1995, Blaðsíða 44
44 FÖSTUDAGUR 12. MAÍ 1995
MORGUNBLAÐIÐ
BREF
TIL BLAÐSINS
Dýraglens
Tommi og Jenni
Ljóska
Foreldrar rninir, þaís uar 'ÍM M KWst, l/ °,jú, Ohíar, ÞIÍLjOS&\ jtshj Sihnurrt fSussist t>ii OQ ) « Sftttnt ettir J SrncLvrqis < " á. gr&nTn q I ' } ! ' ( Aíe4 idi töizumst. ! XUyýulepa c henctur^
!' t ,, Kn-MM A\ r\ y'n. ~ry s</ II / 4-2? 'f/
Ferdinand
Fljót, Magga... er „Rétt“ Af því ég lærði heima Vá!
fyrsta spurningin Hvernig veistu? og las fyrir prófið...
„rétt“ eða „rangt“?
Kringlunni 1103 Reykjavík • Sími 569 1100 • Símbréf 569 1329
HJÚKRUN er ákaflega ánægjuríkt og gefandi starf,
en um leið mjög krefjandi.
Að velja hjúkrun
- hjartans, hugans og handarinnar
fræði og list
Frá Sigríði Halldórsdóttur:
HJÚKRUNARFRÆÐINÁM er
fjögurra ára háskólanám sem lýkur
með BS-gráðu. Sú gráða er alþjóð-
lega viðurkennd og eru möguleikar
á atvinnu að námi loknu, svo og á
framhaldsnámi, mjög fjölbreyttir.
Vegna mikils fjölda þeirra sem vilja
læra hjúkrunarfræði á móti þeim
verknámsplássum sem Háskóli ís-
lands (HÍ) og Háskólinn á Akureyri
(HA) hafa til umráða hefur orðið
að taka upp samkeppnispróf (num-
erus clausus) og eru 25 nemendur
sem komast áfram á vormisseri 1.
árs við HA. Umsóknarfrestur við
Háskólann á Akureyri er til 1. júní.
íslenskir hjúkrunarfræðingar eru
fjölmennasta heilbrigðisstétt lands-
ins. Mikil eftirspurn er eftir hjúkr-
unarfræðingum, sérstaklega þeim
sem lokið hafa framhaldsnámi. Hin
stöðuga eftirspum eftir vel mennt-
uðum hjúkrunarfræðingum ein-
kennir flest lönd. En hvað er það
þá sem hjúkrunarfræðingar gera?
Hvers vegna eru þeir svo mikilvæg
stétt? Hvar starfa þeir og hvernig?
Hvar og hvernig starfa
hjúkrunarfræðingar?
Ef litið er á íslenskt þjóðfélag
kemur í ljós að starfsvettvangur
hjúkrunarfræðinga er ótrúlega víð-
feðmur. Það er ef til vill ekki undar-
legt þegar hugleitt er hversu þörf
fólks fyrir hjúkrun er víðfeðm.
Hjúkrunarfræðingar nota þekkingu
sína og faglega færni til að annast
þá sem þarfnast hjúkrunar og eru
á þann hátt oft hönd hins hand-
vana, styrkur hins máttvana og lífs-
löngun þess er enga hefur. Hjúkr-
unarfræðingar starfa á öllum svið-
um heilbrigðisþjónustunnar og eru
stundum eini fulltrúi heilbrigðis-
stétta á staðnum, t.d. á sumum
heilsugæslustöðvum úti á lands-
byggðinni. Þar sér oft sami hjúkr-
unarfræðingurinn um mæðra- og
ungbarnavernd, skólahjúkrun, öldr-
unarhjúkrun, heimahjúkran og
slysahjúkrun, ásamt tengdri heil-
brigðisfræðslu í fyrirbyggjandi til-
gangi. Á þéttbýlli svæðum er hjúkr-
unarþjónustan oftast sérhæfðari
þ.e. hjúkrunarfræðingurinn velur
sér að starfa t.d. við geðhjúkrun,
gjörgæsluhjúkrun, barnahjúkran,
handlækningahjúkrun eða heilsu-
gæsluhjúkrun, svo nokkur dæmi
séu nefnd. Einnig velur hjúkrunar-
fræðingurinn sér starfsvettvang
innan sérsviðsins, t.d. við gjörgæslu
ungbama eða fullorðinna. Þá vinna
hjúkrunarfræðingar í auknum mæli
við bráðahjúkrun og áfallahjálp.
Framlag íslenskra hjúkranarfræð-
inga til hjálparstarfa erlendis er
einnig vel þekkt.
Ánægjulegt og gefandi starf
Flestum hjúkrunarfræðingum
ber saman um að hjúkrunarstarfið
sé ákaflega ánægjuríkt og gefandi,
jafnframt því að vera mjög krefj-
andi. Það krefst þess að hjúkrunar-
fræðingurinn leggi sig allan fram
og gefí af sjálfum sér. Til þess að
búa hinn verðandi hjúkrunarfræð-
ing undir slíkt er eðlilegt að hjúkr-
unarfræðinámið sé afar krefjandi.
Kenndar era námsgreinar sem
hjálpa hinum verðandi hjúkrunar-
fræðingi að skilja fólk betur, líkama
þess, huga og sál, og jafnframt
hvað hafa þarf í huga ef hjálpa á
öðram þannig að þeir haldi fullri
reisn. Raungreinar eru grunnur
námsins t.d. lífeðlisfræði, líffæra-
fræði og líkamsmat, en jafnframt
eru kenndar greinar eins og vöxtur
og þroski bama og unglinga, sálar-
fræði og heilsufélagsfræði. Höfuð-
áherslan í náminu er þó á hjúkrun-
argreinarnar, sem fyrst eru almenn-
ar (á 1. og 2. ári), en síðar sérhæfð-
ar (3. og 4. ári) t.d. fæðingarhjúkr-
un, barnahjúkran, bráðahjúkrun og
heilsugæsluhjúkrun.
Nútíma tækni og vísindi gera
hjúkrunarstarfið mun flóknara í
dag en það var áður fyrr. Því má
þó aldrei gleyma að við erum fyrst
og fremst að hugsa um einstakling-
ana en ekki tæknina og raunveruleg
umhyggja fyrir einstaklingnum
verður ávallt innsta eðli góðrar
hjúkranar, en hjúkrun er allt í senn
hjartans, hugans og handarinnar
fræði og list. Sem forstöðumaður
heilbrigðisdeildar Háskólans á Ak-
ureyri vil ég taka fram að lokum
að þeir stúdentar sem hafa staðið
sig vel í námi, hafa í hjarta sér
umhyggju fyrir náunganum og vilja
gjarnan vinna með fólki og fyrir
fólk, eru sérstaklega velkomnir
umsækjendur um hjúkrunarfræði-
nám við Háskólann á Akureyri.
Umsóknarfrestur er sem fyrr segir
til 1. júní nk.
SIGRÍÐUR HALLDÓRSDÓTTIR,
forstöðumaður heilbrigðisdeildar Há-
skólans á Akureyri.
Allt efni sem birtist í Morgunblaðinu og Lesbók verður framvegis varðveitt i
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.