Morgunblaðið - 16.05.1995, Blaðsíða 43
MORGUNBLAÐIÐ
ÞRIÐJUDAGUR 16. MAÍ1995 43
MIIMNIIMGAR
GUÐJON ASGEIR
JÓNSSON
+ Guðjón Ásgeir
Jónsson var
fæddur á Brodda-
dalsá í Stranda-
sýslu 25. desember
1914. Hann andað-
ist 7. maí síðastlið-
inn. Foreldrar hans
voru Guðbjörg
Jónsdóttir, hús-
móðir, og maður
hennar Jón Brynj-
ólfsson, bóndi þar.
Systkini Guðjóns
sem látin eru:
Ragnheiður (1897-
1994), Brynjólfur
(1899-1992), Ingunn Stefanía
(1902-1904), Stefán (1904-
1980), Hjörtur (1906-1987), El-
ísabet (1909-1985), Gunnar
(1912-1933) og Valgerður
(1917-1981). Halldór, bóndi á
Broddadalsá (f. 1913) og Hall-
fríður, húsfreyja á Undralandi
(f. 1916), eru eftirlifandi systk-
ini Guðjóns. Guðjón kvæntist
eftirlifandi eiginkonu 'sinni,
Lilju Pétursdóttur frá Akra-
nesi, árið 1948 og
bjuggu þau að
Höfðabraut 6 þar í
bæ. Þau eignuðust
fimm börn: Gunnar,
matreiðslumann á
Akranesi, Guð-
björgu, sem er hús-
móðir og fóstra í
Reykjavík, Helga
Pétur, verkamann í
Bolungarvík, Sæv-
ar, húsasmið á
Akranesi, og Guð-
jón, sem er rafvirki
á Akranesi. Fyrir
átti Lilja soninn
Sigurbjörn Trausta, rafvirkja
í Kópavogi. Barnabörn þeirra
hjóna eru fjórtán. Guðjón gekk
í unglingaskóla að Laugum
1938- 39 og í Vélskólann
1939- 40. Frá unga aldri stund-
aði hann sjómennsku, fyrst á
róðrabátum og seinna á Akra-
borginni.
Utför Guðjóns fer fram frá
Akraneskirkju í dag og hefst
útförin kl. 14.00.
TENGDAFÖÐUR mínum kynntist
ég fyrst sumarið 1971 á íþrótta-
kappleik á Akranesi. Þar var hann
með yngsta syni sínum, Guðjóni,
og fleirum að fylgjast með heimal-
iði sínu ÍA leika við Fram frá
Reykjavík, en ég hafði komið á
Skagann til að hvetja þá til sigurs.
Þar vorum við stuðningsmenn hvor
síns liðsins en í lífinu sjálfu vorum
við góðir félagar og vinir. Um þetta
leyti hafði ég kynnst dóttur hans
og því fór komum mínum á heimili
Guðjóns að fjölga og kynnin þar
með að aukast.
Guðjón og kona hans, Lilja, tóku
mér þegar í stað vel og Guðjón
reyndist hinn besti félagi, traustur
og barngóður tengdafaðir. Hann
var heimakær fjölskyldumaður og
I sinnti fjölskyldu sinni vel. Áhuga-
mál hans voru velferð fjölskyldunn-
ar og heimsóknir á Strandirnar, en
| þaðan var hann ættaður.
Seinna gerðumst við Guðjón
ferðafélagar til útlanda og fórum
við saman, fjölskyldurnar til Hol-
lands sumarið 1989. í framhaldi
þeirrar ferðar ókum við Guðjón
saman í gegnum Þýskaland, til
Austurríkis, til að hvetja íslenska
knattspyrnulandsliðið. Sú ferð var
| okkur báðum kær og eftirminnileg,
þó ekki hefðu íslendingar sigur í
það skiptið. Vil ég biðja góðan guð
I að styrkja okkur öll í sorginni um
leið og ég þakka Guðjóni samfylgd-
ina. Hans er sárt saknað af þeim
sem til hans þekktu.
Birgir Sigdórsson.
Áttatíu ár er hár aldur í hugum
okkar margra en einhvern veginn
fannst mér það ekki eiga við Guð-
jón Jónsson tengdaföður minn. Allt
til hinstu stundar tók hann þátt í
daglegu lífi á við margan yngri
mann og daginn fyrir andlátið ók
hann til Reykjavíkur til að vera í
afmæli hjá barnabarni sínu og eiga
stund með fólkinu sínu þar.
Þessa síðustu daga hefur hugur-
inn dvalið við ýmsar minningar
honum tengdar. Fyrir rúmum tutt-
ugu árum kom ég fyrst á heimili
tengdaforeldra minna og kynntist
þá í fyrsta sinn heimilisföður sem
tók þátt í heimilisstörfum til jafns
við konu sína sem var óalgegnt um
karlmenn af hans kynslóð og það
var Guðjón sem sá um kvöldmatinn
þennan daginn. Þá átti ég eftir að
sjá að börnin hans voru honum
mjög nákomin og var hann alltaf
til staðar fyrir þau. Átti það líka
við um okkur tengdabörn hans.
Barnabörnin áttu afa sinn sem
kæran vin og munu þau búa að
þeim tengslum um ókomna tíð.
Guðjón stundaði sjómennsku
mestan sinn starfsferil, var á
vertíðum að vetrinum og fyrstu
árin í sínum búskap vann hann á
sumrin í vegavinnu og fyrstu árin
í sínum búskap vann hann á sumr-
in í vegavinnu á sínum bernsku-
slóðum norður á Ströndum. Elsti
sonur hans fékk oft að dvelja þar
með honum í vegavinnutjöldum
ungur að árum og oft sátu þeir
feðgar og rifjuðu upp skemmtileg-
ar stundir sem þeir áttu þar. Eins
og sjá má var hann oft langdvölum
að heiman og var Lilja konan hans
því mikið ein heima með börn og
bú. Þau áttu því láni að fagna að
vera samhent og samrýnd hjón og
er því missir hennar mikill við frá-
fall hans.
Nú að leiðarlokum kveð ég kæran
tengdaföður með þakklæti í huga
og bið þess að okkur í fjölskyld-
unni, ásamt Hallfríði systur hans,
takist að halda uppi þeim anda sem
hann átti svo ríkan þátt í að skapa
í okkar hópi.
Elsa Jónasdóttir.
Hann afi er dáinn. Þessi yndis-
legi góði maður sem aldrei gerði
nokkrum neitt illt. Ég er ekki enn
alveg búin að átta mig á hvað hef-
ur gerst og ég mun líklega aldrei
gera það.
Aldrei get ég gleymt því hvað
það var gott að koma heim á Höfða-
brautina og að vera hjá ömmu og
afa. Eða þegar við fórum í Undra-
land til Fríðu frænku. Allar stundir
sem ég átti með afa lifa enn í minn-
ingunni og munu ávallt gera.
Nú þegar afi er dáinn skil ég
fyrst hvers virði hann var mér. Að
heyra að hann væri dáinn er versta
tilfinning sem ég hef nokkum tím-
ann fundið og alveg jafnslæmt var
að sjá hann liggjandi hreyfingar-
lausan í rúminu á spítalanum.
Eitt mun ég aldrei skilja en það
er af hveiju hann þurfti að deyja.
Af hveiju er hann ekki ennþá hér?
Þetta eru spurningar sem hvorki
ég né nokkur annar maður getur
svarað og mun líklegast aldrei vera
svarað.
Afi mun samt alltaf lifa í hjarta
mínu og allra í fjölskyldunni. Amma
mín, lífið heldur áfram og mundu
að þú hefur alltaf mig og ég hef
alltaf þig. Það eina sem ég get
gert er að kveðja afa og reyna að
halda áfram að lifa.
Elsku afi, ég mun aldrei gleyma
þér, hvar sem þú ert.
Barnabarnið þitt að eilífu.
Benedikt.
Mig langar til að kveðja þig afi
í nokkrum orðum.
Elsku afi minn. Þegar mér var
sagt að þú hefðir yfirgefið heiminn
okkar þá fannst mér ég vera svo
tóm, allt svo hljótt. Eg hélt ég
mundi aldrei líta glaðan dag framar
því þú varst farinn. Þín verður sárt
saknað. Líf mitt verður aldrei eins
á ný og nú lifír maður á minning-
unni einni. Ég gleymi því aldrei
þegar þú komst í heimsókn og
gladdir mig með gjöfum, tali eða
framlagi. Þú varst svo góður afi
og þó ég hefi ekki alltaf verið eins
og ætlast er til af mér þá þykir
mér nú samt vænt um þig.
Sunnudagurinn 7. maí gleymist
seint því þú afi yfirgafst heiminn
okkar og ég hélt ég mundi aldrei
verða glöð á ný. Þá verð ég að
hjálpa ömmu í gegnum sorgina og
þó að þú sért dáinn þá líður þér
ábyggilega vel hjá Guði en samt
verður tómlegt þegar ég kem í
heimsókn því að þá verður þú ekki
þar.
Afi, ég þakka þér innilega fyrir
allt sem þú gerðir fyrir mig og
bræður mína, og amma, vonandi
hjálpar Guð þér í gegnum sorgina.
Þá bið ég þess á hveiju kvöldi að
Guð sé með þér og styrki þig í sorg-
inni. Afi, þín verður sárt saknað
en samt þakka ég þér fyrir allt sem
þú gerðir fyrir mig og bræður mína
og Guð geymi þig.
Margs er að minnast,
margt er hér að þakka.
Guði sé lof fyrir liðna tið.
Margs er að minnast,
margs er að sakna.
Guð þerri tregatárin strið.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Þín sonardóttir,
Lilja.
ERFIDRYKKJUR
P E R L A N sími 620200
Crfisdrykkjiir
'VeRÍAgohð/ið
GAPi-mn
Sími 555-4477
Minnismerki úr steini
Steinn er kjörið efni í allskonar minnismerki. Veitum
alla faglega ráðgjöf varðandi hverskonar minnismerki.
Áralöng reynsla.
: S. HELGASON HF
ISTEINSMIÐJA
SKEMMUVEGI 48 • SÍMI 91-76677
ii
t
Elskulegur eiginmaður minn, faðir okkar,
tengdafaðir og afi,
JÓHANNES INGÓLFSSON
skipstjóri,
Látraströnd 28,
Seltjarnarnesi,
verður jarðsunginn frá Dómkirkjunni á
morgun miðvikudaginn 17. maí kl.
13.30.
Gyða Ásdis Sigfúsdóttir,
Ingólfur Jóhannesson,
Hulda Kristín Jóhannesdóttir,
Jóhannes Jökull Jóhannesson,
Sigrún Jóhannesdóttir,
tengdadætur og barnabörn.
t
Ástkær dóttir okkar, móðir, tengda-
móðir, systir og mágkona,
JÓHANNA SVEINSDÓTTIR
bókmenntafræðingur og
rithöfundur,
sem lést af slysförum í Frakklandi
mánudaginn 8. maí, verður jarðsungin
frá Langholtskirkju fimmtudaginn 18.
maí kl. 15.00.
Sveinn B. Hálfdánarson, Gerða R. Jónsdóttir,
Álfheiður Hanna Friðriksdóttir, Jónas Þorbjarnarson,
Hjalti Jón Sveinsson, Jóhanna S. Sigþórsdóttir,
Óttar Sveinsson.
t Eiginmaður minn, faðir og afi.
SIGURÐUR GÍSLASON,
Suðurgötu 74,
Hafnarfirði,
sem lést í Borgarspítalanum 4. maí sl., verður jarðsunginn frá
Fríkirkjunni í Hafnarfirði fimmtudaginn 18. maí kl. 13.30.
Jóhanna Hinriksdóttir,
Guðríður Sigurðardóttir, Jóhanna Árnadóttir, Sigurður Árnason.
t
Elskulegur föðurbróðir minn, mágur og fósturfaðir okkar,
GUÐMUNDUR JÓHANNESSON
frá Skárastöðum,
sfðast til heimilis á Nestúni 4,
Hvammstanga,
verður jarðsunginn frá Víðistaðakirkju í Hafnarfirði á morgun
17. maí kl. 13.30.
Unnur Sveinsdóttir,
Ása Sigríður Stefánsdóttir,
Herborg Ólafsdóttir,
Anna Ólafsdóttir,
Pétur Seastrand.
t
Innilegar þakkir fyrir auðsýnda samúð
og vinarhug við andlát og útför
ástkærrar eiginkonu minnar, móður
okkar og ömmu,
KRISTÍNAR KJARTANSDÓTTUR,
Rekagranda 6,
Pétur Bárðarson,
Gunnlaugur Kristfinnsson,
Ólafur Pétursson
og barnabörn.
Lokað
Skrifstofur okkar verða lokaðar til kl. 13 í dag,
16. maí vegna jarðarfarar EGGERTS G.
ÞORSTEINSSONAR fyrrverandi forstjóra.
Tryggingastofnun ríkisins.