Morgunblaðið - 13.06.1995, Page 14

14 ÞRIÐJUDAGUR 13. JÚNÍ 1995
i-
MORGUNBLAÐIÐ fl
VIÐSKIPTI
Sala bjórs hefur aukist um 12% milli ára
Hlutdeild ís-
lensks bjórs
fer minnkandi
BJÓRNEYSLA hér á landi heldur
áfram að aukast og nam bjórsala
ÁTVR fyrstu fimm mánuði ársins
rösklega 2,8 milljónum lítra. Þetta
er tæplega 12% aukning frá sama
tíma í fyrra.
Rösklega 708 J>úsund lítrar af
bjór seldust hjá ÁTVR í maímán-
uði sem er um 11% aukning frá
sama mánuði í fyrra. Fjölmargar
nýjar bjórtegundir hafa litið dags-
ins ljós á markaðnum og náð ein-
hverri sölu. Á meðan hafa innlendu
framleiðendurnir tapað markaðs-
hlutdeild því hún nam fyrstu fimm
mánuðina tæplega 62% samanbor-
ið við 70% á sama tímabili í fyrra.
Ölgerðin Egill Skallagrímsson hef-
ur þó heldur aukið sína sölu milli
ára en sala Viking Brugg dregst
saman. Benedikt Hreinsson, mark-
aðsstjóri Ölgerðarinnar, bendir á
að sterkasta merki fyrirtækisins,
Egils gull, hafi haldið sínu að und-
anförnu þrátt fyrir aukið framboð
innflutts bjórs og verðlækkanir á
markaðnum í byijun maímánaðar.
Nýjar tegundir
Af nýjum tegundum á markaðn-
um má nefna að um 14 þúsund
lítrar af Warsteiner-bjórs seldust í
maímánuði en þessi tegund var á
boðstólum á keppnisstöðum
Heimsmeistarakeppninnar í hand-
knattleik. Þá hafa bæst við tegund-
ir eins og DAB, Lapin, Faxe, San
Miguel, Oranje Boom. Bandaríski
bjórinn Budweiser virðist njóta
vaxandi hylli neytenda því salan
nam tæplega 110 þúsund lítrum
fyrstu fimm mánuðina samanborið
við 55 þúsund lítra árið áður. Hef-
ur markaðshlutdeildin aukist úr
um 2,2% í 3,9%.
Nú fer í hönd aðalsölutími bjórs
því júlí er jafnan langsöluhæsti
mánuður ársins. I fyrra nam salan
í þeim mánuði hátt í eina milljón
lítra og ef fram heldur sem horfir
verður salan í ár yfir einni milljón
lítra. Á meðfylgjandi mynd sést
nánar hvernig hlutdeild einstakra
tegunda hefur þróast á árinu.
Islendingum býðst þátttaka í forvali vegna flugbrautarframkvæmda í Grænlandi
Framkvæmdir
uppáum 11
milljarða króna
ÍSLENSKIR verktakar eiga mögu-
leika á að bjóða í flugbrautarfram-
kvæmdir á Grænlandi, en heima-
stjórn Grænlands samþykkti nýlega
áætlun um byggingu flugvalla í sjö
grænlenskum bæjum. Framkvæmd-
unum á að ljúka árið 2002 og gerir
fjárhagsáætlun ráð fyrir kostnaði
upp á rúmlega einn milljarð danskra
króna eða sem svarar um 11 millj-
örðum íslenskra króna.
Jens Hesseldahl, hjá yfirstjórn
samgöngumála hjá grænlensku
heimastjórninni, sagði í samtali við
Morgunblaðið að forval verktaka
vegna flugbrautarframkvæmdanna
væri auglýst á öllum Norðurlöndum
og í Kanada. Auglýsing um forvalið
birtist í Morgunblaðinu í síðustu viku.
Fyrra stigi áætlunarinnar um
byggingu flugvallanna á að ljúka
árið 1999. Þá verða byggðir flugvell-
ir í Maniitsoq, Aasiaat, Uummannaq
og Sisimiut. Á seinna stigi áætlunar-
innar, sem ráðgert er að ljúka við
árið 2002, verða byggðir flugvellir
í Qaqortoq, Paamiut og Upernavik.
Að sögn Jens Hesseldahl er kostnað-
ur við framkvæmdir á fyrra stigi
áætlaður um 600 milljónir danskra
króna og kostnaður við framkvæmd-
ir á síðara stigi um 400 milljónir
danskra króna.
Reynsla og geta
Verkkaupandinn, Grönlands Luft-
havnsvæsen í Nuuk, býður þeim
verktökum og verktakahópum í of-
angreindum löndum, sem áhuga
hafa, að taka þátt í forvali vegna
útboðs byggingar flugvalla á fyrsta
stigi áætlunarinnar og er hægt að
sækja um þátttöku i forvali vegna
einnar eða fleiri af þeim flugbrautum
sem stendur til að byggja þar.
Aðspurður sagði Hesseldahl að
einungis fyrirtæki eða fyrirtækja-
hópar með reynslu og getu til þess
að framkvæma verkið yrðu tekin til
greina í forvalinu. Þá væri nauðsyn-
legt að einstök fyrirtæki hefðu við-
skiptaleyfi á Grænlandi. Hesseldahl
sagði ennfremur að sérstaklega yrði
litið til þeirra fyrirtækja og fyrir-
tækjahópa sem áætluðu samvinnu
við grænlenska aðila.
Stefnt er að því að verktökum sem
valdir verða í forvali verði boðið að
leggja inn tilboð sín síðari hluta árs-
ins 1995 og fyrri hluta 1996.
Styrum
Ferða-
málasjóð
NOKKUR óánægja virðist ríkja á
meðal nokkurra fyrirtækja í ferða-
málaiðnaði með starfsemi Ferða-
málasjóðs. Síðastliðinn sunnudag
birtist auglýsing frá Lögmannsstof-
unni Lögmenn, þar sem óskað var
eftir viðræðum við aðila er hefðu
áhuga á að endurfjármagna lán
nokkurra lánþega hjá Ferðamála-
sjóði þar sem starfsemi sjóðsins sam-
ræmist ekki lengur því hlutverki sem
honum ber að sinna lögum sam-
kvæmt að því er kemur fram í þess-
ari auglýsingu.
Samkvæmt heimildum Morgun-
blaðsins er hér um að ræða nokkur
fyrirtæki er fengið hafa skuldbreyt-
ingu á lánum sínum hjá Ferðamála-
sjóði, en verið synjað um frekari
fyrirgreiðslu.
Að sögn Guðmundar Jónssonar
lögmanns, sem fer með þetta mál
fyrir hönd þeirra fyrirtækja er í hlut
eiga, er það til komið vegna óánægju
með starfsemi og þjónustu sjóðsins
og hafa þessi fyrirtæki því afráðið
að leita eftir endurfjármögnun á
þeim lánum sem þau hafa fengið
þar. Að hans sögn er hér um að
ræða nokkra minni aðila í ferðaþjón-
ustu.
Björn Jósef Arnviðarson, formað-
ur stjórnar sjóðsins vildi í samtali
við Morgunblaðið lítið tjá sig um
málið. Hann sagði að stjórn sjóðsins
væri kunnugt um málavexti og hefði
grun um hvert eðli þessarar óánægju
væri, en þar sem ekki hefði borist
formleg kvörtun til sjóðsins þar sem
fram kæmi hvaða aðilar ættu hér í
hlut, treysti hann sér ekki til þess
að tjá sig nánar um málið.
----» ♦ ♦--
Annríki hjá
flugfélögum
íEvrópu
Briissel. Reuter.
FARÞEGAFLUG evrópskra flugfé-
laga jókst um 11,8% í apríl. Þar sem
þá voru páskar getur verið varhuga-
vert að treysta þeim tölum, að sögn
framkvæmdastjóra Sambands evr-
ópskra flugfélaga en hann telur þær
benda til þess að sumarið verði líf-
legt.
!
í
»
í
s
l
1
>
i
f
t
i
I
í
í
1
I
I
I