Morgunblaðið - 13.06.1995, Page 24

24 ÞRIÐJUDAGUR 13. JÚNÍ 1995
MORGUNBLAÐIÐ
imiiiM
HOI.I.T
íslenskt grænmeti er safríkt, bragð-
mikið, hreint og hollt.
Hreinleikarannsóknir hafa sýnt
að engin aukaefni finnast í
íslensku grænmeti.
Það er ómissandi í salöt, sem álegg,
í pottrétti eða sem ferskur biti á milli
máltíða.
Njóttu hreinleikans og hollustunnar
í íslensku grænmeti.
LISTIR
f SUMAR verða endurfluttir
í útvarpi, á rás eitt, þættir
Rögnvaldar Sigurjónssonar
píanóleikara, Túlkun í tón-
list.
Þættirnir vöktu athygli á
sínum tíma fyrir aðgengilega
og skemmtilega umfjöllun
um túlkun á sígildri tónlist,
og veröld hennar opnaðist
þeim fjölmörgu sem á
hlýddu.
Að sögn Rögnvaldar
kviknaði hugmyndin að þátt-
unum í Vínarborg, eitt sinn
er hann var þar staddur
ásamt konu sinni. „Við
heyrðum af tilviljun þátt í
útvarpinu þar, sem okkur
þótti skemmtilegur og lifandi
og við fórum að tala um að
gaman væri að heyra þátt í
svipuðum dúr heima á ís-
landi. Það var svo konan mín
Túlkun
í tónlist
Rögnvaldur Siguijónsson
sem ýtti mér út i að hafa
samband við útvarpið og at-
huga hvort áhugi væri á
svona þætti.“ Rögnvaldur
fékk strax góð viðbrögð og
þáttunum var hleypt af
stokkunum sumarið 1985 og
héldu áfram næstu tvö sumur
þar á eftir.
Tónlist frá ýmsum tímabil-
um er leikin. Bach, Mozart
og Beethoven eru áberandi
ásamt tónlist píanósnilling-
anna Chopin og Liszt og játar
Rögnvaldur að hann leggi
töluvert uppúr túlkun á pí-
anótónlist, þó hann leitist við-
að hafa þættina sem fjöl-
breyttasta.
Nú gefst sem sagt nýrri
kynslóð kostur á að hlusta á
þættina en þeir verða á dag-
skrá kl. 23.00 á miðvikudags-
kvöldum í Sumar.
Morgunblaðið/Kristinn
FRAMUNDAN hjá Friðrik Þór er frekari kynning á myndum
hans, auk þess sem nú er allt að verða tilbúið fyrir tökur á
Djöflaeyjunni, þeirri dýrustu sem gerð hefur verið á íslandi.
Myndir Friðriks
Þórs í miðnætursól
Tímarit
• TÍMARIT Máls og menningar,
2. hefti 1995, er komið út. Heftið
er að stórum hluta helgað skáldskap
Einars Más Guðmundssonar, en
hann hlaut eins og kunnugt er Bók-
menntaverðlaun Norðurlandaráðs
fyrr á þessu ári. Birt er þakkarræða
Einars Más við
afhendingu verð-
launanna, viðtal
Silju Aðalsteins-
dóttur við Einar
Má, sem er ítar-
legasta viðtal sem
tekið hefur verið
við hann og loks
er ritdómur Páls
Valssonar um
verðlaunabókina,
Engla alheimsins.
Að vanda frumbirtir TMM skáld-
skap eftir þekkt og óþekkt skáld á
ýmsum aldri: ljóð eftir Vilborgu
Dagbjartsdóttur, Gerði Kristnýju,
Þórodd Bjarnason, Kristján Þórð
Hrafnsson, Guðjón Sveinsson og
Andra Snæ Magnason og sögur
eftir Thor Vilhjálmsson, Stefaníu
Þorgrímsdóttur og Wolfgang Schif-
fer. Auk þess er stutt útvarpsleik-
rit eftir austurríska rithöfundinn
Peter Handke.
Meðal greina í nýjasta TMM má
nefna „Söngvara lífsfögnuðarins,
hugleiðingu um skáldskap Davíðs
Stefánssonar á aldarafmæli hans“,
eftir Svein Skorra Höskuldsson pró-
fessor og tvær greinar um myndlist
eftir Ólaf Gíslason ogHarald Jóns-
son.
Tímarit Máls og menningar, 2.
hefti 1995 er 120 bls. TMM kemur
út fjórum sinnum á ári ogkostar
ársáskrift 3300 kr. Ritstjóri erFrið-
rik Rafnsson.
• TÍMARITIÐ Gangleri, fyrra
hefti 69. árgangs, er komið út.
Gangleri flytur greinar um andleg
og heimspekileg mál. Ristjóri er
Birgir Bjarnason. í vorhefti
Ganglera nú eru meðal annars eftir-
farandi greinar:
Listin og taó-
isminn eftir Ben
Willis. Hann ijall-
ar um ýmislegt
listrænt í taóisma
og þau áhrif sem
taóisminn hefur á
list. Stefnumót við
Móður Meeru er
lýsing á heimsókn
til Meeru eftir
Ágústu Stefánsdóttur. Geta vísind-
in útskýrt vitundina? eftir John
Horgan er grein um nýjar hug-
myndi vísindamanna um vitundina.
Ástin skapar einingu er eftir Yogi
Amrit Desai. Ormurinn er eftir
Birgi Bjarnason. Næring fyrir
tuttgustu og fyrstu öldina er kynn-
ing á ofurfræði eftir Elías Jón
Sveinsson. Þór Jakobsson skrifar
um þekkingu á umhverfi mannsins
— og hinn innri heim.
Gangleri er 96 bls. og kemur út
tvisvará ári. Áskriftargjald er
1.500 krónur.
DAGANA 14-18 júní verður í
Finnlandi haldin kvikmyndahátíð
miðnætursólarinnar sem, eins og
nafnið ber með sér, fer fram þar
sem sumarsólin aldrei sest, í bæn-
um Sodankyla í finnska Lapp-
landi. Kvikmyndasýningar verða í
gangi allan sólarhringinn á þremur
stöðum í bænum. Á dagskrá hátíð-
arinnar verða myndir héðan og
þaðan úr heiminum og þar á með-
al eru þijár mynda Friðriks Þórs
Friðrikssonar.
Friðrik segir hátíðina töluvert
þekkta og ekki síst fyrir hvað sé
gaman að vera þar. „Þetta er í
fyrsta skipti sem ég er með, en
mig hefur alltaf langað að fara
en aldrei komist enda er maður
yfirleitt fastur í tökum á þessum
tíma árs.“ Hátíðin er haldin að
undirlagi þekktustu kvikmynda-
gerðarmanna Einna, bræðranna
Mika og Aki Kaurismaki. Að-
spurður sagði Friðrik hana einkum
mikilvæga fyrir kynningu mynda
sinna á Finnlandsmarkaði.
Upphlaup
Á kvikmyndahátíðinni í Cannes
á dögunum voru myndirnar Bíó-
dagar og Á köldum klaka sýndar.
Vonir Bíódaga um verðlaun urðu
að engu þegar upphlaup varð
meðal dómara, vegna sýningar á
myndinni þegar hún var sýnd á
barnahátíðinni.
„Dómarar voru allir börn undir
stjórn eins „kennara“ og voru sex
slíkir hópar sem dæma áttu mynd-
ina. Þegar kom að atriðinu þar sem
drengirnir eru að kíkja á ástarleik
í gegnum glugga þusti einn kenn-
arinn út með sinn hóp og kom síð-
an inn aftur og heimtaði að bíó-
gestir færu að dæmi hans; þetta
væri engin barnamynd. Bíógestir
sem eftir sátu hreyfðu sig ekki en
1/6 hluta dómenda vantaði eftir
þetta.“
Stærsta opnun
Þrátt fyrir þetta fara Bíódagar
í meiri dreifingu en Börn náttúr-
unnar gerði og Á köldum klaka
gerir enn betur og verður heims-
frumsýnd, ' fyrir utan ísland, í
þremur bíóhúsum í London í sept-
ember sem verður stærsta opnun
á norrænni mynd í London til
þessa, að sögn Friðriks. Samning-
ar hafa tekist um sölu og dreifingu
myndanna til fjölmargra landa auk
þess sem t.d. sjónvarpsstöðin
„Channel 4“ hefur keypt Á köldum
klaka.
Framundan hjá Friðrik er frek-
ari kynning á myndunum auk
þess sem nú er allt að verða til-
búið fyrir tökur á Djöflaeyjunni,
en aðeins er beðið eftir að fjár-
mögnun ljúki. Að sögn Friðriks
verður myndin sú dýrasta sem
gerð hefur verið á Islandi en fjár-
hagsáætlun hljóðar upp á 167
milljónir króna.
Friðrik
Rafnsson
Birgir
Bjarnason