Morgunblaðið - 14.06.1995, Blaðsíða 14

14 MIÐVIKUDAGUR 14. JÚNÍ 1995
MORGUNBLAÐIÐ
LAIMDIÐ
Nýtt sorpurðunarsvæði í
landi Kirkiuferiuhiáleiffu
Selfossi. Morgunblaðið. ** ** '—7
NYTT sorpurðunarsvæði Sorp-
stöðvar Suðurlands í landi Kirkju-
feijuhjáleigu í Ölfusi var formlega
tekið í notkun föstudaginn 9. júní.
Guðmundur Bjamason umhverfís-
ráðherra opnaði svæðið formlega
og hleypti fyrsta sorpflutningabíln-
um inn á svæðið. Með opnun hins
nýja svæðis verður urðunarsvæði
Sorpstöðvarinnar við Selfoss lokað
en þar hefur verið urðað sorp síðan
1963. Að Sorpstöð Suðurlands, sem
stofnuð var 1981, standa nú 23
sveitarfélög á Suðurlandi en þjón-
ustusvæði stöðvarinnar nær frá
Selvogi til Mýrdalssands. íbúar
svæðisins eru um 14.500 en eru
mun fleiri þegar umferð er mest
um sumarhúsasvæðin á Suðurlandi.
Á urðunarsvæðið mun einungis
koma sorp frá aðilum sem verða í
föstum viðskiptum við Sorpstöð
Suðurlands, fyrirtæki sem annast
sorphirðu fyrir sveitarfélögin, Sorp-
stöð Rangárvallasýslu auk nokk-
urra stórra fyrirtækja sem eru með
beina samninga við stöðina. Allt
sorp verður vigtað þegar það kemur
inn á svæðið og urðað óbaggað og
þangað mega ekki koma spilliefni
eða brotamálmar. Sveitarfélög á
Suðurlandi munu setja upp mót-
tökustöðvar fyrir slík efni og annað
sorp sem fólk þarf að losa sig við.
Forathuganir, rannsóknir og
annar undirbúningur vegna hins
nýja svæðis hefur staðið yfír síðan
1990 og miðast að því að uppfylla
allar þær kröfur sem gerðar eru til
urðunarsvæða á sorpi. Heildar-
kostnaður við svæðið nemur 50
milljónum og 16 milljónir fóru í að
leggja nýjan veg að svæðinu. Heild-
arrekstrarkostnaður er áætlaður 17
milljónir króna á ári. Á svæðinu
mun fyrst um sinn starfa einn
maður við urðun og eftirlit. Karl
Bjömsson formaður stjómar Sorp-
stöðvarinnar sagði meðal annars í
ávarpi við opnunina að enginn vafi
léki á því að sú leið sem hér væri
farin við förgun á sorpi væri sú
hagkvæmasta. Hann lagði áherslu
á að markmiðið hefði alltaf verið
að reka urðunarsvæðið eftir ítrustu
reglum um mengunarvarnir og frá-
gang. Guðmundur Bjarnason um-
hverfísráðherra lýsti í ávarpi sínu
ánægju með það skref sem stigið
væri með opnun urðunarsvæðisins.
Morgunblaðið/Sig. Jónss.
FYRSTI sorpfarmurinn losaður á nýja urðunarsvæðinu.
Morgunblaðið/Ágúst Blöndal
FJÖLDI fólks lagði leið sína á bryggjuna á Neskaupstað á sjóm&nnadaginn til að fylgjast með hátíðarhöldunum sem þar fóru fram í tilefni dagsins.
Sjómenn um allt landið héldu dag sinn hátíðlegan siðastliðinn sunnudag
Hátíðarhöld við
sjávarsíðuna
HÁTÍÐARHÖLD sjómannadagsins í Eyjum
fóru að vanda fram bæði laugardag og
sunnudag. Á laugardag var skemmtidag-
skrá við Friðarhöfn, um kvöldið voru síðan
dansleikir á veitingastöðum bæjarins.
Dagskrá sunnudagsins hófst með sjó-
mannamessu í Landakirkju og síðan var
minningarathöfn við minnisvarða hrapaðra,
drukknaðra og þeirra sem farist hafa í flug-
slysum. Snorri Óskarsson stjórnaði athöfn-
inni og minntist látinna.
Skemmtidagskrá var síðan á Stakka-
gerðistúni. Valmundur Valmundsson flutti
ræðu dagsins. Aldraðir sjómenn voru heiðr-
aðir: Adolf Magnússon frá Skipstjóra- og
stýrimannafélaginu Verðandi, Valgeir
Sveinsson frá Vélstjórafélagi Vestmanna-
eyja og Helgi M. Sigmarsson frá Sjómanna-
félaginu Jötni. Þá tók Grímur Jón Gríms-
son, skipstjóri á Guðmundi VE, við viður-
kenningu frá Siglingamálastofnun ríkisins
fyrir gott ástand skips og búnaðar.
Hilmar Snorrason, skólastjóri Slysa-
varnaskólans, afhenti síðan Lárusi Gunn-
ólfssyni skipstjóra Sæbjargarbikarinn fyrir
hönd áhafnar Heijólfs.
Sjómannadagshátíðarhöldin á Húsavík
hófust á laugardag með fjölbreyttri dag-
skrá í íþróttahöllinni og árshátíð sjómanna
á Hótel Húsavík um kvöldið. En á sunnu-
deginum hófust hátíðarhöldin með messu
kl. 11 sem sr. Sighvatur Karlsson söng.
Eftir hádegið buðu sjómenn landkröbbum
í siglingu um Skjálfanda og varð hún fjöl-
mennari og lengri en venjulega vegna þess
hve veður var gott, logn og 20 stiga hiti.
Að lokinni siglingu hófst keppni og ýmsir
leikir á hafnaruppfyllingu.
Slysavarnarfélagskonur seldu kaffi í fé-
lagsheimilinu og þar voru verðlaun afhent
og tveir eldri sjómenn heiðraðir, þeir Jó-
hann Kr. Gunnarsson og Óskar B. Guð-
mundsson. Þeir eru báðir fæddir Flateying-
ar og hófu sín sjómannsstörf þar á barns-
aldri en ungir fóru þeir að sækja vertíðir
sunnanlands að vetrum en sóttu sjóinn frá
Flatey að sumrinu til. Síðar fluttust þeir
báðir til Húsavíkur og sóttu sjóinn þaðan
en nú síðustu árin hafa þeir báðir starfað
við fiskvinnslu hjá Fiskiðjusamlagi Húsa-
víkur.
Fiskverkakonur heiðraðar
á Neskaupstað
Sjómannadagshátíðarhöldin á Neskaup-
stað voru að mestu leyti með hefðbundnum
hætti að undanskildu því að núna voru
ekki aðeins heiðraðir aldraðir sjómenn held-
ur líka fískverkakonur sem unnið hafa við
fiskvinnslu í tugi ára.
Hátíðarhöldin hófust strax á föstudag
með sjóstangaveiðimóti og fánar voru
dregnir að húni vítt og breitt um bæinn. Á
laugardag og sjómannadag voru hefðbund-
in atriði. M.a. var útisamkoma við sundlaug-
ina þar sem Jón Ingi Kristjánsson flutti
hátíðarræðu og Reynir Zoéga var heiðraður
sem aldraður sjómaður og fískverkakonum-
ar Anna Finnsdóttir og Lára Halldórsdóttir.
Að morgni sjómannadags fór svo um
helmingur bæjarbúa í hópsiglingu á nánast
öllum fleytum sem sjófærar vom. Þátttaka
í hátíðarhöldunum var mjög góð enda 20
stiga hiti og glaða sólskin.
Óvænt uppákoma á Ólafsvík
ÞAÐ VAR mikið um að vera í Ólafsvík á
sjómannadaginn. Meðal annars var farið í
skemmtisiglingu út af Ólafsvík með togar-
anum Má. Þá vildi ekki betur til en svo að
hann tók niður á sandrifi í innsiglingunni
og strandaði þar í dijúgan tíma. Fjölmarg-
ir Ólafsvíkingar voru um borð og tóku þessu
með mesta jafnaðargeði, enda ýmsu vanir.
Þegar svo losnaði um togarann var haldið
við upprunaleg áform og siglt út á Breiða-
fjörðinn, þar sem jafnt ungir sem aldnir
undu sér hið besta.
Morgunblaðið/Sigurgeir Jónasson
HELGI Sigmarsson, Adolf Magnússon og Valgeir
Sveinsson voru heiðraðir af sjómannafélögunum í
Eyjum fyrir áratuga sjómennsku.
SJÓMENNIRNIR Óskar B. Guðmundsson og Jóhann
Kr. Gunnarsson voru heiðraðir fyrir störf sín á sjó-
mannadaginn á Húsavík.
Morgunblaðið/Pétur Blöndal
ÓLAFSVÍKINGAR kipptu sér ekki upp við þá þótt
skemmtisiglingin færi ekki betur af stað en svo að
togarinn strandaði.