Morgunblaðið - 26.07.1995, Blaðsíða 5

MORGUNBLAÐIÐ
MIÐVIKUDAGUR 26. JÚLÍ 1995 5
FRÉTTIR
Breyting í
fjarskipta-
málum björg-
unarsveita
FJARSKIPTARÁÐ Landsbjargar og Slysa-
varnafélags íslands gekkst fyrir lagfær-
ingu á fjögurra ára gömlum endurvarpa á
Snæfjalli við Isafjarðardjúp og uppsetningu
nýs á Hornatám nærri Trostansfirði síðast-
liðinn fimmtudag. Til verksins var notuð
Chinook þyrla varnarliðsins á Keflavíkur-
flugvelli og gekk verkið að öllu leyti vel,
en varnarliðið framkvæmdi alla sína vinnu
Fjarskiptaráðinu að kostnaðarlausu.
Rúmlega tuttugu björgunarsveitarmenn
frá Bolungarvík, Hnífsdal, Isafirði og Pat-
reksfirði tóku þátt í þyrluflutningunum og
vinnu við uppsetninguna. „Endurvarparnir
eru stórkostlegt virki fyrir okkur björg-
unarsveitarmenn um alla Vestfirði, því nú
þjóna þeir okkur á Rás 2, sem er endurvarp-
rás björgunarsveitarmanna. Með tilkomu
endurvarpanna eru öll fjarskipti langdræg-
ari og margfalt betri,“ sagði Magnús Ólafs
Hansson hjá Björgunarsveit SVFÍ í Bolung-
arvík. Hann segir björgunarsveitir á norð-
anverðum Vestfjörðum aldrei hafa náð fjar-
skiptasambandi við félaga sína á suður-
fjörðunum. Sem dæmi nefnir Magnús að
samstundis því sem endurvarparnir voru
standsettir á Snæfjalli og Hornatám hafi
báðir hóparnir náð fjarskiptasambandi við
lögregluna á Blönduósi með skínandi ár-
angri. „Við settum undirstöður undir end-
urvarpana á Snæfjalli og hækkuðum hann
talsvert, þar sem hann hefur fennt í kaf
stærstan hluta ársins. Það hefur Iítið sem
ekkert gagn verið af honum hingað til og
hann verið óvirkur nema í brennandi sól-
arhita þegar sólin hefur náð að bræða inn
á sólarrafhlöðurnar.
Varnarliðið gaf alla sína vinnu og afnot
af þyrlu og Varnarliðsdrengirnir eru sann-
Morgunblaðið/Hermann Þór Snorrason
BJÖRGUNARSVEITARMENN bera undirstöður fyrir gamla endurvarpann á Snæfjalli
úr þyrlunni. Hann var lagfærður fyrir 2 árum en var nú hækkaður um 2 metra, þar sem
hann hefur nær alltaf fennt í kaf stærsta hluta ársins og verið ónothæfur af þeim sökum.
kallaðir englar í hugum okkar björgunar-
sveitarmanna. Við þökkum þeim innilega
fyrir þeirra vinnu og hjálp. Sérstaklega vil
ég koma á framfæri þökkum til Friðþórs
Eydal, upplýsingafulltrúa varnarliðsins,
fjrir hans ómetanlega þátt,“ sagði Magnús
Ölafs Hansson og bætti við að hann talaði
þar fyrir hönd allra björgunarsveita á Vest-
fjörðum.
Þegar varnarliðsþyrlan hafði flutt björg-
unarsveitarmennina á báða staðina hélt hún
aftur til ísafjarðar og hugðist sækja þá síð-
ar um kvöldið. Hins vegar vannst einungis
tími til að sækja hópinn á Snæfjalli, því
þyrlan átti að fara í skoðun um kvöldið.
„Þess vegna héldum við suður aftur og
gerðum þyrluna klára um nóttina fyrir
sams konar verkefni á Kristínartindi í
Skaftafelli, þar sem við höfum verið að
reyna að selja upp endurvarpa undanfarið
og ég vona að því verki verði Iokið um eða
eftir helgi,“ sagði Friðþór Eydal, upplýs-
ingafulltrúi varnarliðsins, en þar austur frá
hefur m.a. veður og þyrlubilanir heft að-
gerðir við flutninga.
í 703 metra hæð á Hornatám. Endurvarp-
inn ásamt undirstöðu vegur um 600 kíló.
Meðlagsgreiðslur
Vanskil
jukust um
600 millj.
milli ára
VANSKIL við Innheimtustofnun
sveitarfélaga vegna meðlaga jukust
um rúmar 600 millj. króna milli ár-
anna 1993 og 1994 og námu vanskil-
in 5.077 millj. kr. um síðustu ára-
mót. Til samanburðar námu óinn-
heimtar kröfur í árslok 1993 sam-
tals um 4.446 millj. kr. Þessi van-
skil hafa safnast upp frá því stofnun-
in hóf starfsemi í byrjun árs 1972.
Á síðasta ári innheimti Innheimtu-
stofnun sveitarfélaga 1.148 millj. kr.
í meðlög, en stofnunin þurfti að fá
512 millj. kr. frá Jöfnunarsjóði sveit-
arfélaga til að geta gert upp við
Tryggingstofnun ríkisins sem greiðir
út meðlögin.
Fyrir áramót samþykkti Alþingi
lög þar sem heimilað er að skulda-
jafna greiðslur frá ríkinu, eins og
barnabætur, barnabótaauka og
vaxtabætur, vegna meðlagsvanskila.
Meðlagsvanskilin eru áttundu í röð
þeirra gjalda sem heimilað er að
skuldajafna vegna. Við útgreiðslu
barnabóta og barnabótaauka í vor
innheimtust 23 milljónir króna vegna
vanskila meðlaga með þessum hætti.
Meðlag á mánuði með hverju barni
nemur nú 10.794 krónum. Skylt er
að borga með hveiju barni og breyt-
ir fjöldi barna engu þar um. Að sögn
Árna Brynjólfssonar hjá Innheimtu-
stofnun sveitarfélaga, fyrnast með-
lagsskuldir ekki og höfuðstóll þeirra
er ekki afskrifaður nema við lát
skuldara. Hins vegar er heimiit að
afskrifa dráttarvexti vegna vanskil-
anna í þeim tilvikum sem sýnt er að
félagslegar aðstæður hafi verið orsök
vanskilanna.
Ætlarþú að sœkja um námslán
hjá LIN fyrír L ágúst?
Á Menntabraut, námsmannaþjónustu íslandsbanka, eiga námsmenn m.a. kost á lánum í
tengslum viö fyrirgreiöslu Lánasjóös íslenskra námsmanna. Lánafyrirgreiöslan er í formi stighœkkandi
mánaöarlegrar yfirdráttarheimildar. Fyrirkomulagiö tryggir iágmarkskostnaö námsmanna þar sem
þeir greiöa aöeins vexti af nýttri yfirdráttarheimild. í boöi á Menntabraut er meöal annars:
Tékkareikningur meö 50.000 kr. yfirdráttarheimild
óháö fyrirgreiöslu vegna LÍN
Vönduö skipulagsbók
Námsstyrkir
Debetkort, greiöslukort o.fl.
Námsmenn, kynniö ykkur fjöimarga kosti Menntabrautar
Komiö og rœöiö viö þjónustufulltrúa íslandsbanka um
fjármálin, þeir hafa sérhœft sig í málefnum námsfólks.
,«^IP(JLagS8ÓK
>■ - ■
MENNTABRAUT
Námsmantiaþjóriusta íslandsbanka

VtKAN
manaoa í/u
fra menntun til framtiöar!