Morgunblaðið - 26.07.1995, Blaðsíða 6

6 MIÐVIKUDAGUR 26. JÚLÍ 1995
MORGUNBLAÐIÐ
FRÉTTIR
Þýfi úr innbroti í Skákprent fyrir síðustu helgi komið til skila að mestu
Vestfjarðaaðstoðin
Keypti eignir sínar
af þjófunum
JÓHANN Þórir Jónsson, eigandi
Skákprents, hefur náð til baka
mestöllu af þeim tölvum og hug-
búnaði sem stolið var í innbroti
í fyrirtæki hans fyrir síðustu
helgi með því að kaupa búnaðinn
af þeim sem stóðu að innbrot-
inu. Hann sagði í samtali við
Morgunblaðið að nokkrir menn
sem þekktu til í undirheimum
borgarinnar hefðu tekið sig
saman um að hjálpa sér við að
ná þýfinu til baka.
Jóhann Þórir vildi ekki upp-
Iýsa hve hátt verð hann hefði
greitt þjófunum. Hann sagðist
hafa Iátið lögreglu vita um við-
skiptin og hefði komið upplýs-
ingum sem hann byggi yfir um
málið á framfæri við hana.
„Þegar þetta gerðist vissi ég
að þeir sem fremja svona glæpi
reyna að selja þýfið til að ná sér
í eiturlyf fyrir andvirðið. Ég
kom þeim skilaboðum á fram-
færi að þetta væri óbærilegt tjón
og sagði að ég væri tilbúinn að
borga þeim fyrir að skila þessu.
Niðurstaðan varð sú að mönnum
sem þekkja til í þessum heimi
ofbauð að þetta skyldi hafa átt
sér stað hér og tóku höndum
saman um að hjálpa mér að ná
þessu,“ sagði Jóhann Þórir.
Jóhann Þórir sagðist hafa
komist í samband við þessa
menn á sunnudagskvöld og að
síðdegis á mánudag hefði megn-
inu af þýfinu verið skilað. „Ég
varð að borga fyrir þetta örlítið
betur en þeir hefðu fengið fyrir
þetta á sínum markaði," sagði
Jóhann Þórir en vildi ekki upp-
lýsa um hve háa fjárhæð hefði
verið að ræða. „Það verður að
vera milli mín og þess sem ég
borgaði.“
Innbrotið var framið aðfara-
nótt 20. þessa mánaðar og bar
að sögn Jóhanns Þóris vott um
mikla skipulagningu. M.a. var
stolið tveimur tölvum, tölvuskjá
og skanna fyrir 3-4 milljónir
króna auk hugbúnaðar og efnis
á tölvudiskum.
Jóhann sagðist ekki hafa
dregið til baka kæru sína til lög-
reglu vegna innbrotsins og hefði
hann sagt rannsóknarlögreglu
frá viðskiptunum og veitt þeim
ýmsar upplýsingar þar að lút-
Morgunblaðið/Golli
andi. „Ég áskil mér allan rétt á
að haída skákinni áfram," sagði
Jóhann Þórir um það hvort hann
hefði fallið frá kærum.
„En ég fékk á tilfinninguna
að tíminn væri naumur áður en
þetta yrði selt og vildi reyna að
nota þá möguleika sem ég hafði
til að tala við menn sem ég vissi
að höfðu kynnst þessum heimi,“
sagði hann.
Lagning slitlags á
Meðallandsveg
Framrás hf.
með lægsta
tilboðið
INNAN skainms tekur Vegagerð-
in á Suðurlandi ákvörðun um það
hvaða tilboði skuli tekið í lagningu
slitlags á tveggja kílómetra vegar-
kafla á Meðallandsvegi frá Suður-
landsvegi að Tungulæk. Stefnt er
að því að framkvæmdir hefjist í
þessum mánuði en að þeim ljúki í
september.
70% af
kostnaðaráætlun
Þegar tilboð voru opnuð kom í
ljós að Framrás hf. í Vík í Mýrdal
átti langlægsta tilboðið. Tilboð
fyrirtækisins, tæpar 4,4 milljónir
kr., var um 70% af kostnaðaráæti-
un en hún hljóðaði 'upp á rúmar
6,3 milljónir kr.
Næstlægsta tilboðið átti Vöru-
bílstjórafélagið Neisti í Vík en til-
boðsupphæðin var tæplega einni
milljón króna hærri en Framrásar.
Hæsta tilboðið var aftur á móti
tæplega þremur milljónum króna
hærri en hið lægsta.
Samkvæmt upplýsingum um-
dæmisskrifstofu Vegagerðarinnar
á Selfossi er stefnt að því að vegar-
kaflinn verði lagður slitlagi í byij-
un september.
Byggða-
stofnun af-
greiddi til-
lögumar
BYGGÐASTOFNUN hefur afgreitt
tillögur Vestfjarðanefndar um víkj-
andi lán til fyrirtækja í Vesturbyggð.
Egill Jónsson, formaður stjórnar
Byggðastofnunar, segir að tillögurn-
ar hafi verið samþykktar á stjórnar-
fundi 12. júlí sl.
Haft var eftir Eyjólfi Sveinssyní,
aðstoðarmanni forsætisráðherra og
formanni Vestfjarðanefndar, í Morg-
unblaðinu í gær að Byggðastofnun
væri ekki búin að taka tillögurnar
til umfjöllunar. Segir Egill það ekki
rétt. Hins vegar hefur formleg
staðfesting á afgreiðslu Byggða-
stofnunar ekki borist forsvarsmönn-
um umræddra fyrirtækja. Sagði Guð-
mundur Malmquist forstjóri Byggða-
stofnunar í samtali við Morgunblaðið
í gær að ekki væri búið að senda
bréflegt samþykki stofnunarinnar
fyrir tillögum Vestfjarðanefndar
vegna sumarleyfa.
Danskir
lögreglu-
menn farnir
DANSKIR rannsóknarlögreglumenn
sem komu til landsins í tengslum við
rannsókn á líkamsárás í Hróarskeldu
í mars sl. eru famir úr landi.
Fimm íslendingar úr hópi sem var
í slátraraskóla í Hróarskeldu í vetur,
voru yfirheyrðir hér á landi.
Niðurstaða ferðar Dananna hing-
að mun vera sú að enginn íslending-
anna sé talinn viðriðinn málið.
Poul Nyrup
í opinberri
heimsókn
Forsætisráð-
herra Danmerk-
ur Poul Nyrup
Rasmussen og
eiginkona hans
frú Lone Dybkj-
ær eru væntan-
leg í opinbera
heimsókn til
landsins dagana 7-11. ágúst
næstkomandi.
Snemma
beygist
krókur
ÞESSI pilt.ur lét umræður um
banndaga og krókaveiðar ekki
raska ró sinni þar sem hann
dorgaði í blíðunni á Bíldudal á
dögunum. Veiðin var treg en þó
hafði strákur sett í smáþorsk
daginn áður.
Morgunblaðið/Guðni
Höfuðborgarsvæðið
Innbrotahrina í bíla
BROTIST hefur verið inn í á
þriðja tug bíla á höfuðborgar-
svæðinu undanfarna tvo sólar-
hringa.
Einkum sækjast þjófarnir eftir
útvarps- og hljómflutningstækj-
um, sem talið er að þeir eigi
auðvelt með að finna kaupendur
að. Þá var úr einum bílnum
stolið tölvu og úr öðrum bókalag-
er sölumanns sem metinn er á
um 200 þúsund krónur.
Margir bílanna eru skemmdir
eftir innbrotin og tjón eigend-
anna tilfinnanlegt.
Hiti að færast í kosningabaráttuna vegna formannskjörsins í Alþýðubandalaginu
Einar Karl sakaður um að
vinna fyrir Margréti
AUKINN hiti er nú kominn í kosn-
ingabaráttu stuðningsmanna Stein-
gríms J. Sigfússonar og Margrétar
Frímannsdóttur vegna formanns-
kjörsins í Alþýðubandalaginu.
Óánægja hefur komið upp meðal
stuðningsmanna Steingríms sem
telja að Einar Karl Haraldsson,
framkvæmdastjóri flokksins, hafi
notað flokksskrifstofu Alþýðu-
bandalagsins við að afla Margréti
stuðnings.
Steingrímur sagðist aðspurður
ekki neita því að hann hefði heyrt
óánægju með að framkvæmdastjóri
flokksins hefði blandað sér í barátt-
una með þeim hætti sem ekki sam-
rýmdist stöðu hans. „Að öðru leyti
vil ég ekki ræða þetta mál, nema
þá innan stofnana flokksins, ef til-
efni verður til að taka það upp þar.
Ég lít svo á að skoðanaskipti okkar
alþýðubandalagsmanna um málið í
fjölmiðlum séu afar óheppileg og
þetta sé eitthvað sem við hljótum
að útkljá í okkar röðurn," sagði
Steingrímur.
Ekki skoðanalaus í
þessu starfi
Aðspurður hvort hann hefði beitt
sér í kosningabaráttu fyrir Mar-
gréti, sagðist Einar Karl svara því
engu. „Eg hef mína persónulegu
skoðun á þessu máli og hef allan
rétt til þess. Auðvitað er hún kunn
innan flokksins en ég hef ekki látið
hana koma fram út á við og ætla
ekki að gera það. Ég hef aldrei
verið skoðanalaus í þessu starfi og
ætla mér ekki að vera,“ sagði Einar
Karl.
Hann sagðist vera sammála
Steingrími um að menn ættu ekki
að vera uppnæmir vegna sögusagna
sem væru á kreiki í kosningabarátt-
unni. Þær hefðu engin áhrif á þá
staðreynd að það ríkti óvenju góð
sátt í flokknum um alian undirbún-
ing og framkvæmd kosninganna.
Þá sagði Einar Karl að það væri út
í hött að farið sé að nota flokks-
skrifstofuna til að hringja eða skrifa
til að afla stuðnings fyrir frambjóð-
endurna en hins vegar mætti benda
á, til að róa stuðningmenn Stein-
gríms, að Steingímur hefði fengið
allt það pláss og þá þjónustu sem
hann hefði óskað eftir í Vikublaðinu
og það í mun meira mæli en Mar-
grét, en blaðið væri gefið út af
Alþýðubandalaginu og á skrifstofu
flokksins.
„Ég held að það sé best fyrir
alla að menn haldi ró sinni. Hvorki
ég né Steingrímur höfum neitt yfir-
lit yfir hvað menn gera í öðrum
vistarverum út í bæ og ég legg
ekki eyrun við sögusögnum um
hvað menn eru að gera út í bæ,“
sagði Einar Karl.
Framboðsfrestur rennur út
á hádegi á morgun
Frestur til að skila inn framboð-
um vegna formannskosninganna
rennur út á hádegi á morgun. Mar-
grét hefur ekki enn skilað tilkynn-
ingu um framboð sitt en skv. upp-
lýsingum Morgunblaðsins ætla
stuðningsmenn hennar að gera það
á morgun.
|
\

I
I
>
i
>
i
!
i