Morgunblaðið - 26.07.1995, Blaðsíða 11
MORGUNBLAÐIÐ
MIÐVIKUDAGUR 26. JÚLÍ 1995 11
AKUREYRI
' •
Morgunblaðið/Rúnar Þór
ÞRJÚ rússnesk skip, Fedor Dostojevskíj, Kazakhstan og Russ og breska skipið Explorer voru samtímis á Akureyri í gærdag og er það
í annað sinn í sumar sem svo mörg skemmtiferðaskip hafa viðkomu þar sama daginn.
Á 114 km
hraða íinnan-
bæjarakstri
Mikil aukning í komum skemmtiferðaskipa í sumar
Átta skip á 5 dögnm
UNGUR ökumaður, 18 ára gamall
var sviptur ökuleyfi eftir að hafa
ekið bíl sínum á 114 kílómetra
hraða innanbæjar á Akureyri í
gærdag. Annar ökumaður var
stöðvaður á 99 kílómetra hraða í
innanbæjarakstri, sá heldur sínu
ökuskírteini en fær væntanlega ríf-
lega sekt.
Matthías Einarsson lögreglu-
varðstjóri á Akureyri sagði að lög-
reglumenn væru mikið á ferðinni
um þessar mundir að mæla öku-
hraða. „Við reynum að halda hrað-
anum niðri og fólk á að vita að við
erum víða á ferðinni," sagði hann.
FJÖGUR skemmtiferðaskip voru
samtímis á Akureyri í gær og er
þetta í annað sinn í sumar sem svo
mörg skemmtiferðaskip eru saman
komin við Akureyrarhöfn. Reyndar
kom fimmta skipið, sem áætlað var
að kæmi f dag skömmu fyrir mið-
nætti þannig að á sama sólar-
hringnum voru skipin fimm sem
höfðu viðkomu í höfninni
Farþegar á fjórða þúsund
Guðmundur Sigurbjörnsson hafn-
arstjóri sagði að um væri að ræða
toppviku hvað viðkomu skemmti-
ferðaskipa varðar, en þau yrðu átta
talsins frá mánudegi til föstudags
og hefðu aldrei verið svo mörg í
einni og sömu vikunni. Gera má ráð
fyrir að farþegar skipanna séu eitt-
hvað á fjórða þúsundið, en flestir
fara þeir i land. Margir fara með
langferðabílum austur í Mývatns-
sveit, aðrir að Goðafossi og gamla
bænum í Laufási og enn aðrir kjósa
að skoða sig um í miðbænum.
Skipum fækkar úr þessu
„Þessum skipakomum fylgir
vissulega tekjuaukning, bæði hjá
höfninni og ýmsum öðrum í bæn-
um,“ sagði Guðmundur.
Eftir að þessi toppvika í skipa-
komum er liðin hjá fer nokkuð að
draga úr en þá eiga alls átta skip
eftir að koma í sumar. Alls verða
þá skipin 37 að tölu sem er það
langmesta sem áður hefur þekkst,
þau voru 24 í fyrra og sumarið
1993 höfðu 28 skip viðkomu á
Akureyri sem þá var met. Hafnar-
stjóri sagði að skýringu á aukning-
unni mætti rekja til öflugs mark-
aðsstarfs Akureyrarhafnar á liðn-
um misserum.
Víkingurinn vinsæli
FJÖLDI ferðalanga staldrar
við hjá víkingnum sem komið
hefur verið fyrir framan við
Leikfangamarkaðinn í göngu-
götunni í Hafnarstræti og þeir
eru margir sem stilla sér upp
við hlið hans og láta smella af
sér ljósmynd. „Hann er mjög
vinsælt módel,“ segir Guð-
mundur Sigurðsson verslunar-
stjóri í Leikfangamarkaðnum
en víkingur þessi heldur á
hjálmum sem margir fá að
bregða á höfðu sér til að gera
ljósmyndina enn áhrifaríkari.
Hinn frækni víkingur á að sögn
verslunarstjórans eiginkonu,
„heimavinnandi sem stendur,
stoppar í sokkana hans og ann-
að slíkt en mun birtast þegar
hennar tími er kominn.“ Að
mati Guðmundar er meira um
erlenda ferðamenn í sumar en
var í fyrra en verslunin færi
nokkuð eftir veðri, í blíðviðri
eins og í gær væri meira um
að ferðamenn keyptu boli en
þegar andaði köldu væru lopa-
peysur og vettlingar vinsæl
söluvara.
Morgunblaðið/Rúnar Þór
VÍKINGURINN keppir við Akureyrarkirkju sem
vinsælt myndefni ferðalanga.
Kindur af
riðusvæði
fundust í
Upsadal
KINDUR frá bænum Þverá í Skíða-
dal sem fluttar voru án vitundar
bónda út í Ólafsfjarðarmúla í liðinni
viku fundust í Upsadal ofan við
Dalvík og við Sauðanes á sunnudag.
Kindurnar sem settar voru á beit út
í Múla voru fluttar af riðusvæði á
ósýkt svæði.
Zhophanías Jónmundsson fjall-
skilastjóri á Hrafnstöðum sagði að
kindurnar, ellefu talsins, hefðu fund-
ist í Upsadal og þrjár þeirra við
Sauðanes norðan Dalvíkurbæjar.
Eigandi fjárins sótti það og flutti
sjálfur til síns heima.
„Það er alveg ljóst að kindurnar
hafa aldrei farið þessa leið sjálfar,
það hefur einhver flutt þær þarna
út eftir, en enginn hefur gefið sig
fram enn,“ sagði Zhophanías. „Ég
hélt að menn vissu betur og væru
ekki með svona skrípaleik, reyndu
frekar að stoppa flæking á þessum
rollum."
Kostnaður við leit og
smalamennsku
Fjallskilastjóri sagði að mikilvægt
væri að komast til botns í málinu,
sem þegar hefði haft nokkurn kostn-
að í för með sér, en alls fóru fjórir
menn að smalá eftir að þær fundust
og áður hafði Zhophanías farið
nokkrar ferðir í leit að þeim. Sá sem
valdur er að flutning kindana ber
að greiða kostnaðinn.
-----»-♦ ♦----
Hljóðfærum
stolið úr bíl
BROTIST var inn í bifreið hljóm-
svéitarinnar Byltingar þar sem hún
stóð við verkstæði á Árskógsströnd
í fyrrinótt og stolið þaðan þremur
gíturum. Að sögn lögreglu á Dalvík
var stórum steini kastað inn um
rúðu bílsins og náð í hljóðfærin í
gegnum hana.
SDB flaa» BQBOpafil
DAGSKRÁ verður um Davíð
Stefánsson skáld frá Fagra-
skógi í Davíðshúsi við Bjarkar-
stíg í kvöld, miðvikudagskvöld-
ið 26. júlí kl. 21.00. Aðgangs-
eyrir er 600 krónur.
(FYRSTA FLOKKS NORÐLENSK NATTURUAFURP)
KOMA í VERSLANIR EFTIR
PACA