Morgunblaðið - 26.07.1995, Blaðsíða 8

8 MIÐVIKUDAGUR 26. JÚLÍ 1995
FRETTIR
MORGUNBLAÐIÐ
30-40 MANNS LÝSTU
ÞIÐ komið til mín þegar þið verðið búnir að ná þessu, herrar mínir.
Yantar
bæði lax og
veiðimenn
ÞVÍ fer fjarri að alls staðar sé nóg
af laxi. Tregt hefur verið í Vopna-
firði og Þistilfírði þótt Hofsá sé kom-
in í 120-130 laxa. Það þykir ekki
mikið miðað við það sem best gerist
á þeim bæ. Önnur harmsaga er vest-
ur í Dölunum þar sem afar slök veiði
hefur verið í Miðá. Veiðimenn sem
þar luku veiðum 18. júlí veiddu eng-
an lax og sögðu aðeins tvo bókaða
og hafði þó veiðin staðið í nærri
mánuð. Þeir sáu aðeins einn lax í
ánni, en björguðu ferðinni með
þokkalegri bleikjuveiði. í fyrra veidd-
ust aðeins 40 laxar í Miðá og má
verulega rætast úr ef ekki á aftur
illa að fara.
Vantar veiðimenn
Hólmfríður Jónsdóttir á Arnar-
vatni við Laxá í Mývatnssveit sagði
veiðina í sumar hafa verið alveg
þokkalega, helsta vandamálið að
undanförnu væri að það vantaði
veiðimenn til að veiða silunginn sem
GUÐRÁÐUR Jóhannsson (t.v.) og Skúli Thoroddsen fengu þessar
fallegu 2 til 4 punda bleikjur á Arnarvatnsheiði fyrir nokkru.
talsvert virtist vera af. „Við erum
komin með rúmlega 900 urriða á
land og veiðin hefur dreifst jafnar á
svæðin en oft áður. Hofstaðaeyjan
hefur t.d. oft verið lang besta svæð-
ið, en skarar ekkert fram úr öðrum
svæðum nú. Þá er tiltölulega meira
af 3-4 punda fiski nú heldur en í
fyrra og þeir stærstu hafa verið um
og rétt yfir 6 pund. Margir 5 punda,“
sagði Hólmfríður í vikubyijun.
Nýja veiðihúsið er komið á sinn
stað í Hofstaðalandi. Það á þó eftir
að koma öllu í stand og það verður
ekki tilbúið fyrir veiðimenn fyrr en
næsta sumar að sögn Hólmfríðar.
Veiðin á neðri hluta urriðasvæðis-
ins, í Laxárdal, hefur einnig verið
prýðileg. Færri fiskar eru komnir þar
á land, milli 400 og 500, en fiskurinn
er ekki síður vænn á því svæði en
ofar. Þar fékkst nýverið 6 punda fisk-
ur, en mikið er af óseldum veiðileyf-
um á svæðinu eins og í Mývatns-
sveit og þvi fremur slök nýting.
Góð staða í Stóru-Laxá
Prýðileg veiði hefur verið í Stóru-
Laxá og lætur nærri að 140 laxar
séu komnir þar á land. Best hefur
veiðin verið á neðstu svæðunum og
veiðin þar mun vera milli 90 og 100
laxar. Laxinn er vænn og smár í
bland, en menn vonast til þess að
eitthvað af þeim tröllum sem hafa
sýnt sig á Iðunni síðustu daga fari
að kíkja inn í Stóru-Laxá.
Sogið fer rólega af stað
Óhætt er að segja að Sogið hafi
byijað mjög rólega í sumar þó munu
vera komnir 70-80 laxar á land á
hinum ýmsu svæðum árinnar sem
er ekki svo afleitt miðað við hve illa
gekk í byijun. En Sogið er síðsum-
arsá og því besti tíminn fram undan.
Bankamaður í fangelsi
HÉRAÐSDÓMUR Suðurlands hef-
ur dæmt 36 ára gamlan mann, fyrr-
um starfsmann Landsbanka Islands
á Selfossi, í 7 mánaða fangelsi fyr-
ir fjársvik og brot í opinberu starfi.
Maðurinn var sakfelldur fyrir að
hafa á árinu 1990 misnotað aðstöðu
sína sem starfsmaður bankans og
komið því svo til leiðar að fimm
tékkar sem útgefnir voru í bankan-
um voru ranglega skuldfærðir sem
útgerðarlán til útgerðarfyrirtækis
sem maðurinn vann bókhaldsstörf
fyrir jafnframt starfi sínu hjá bank-
anum.
Alls var um 1.810 þúsund krónur
að ræða. Maðurinn framseldi tékk-
ana sjálfur og framseldi í nafni
útgerðarfyrirtækisins en fénýtti
andvirði þeirra í eigin þágu til
greiðslu skulda.
Málið kom til rannsóknar á árinu
1994. Við rannsóknína kom í ljós
að maðurinn hafði gengið frá skuld-
færslu tékkanna á hendur fyrirtæk-
inu án samráðs við yfirmenn sína
í bankanum og án þess að innra
eftirlit bankans hefði gert athuga-
semdir við það.
í dóminum segir að þrátt fyrir
að maðurinn haldi því fram að hafa
haft heimild til lántökunnar frá út-
gerðarfyrirtækinu hafi hann haldið
lántökunni leyndri fyrir yfirmönn-
um sínum í bankanum.
Þá hafnaði dómurinn skýringum
mannsins um að útgerðarfyrirtækið
hefði með þessum hætti veitt hon-
um lán til að greiða úr fjárhagserf-
iðleikum hans enda hafði verið bor-
ið á móti því af hálfu aðstandenda
útgerðarinnar.
Hæfileg refsing var talin fangelsi
í 7 mánuði og í niðurstöðum Jóns
R. Þorsteinssonar héraðsdómara
kemur fram að við ákvörðun refs-
ingar sé haft í huga að maðurinn
hafi gróflega misnotað aðstöðu sína
innan bankans og utan til að draga
sér fé og leyna broti sínu.
Norræni sumarháskólinn
Umfangsmikið
mót á Nesjavölliim
Gestur Guðmundsson
Norrænt samstarf á
sér langa sögu. Einn
þáttur þess er sam-
starf á háskólasviðinu.
Norræni Sumarháskólinn
(NSU) er sjálfstæð og óháð
samtök háskólafólks á
Norðurlöndum, sem stofnuð
voru árið 1951 og fólk frá
öllum háskólaborgum Norð-
urlandanna er viðriðið.
Grundvöllurinn að starf-
semi NSU er starf vinnu-
hópa („kredse"), sem núna
eru níu talsins. Þeir halda
fundi annars vegar á vet-
urna, en hámark starfsem-
innar á hveiju ári eru sum-
armótin, þar sem allir hóp-
arnir hittast samtímis. Þessi
sumarmót eru haldin til
skiptis á einhveiju Norð-
urlandanna. Dagana 29.
júlí til 5. ágúst nk. fer sumarmót-
ið 1995 fram á Nesjavöllum.
Formaður samtakanna NSU er
nú Gestur Guðmundsson félags-
fræðingur.
- Nú er Norræni sumarháskól-
inn ekki mjög þekkt fyrirbæri á
íslandi. Geturðu útskýrt nánar
hvað hann er?
„Norræni sumarháskólinn er
samtök sem hafa það verkefni að
mynda norrænt samstarf um
þverfagleg og nýskapandi rann-
sóknarefni. í kring um hvert rann-
sóknarefni eru starfandi hópar í
hverri háskólaborg, sem mynda
e.k. norrænt samstarfsnet. Á vetr-
armóti hittast fulltrúar þessarra
hópa frá hinum ýmsu háskóla-
borgum en á sumarmótinu hittast
fulltrúar allra hópanna samtímis
og halda ráðstefnu í eina viku.
NSU er eldra en Norðurlanda-
ráð sjálft og sker sig úr mörgu
öðru norrænu samstarfi. Þátttak-
endur eru allt frá stúdentum til
prófessora á eftirlaunum, einnig
fólk úr menningarlífinu, blaða-
menn og embættismenn jafnvel,
en allir eru jafnréttháir um að
móta starfsemina, hún fer öll fram
á jafnræðisgrundvelli. Annað sér-
kenni er hið þverfaglega rann-
sóknarstarf. NSU er vettvangur,
þar sem fólki úr mismunandi átt-
um og greinum er stefnt saman
til að fást við ný og spennandi
rannsóknarefni.“
- Hvaða rannsóknarefni er
aðallega fengizt við?
Við valið á rannsóknarefnunum
er leitast við að finna efni sem
teljast vera vaxtarbroddar í rann-
sóknum. Þau eru flest á sviði sam-
félags- og hugvísinda, en einn af
hópunum níu er umhverfismála-
hópur, sem hefur raunvísindafólk
innan sinna vébanda.
Af hinum hópunum má
nefna „Kreds 2“, sem
Ijallar um samband
staðbundinnar og al-
heimsmenningar, og
Evrópuumræðuhópinn,
sem hefur verið lengi við lýði og
m.a. gefið út rit sem vakið hafa
athygli.
Sem dæmi um árangur starfs-
ins almennt má nefna, að margar
fróðlegar bækur hafa komið út
úr því; árlega koma út um 5-8
bækur sem afrakstur þess.“
- En hver borgar brúsann?
„Norræna ráðherraráðið veitir
NSU styrk til starfseminnar, en
hún byggist upp á áhugamennsku
og sjálfboðaliðavinnu. Allir þátt-
takendur í sumarmótinu greiða
uppihald sitt sjálfir.“
- Hvað um þátt íslendinga í
NSU?
„Þónokkrir íslendingar hafa
komið nálægt starfinu í gegn um
tíðina, en það er alveg rétt, að
NSU er ekki eins þekkt hér og á
►Gestur Guðmundsson félags-
fræðingur er fæddur í Reykja-
vík þann 28. október 1951.
Hann tók stúdentspróf frá M.R.
1971 og BA-próf í stjórnmála-
fræði frá H.1.1976. M.S.-prófi
í félagsfræði lauk hann frá
Kaupmannahafnarháskóla
1981, þar sem hann kenndi fé-
lagsfræði 1981-1987.1991 lauk
Gestur Ph.D.-gráðu í félags-
fræði frá sama háskóla. Hann
hefur fengizt við ýmis rann-
sóknar- og ritstörf. Auk vís-
indarita er Rokksaga íslands -
frá Sigga Johnny til Sykurmol-
anna, sem út kom 1990 eitt
þekktasta ritverk hans. Gestur
hefur verið formaður (ordför-
ande) Norræna sumarháskól-
ans frá ársbyrjun 1994.
Kona Gests er Kristín Ólafs-
dóttir dagskrárgerðarmaður á
Rás 2. Gestur á þrjú börn.
hinum Norðurlöndunum. Skýring-
in á því er aðallega sú, held ég,
að þar eru það stúdentar í doktors-
námi eða öðru rannsóknatengdu
námi og/eða starfi sem mynda
uppistöðuna í starfi NSU. Við
Háskóla íslands eru engir stúdent-
ar í doktorsnámi, þannig að þann
snertiflöt hefur vantað hér.“
- Hvað gerist á Nesjavöllum
þessa viku sem sumarmótið fer
þar fram?
„Þangað koma 160 manns frá
svo að segja öllum háskólaborgum
Norðurlanda. Alla ráðstefnudag-
ana hefur hver hópur sína funda-
dagskrá, með fyrirlestrum og
umræðum. Auk almennra þátttak-
enda koma nokkrir gestafyrirles-
arar. Helztu „stjörnurnar" verða
Jóhann Páll Árnason, félagsheim-
spekingur, sem er heimskunnur
fræðimaður á sínu sviði
sem hefur verið pró-
fessor í Melbourne í
Ástralíu frá því 1976,
og Slóveninn Slavoj
Zizek, sem er víðkunn-
ur rithöfundur og há-
skólamaður. Af öðrum fyrirlesur-
um mótsins má t.d. nefna Bretann
Karen Armstrong, sem er þekkt
sem rithöfundur og fyrir sjón-
varpsþætti um trúarleg málefni,
og Danirnir Per Aage Brandt,
táknfræðingur, og Uffe 0sterga-
ard sagnfræðingur.
Hápunkt sumarmótsins má
kalla dagskrá þá sem boðið verður
upp á í Ráðhúsi Reykjavíkur laug-
ardaginn 5. ágúst. Þar halda ge-
stafyrirlesararnir framsögu undir
yfirskriftinni „De intellektuelles
ansvar“ og að þeim loknum taka
við pallborðsumræður. Allir sem
áhuga hafa og eru staddir á höfuð-
borgarsvæðinu á laugardegi verzl-
unarmannahelgarinnar eru hvattir
til að láta þetta tækifæri ekki fram
hjá sér fara.“
Samstarfsnet
norræns há-
skólafólks