Morgunblaðið - 23.08.1995, Blaðsíða 4

4 MIÐVIKUDAGUR 23. ÁGÚST 1995
MORGUNBLAÐIÐ
-
FRÉTTIR
Borgin niður-
greiðir vist hjá
dagmæðrum
BORGARRÁÐ samþykkti í gær
breytingar á niðurgreiðslum til
dagmæðra og einka- og foreldra-
rekinna leikskóla. Breytingarnar
taka gildi þann 1. september næst-
komandi.
í fyrsta lagi voru samþykktar
niðurgreiðslur til allra barna á
aldrinum sex mánaða til fimm ára
sem eru hjá dagmæðrum. Greiðsl-
an miðast bæði við aldur barnsins
og lengd vistunar. Reykjavíkur-
borg mun því greiða 6.000 krónur
með hveiju barni á aldrinum sex
mánaða til þriggja ára í heilsdags-
vistun hjá dagmóður, 4.500 krónur
með barni á sama aldri sem er í
sex til sjö tíma vistun og 3.000
krónur með barni sem er í fjög-
urra til fimm tíma vistun.
Á sama hátt mun borgin greiða
9.000 krónur með hveiju bami á
aldrinum þriggja til fimm ára sem
er í heilsdagsvistun, 6.750 krónur
með barni á sama aldri sem er í
sex til sjö tíma vistun og 4.500
krónur með barni sem eru í fjög-
urra til fimm tíma vistun. Algengt
gjald hjá dagmóður fyrir heils-
dagsvistun er nú um 29.000 krón-
ur án niðurgreiðslu.
í öðru lagi var ákveðið að
hækka rekstrarstyrki borgarinnar
um 4.000 krónur, eða úr 12.000
í 16.000 krónur, til barna á aldrin-
um þriggja til fimm ára sem eru
á einka- og foreldrareknum leik-
skólum.
Að sögn Ingibjargar Sólrúnar
Gísladóttur borgarstjóra er með
þessum niðurgreiðslum verið að
jafna aðstöðu dagmæðra og einka-
og foreldrareknu leikskólanna
gagnvart leikskólum Reykjavíkur-
borgar. „Um þessar mundir leggj-
um við fyrst og fremst áherslu á
að leysa úr dagvistarþörfum
þriggja ára bama og eldri,“ segir
hún. En með haustinu verður hópi
þriggja til fimm ára barna boðin
heilsdagsvist á leikskólum borgar-
innar og mun heilsdagsgjald kosta
19.600 krónur. „Með hækkun
rekstrarstyrkja getum við tryggt
að einka- og foreldrareknir leik-
skólar hafi einníg kost á að taka
á móti þessum aldurshópi bama,“
segir hún. „Með þessari hækkun
verða gjöld á einka- og foreldra-
reknum leikskólum svipuð og hjá
leikskólum borgarinnar."
Nær til 500 barna
Ingibjörg segir líklegt að breyt-
ingar á niðurgreiðslum nái til
400-500 barna, ýmist yfír þriggja
ára aldri á einkareknum leikskól-
um eða hjá dagmæðrum.
Á ársgrundvelli er áætlað að
kostnaður vegna breytinganna
verði 51 milljón króna. „Á móti
kemur sparnaður vegna niðurfell-
ingar heimgreiðslna foreldra, sem
vom um 36 milljónir á ári. Út-
gjaldaaukning vegna þessara að-
gerða er því um fimmtán milljónir
króna á ári,“ segir Ingibjörg Sól-
rún.
Framtíðin í Hafnarfirði
Sáttafundur á morgun
SAMKOMULAG hefur ekki náðst
í kjaradeilu ríkisins og Verka-
kvennafélagsins Framtíðarinnar í
Hafnarfirði.
Félagskonur í Framtíðinni sam-
þykktu verkfallsboðun fyrir hálfum
mánuði, en verkfallið hefst aðfara-
nótt 26. ágúst nk. ef samningar
nást ekki fyrir þann tíma. Síðasti
samningafundur var haldinn
fímmtudaginn 17. ágúst en þá slitn-
aði upp úr viðræðum. Deiluaðilar
munu hittast aftur á morgun,
fímmtudag, hjá Ríkissáttasemjara.
Morgunblaðið/Hilmar T. Harðarson
Ferð Frakkanna um borð í Söru stöðvuð 69 sjómílur út af Selvogi
Fór til íslands til
að ná í skútuna
FRAKKINN Mathieu Morverand, sem sigldi á segl-
skútunni Söru út úr Reykjavíkurhöfn aðfaranótt
mánudags, kom hingað til lands í síðustu viku í þeim
tilgangi að taka skútuna og fara með hana til Frakk-
lands, að því er móðir hans segir. Hún segir að Mor-
verand hafi farið til íslands í andstöðu við foreldra
sína. Hún hafi bent honum á að hann væri ekki viður-
kenndur eigandi skútunnar og ferðin frá íslandi
væri ekki hættulaus. Engin vél er um borð í skútunni.
Varðskipið Ægir fékk formlega beiðni frá Rann-
sóknarlögreglu rikisins um kl 2 í fyrrinótt að færa
Söru og áhöfn hennar til hafnar. Varðskipið kom
auga á seglskútuna um kl. 11 í gærmorgun um 69
sjómílur suður af Selvogi. Klukkutíma síðar kom
skipið að skútunni og fóru þá varðskipsmenn á létta-
báti yfir í hana. Tveir menn voru um borð í skút-
unni og sýndu þeir engan mótþróa og fóru með góðu
yfir í varðskipið. Ægir tók síðan skútuna í tog og
hélt áleiðis til Reykjavíkur. Búist er við skipunum til
Reykjavíkur snemma í dag.
Lenti í hrakningum árið 1990
Skútan, sem hét áður Love love, var í eigu 24 ára
gamals Frakka að nafni Mathieu Morverand. Hann
gerði tilraun til að sigla henni til íslands í lok árs •
1990 ásamt félögum sínum. Hann lenti fljótlega í
erfiðleikum og varð að leita hafnar í Englandi. Ekki
þótti ráðlegt að halda ferðinni áfram og varð úr að
Helgafell, skip Samskipa, flutti skútuna og Morver-
and til Islands. Morverand dvaldist hér á landi í um
eitt ár. Honum tókst ekki að afla farareyris til að
halda ferð sinni áfram. Skútan mun auk þess hafa
þarfnast viðgerðar. Hann greip því til þess ráðs að
fara til Frakklands og afla sér fjár þar eftir að hafa
reynt án árangurs að fá vinnu hér. Skútan beið á
athafnasvæði Samskipa í nærri tvö ár án þess að
eigandinn vitjaði um hana eftir að hann fór af landi
brott. Tollstjórinn í Reykjavík seldi hana að lokum á
uppboði snemma árs 1992 vegna ógreiddra gjalda.
Áður mun embættið hafa gert tilraun til að hafa
samband við Morverand.
Þegar Morverand frétti af uppboðinu krafðist hann
þess að fá skútuna afhenta og leitaði m.a. til sendi-
ráðs íslands í París, auk þess sem hann mun hafa
sett sig í samband við forsetaembættið á íslandi.
Gunnar Borg, sem keypti skútuna á uppboði árið
1992 ásamt fleirum, sagði að Morverand hefði aldrei
haft samband við sig, en hins vegar hefði hann heyrt
um kröfur hans. Gunnar sagði að skútan hefði verið
í slæmu ástandi þegar hann keypti hana. Raki hefði
verið um allt skipið og það illa farið. Hann sagðist
hafa lagt í talsverðan kostnað við að lagfæra hana.
Morgunblaðið/Árni Sæberg
VARÐSKIPSMENN á báti flytja Frakkana um
borð í varðskipið ÆGI í gærmorgun.
Skútan hefði verið máluð, styrkt og saumuð hefðu
verið á hana ný segl.
Morgunblaðið náði sambandi við móður Morverand
í Frakklandi. Hún sagðist hafa miklar áhyggjur af
syni sínum. Hún sagði að Mathieu hefði farið til ís-
lands á þriðjudag í síðustu viku í þeim tilgangi að ná
í skútuna. Ferðin hefði verið farin í andstöðu við
vilja foreldra hans. Þau hefðu gert sér grein fyrir
að ferðalagið væri áhættusamt, auk þess sem Mathi-
eu hefði ekki haft fulla rétt til að taka skútuna.
lHjög ósáttur við málsmeðferðina
Frú Morverand sagði að Mathieu hefði verið mjög
ósáttur við að skútan skyldi hafa verið seld á upp-
boði hjá Tollsljóranum í Reykjavík og hann hefði
reynt mikið að fá þeirri aðgerð breytt. Hún sagði
að málið væri flókið og báðir aðilar hefðu ýmislegt
til síns máls. Mathieu hefði að lokum ekki talið sig
eiga annars úrkosta til að komast yfir skútuna á ný
en að fara til íslands og ná í hana.
Jakob
Frímannsson
jarðsettur
ÚTFÖR Jakobs Frímannsson-
ar, fyrrverandi kaupfélags-
stjóra Kaufélags Eyfirðinga,
Akureyri, KEA, bæjarfulltrúa
og heiðursborgara Akureyrar-
bæjar, var gerð frá Akureyrar-
kirkju í gær.
Mikið fjölmenni var við út-
förina. Kistuna báru Agnar
Svanbjörnsson, Andrés Svan-
bjömsson, Magnús Jónsson,
Magnús Bjömsson, Friðrik
Þórðarson, Aðalsteinn Júlíus-
son, Sigurður Jóhannesson og
Gunnlaugur Jóhannsson.
Greiðsla atvinnuleysisbóta breytist ekki um næstu mánaðamót
Staðgreiðsluskatti frestað
„ÉG LÝSI ánægju minni með að fjármálaráðherra
skuli hafa tekið tillit til ábendinga okkar og frestað
gildistöku ákvæðis um staðgreiðslu skatta af at-
vinnuleysisbótum," sagði Magnús L. Sveinsson,
formaður Verslunarmannafélags Reykjavíkur, í
samtali við Morgunblaðið í gær. Ákveðið hefur
verið að greiðslunum verði haldið tímabundið utan
staðgreiðslu, þó ekki lengur en til næstu áramóta.
Skýrt var frá því í Morgunblaðinu þann 16.
ágúst að atvinnuleysisbætur yrðu staðgreiðslu-
skyldar frá 1. september, hefði skattkorti ekki ver-
ið skilað til verkalýðsfélaga.
Frá því staðgreiðslukerfi skatta var tekið upp
árið 1987 hafa atvinnuleysisbætur verið undan-
þegnar staðgreiðslu. Samkvæmt upplýsingum fjár-
málaráðuneytisins er breytingin nú gerð til að
tryggja að skattkort verði lögð inn, þiggi fólk at-
vinnuleysisbætur. Með þessu móti sé staðgreiðslu-
kerfíð virkara, en brögð hafa verið að því að fólk
fái bakreikning við álagningu, t.d. í þeim tilvikum
sem maki hefur notað skattkort þess sem var á
atvinnuleysisbótum. Ef fólk þiggur ekki fullar at-
vinnuleysisbætur getur það látið skipta skattkorti,
nýtt hluta þess vegna bótanna og hluta getur
maki nýtt.
Þarf samþykki ríkisskattstjóra
Verkalýðsfélögin sjá um greiðslu atvinnuleysis-
bóta og mótmæltu þau áformum um að taka upp
staðgreiðslu 1. september, þar sem tíminn væri of
naumur og víða mjög erfítt eða ómögulegt að koma
slíkri breytingu á á svo skömmum tíma. „VR og
ASÍ mæltust til þess að gildistöku þessa ákvæðis
yrði frestað," sagði Magnús. „Það er eðlilegt að
staðgreiðslan verði tekin upp, enda kom það fólki
oft á óvart þegar það fékk bakreikninga vegna
þess að það hafði nýtt skattkortið annars staðar."
Samkvæmt reglugerðarbreytingu íjármálaráð-
herra þurfa verkalýðsfélög að fá samþykki ríkis-
skattstjóra til að halda greiðslum atvinnuleysisbóta
tímabundið utan staðgreiðslu, en Magnús sagði ljóst
að slíkt samþykki yrði auðsótt.
I
I
)
>
\
í
í
í
\
i
I
í
i
l
I
i
:
i
&
*
t
í
i
(
t
[