Morgunblaðið - 06.09.1995, Blaðsíða 2

2 MIÐVIKUDAGUR 6. SEPTEMBER 1995
FRETTIR
MORGUNBLAÐIÐ
Óbreytt afgjald borgarfyrirtækja til borgarsjóðs Reykjavíkur
Gjaldskrá Rafmagnsveitu og
Vatnsveitu þyrfti að hækka
RÁFMAGNSVEITA Reykjavíkur getur staðið
undir afgjaldi, eða arðgreiðslum, til borgarsjóðs
í mánuð í viðbót, að óbreyttum forsendum fjár-
hagsáætlunar, en fram á næsta vor ef orkusala
eykst og hagræðingaraðgerðir skila árangri.
Haldist afgjald óbreytt þyrfti gjaldskrá Raf-
magnsveitunnar að hækka um 7,8%-10,7%. Þá
leggur Vatnsveita Reykjavíkur til að vatnsgjald
hækki að meðaltali um 15%. Hitaveitan telur hins
vegar ekki þörf á gjaldskrárhækkun, enda geti
fyrirtækið staðið .undir afgjaldi í nokkur ár.
Þetta kemur fram í svörum forráðamanna þess-
ara fyrirtækja við fyrirspurn borgarfulltrúa Sjálf-
stæðisflokksins í stjórn veitustofnana borgarinn-
ar. Gunnar Jóhann Birgisson, borgarfulltrúi, seg-
ir ljóst að fyrirtækin þoli ekki álögurnar. „í svör-
um Rafmagnsveitunnar kemur fram, að miðað
við samþykkta fjárhagsáætlun, með svipuðum
tekjum næstu 5 ár, geti fyrirtækið staðið undir
greiðslunum þar til nú í september-október. Auk-
ist sala raforku samhliða hagræðingu geti fyrir-
tækið staðið undir greiðslunum fram til maí-júní
á næsta ári. Afgjald Rafmagnsveitunnar á þessu
ári nemur 596 milljónum, sem er mun meira en
tvöfaldur rekstrarhagnaður samkvæmt fjárhags-
áætlun, eða 17% af orkusölutekjum. Verði afgjald-
ið ekki lækkað þarf að hækka gjaldskrá um 10,7%
miðað við óbreyttar tekjur, en annars 7,8%.“
Gunnar Jóhann segir að hvar í flokki sem
menn standi séu þeir sammála um að fyrirtækin
geti ekki staðið undir afgjaldinu að öðru óbreyttu.
Afgjald þarf að lækka
Grípa verði í taumana og lækka afgjaldið. „Þá
á eftir að svara því hvar borgarsjóður fær þær
tekjur sem hverfa við lækkun þess.“
Gunnar Jóhann segir að í svörum Vatnsveitunnar
hafi komið fram, að hún geti ekki lengur búið
við óbreyttar tekjur, miðað við fjórföldun á af-
gjaldi frá 1990. Á grundvelli afgjaldsins, kostnað-
ar vegna endurnýjunar á heimæðum o.fl. leggi
Vatnsveitan til að vatnsgjald verði hækkað um
15% að meðaltali.
Fjölgun bókana
S-L til Dublin
Breið-
þota
fyrir 2
hópa
BÓKANIR í helgarferðir til Dublin
á vegum Samvinnuferða-Landsýn-
ar hafa aukist um 60-70% frá því
í fyrra. Nú þegar hafa 4 þúsund
íslendingar verið bókaðir í haust-
ferðir og stefnir í að ferðaskrif-
stofan bóki á milli 7 og 8 þúsund
manns í ferðir til írlands á þessu
ári. Nú er unnið að því að fá breið-
þotu Atlanta flugfélagsins til að
flytja tvo stóra fyrirtækjahópa til
Dyflinnar.
Kristján Gunnarsson, fjármála-
stjóri S-L, segir að Dublin sé stað-
ur sem henti Islendingum og nefn-
ir hann sérstaklega í því sambandi
stutt flug og hagstætt verðlag.
Helgarferðir til Dublin, þrjár næt-
ur með gistingu og sköttum, kosta
frá 22-23 þúsund krónum.
„Það er í athugun að fá breið-
þotu sem tekur á milli 400-500
manns til að sinna stórum hópum
sem hafa leitað til okkar. Það kem-
ur í ljós í þessari viku hvort af
þessu verður. Okkar samstarfsað-
ili í þessu leiguflugi, Atlanta, hef-
ur yfir að ráða breiðþotu,“ sagði
Kristján.
Árshátíðir frádráttarbærar
Hann sagði að þama væri um
að ræða tvo fyrirtækjahópa sem
hygðust halda árshátíð sína í
Dublin. Hann sagði að ferðirnar
væru frádráttarbærar til skatts
hjá fyrirtækjum og því hefði það
aukist að slíkar ferðir væru farn-
ar.
Morgunblaðið/Gunnlaugur Rögnvaldsson
BRESKI herinn sendi þessa ökumenn til þátttöku í alþjóðarallinu. Þeir aka Land Rover, sá elsti er
árgerð 1967, sannkallaður forngripur. Þeir Bernard Stevens, Tim Line, Alan Parramore, Andrew Bray,
Colin DenMcKay og Phillip Stone sögðust allir ætla að ljúka keppni.
BERNARD Stevens situr öfugu megin í jeppa sínum að
hætti Breta. Land Rover hans er með keppnissætum og
öllum öryggsbúnaði, sem þátttaka i rallmóti krefst.
Breski herinn
keppir í aiþjóða-
rallinu
ÞRJÁR áhafnir munu keppa á vegum
konunglega breska hersins í alþjóðarall-
inu, sem hefst við Perluna á föstudaginn.
Okumennirnir aka á Land Rover-jepp-
um, en á hveiju ári keppa ökumenn á
vegum flutningadeildar breska hersins
í 20 rallmótum. Er þessi vettvangur
notaður til að þjálfa ökumenn og voru
sex ökutæki hersins leyst úr tolli í
Reykjavík í gær.
„Þrír jeppanna eru keppnistæki, hinir
eru til viðgerðarþjónustu á meðan
keppninni stendur. Við erum mjög
spenntir að takast á við íslensku rallveg-
ina og aðstæðurnar hérna eru mjög sér-
stakar,“ sagði Bernard Stevens, einn
ökumanna hersins í samtali við Morgun-
blaðið. „Markmið okkar er að komast á
leiðarenda og fá reynslu af aðstæðum
sem við höfum ekki kynnst áður. Við
verðum kannski ekki fljótastir, en seigla
jeppanna gæti skilað okkur langt. Við
höfum keppt í mörgum löndum en rallið
hérna er allt öðruvísi en það sem við
höfum kynnst til þessa. Eg get ekki
beðið eftir því að komast af stað.“
Hugmyndir sjálfstæðiskvenna fá stuðning miðstjórnar Sjálfstæðisflokksins
Tillaga um fjölgun
í forystu samþykkt
LANDSSAMBAND sjálfstæðis-
kvenna lagði fram tillögu á mið-
stjórnarfundi Sjálfstæðisflokksins
í síðustu viku þess efnis aój fjölgað
verði í forystu flokksins. Sam-
þykkt landssambandsins hlaut
stuðning meirihluta miðstjórnar-
manna og var vísað áfram til fram-
kvæmdastjórnar flokksins. Gert
er ráð fyrir að tillagan verði borin
upp á landsfundi Sjálfstæðis-
flokksins í haust.
Kristín Lyngdal, varaformaður
landssambandsins, segir að sam-
þykktin hafi verið samþykkt ein-
róma af fjórtán manna stjórn sam-
bandsins og í kjölfarið hafi verið
ákveðið að leggja hana fram á
miðstjórnarfundinum. Tillagan
gengur út á að fjölgað verði í for-
ystu Sjálfstæðisflokksins, en ekki
var sett skilyrði um að kona gegni
embættinu.
„Sjálfstæðisflokkurinn er stór
stjórnmálaflokkur og það hafa
ekki verið nema tveir sem hafa
stjórnað honum, en við teljum að
kominn sé tírni til að fleiri sitji í
efstu stöðum sem stjórni. Við von-
umst til að fá konu í það emb-
ætti, þó að slíkt sé ekki nefnt í
tillögu okkar, en við vonum að
landsfundur kjósi þannig að það
verði kona. Við hugsum þessa
stöðu sem annað varaformanns-
embætti og sá sem því gegni hafí
svipuð völd og varaformaður.
Þetta embætti á að vera pólitískt
og sá sem því gegnir á að hafa
völd og eitthvað að segja, en ekki
að vera bara til skrauts," segir
Kristín.
Þingflokkur
Alþýðuflokks
Skýrslu
krafist um
framkvæmd
GATT
ÞINGFLOKKUR Alþýðuflokks
mun krefja forsætisráðherra um
skýrslu um framkvæmd GATT-
samningsins við upphaf þings í
haust. Þetta var samþykkt á
fundi þingflokksins í gær.
Þingflokkurinn telur að „hver
mistökin hafi rekið önnur í af-
greiðslu ríkisstjórnarinnar á inn-
flutningsmálum sem tengjast
GATT, þannig að nauðsynlegt
er að hún geri hreint fyrir sínum
dyrum.“
Þingflokkurinn vill að ríkis-
stjórnin „greini frá því, hvemig
hún hyggst leiðrétta ítrekuð
mistök. sín svo samningurinn
geti stuðlað að lækkun matvöru-
verðs, aukinni samkeppni og
fjölbreyttara vöruúi-vali, neyt-
endum til hagsbóta," segir í
samþykkt þingflokksins.
Landbúnaðarráðuneyti
verði svipt forræði
tollamála
Þá telur þingflokkur Alþýðu-
flokksins nauðsyn bera til
„vegna afstöðu landbúnaðarráð-
herra til framkvæmdar GATT-
samningsins", að forræði í tolla-
málum innfluttra landbúnaðar-
afurða verði fært frá landbúnað-
arráðuneyti yfir til fjármála-
ráðuneytis, þar sem „öll önnur
tollamál eru vistuð".
Vistfræðiúttekt
gerð á
Elliðaánum
BORGARRÁÐ hefur samþykkt
að láta fara fram ítarlega vist-
fræðiúttekt á Elliðaánum, upp-
tökum þeirra og ósasvæði.
Samhliða fari fram rannsókn
á Rauðavatni, Langavatni og
Úlfarsá, sem miði að því að tak-
marka frá upphafi mengunar-
áhættu frá nýrri byggð á aust-
ursvæðum borgarinnar.
í tillögunni er gert ráð fyrir
að úttektin nái til mats á áhrif-
um vatnstöku, orkuframleiðslu,
aukinnar byggðar og röskunar
umhverfis á lífríki ánna og að
leitað verði leiða til að skapa
upprunalegu lífi í ánum öryggi
og viðgang.
Stjórn rannsóknanna verður
hjá embætti borgarverkfræð-
ings. Kostnaði við rannsóknina
verður skipt til helminga milli
borgarsjóðs og Rafmagnsveitu
Reykjavíkur.
Sídustu
skemmtiferða-
skip sumarsins
TVÖ síðustu skemmtiferðaskip
sumarsins koma til landsins í
dag.
Samkvæmt upplýsingum frá
hafnsögumönnum kom samtals
51 skemmtiferðaskip til landsins
á þessu sumri og er það nokkur
fjölgun miðað við síðasta ár, en
þá komu hingað 39 skip. Það
eru Seabourn Spirit og Alla
Tarasova, sem koma í dag og
dvelja fram á kvöld. Þau munu
leggjast að bryggju eins og nær
öH önnur skemmtiferðaskip hafa
gert í sumar, en að sögn hafn-
sögumanns var eitt skipanna of
stórt til að komast inn í höfnina
°g lá því á ytri höfninni.