Morgunblaðið - 06.09.1995, Blaðsíða 4
4 MIÐVIKUDAGUR 6. SEPTEMBER 1995
MORGUNBLAÐIÐ
FRÉTTIR
KRISTINN Tómasson með verðlaunabílinn á tölvuskjánum.
Fjallað um bílahönnuð af íslenskum
ættum í þekktu bílablaði
Boðin vinna hjá BMW
eftir sigur í samkeppni
Byggt yfir g’öngii-
götuna í Mjódd
ÞANNIG lítur göngugatan milli Álfabakka og Þönglabakka út nú.
SVONA á gatan að líta út eftir að byggt hefur verið yfir hana.
KRISTINN Tómasson, 28 ára son-
ur Helga Tómassonar, stjórnanda
San Fransisco-bailettsins, og eig-
inkonu hans, Marlene, var annar
tveggja ungra hönnuða, sem unnu
til verðlauna í samkeppni BMW
1992 fyrir hönnun á framtíðarbíl
fyrirtækisins.
Kristni var síðan boðið starf í
hönnunarstöð BMW í Miinehen og
starfar þar nú. Fjallað var um
samkeppnina og verðlaunagrip
Kristins í septemberhefti banda-
riska bílablaðsins Automobile sem
er eitt víðlesnasta bílablað í heim-
inum.
I greininni rifjar Robert Cumb-
erford, leiðbeinandi ungu hönn-
uðanna, upp hugi.iyndir þeirra og
vinnsluferli, en þeir útskrifuðust
allir úr Art Center College of
Design skólanum í La-Tour-de-
Peilz sumarið 1992. Hönnuðirnir
upprennandi áttu að skapa þrívíða
tölvumynd af nútímalegum bíl fyr-
ir 21. öldina í smábílaflokki og
velja í hann drifbúnað og vél.
VerðlaunatiIIögurnar voru síðan
mótaðar í leir.
Tveggja dyra sportbíll
Um Kristin segir Cumberford:
„Tomasson tók loks af skarið og
valdi eina leið úr þeim aragrúa
hugmynda sem höfðu streymt frá
honum. Hann hafði rissað upp fjöl-
margar teikningar sem hann
merkti Rizzi, ættarnafni móður
sinnar. Hann hannaði glæsilegan
tveggja dyra sportbíl sem ennþá
bar dám af upphaflegnm hug-
myndum hans um bíl úr mörgum
samsettum flötum.“
Umhverfi fegrað
og aðkoma bætt
FRAMKVÆMDIR við byggingu
glerþaks yfír göngugötuna í
Mjóddinni í Breiðholti munu vænt-
anlega hefjast innan skamms.
Forráðamenn verslana í Mjódd
segja að stefnt sé að þvf að þakið
verði komið upp áður en jólaversl-
unin héfst.
Göngugatan liggur á milli versl-
unarhúsanna við Þönglabakka og
Álfabakka. Yfirbyggingin verður
úr gleri og plasti en burðarvirkið
úr límtré. Kostnaður við fram-
kvæmdimar er áætlaður 30 millj-
ónir króna og sér Límtré hf. um
uppsetningu þaksins.
Frekari tafir ólíklegar
Framkvæmdir við glerþakið
hafa verið í undirbúningi í rúmt
ár og áttu framkvæmdir að hefj-
ast nú í vor. Málið tafðist þó fram
eftir sumri vegna þess að sam-
þykki allra húseigenda var áskilið
þar sem yfirbyggingin nær yfir
lóðamörk. Fyrir skömmu tókst að
ná fullri samstöðu meðal húseig-
enda um málið en síðastliðinn
fimmtudag var afgreiðslu bygg-
ingarleyfís frestað hjá byggingar-
nefnd Reykjavíkur þar sem hún
telur bygginguna ekki fullnægja
reglum um eldvarnir. Gunnar L.
Gissurarson, formaður nefndar-
innar, segir að enn eigi eftir að
lagfæra nokkur atriði er snúi að
eldvörnum áður en byggingarleyfi
fáist. Hann á þó jafnvel von á að
það takist fyrir næsta fund bygg-
ingarnefndar, sem verður eftir
hálfan mánuð.
Gissur Jóhannsson, málsvari
húseigenda í Mjódd, segir að hann
eigi ekki von á að verkið tefjist
frekar og stefnt sé að því að þak-
ið verði komið upp áður en jóla-
verslunin hefst.
Kaupmenn og aðrir þjónustu-
aðilar í Mjódd gera sér miklar
vonir um að yfirbyggingin muni
styrkja stöðu Mjóddarinnar gagn-
vart öðrum verslanamiðstöðvum,
ekki síst Kringlunni. Ásamt yfir-
byggingunni er unnið að því að
fegra svæðið í kringum verslun-
armiðstöðina og auk. þess mun
aðkoman batna verulega á næst-
unni þar sem borgarráð hefur
samþykkt að leyfa vinstri beygju
frá Reykjanesbraut að Álfabakka.
Christian Roth forstjóri íslenska álfélagsins
Skynsamlegasta aðferðin
við stækkun álversins
NOTKUN þeirrar kertækni sem þegar er fyrir
hendi hjá ÍSAL við fyrirhugaða stækkun álvers-
ins er, að sögn Christians Roth, forstjóra ÍSAL,
langskynsamlega aðferðin við stækkun verksmiðj-
unnar. Með því verði minnstur fjárfestingarkostn-
aður, lágmarks rekstrarkostnaður og rekstur
verksmiðjunnar tryggður til næstu 30 ára.
í viðtali við Pálma Stefánsson, tæknilegan
framkvæmdastjóra Hydro Equipment AS í Nor-
egi, sem birtist í Morgunblaðinu í gær, sagði
hann að skammsýni væri að stækka álverið í
Straumsvík með sömu kertækni og þar er í
dag, og hann telji óráðlegt af íslenska ríkinu
að fjármagna stækkunina ef til þess kæmi.
Þrjú meginmarkmið
Roth segir að þrjú meginmarkmiðin með fyrir-
hugaðri stækkun ÍSAL séu í fyrsta lagi lág-
marks fjárfestingarkostnaður, en það þýði að
nota grunngerð verksmiðjunnar sem þegar er
fyrir hendi, í öðru lagi að ná fram lægri rekstr-
arkostnaði, því aðeins verði hægt að selja ódýrt
ál í framtíðinni, og í þriðja Iagi að gera fyrirtæk-
ið þannig úr garði að rekstur þess næstu 30
árin verði tryggður.
„Ef við værum að byggja nýja verksmiðju
frá grunni myndum við auðvitað nota stærri
ker, en vegna þess að við erum með verksmiðju
í rekstri þá stækkum við hana með sömu kera-
stærð og er fyrir í verksmiðjunni. Ástæðan er
sú að fjárfestingarkostnaðurinn verður lægri,
því þjónustudeildir eins og skautsmiðju og ker-
smiðju er ekki hægt að nýta fyrir stærri ker
eins og Pálmi talar um, en nýting þeirra verður
hins vegar betri í þeirri stækkun sem fyrirhug-
uð er. Rekstrarkostnaðurinn yrði einnig hærri
ef um tvær mismunandi kerstærðir væri að
ræða. Því fylgdi jafnframt mikil áhætta, því á
komandi árum þyrftum við annaðhvort að breyta
núverandi kerskálum til samræmis við nýja
tækni eða hreinlega leggja niður hluta af verk-
smiðjunni. Lífslíkur verksmiðjunnar eru því mun
tryggari ef stækkunin verður með kenim af
sömu gerð og nú þegar eru í notkun hjá ISAL,“
segir Roth.
Kerin alls ekki úrelt
Hann leggur áherslu á að kerin í álverinu
séu alls ekki úrelt, heldur hafi þau verið end-
urnýjuð og varið í það um 4,4 milljörðum króna.
Þau séu því orðin gerbreytt frá þeim kerum sem
upphaflega var byijað með, og alls ekki sam-
bærileg við það sem lagt var upp með fyrir 25
árum.
„Þetta er kannski ekki það fullkomnasta sem
völ er á í dag, en engu að síður mjög nútíma-
legt. Kerin eru nú 120 kílóamper eftir þær breyt-
ingar sem gerðar hafa verið á þeim og ekki
útilokað að hægt sé að auka afköstin meira.
Við glímum ekki við nein stórvægileg vandamál
lengur og við vitum hvað við erum að gera með
þau ker sem eru í álverinu. Það er því alveg
ljóst að hagkvæmast er að stækka verksmiðjuna
með þessari tækni og að baki þessari ákvörðun
liggja kristaltærir útreikningar," segir hann.
Álitlegasta aðferðin
í viðtalinu sagði Pálmi að kostnaðurinn við
stækkun verksmiðjunnar yrði 13,6 milljarðar
króna en ekki 10 eins og haldið hefur verið
fram til þessa. Roth sagði það rétt hjá Pálma
að kostnaðurinn yrði meiri en 10 milljarðar, en
hann vildi hins vegar ekki nefna neina tölu í
þessu sambandi. Hann sagðist undrast þá yfir-
Iýsingu Pálma að hann vildi ekki fjárfesta í
stækkun verksmiðjunanr eins og hún er fyrir-
huguð og hann teldi óráðlegt fyrir íslenska rík-
ið að taka þátt í kostnaðinum.
„Þetta fínnst mér undarleg yfirlýsing, en
hvað sem því líður þá held ég að Svisslending-
arnir ætli sjálfir að fjármagna stækkunina, og
það gera þeir einungis ef fjárfestingin er álit-
leg. Þetta er álitlegasta aðferðin við stækkun
og sjálfur myndi ég leggja hana til við Alusu-
isse-Lonza ef öll mikilvæg skilyrði við svo stóra
fjárfestingu eru að öðru leyti uppfyllt," sagði
Christian Roth.
Morgunblaðið/Sveinn Sæmundsson
Valtá
brúnni
BÍLL valt á brúnni yfir Brúará
við Spóastaði skammt sunnan
vegamótanna að Skálholti og
teppti umferð um veginn í 2 Vi
tíma síðastliðinn laugardag. Til-
drög slyssins eru ekki kunn en
bíllinn lenti á handriði brúarinnar
og hafnaði þversum á brúnni.
Bandaríkjamaður ók bílnum og
sakaði hann ekki en bíllinn er
mikið skemmdur. Kranabíl þurfti
til að losa bílinn og segir lögregl-
an á Selfossi að ökumaðurinn
hafí greitt allan kostnað sjálfur.