Morgunblaðið - 06.09.1995, Síða 12

12 MIÐVIKUDAGUR 6. SEPTEMBER 1995
AKUREYRI
MORGUNBLAÐIÐ
Morgunblaðið/Hilmar T. Harðarson
Bandalag kennara á Norðurlandi eystra
Umtalsverðra
kjarabóta krafist
Á AÐALFUNDI Bandalags kennara
á Norðurlandi eystra sem haldinn
var á Laugum í Reykjadal fimmtu-
daginn 31. ágúst si. var samþykkt
harðorð ályktun um kjaramál. Þess
er krafist að áður en kemur til flutn-
ings á rekstri grunnskóla frá ríki til
sveitarfélaga 1. ágúst 1996 verði
lokið gerð nýs kjarasamnings þar
sem kennurum verði tryggðar um-
talsverðar kjarabætur.
„Afar mikilvægt er að verulegar
launahækkanir til kennara og skóla-
stjóra verði teknar með í reikninginn
þegar tekjustofnar vegna grunn-
skólahalds verða ákveðnir til sveitar-
félaga. Flutningur grunnskólans til
sveitarfélaganna er mikilvægt tæki-
færi til uppstokkunar á kjörum og
starfsaðstæðum kennara og ljóst að
þar fara saman hagsmunir kennara-
stéttarinnar og sveitarfélaganna,"
segir í ályktun fundarins.
Þá lýsir aðalfundur BKNE yfir
áhyggjum yfír því hve karlmenn eru
orðnir fáir í kennarastétt. Fundurinn
beinir því til yfirvalda menntamála
að taka á þessum vanda og tryggja
með því jafnrétti kynjanna í íslensku
skólastarfi.
Loks má nefna ályktun þar sem
skorað er á fjármálaráðuneytið að
stórauka fjármagn til endurmennt-
unar svo hægt sé að verða við óskum
kennara um námskeið sem bundin
eru í kjarasamningum þeirra.
Aflaheimildir ÚA skertar um tæp 2.300 tonn
Brugðist við kvóta-
skerðingunni með
aukinni úthafsveiði
Morgunblaðið/Hilmar T. Harðarson
ÞAÐ var ys og þys á togarabryggjunni í gær þegar verið var
að landa úr einum frystitogara Utgerðarfélags Akureyringa,
Sléttbak. Hann er nýkominn í höfn eftir veiðiferð í Smuguna
með afla að verðmæti um 50 milljónir króna.
Kátir
krakkar
í skólanum
SKÓLARNIR eru byrjaðir á ný
eftir sumarleyfi. Krakkarnir í
Síðuskóla voru bara ánægðir í
góða veðrinu í gær, en alls verða
nemendur í skólanum í vetur um
660 talsins og hafa líklega aldrei
verið jafn margir nemendur í
einum og sama skólanum á Akur-
eyri áður.
Fyrsta
frostnóttin
við Mývatn
Mývatnssveit. Morgunblaðið.
HÉR í Mývatnssveit er greini-
legt að haustið er á næsta
leiti og náttúran farin að
skarta margbreytilegum
haustlitum. Aðfaranótt mánu-
dags var hér fyrsta frostnótt-
in svo kartöflugras féll. Ekki
er þó vitað um uppskeruhorf-
ur. Berjaspretta virðist víða
vera rýr hér um slóðir. Fyrstu
göngur hefjast 7. og 8. sept-
ember. Réttað verður í báðum
réttum sunnudaginn 10. sept-
ember.
Grunnskól-
inn settur
GRUNNSKÓLINN í Reykja-
hlíð var settur sunnudaginn
3. september. Nýr skólastjóri,
Hólmfríður Guðmundsdóttir
flutti ræðu við skólasetning-
una. Nemendur verða um 50
í vetur og kennarar sjö, tveir
í fullu starfi en aðrir að hluta.
Síðastliðinn vetur var þýskur
tónlistarskennari við skólann
og verður hann áfram í vetur.
'AFLAHEIMILDIR Útgerðarfélags
Akureyringa eru skertar um tæp
2.300 tonn á nýbyijuðu fiskveiðiári
og er þetta einhver mesta skerðing
sem um getur á einu ár frá því
kvótakerfið var tekið upp. Nær
skerðingin til allra fiskistofna, að
undanskildum skarkola og rækju,
en þyngst vegur niðurskurður í
karfa og grálúðu. Þetta kemur fram
í nýútkomnu fréttabréfi ÚA.
Þorskkvóti félagsins er skertur
um 150 tonn, ýsukvótinn um 160
tonn og ufsinn um 120 tonn. Karf-
akvótinn er skorinn niður um 930
tonn og grálúðukvótinn um 935
tonn, en alls nemur skerðingin
2.295 tonnum. Heildarkvóti félags-
ins nemur um 15.400 tonnum.
Hlutur smábáta aukist á
kostnað togara
Fram kemur í ÚA-fréttum að
minnkandi aflaheimildir í þorski séu
tilkomnar vegna þess að hlutur
smábáta hafi aukist á kostnað tog-
ara, en önnur skerðing vegna
minnkandi aflaheimilda. Segir
framkvæmdastjóri félagsins, Gunn-
ar Ragnars að aflaheimildir séu
skertar vel á annað hundrað tonn
vegna aukins ágangs smábáta, sem
sífellt séu að fá stærri sneið af
kökunni og séu ÚA-menn að sjálf-
sögðu afar óánægðir með það.
Lauslega áætlað sé gert ráð fyrir
að skerðing á aflaheimildum geri
að verkum að endanleg afkoma
félagsins verði um 50 milljónum
króna lakari en hún annars hefði
orðið.
Magnús Magnússson útgerðar-
stjóri Útgerðarfélags Akureyringa
sagði að félagið myndi bæta sér
upp kvótatapið með því að sækja í
auknum mæli í úthafsveiðar, en
skip félagsins hafa að undanförnu
verið að veiðum á Reykjaneshrygg,
í Smugunni og á Flæmska hattin-
um. Þá myndi félagið líkt og á
undanförnum árum bæta kvótatap
sitt með kaupum á kvóta.
Vægið hefur breyst
Magnús sagði að þrátt fyrir að
ÚA hefði aukið aflaheimildir í
þorskígildum hefði félagið misst
heimildir í tonnum talið. Ástæðan
væri sú að um nýliðin kvótaáramót
hefði vægi tegunda breyst, þannig
hefði vægi karfa og grálúðu tvö-
faldast.
Aflaheimildir ÚA hvað grálúðu
varðar hefðu verið skornar niður
um 1/3 miðað við það sem áður var
en grálúðukvótinn þó aukist þrátt
fyrir það í þorskígildum, en þorskí-
gildisstuðull í grálúðu hefði verið
0,88 á nýliðnu kvótaári en hefði
hækkað upp í 1,7 á því kvótaári
sem nú er nýhafið.
Samherji
fer á Vest-
urbakka
HAFNARSTJÓRN Akureyrar
hefur samþykkt að verða við
erindi Samherja um fram-
tíðaraðstöðu fyrir félagið á
Vesturbakka Fiskihafnar.
Þar sem aðstaða er enn
ekki fyrir hendi á Vestur-
bakka óskaði félagið eftir að
fá bráðabirgðaaðstöðu á
Austurbakka, annars vegar
bráðabirgðalóð fyrir 120 fm
hús og hins vegar 1.000 fer-
metra lóð fyrir athafnasvæði
sem verður girt.
Til bráðabirgða á
Austurbakka
Hafnarstjórn hefur sam-
þykkt að verða við þessu er-
indi Samheija og hefur jafn-
framt veitt vilyrði fyrir að-
stöðu á Vesturbakka þegar
aðstaða þar hefur verið sköp-
uð.
Göngustígur
lagður að
Háskólanum
FRAMKVÆMDANEFND
Akureyrar hefur ákveðið að
láta gera göngustíg frá
Klettagerði að bílastæði við
Sólborg, húsnæði Háskólans
á Akureyrí.
Alls er um að ræða 470
metra langan stíg og er áætl-
aður kostnaður við gerð hans
um 1,7 milljónir króna, sem
rúmast innan fjárhagsáætlun-
ar bæjarins.
Nefndin hyggst einnig fara
þess á leit við veitustjórn að
lýsing verði sett á gönguleið-
ina samhliða lagningu stígs-
ins.
)
>
>
>
\
i
i
I
i
I'
i
i
t
I
k
E
»
I
í
I