Morgunblaðið - 06.09.1995, Blaðsíða 21
MORGUNBLAÐIÐ
AÐSENDAR GREINAR
MIÐVIKUDAGUR 6. SEPTEMBER 1995 21
Opið bréf til rit
sljóra Alþýðu-
blaðsins
KÆRI Hrafn Jökulsson! í upp-
hafi þessa greinarkorns vil ég þekka
þér ágæt kynni og um margt
ánægjuleg samskifti utan ritvallar
í kosningabaráttunni í vor. Blað þitt
Alþýðublaðið er um margt hnyttið
og vel skrifað, en er þó skrifað af
meiri hörku en gerist í pólitík í dag.
Ljóður ritstefnunnar er þó sá að
mikið ber þar á persónulegum árás-
um og fyrirlitningu í garð manna
og málefna. Minna þessi skrif blaðs-
ins mjög á það kalda stríð sem ríkti
í pólitík hér á landi fyrr á öldinni,
þegar stjómmálamenn og fjölskyld-
ur þeirra fengu það óþvegið. Þá var
nú svo vasklega ausið
úr forinni að æstur
skríll réðist að heimil-
um_ stjórnmálamanna.
Ég held nú satt að
segja að enginn kysi
þessa tíma á ný og
þeir eru blettur á
stjórnmálasögu lands-
ins. Ég kann vel snörp-
um átökum um málefni
en hinu kann ég illa
þegar markmiðið virð-
ist það eitt að sækja
æru manna. Flestir
menn hafa nokkuð til
síns ágætis og dreng-
skapur og vinátta i
garð andstæðinga er
það sem gert hefur pólitíkina hér
bærilega.
Ég hef tekið eftir því að þú ert
með unga menn í uppeldi sem beita
oddinum fast og feta í þín hörðu
fótspor á ritvellinum og fara stund-
um framúr læriföðurnum. Nú bar
svo við að einn þessara skósveina
þinna brá sér að heiman og birti
mikla ritsmíð í Morgunblaðinu
fimmtudaginn 31. ágúst sl. Var það
listamaðurinn og grínistinn ungi
Hallgrímu Helgason. Mér finnst nú
aðdróttanir Hallgríms í minn garð
bæði grófar og ærumeiðandi og sett-
ar fram til að reyna að hópa gegn
Málflutningur er sá
sami og hjá Gróu gömlu
á Leiti, segir Guðni
Ágústsson, þegar hann
svarar skriffinum Al-
þýðublaðsins.
mér og Framsóknarflokknum. Hall-
grímur reynir í kjaftasögustíl að
höfða til kvenna og aldraðra og
setur innan gæsalappa ummæli sem
ég hef aldrei látið falla. Ég tala að
vísu oft umbúðalaust; á ráðstefnu
um öldrunarmál sagði ég að öldrun
væri ástand sem hægt væri að tefja
fyrir og þar með fækkaði öldruðu
fólki. Þetta er nú nákvæmlega það
sem læknavísindin segja í dag og
staðreynd sem við sjáum á mörgu
frísku fólki þrátt fyrir háan aldur.
Þessum boðskap hef ég fylgt eftir
á Alþingi með tillöguflutningi um
sveigjanleg starfslok og lífeyrismál
sem snúa að bættri afkomu þeirra
öldruðu. „Konan á bak við eldavél-
ina“, var álíka húmor gárunganna,
þar sem ég á ráðstefnu um janfrétt-
ismál varaði konur við því að krefj-
ast jafnréttis með þeim hætti að
móðurhlutverkið biði skaða af. Það
þekkia þeir sem hafa átt góða móð-
ur að ekkert kemur í hennar stað,
enn á það við sem séra Matthías
kvað:
Því hvað er ástar og hróðrar dís
og hvað er engill úr Paradís
hjá góðri og göfugri móður.
Ég styð fullkomið jafnrétti
kvenna á vinnumarkaði og í launum
en bæði atvinnulífið og þjóðfélagið
í heild verður að tryggja þann
sveigjanleika að á hinn viðkvæma
þráð á milli móður og barns verði
aldrei höggvið. Þessi skoðun mín
féll á æstasta rauð-
sokkatímabilinu og átti
því ekki uppá pallborðið
hjá einhveijum og reynt
var að núa mér því um
nasir að ég væri karl-
rembusvín og vildi hafa
konuna heima. Hins-
vegar bý ég nú svo vel
að eiga yndislega konu
og þijár dætur, þannig
að ég er jafnréttissinni
en þó innan þeirra
marka að karl og kona
eru ekki eins, hvert ein-
asta ungviði þarf á
móður sinni að halda
umfram föður ekki síst
fyrstu missiri lífsins.
Hinu fagna ég svo að karlmenn
koma sem betur fer meira að upp-
eldi barna sinna en áður var og
heimilisstörfum.
Hallgrímur nýr mér enn um nasir
kynþáttahatri og fer þar mikinn,
mikið er vald þessa unga manns að
dæma og grýta ókunnungan mann.
Hér býr mikið af góðu og dugandi
fólki af erlendu bergi sem er góðir
íslendingar, ég hef hinsvegar ein-
ungis varað við ástandi sem sífellt
versnar í nágrannalöndum á milli
þjóðarbrota. Slíkt ástand er ekki
heppilegt í neinu landi. Nýbúar og
innflytjendur þurfa umhyggju og
aðstoð til að fóta sig í nýju ríki svo
þeir verði í sátt við þjóðina og þjóð-
in í sátt við þá.
Ég er alinn upp á stóru heimili
þar sem hin gömlu gildi voru rækt-
uð að elska allt sem lifir og ástunda
ekki illt umtal um náungann né ala
á hatri í annarra garð, og hluti af
þeirri uppeldisfræði var að kunna
að fyrirgefa. Ég er af góðu fólki
kominn og þarf svo sem ekki að
eyða tíma mínum í að svara skrifum
sem dæma sig sjálf og lýsa sjúku
hugarástandi og ég vii segja blindu
pólitísku hatri í garð andstæðinga.
Hingað til hef ég látið mér fátt um
finnast um skrif Alþýðublaðsins,
enda hinar klúru greinar notaðar til
heimabrúks og sjálfsagt glatt á
hjalla á meðal ykkar félaga þegar
ykkur tekst best upp. Málið vernsar
hinsvegar þegar skósveinar Alþýðu-
blaðsins eru farnir að fara á milli
bæja, samanber umrædda grein
Hallgríms í Morgunblaðinu og níð-
þátt á Bylgjunni, klæðaburðurinn
og málflutningurinn sá sami og hjá
Gróu gömlu á Leiti. Kærleikurinn
er afl sem gott er að rækta í lífinu
að lokum óska ég þér og þínu fólki
alls hins besta í framtíðinni. Sá
maður sem vill bera með rentu nafn-
ið „listamaður" er aldrei klúr.
Höfundur er alþingismaður.
Guðni Ágústsson
Rosenthal -pe$ arpúvchirá°f
Glæsilegar gjafavörur
Matar- og kaffistell í sérflokki
Vcrð við cillrci hæfi Laugavegi 52, sími 562 4244.
Möguleikar sjálfsnáms
í ATHYGLIS-
VERÐRI grein Hauks
Ágústssonar hjá
Verkmenntaskóla
Akureyrar í Morgun-
blaðinu nýverið kom
fram að árangur
nemenda í fjar-
kennslu hefur reynst
„sambærilegur og
gjarnan betri“ en
annarra nemenda.
Þetta er sérlega at-
hyglisverð staðreynd
í ljósi þess að fjar-
kennslan byggir eðli
málsins samkvæmt
að mestu leyti á
sjálfsnámi. Nemandinn sækir ekki
kennslustundir og verður því af
þeirri munnlegu framsögn sem
þar er höfð í frammi. Þess í stað
verður hann einkum að byggja á
sjálfsnámi á grundvelli skráðra
gagna.
Langvarandi hefð er víða fyrir
þeim umfangsmiklu „fundahöld-
um“ sem felast í ótölulegum og
oft óhóflegum fjölda kennslu-
stunda. Sú persónulega verk-
stjórn og leiðsögn sem í þeim felst
er nauðsynleg á fyrstu árum
skólagöngu þegar verið er að
venja ung börn við það að ein-
beita sér að námi. Þegar í fram-
haldsskóla er komið á hins vegar
að vera hægt að minnka fjölda
kennslustunda til muna miðað við
það sem tíðkast í dag og ná þann-
ig betri nýtingu á tíma nemenda
og kennara. Reynsla Verk-
menntaskólans virðist undirstrika
það að slíkt geti gefist oft betur
en ekki ver eins og sumir kynnu
að halda.
Ný verkefni fyrir
kennara
Ef aukið sjálfsnám
og fækkun kennslu-
stunda yrðu gerð að
stefnumáli á fram-
haldsskólastigi myndi
slíkt óhjákvæmilega
kalla á stórbætt gögn
af öllu tagi. Kennarar
yrðu því ekki verk-
lausir fyrir vikið. Þess
í stað fengju þeir
veruleg ný verkefni
við gerð gagna sem
nýst gætu til að styðja
sjálfsnám. Tilvist
þeirra myndi í mörgum tilvikum
opna algerlega nýja möguleika til
að þjóna miklum fjölda fólks sem
komið er út á vinnumarkaðinn á
mjög lágum tilkostnaði. Atvinnu-
laust fólk myndi hafa mikið gagn
af slíku.
Þekkt dæmi um sjálfsnám
Fjöldi fólks beitir sjálfsnámi
með góðum árangri. Sennilega er
slíkt óvíða meira en í tölvu-
geiranum. Þeir sem vinna við
hugbúnaðarþróun þurfa yfirleitt
að vera mjög færir um sjálfsnám
til að geta tileinkað sér endalausan
straum nýjunga sem nauðsynlegt
er að kunna skil á. Þetta nám
verður að stunda án afláts ella
missa menn fljótt af lestinni.
Sjaldan er unnt að bíða eftir því
að boðið sé upp á námskeið í öllu
því sem þarf að læra. Og þeir sem
mest mæðir á gera það heldur
ekki. Þess í stað setjast þeir niður
með tiltækar handbækur og
einhenda sér í að læra það sem
Unnt er að auka mjög
hlut sjálfsmenntunar,
segir Jón Erlendsson,
sem hér fjallar um
fjarkennslu.
læra þarf, einir og óstuddir af
öðru en góðum gögnum.
Sjálfmenntaðir kennarar
Það sama gildir um kennara.
Þeir verða margir hverjir að stunda
viðamikið sjálfsnám til að halda sér
við og geta þannig talist frambæri-
legri í störfum sínum. Margsinnis
er þetta eini kosturinn. Kennsla
felst því oft í því að kennarinn, sem
stundum er að miklu leyti sjálf-
menntaður, uppfræðir fólk sem iðu-
lega trúir því statt og stöðugt að
sjálfsmenntun sé óframkvæman-
leg! Horfir samt dag hvern á lif-
andi staðfestingu þess gagnstæða,
þ.e. kennarann. Og margir mót-
mæla gjarnan tillögum um aukið
sjálfsnám sem óraunsæjum drau-
mórum. Bjargföst sannfæring
þeirra byggist eins og fyrr gat eink-
um á langvarandi setum við fót-
stalla sjálfmenntaðra lærifeðra.
Það sem hér hefur verið sagt
undirstrikar að unnt er að auka
mjög þátt sjálfsmenntunar í skól-
um og atvinnulífi. Á þessu er gríð-
arleg þörf á þeim samdráttar- og
breytingartímum sem við búum
við um þessar mundir.
Höfundur er yfirverkfræðingur
Upplýsingaþjónustu Háskólans.
Jón Erlendsson
Lýsinghf.
Skráning á Verðbréfaþing íslands
Skuldabréf Lýsingar hf., 5. flokkur 1995, hafa verið
skráð á Verðbréfaþing íslands.
Útgáfudagur og nafnverð skuldabréfa
Útgáfudagur bréfanna var 15. júní 1995. Nafnverð skulda-
bréfanna var samtals 150 milljónir króna og voru þau seld í lokuðu
útboði á tímabilinu 15. júní 1995 til 5. júlí 1995.
Annað
Skráningarlýsingu, ársskýrslur Lýsingar hf. og önnur gögn um
félagið má nálgast hjá Kaupþingi hf., Kringlunni 5, 103 Reykjavík
og hjá Lýsingu hf., Suðurlandsbraut 22, 108 Reykjavík.
Auglýsing þessi er einungis birt í upplýsingaskyni.
Kaupþing hf.
löggilt verðbréfafyrirtœki
Kringlunni 5
Sími: 515-1500