Morgunblaðið - 23.09.1995, Blaðsíða 35
MORGUNBLAÐIÐ
MINNINGAR
LAUGARDAGUR 23. SEPTEMBER 1995 35
+ Helgi Sigur-
geirsson fædd-
ist á Stokkseyri 11.
júní 1909, en flutt-
ist til Reykjavíkur
með foreldrum
sínum þegar hann
var á öðru aldurs-
ári. Hann lést á
Sjúkrahúsinu á
Húsavík 18. sept-
ember síðastlið-
inn, 86 ára að
aldri. Foreldrar
Helga voru hjónin
Agnes Pálsdóttir,
ættuð úr Meðal-
landi í Skaftafellssýslu, og
Sigurgeir Jónsson frá Skarði
í Gnúpverjahreppi. Eftir að
þau fluttu til Reykjavíkur
reistu þau sér hús á Berg-
þórugötu 8A þar sem þau
bjuggu meðan þeim entist líf
og heilsa. Þau eignuðust sex
börn og var Helgi númer fjög-
ur í systkinaröðinni. Þau eru
nú öll látin. Systkini Helga
voru Jóhanna, Gréta, Sigrún,
Guðsteinn og Páll. Þau
bjuggu öll í Reykjavík, nema
Sigrún, sem fluttist til
Kanada. Helgi fór strax að
vinna sem verkamaður í
Reykjavík eftir að hann lauk
barnaskólaprófi. Var fyrst í
hafnarvinnu í Reykjavík, fór
síðan í byggingarvinnu og
starfaði við það í áraraðir.
Hann starfaði sérstaklega við
járnalagnir og bindingar.
Hann ílentist við byggingu
virkjana, fyrst við Sogsvirkj-
anir fyrir sunnan og síðan við
byggingu Laxárvirkjunar II í
Aðaldal. Helgi settist að fyrir
norðan. Hann kynntist Sigríði
Björnsdóttur í Presthvammi í
Aðaldal og þau giftust 6. júní
1952. Helgi var nú bóndi í
nokkur ár, eða meðan þau
voru gift, en þau skildu. Eftir
það fór Helgi til Húsavíkur
og settist þar að, vann fyrstu
árin í byggingarvinnu hjá
Byggingar- og steypustöðinni
Varða hf. Síðar réðst hann til
starfa hjá Hótel Húsavík og
var þar við ýmis eftirlitsstörf
meðan starfsævin entist.
Hann undi sér vel á Húsavik
og ákvað að eyða ævikvöldinu
þar, bjó síðustu árin á Dvalar-
heimilinu Hvammi á Húsavík.
Helgi eignaðist ekki afkom-
endur.
Hann verður jarðsunginn
frá Húsavíkurkirkju í dag.
ÉG KYNNTIST Helga fljótlega
eftir að ég flutti til Húsavikur í
lok sjöunda áratugarins. Helgi var
þá kominn nær sextugu, með fulla
andlega og líkamlega orku, þó að
hann gengi ekki alveg heill til
skógar hvað líkamlega heilsu
snerti. Okkur varð strax vel til
vina, þó við værum ekki jábræður
á þjóðmálasviðinu. Helgi var
skarpgreindur maður, víðförull og
víðlesinn, sjálfmenntaður eins og
Skólavördustíg 12,
á horni Bergstaðastrætis,
sími 19090
flestir alþýðumenn
voru um og eftir alda-
mót. Það var því bæði
fróðlegt og skemmti-
legt að ræða við
Helga og kynnast
honum nánar, enda
var hann þar að auki
góður húmoristi og
hnyttinn í tilsvörum
og því alltaf tilhlökk-
unarefni að eiga
stund með honum.
Helgi starfaði ásamt
Katrínu konu minni á
Hótel Húsavík um
nokkurra ára skeið og
upp úr því má segja að hann hafi
orðið eins konar fjölskylduvinur,
sem iðulega kom í heimsókn. Til
dæmis varð hann fastagestur á
heimili okkar á gamlárskvöld og
sat þá sviðaveislu með fjölskyld-
unni. Hafði þá ævinlega pela með
sér til að gleðja sig og aðra. Við
Helgi fórum líka í nokkrar ferðir
saman, en Helgi var bíllaus, en
hafði unun af að ferðast. Það kom
því fyrir að ég gerðist bílstjóri
Helga og fór með honum í ferða-
lög um landið.
Helgi fann upp á ýmsu kostu-
legu til að gleðja okkur ef svo bar
undir. Ein skemmtilegasta uppá-
koman var sú að Helgi birtist einn
morguninn með stærðar málning-
arfötu og kúst og sagði að það
væri engin hemja, að hafa grind-
verkið í kringum garðinn okkar
svona illa málað. Hann létti ekki
fyrr en hann hafði lokið við að
mála allt grindverkið.
Helgi var alla tíð mjög róttæk-
ur í stjórnmálaskoðunum. Hann
mun ekki hafa verið einn af stofn-
endum Kommúnistaflokks ís-
lands, en var alla vega einn af
frumkvöðlunum og gekk í flokk-
inn skömmu eftir að hann var
stofnaður. Hann tók virkan þátt
í verkalýðsbaráttunni í Reykjavík
á kreppuárunum, var ötull bar-
áttumaður verkalýðshreyfingar
og harður í horn að taka, eins og
gamall kunningi hans úr hreyf-
ingunni orðaði það. Eftir að ég
kynntist Helga voru tímarnir að
sjálfsögðu breyttir, en Helgi samt
sem áður jafn ákveðinn í stjórn-
málaskoðunum sem fyrr. Afstaða
hans hafði þó mildast og hann
var oft fundvís á hinar spaugilegu
hliðar stjórnmálanna, jafnvel hjá
sínum eigin mönnum. Það var því
alltof gaman að ræða stjórnmálin
við Helga, en oft á tíðum áttaði
maður sig ekki á hvar mörkin
milli alvörunnar og gálgahúmors-
ins lágu.
Eins og áður hefur komið fram
hafði Helgi unun af ferðalögum
og hann ferðaðist um ísland þvert
og endilangt. Það nægði Helga
ekki, hann var einnig mjög víðför-
ull á heimsmælikvarða og hafði
farið um allar heimsálfur nema
Norður-Ameríku og Ástralíu.
Honum þótti leitt að hafa aldrei
komist til Eyjaálfunnar, en hins
vegar vildi hann ekkert með Norð-
ur-Ameríku hafa, enda var þar
höfuðvígi kapítalismans. Helgi fór —**■
einu sinni í langferð um Suður-
Ameríku og hafði mikla ánægju
af því. Hann fór einnig margar
ferðir til Austur-Evrópu, m.a. 2
ferðir um Sovétríkin og einnig fór
hann um Kína. í ferðalögunum
tók hann mikið af myndum, hafði
unun af að sýna þær og segja frá.
Síðustu ár ævinnar var Helgi
mjög heilsuveill og ekki með sjálf-
um sér. Það dró smátt og smátt
af honum uns hann lést hinn 18.
þ.m.
Með Helga er genginn mjög
eftirminnilegur persónuleiki og
góður drengur í orðsins fyllstu
merkingu og við hjónin munum
alltaf minnast hans með sérstök-
um hlýhug.
Far þú vel, vinur.
Eftirlifandi ættingjum Helga
vottum við okkar dýpstu samúð.
Gísli G. Auðunsson.
HELGI
SIG URGEIRSSON