Morgunblaðið - 23.09.1995, Blaðsíða 2

2 LAUGARDAGUR 23. SEPTEMBER 1995
MORGUNBLAÐIÐ
FRÉTTIR
Uppgreftri í fornmannsgröfinni í Skriðdal á Héraði miðar vel áfram
Morgunblaðið/Anna Ingólfsdóttir
STEINUNN Kristjánsdóttir með brýni sem er um 40 sm langt og þykir það óvenju stórt. Á borðinu eru grýtan og sverðið.
Talið vera eitt
ríkasta kuml sem
fundist hefur hér
Egilsstöðum. Morgunblaðið.
UPPGRÖFTURINN á forn-
mannsgröfinni í Skriðdal er
nú vel á veg kominn og mikið
af beinum og minjum hefur
komið í ljós.
Steinunn Kristjánsdóttir,
forstöðumaður Minjasafns
Austurlands, segir fund þenn-
an mjög merkilegan fyrir það
hversu mikið þarna er að
finna.
Fundist hafa beinagrindur
af karlmanni, hesti og hundi
auk margra vopna og tveggja
brýna sem eru um 40 sm að
stærð hvort um sig sem þykir
óvenju stórt. Það sem þykir
ennfremur merkilegt er að
þarna kom í Ijós heil grýta úr
klébergi en það er í fyrsta sinn
sem heil grýta finnst í svona
gröf hér á landi. Ennfremur
fundust hringnál og sylgjur úr
bronsi sem hafa trúlega verið
hluti af einhvers konar ól.
Hugsanlega
jarðsettur í kistu
Steinunn segir beinagrind-
ina liggja á hlið með bogin hné
og snúa í norður-suður eða eins
og dalurinn liggur. Hesturinn
er til fóta og hundurinn enn
lengra til fóta. Skjöldur liggur
yfir beinagrindinni og tréleif-
ar allt í kring sem gæti bent
til að maðurinn hafi verið jarð-
aður í kistu.
HROSSKJÁLKI og hrossbein, brýnin tvö og klébergsgrýta sem
er nánast óskemmd.
HRINGNÁL og sylgjur úr bronsi, en textílleifar eru á annarri
sylgjunni. Til hægri er handfang af sverði.
Fyrri frumkönnun magnesíumframleiðslu á Reykjanesi
Forval á verktaka aðal-
verksmiðju stendur yfir
VERKEFNISSTJÓRN á vegum
Hitaveitu Suðurnesja, Byggða-
stofnunar og Markaðs- og atvinnu-
málaskrifstofu Reykjanesbæjar,
hefur skilað fyrri forathugun á
magnesíumframleiðslu á Reykja-
nesi.
Að sögn Júlíusar Jónssonar, for-
stjóra Hitaveitu Suðurnesja, verður
á næstunni tekin ákvörðun um hvort
ráðist verður í frekari forathugun.
Erlendum fjárfestum verður boðin
þátttaka og er gert ráð fyrir að
eignaraðild verði að meirihluta er-
lend. Forval á aðal-verksmiðjuverk-
taka stendur yfir.
I öðrum áfanga forathugunar fer
fram nákvæm áætlana- og hag-
kvæmniathugun, prófun hráefna,
frekari hönnun verksmiðju og mann-
virkja, gerð rammasamninga um
afurðasölu, undirbúningur starfsað-
stöðu og samningagerð.
Framleiðsla eftir 36 mánuði
Verkefnastjórnin telur að hraða
eigi undirbúningi og hefja næsta
áfanga án tafar, þannig að verksmiðj-
an geti hafið framleiðslu eftir um 36
mánuði en þá er talið að eftirspum
verði enn mikil. Eftirspum eftir
magnesíum á heimsmarkaði hefur
farið vaxandi að undanfömu og sagði
Júlíus að verð fyrir hvert tonn hefði
verið um 3.700 dollarar eða um 242
þús. ísl. kr. síðastliðin 20 ár en væri
nú að nálgast 4.000 dollara eða um
262 þús. Isl. kr. Að sögn Júlíusar eru
það rússneskir aðilar sem hafa þróað
framleiðslutæknina en þeir hafa verið
og eru framarlega í framleiðslu á
magnesíum.
Framleiðsluverðmæti 6
milljarðar
Kostnaður við að setja upp verk-
smiðju sem framleiðir 25.000 tonn
á ári er talinn vera á bilinu 16 til
18 milljarðar og framleiðsluverð-
mætið um 6 milljarðar á ári miðað
við meðalmarkaðsverð síðustu ára-
tuga. Gert er ráð fyrir að um 300
manns vinni við framleiðsluna og
að orka, helstu hráefni og meirihluti
allrar þjónustu verði keypt innan-
lands.
Samtök fisk-
vinnslustöðva
Lögum um
erlenda
fjárfestingu
breytt
AÐALFUNDUR Samtaka
fiskvinnslustöðva lýsir yfir
fullum stuðningi við stefnu
stjómvalda í deilunum við
Norðmenn vegna fiskveiða í
Smugunni og fagnar fundur-
inn jafnframt þeim merka
áfanga sem náðst hefur í ha-
fréttarmálum með gerð út-
hafsveiðisamnings Samein-
uðu þjóðanna í síðasta mán-
uði.
í ályktun fundarins segir
m.a. að lög um erlenda fjár-
festingu í sjávarútvegi þurfí
að aðlajga þeim raunveruleika
sem Islendingar búi við.
Breyta þurfi lögum á þann
veg að takmörkuð óbein
eignaraðild erlendra aðila
verði heimil í almennings-
hlutafélögum í sjávarútvegi
sem hafi mjög dreifða eignar-
aðild.
Taka þátt í
kaupum á
mjólkurkvóta
Egilsstöðum. Morgunblaðið.
BÆJARSTJÓRN Egilsstaða-
bæjar samþykkti á fundi sín-
um í vikunni að styrkja kaup
á 40.266 lítra mjólkurkvóta
um 5 kr. á lítra, ásamt Kaup-
félagi Héraðsbúa sem styrkir
þessi kaup einnig um 10 kr.
á lítra.
Það eru fímm bændur á
Héraði sem eru að kaupa kvót-
ann frá Norðfirði og er kaup-
verðið 115 kr. á lítra. Atvinnu-
málaráð Egilsstaðabæjar lítur
á þessa þátttöku sem styrk til
eflingar mjólkuriðnaði á svæð-
inu. Björn Ágústsson hjá KHB
sagði að ef þessi kaup hefðu
ekki farið fram með þessum
hætti, hefði kvótinn verið seld-
ur út af svæðinu.
Nemar ræða
við BSR
SAMNINGAVIÐRÆÐUR
milli Félags framhaldsskóla-
nema og BSR hófust síðdegis
í gær. Telja nemarnir að
leigubíll sé hagstæðari kostur
en Strætisvagnar Reykjavík-
ur í mörgum tilfellum.
Samningsaðilar ætla að
nota helgina til að kynna
hugmyndina meðal nemenda
og bílstjóra hjá BSR og ætla
þeir að hittast aftur á mánu-
dag til að ræða nánari út-
færslu samningsins og skipu-
lag akstursins.
Húsbruni á
Stokkseyri
HÚSBRUNI varð á Stokks-
eyri í gærmorgun þegar húsið
Vestri-Kaðalstaðir brann til
grunna. Eldsins varð vart uin
sexleytið og þegar slökkvilið
kom á vettvang stuttu síðar
var húsið alelda.
Húsið hefur verið mann-
laust og í niðurníðslu í mörg
ár. Eldsupptök eru ókunn en
grunur leikur á að um
íkveikju hafi verið að ræða.