Morgunblaðið - 06.12.1995, Blaðsíða 6

6 MIÐVIKUDAGUR 6. DÉSEMBER 1995
MORGUNBLAÐIÐ
I-
FRÉTTIR
Tvö steinbíts-
seiði lifðu
ENN eru tvö steinbítsseiði
lifandi úr síðasta árs hrygn-
ingu hvítu steinbítshrygn-
unnar í Náttúrugripasafni
Vestmannaeyja. Eru þau orð-
in 12-14 sentímetrar að
lengd. Steinbíturinn hefur
verið í Náttúrugripasafni
Vestmannaeyja í fimm ár og
hrygnt á hveiju ári. Klakið
hefur heppnast en þau 6-7
þúsund seiði sem koma út úr
klakinu hafa ávallt drepist
4-5 vikna gömul, þar til nú
að tekist hefur að halda lífi
í tveimur. Steinbíturinn
hrygnir venjulega í byrjun
desember og klakið tekur
nokkra mánuði. Seiðin eru
nú á áttunda mánuði og virð-
ast ætla að spjara sig. Krist-
ján Egilsson, forstöðumaður
safnsins, segist hafa gefið
seiðunum lifandi æti fyrstu
vikurnar. Eru það þurrkaðar
krabbaklær sem vakna til
lífsins við ákveðnar aðstæð-
ur. Síðan var þeim gefið
startfóður sem framleitt er
fyrir laxaseiði. Nú eru seiðin
farin að éta hvaða fiskmeti
sem er. Hrygnan er hvítingi
og segir Kristján spennandi
að fylgjast með því hvort
seiðin verði einnig hvít.
MorgunblaðijVSigurgeir Jónasson
SEIÐIN eru nú að komast á unglingsaldurinn, orðin
12-14 sentímetrar að lengd.
HRYGNAN er enn komin af stað og hér gætir
hængurinn hrognanna.
STEINBÍTSSEIÐIN voru pínulítil
þegar þau voru 3-4 vikna.
RLR rann-
sakar nekt
LÖGREGLAN í Reykjavík sendir
Rannsóknarlögreglu ríkisins í dag til
rannsóknar hvort brotið hafi verið
gegn ákvæðum hegningarlaga, þeg-
ar viðskiptavinir verslunar voru
hvattir til að koma þangað naktir.
Verslunin Anton Skúlason í Aust-
urveri auglýsti að þeir, sem kæmu
naktir í verslunina á mánudag,
fengju ókeypis GSM-síma. Tuttugu
naktir karlmenn komu í verslunina
og fengu tíu þeirra síma.
Lögreglan í Reykjavík kom í versl-
unina og kynnti sér málið, enda
gæti framkoma tuttugumenning-
anna varðað við ákvæði hegningar-
laga.
----------------
200 þúsund
Visa-kort
GEFIÐ hefur verið út tvö hundruð
þúsundasta VISA-greiðslukortið á
Islandi. Fjöldi gildra kreditkorta var
á fullveldisdaginn kominn í 99.829
og flöldi Visa Electron-debetkorta í
100.177 þannig að samanlagður
íjöldi gildra korta nam 200.006.
Dregið var úr öllum umsóknum i
frá deginum áður og kom þá upp j
nafn Stefáns I. Bjarnasonar, við-
skiptamanns íslandsbanka, Háaleit-
isbraut, sem sótt hafði um Visa
Electron-debetkort, en hann fær ferð
til Hawai-eyja í verðlaun.
Morgunblaðið/Valdimar Kristinsson
STÓÐHESTURINN Dagur frá Mosfellsbæ er nú kominn í eigu
hnefaleikakappans fræga Georg Foreman, en hér er það Eirík-
ur Guðmundsson sem situr hestinn. Eiríkur er talinn vel að
manni en vafalítið smásmíði við hlið heimsmeistarans fyrrver-
andi sem er á myndinni fyrir ofan.
Foreman á íslenskum fáki
HNEFALEIKAKAPPINN kunni
Georg Foremann, fyrrverandi
heimsmeistari, komst í raðir eig-
enda íslenskra hesta þegar hann
keypti stóðhestinn Dag frá Mos-
fellsbæ. Frá þessu er sagt í nýút-
komnu tölublaði af hesfatímarit-
inu Eiðfaxa en hesturinn var í
eigu hjónanna Jim og Karen
Hood á Chapmann Crest Acres í
Washington. Þau gefa einnig út
tímaritið „Iceland horse“ um ís-
lenska hestinn í Bandaríkjunum.
Kappinn frægi rakst á mynd
af Degi í þessu blaði og hreifst
svo af honum að hann rauk til
og keypti klárinn ásamt hryssu
og geldingi. í Eiðfaxa er haft
eftir Jim Hood að hann hafi aldr-
ei ætlað sér að selja Dag en látið
til leiðast vegna þess hversu mik-
il auglýsing þetta væri fyrir ís-
lenska hestinn.
Taldi hann að með þessu ættu
Bandaríkjamenn að sannfærast
um að íslenski hesturinn gæti
borið fullorðna karlmenn! Ekki
liggur ljóst fyrir hversu þungur
Foreman er um þessar mundir
en ekki er óalgengt að
hnefaleikakappar í þungavigt
séu kringum 130 kíló.
Stykkishólmsbær langt kominn með að greiða niður skuldir sínar
Sparað og fram-
kvæmdum frestað
SKULDIR Stykkishólmsbæjar
hafa lækkað um meira en helming
á fjórum árum, úr því að vera 162
þúsund krónur á íbúa í árslok
1990 í 54 þúsund í lok síðasta
árs. Á þessum tíma hefur Stykkis-
hólmur færst úr hópi skuldugustu
sveitarfélaga landsins vel niður
fyrir meðaltalið.
Ólafur Hilmar Sverrisson,
bæjarstjóri í Stykkishólmi, segir
að þegar ráðist var í byggingu
myndarlegs íþróttahúss hafi sveit-
arfélagið sett sig í miklar skuldir.
Húsið hafí verið mikil fjárfesting
fyrir ekki stærra bæjarfélag og
ekki hægt að ráðast í hana nema
fjármagna hana með lánsfé. „Síð-
an höfum við haldið að okkur
höndum í fjárfestingum eins og
gert var ráð fyrir í upphafi, auk
þess sem rekstur sveitarfélagsins
hefur skilað góðum afgangi til að
greiða niður fjárfestinguna,“ segir
Ólafur. í árslok 1990 námu nettó-
skuldir bæjarins 204 milljónum kr.
á núgildandi verðlagi en í lok síð-
asta árs voru skuldirnar komnar
niður í 68 milljónir. Samsvarar
þetta á sama verðlagi því að skuld-
irnar hafi lækkað úr 162 þúsund
á íbúa niður í 54 þúsund kr. og
hafa lækkað enn á þessu ári. Við
mat á skuldastöðu er oft litið á
hlutfallið milli peningalegrar
stöðu, það er skulda að frádregn-
um útistandandi kröfum, og skatt-
tekna ársins. Meðaltalið yfir landið
allt er 82% en 90% þegar aðeins
er litið á bæjarfélög með yfir 1.000
íbúa. Þetta hlutfall er 50% hjá
Stykkishólmsbæ.
„Skuldimar lækka áfram á
þessu ári og við teljum okkur hafa
sýnt fram á að sveitarféiagið ráði
við slíkar fjárfestingar. Hins vegar
gerum við ráð fyrir því að fara út
í nýjar framkvæmdir á næstu
árum,“ segir Ólafur. Fyrirhugað
er að Ijúka við knattspyrnuvöll á
næsta ári og síðan er sundlaugar-
bygging næst á dagskrá.
Lítil útgjöld
Útgjöld Stykkishólmsbæjar eru
um 65% af skatttekjum. Skilar
reksturinn því mun meiri afgangi
til greiðslu vaxta og afborgana en
algengast er meðal sveitarfélaga
og skýrir það að nokkru leyti lækk-
un skulda undanfarin ár. Að
meðaltali fara 88% tekna í greiðslu
útgjalda hjá sveitarfélögum lands-
ins. Ólafur segir að aðhald sé veitt
á öllum sviðum rekstrarins og það
hafi gefið betri raun að vinna að
þessu verkefni hægt og örugglega
en með einhveiju allsheijar átaki.
Hann telur Stykkishólmsbæ þrátt
fyrir þetta veita að minnsta kosti
jafn góða þjónustu og önnur sam-
bærileg sveitarfélög.
Fyrirspum um kjör
sendimanna á Alþingi
SPURST var fyrir um launakjör
íslenskra sendiherra og sendi-
manna á Alþingi á mánudag og
óskaði fjármálaráðherra eftir fresti
til að afla upplýsinga um málið.
Mörður Árnason varaþingmaður
Þjóðvaka spurði Friðrik Sophusson
fjármálaráðherra hvort upplýs-
ingar, sem komu fram í Stöð 2 um
kjör sendimanna, væru réttar.
Mörður sagði að í fréttum Stöðv-
ar 2 hefði komið fram að sendi-
herra í ákveðnu sendiráði hefði 660
þúsund krónur í mánaðarlaun, þar
af 415 þúsund skattfijálsar. Sendi-
Fjármálaráðherra
óskar eftir fresti til
að afla upplýsinga
um málið
ráðsritari hefði 275 þúsund krónur
í laun, þar af 138 þúsund skatt-
fijálsar. Að auki fengju sendimenn
greiddan stærstan hluta af skóla-
gjöldum barna sinna auk annarra
fríðinda.
Friðrik Sophusson sagðist ekki
geta svarað þessu án þess að kanna
málið nánar og mæltist til þess að
Mörður legði fram skriflega fyrir-
spurn á þinginu um málið. Þá sagði
Friðrik að greiðslur vegna utanrík-
isþjónustunnar færu í einn sjóð
sem utanríkisráðuneytið úthlutaði
úr og því væri fjármálaráðherra
ef til vili ekki rétti aðilinn til að
svara þessu.
Friðrik sagði að fyrir nokkru
hefði komið til tals að skattleggja
allar tekjur sendimanna en horfíð
hefði verið frá því þar sem í ljós
hefði komið að stór hluti þeirra
væri ýmiskonar kostnaðargreiðslur.
\
)
I
i
I
i
I