Morgunblaðið - 06.12.1995, Qupperneq 20

20 MIÐVIKUDAGUR 6. DESEMBER 1995
ERLENT
MORGUNBLAÐIÐ
Persson í
framboð
GÖRAN Persson, fjármálaráð-
herra Svíþjóðar, sagðist í gær-
kvöldi myndu bjóða sig fram
til embættis leiðtoga jafnaðar-
manna og forsætisráðherra í
vor en þá lætur Ingvar Carls-
son af störfum. Fyrr um dag-
inn hafði Persson vísað harka-
lega á bug öllum slíkum hug-
myndum. Hann sagðist á
blaðamannafundi hafa skipt
um skoðun vegna þess að kjör-
nefnd flokksins hefði lýst yfir
einróma stuðningi við sig.
Fahd kon-
ungurá
batavegi
FAHD konungur Saudi-Arab-
íu var í gær sagður vera á
góðum batavegi eftir vægt
hjartaáfall. Fahd er 73 ára en
þeir sem næstir honum standa
að ríkiserfðum eru einnig á
áttræðisáldri; hálfbróðir hans
Abdulla krónprins og Sultan
prins varnarmálaráðherra,
sem er albróðir konungs. Að
þeim slepptum flækjast erfða-
málin því faðir þeirra, Abd-
ulaziz al-Saud, stofnandi
Saudi-Arabíu, eignaðist 44
sonu með 22 konum.
Suu Kyi líkt
við land-
ráðamann
MÁLGÖGN stjómarinnar í
Búrma birtu í gær aðvörun til
Aung San Suu Kyi og flokks
hennar, Lýðræðisbandalags
Búrma, og sögðu ákvörðun
flokksins að mæta ekki til
stjórnlagaráðstefnu í síðustu
viku hafa verið ólýðræðislega.
Haft var í hótunum við Suu
Kyi og henni jafnað við land-
ráðamann, Maung Ba Than,
sem leiddi Breta til valda í
Burma á 19. öld.
Hættir hjá
Sony
MICHAEL Schulhof, stjórnar-
formaður og forstjóri Sony-
fyrirtækisins í Ameríku, sagði
af sér í gær og hefur eftirmað-
ur hans ekki verið útnefndur.
Schulhof hyggst hasla sér völl
á sviði tölvu- og skemmtana-
iðnaðar, sama vettvangi og
hann hefur stýrt. Sony á.
Blaðakona
myrt í Alsír
ALSÍRSK blaðakona,
Khadidja Dahmani, var myrt
skammt frá heimili sínu í Al-
geirsborg í gær. Hún er annar
blaðamaðurinn sem veginn er
í borginni á fjórum dögum.
Lögreglan staðhæfði að
Dahmani hefði verið fórnar-
lamb ofsatrúarmanna. Hafa
þá tæplega 60 blaðamenn og
starfsmenn fjölmiðla verið lífl-
átnir í ofbeldisverkum í Alsír
frá í júní 1993.
'J/>
)
WtMK/dfl
»LAHLAÐBORÐ
'mm/i.
Hádegi: kr. 1.950 - kvöld: kr. 2.650
Skíúabrú
Vcitingahús \ið Austunöll. Borðapantanir í sftna 562 44 55
Frakkland ákveður að taka þátt á ný í hernaðarsamstarfi NATO
Segja Atlantshafsbanda-
lagið hafa breyst
París, Brussel. Reuter.
FRAKKAR útskýrðu í gær þá
ákvörðun sína að ganga að nýju
til hernaðarsamstarfs Atlantshafs-
bandalagsins (NATO) með því að
segja bandalagið hafa breyst. „Við
erum ekki að snúa aftur til hins
gamla NATO,“ sagði háttsettur
embættismaður á skrifstofu
Jacques Chirac, Frakklandsfor-
seta. Fögnuðu talsmenn banda-
lagsins ákvörðun Frakka og sögðu
hana marka kafiaskil í sögu
NATO.
Herve de Charette, utanríkis-
ráðherra Frakklands, tilkynnti
um ákvörðun Frakka á fundi ut-
anríkisráðherra NATO í gær-
morgun.
Hyggjast Frakkar taka að nýju
sæti í hermálanefnd bandalagsins
og sitja fundi varnarmálaráð-
herra. Þeir munu hins vegar ekki
taka sæti í kjarnorkuáætlana-
nefnd og varnaráætlananefnd
NATO.
Jacques Rummelhardt, talsmað-
ur utanríkisráðuneytisins franska,
sagði Frakka staðráðna í því að
taká þátt í þróun varnarmála í
Evrópu og að það yrði gert í sam-
vinnu við Bandaríkjamenn, ekki í
andstöðu við þá.
Heimildarmenn innan NATO
segja að Frakkar tengi ákvörðun
sína umræðum um stækkun
bandalagsins í austurátt og til-
raunum til að skilgreina hlutverk
þess upp á nýtt í kjölfar endaloka
kalda stríðsins. „Þeir [Frakkar]
telja að þeir geti haft meiri áhrif
á umræðuna [um friðargæslu
NATO í Bosníu] með aukinni þátt-
töku í bandalaginu,“ sagði ónefnd-
ur heimildarmaður og sagði það
snjallt hjá Frökkum að gera grein-
armun á hinu „nýja“ og „gamla“
NATO. Yfirlýsingu Frakka var tek-
ið fagnandi í höfuðstöðvum NATO
í gær. „Jafnvel þó .að Frakkar taki
ekki að nýju þátt í sameiginlegri
yfirstjórn heraflans, er þetta nýtt
upphaf í [samstarfi] þjóðanna,“
sagði Klaus Kinkel, utanríkisráð-
herra Þýskalands í gær.
Snúa aftur eftir 30 ár
í mars 1966 fyrirskipaði Charl-
es de Gaulle Frakklandsforseti
NATO að loka höfuðstöðvum sín-
um í Frakklandi og kalla herlið
sitt frá landinu, þar sem að Frakk-
ar vildu ekki dragast inn í stríð
sem væru þeim óviðkomandi. Þar
með sauð endanlega upp úr á milli
Frakka og Bandaríkjamanna sem
höfðu deilt um það hveijir færu
með stjóm bandalagsins og um
kjarnorkuvopn þess. Þá voru
Frakkar einnig afar ósáttir við til-
raunir Lyndons B. Johnsons
Bandaríkjaforseta til að fá heri
NATO til að beijast í Víetnam.
Frakkar störfuðu þó áfram í
stjórnmálaarmi NATO og áttu auk
þess náið hernaðarsamstarf við
bandalagið. Þeir hafa tekið þátt í
mörgum heræfingum þess, eftirliti
NATO í lofthelgi Bosníu og átt
hlut að sameiginlegum hernaðar-
mannvirkjum og -skipulagi NATO,
svo sem fjarskiptum. Árið 1991
sendi Francois Mitterrand, þáver-
andi forseti landsins, franskt her-
lið til að beijast við hlið Banda-
ríkjamanna og Breta í Persaflóa-
stríðinu.
Þá heimilaði sósíalistinn Mit-
terrand varnarmálaráðherra
Frakklands og yfirmanni franska
herráðsins að sitja óformlega fundi
NATO vegna aðgerða bandalags-
ins í gömlu Júgóslavíu.
Þáttaskil í stríði stjórnarhersins og Tamílsku tígranna á Sri Lanka
Jaffna á valdi
stjómarhersins
Skæruliðar tamíla segjast munu berj-
ast áfram gegn Sri Lankastjórn
Reuter
TALIÐ er, að um ein milljón tamílskra barna hafi orðið fyrir
barðinu á óöldinni í Iandinu með einum eða öðrum hætti. Þessi
kona leitaði hjálpar fyrir sjúkt barn sitt í bænum Vavuniya.
Colombo. Reuter.
STJ ÓRNARHERMENN á Sri
Lanka náðu borginni Jaffna,
meginvígi uppreisnarhreyfingar
Tamílsku tígranna, á sitt vald í
gær og drógu ríkisfánann að húni
sigri hrósandi. Aðskilnaðarsinnar
tamíla hafa þó ekki gefíst upp og
réðust í gær með miklu liði á eina
eða tvær bækistöðvar lögreglunn-
ar.
Anuruddha Ratwatte, aðstoðar-
varrfarmálaráðherra Sri Lanka,
dró fánann að húni til marks um,
að yfirráðum tamíla yfir borginni
í næstum tíu ár væri lokið. Skær-
uliðar Tamílsku tígranna, sem
beijast fyrir sjálfstæðu ríki tamíla
í norður- og austurhluta landsins,
hafa þó ekki viðurkennt, að borgin
sé fallin og segjast munu halda
baráttunni áfram.
Tígrar safna liði
Útvarpsstöð aðskilnaðarsinna,
Rödd tígranna, skoraði í gær á
tamíla að ganga til liðs við skæru-
liða og stöðva sókn stjórnarhersins
áður en það yrði um seinan. Var
ennfremur skorað á tamíla erlend-
is að beijast gegn Sri Lankastjórn
með öllum ráðum.
Nokkrum klukkustundum eftir
að stjórnarherinn innsiglaði sigur
sinn í Jaffna réðst fjölmennt lið
skæruliða á eina eða tvær búðir
Iögreglunnar á austurhluta eyjar-
innar og var hart barist. Reyndu
þeir að aka sendibíl hlöðnum
sprengiefni inn í einar búðirnar
en bíllinn var sprengdur í hliðinu.
Segja talsmenn hersins, að mikið
mannfall hafí orðið í röðum skæru-
liða.
Allir flúnir frá Jaffna
Meira en 50.000 manns hafa
fallið í átökum tamílskra að-
skilnaðarsinna við stjórnina í
Colombo. Segja talsmenn hersins,
að tæplega 2.000 skæruliðar hafí
fallið og um 5.000 særst í sókn-
inni til Jaffna en íbúar borgarinn-
ar, um hálf milljón manna, eru
næstum allir flúnir.
Stjórnvöld hafa skorað á þá að
snúa aftur til heimila sinna en það
er ekki aðeins, að fólkið óttist
stjórnarherinn, heldur einnig, að
skæruliðar hefni þess, setjist það
að á yfírráðasvæði stjórnarinnar í
Colombo.