Morgunblaðið - 06.12.1995, Qupperneq 21

MORGUNBLAÐIÐ
ERLENT
MIÐVIKUDAGUR 6. DESEMBER 1995 21
Forseti rússneska þingsins í vafa um
lögmæti þingkosninganna
Nýjar efasemd-
ir um 5%-
þröskuldinn
Moskvu. Reuter.
ÍVAN Rybkín, forseti rússneska
þingsins, sagði í gær, að vafi léki
á um lögmæti kosninganna 17.
þessa mánaðar vegna ákvæða um
5%-þröskuldinnen en hann sker úr
um hvort flokkar koma manni á
þing.. Grígoríj Javlínskíj, einn helsti
leiðtogi umbótasinna á rússneska
þinginu, segir augljóst, að kommún-
istar muni vinna sigur í kosningun-
um og lýðræðissinnar verða í mikl-
um minnihluta.
Rybkín sagði í viðtali við dag-
blaðið Pravda, að hugsanlega yrði
lögmæti þingkosninganna vefengt
að þeim loknum vegna ákvæðis um,
að flokkur þurfi að fá minnst 5%
atkvæða til að koma manni á þing.
43 flokkar bjóða fram og komist
aðeins fáir yfir þennan þröskuld þá
er jafnframt líklegt, að þingmanna-
tala þeirra verði miklu hærri en
kjörfylgið segir til um.
Sumir ráðgjafar Borís Jeltsíns,
forseta Rússlands, hafa nefnt, að
muni nýtt þing ekki endurspegla
vilja kjósenda í aðalatriðum, megi
líta svo á, að það sé ekki í sam-
ræmi við stjórnarskrána. Stjórnar-
skrárdómstóllinn hefur hins vegar
neitað að breyta ákvæðinu um 5%-
þröskuldinn en talið er, að annað
geti orðið uppi á teningnum eftir
kosningar.
Stefnuleysi
gagnvart NATO
Andrei Kozyrev, utanríkisráð-
herra Rússlands, sagði í gær, að
Moskvustjórnin gæti ekki ákveðið
hvort hún ætti að hafa samvinnu
við Atlantshafsbandalagið, NATO,
eða snúast gegn því. Sagði hann
þetta þegar hann var á leið til
Brussel til að ganga frá s'amkomu-
lagi um þátttöku Rússa í_friðar-
gæslunni í Bosníu. Sjálfur kvaðst
hann vilja samvinnu og sagði, að
fyrr eða síðar yrði Jeltsín að höggva
á þennan hnút. Talið er, að andstað-
an við samvinnu við NATO sé mest
hjá Pavel Gratsjov varnarmálaráð-
herra.
Grígoríj Javlínskíj, leiðtogi Jab-
loko, helsta flokks umbótasinna á
rússneska þinginu, sagði í gær, að
ljóst væri, að kommúnistar myndu
vinna mikinn sigur í kosningunum
17. desember. „Lýðræðissinnar
munu verða í minnihluta eins og
þeir raunar eru,“ sagði hann.
Fimm þingflokkar?
Búist er við, að kommúnistar,
þjóðernissinnar, bændaflokksmenn,
Jabloko og flokkur Víktors Tsjerno-
myrdíns forsætisráðherra, Rúss-
neska föðurlandið, muni komast
yfir 5%-mörkin. Helmingur þing-
manna í dúmunni, 225, verða kosn-
ir af flokkslista en hinir 225 í ein-
menningskjördæmum.
Sprenging varð á skrifstofu þing-
manns í rússneska þinghúsinu í gær
og olli nokkrum skemmdum en
engu manntjóni. í gær var ekki ljóst
af hvetju hún stafaði en skrifstof-
una hefur Níkolaj Lysenko, þing-
maður Lýðveldisflokksins, afar
hægrisinnaðs flokks. Minnir merki
hans mjög á hakakrossinn. Lysenko
sagði, að „Kákasus-mafían" hefði
verið að verki en sumir þingmenn
aðrir létu að því liggja, að hann
hefði sjálfur komið lítilli sprengju
fyrir til að vekja á sér athygli.
Vofur vægja ekki
London. Daily Telegraph.
DÓMARI í Hemel Hempstead i
Englandi tók ekki til greina máls-
vörn Anthonys Cooper, 43 ára fyrr-
verandi lögregluþjóns, er hann
dæmdi hann sekan að því að hafa
valdið fjölda kvenna ónæði með
dónalegum símhringingum.
Cooper sagði að illir andar Pet-
ers Wilsons, sem lést fyrir öld síð-
an, hafi stjórnað þessari áráttu
sinni. Hafí hann enga stjórn haft
á röddu sinni eða orðavali. Geð-
læknir skrifaði upp á það en dómar-
inn sagði þá yfirlýsingu ekki gagna.
Cooper var lögreglumaður og
síðan öryggisvörður í stórverslun.
Hann hefur stundað að hringja í
konur og kynnt sig sem rannsókn-
arlögreglumaður er væri að vara
þær við sóðalegri upphringingu.
Síðan hringdi hann nokkrum
mínútum síðar, kynnti sig sem
Wilson og viðhafði saurugt orð-
bragð.
Reuter
GRÍGORÍJ Javlínskíj, leiðtogi Jabloko eða „Eplisins",
á fundi með fréttamönnum í gær.
Sektfyrir
ósvikna smíð
FORELDRAR sjö ára gamals
drengs í Bretlandi keyptu nýlega
handa honum búmerang eða bjúg-
verpil. Beið strákur ekki boðanna
með að reyna nýja leikfangið og
viti menn, það kom til baka og
beint í höfuðið á honum.
Foreldrarnir fóru í mál við fram-
leiðandann og héldu því fram, að
um stórhættulegt tæki væri að
ræða. Var hann dæmdur til að
greiða stráksa rúmar 400.000 kr.
í sárabætur og breytti engu þótt
hann héldi því fram, að þetta væri
einmitt náttúra bjúgverpilsins, að
koma aftur til þess, er. kastaði.
Skeljungsbúöin
Reykjavík sími 560 3878 • Akureyri sími 462 2850
Keflavík sími 4213322 • Vestm.eyjum sími 4811115
GJ0

E. BACKMAN