Morgunblaðið - 13.12.1995, Síða 15

MORGUNBLAÐIÐ
MIÐVIKUDAGUR 13. DESEMBER 1995 15
LANDÍÐ
Borgarafundur um snjóflóðavarnir í Bolungarvík
Hættumati lokið - verð-
ur kynnt íbúum í janúar
Bolungarvík - Borgarafundur
sem umhverfisráðuneytið efndi til
um snjóflóðamál og snjóflóða-
varnir var haldinn í Bolungarvík
sl. sunnudag.
Fundurinn var einn af fjórum
fundum sem umhverfisráðuneytið
efndi til á Vestfjörðum í því skyni
að 'upplýsa íbúa um stöðu og
framtíðarskipulag snjóflóða-
varna.
Framsögu á fundinum höfðu
þeir Magnús Jóhannesson ráðu-
neytisstjóri, sem fjallaði um fyrir-
hugaðar breytingar á framkvæmd
snjóflóðavarna, Magnús Jónsson
veðurstofustjóri ræddi stöðuna á
snjóflóðamálum almennt og hvað
hægt væri að gera til að auka
öryggi íbúa og Hafsteinn Haf-
steinsson, förmaður almanna-
varnarráðs, greindi frá þætti al-
mannavarna ríkisins í gerð neyð-
Tekur ekki gildi
þar sem nýjar
vinnureglur
verða þá komnar
aráætlana og viðbrögð við hættu-
ástandi. Þá fjallaði Ólafur Helgi
Kjartansson, sýslumaður á
ísafirði, um rýmingu húsnæðis.
Að loknum framsöguerindum
voru almennar umræður og fyrir-
spurnir til framsögumanna.
Allnokkuð var um fyrirspurnir
um hættumat fyrir Bolungarvík
og þær forsendur sem það byggð-
ist á. Fram kom að hættumat
fyrir Bolungarvík verður væntan-
lega kynnt í janúar en það var
jafnframt tekið fram að það
hættumat verði ekki látið taka
gildi þar sem þá verði væntanlega
komnar í gildi nýjar vinnureglur
byggðar á frumvarpi því sem nú
liggur fyrir alþingi um nýja skip-
an snjóflóðavarna. Fulltrúi bæjar-
yfirvalda upplýsti hins vegar að
hættumati fyrir Bol.ungarvík væri
þegar lokið af hálfu verkfræði-
stofu og það hefði bæjarstjóra
verið kynnt. Engin svör fengust
við því hvers vegna það verði
ekki kynnt bæjarbúum fyrr en í
janúar.
Nokkur vonbrigði mátti greina
meðal fundarmanna með því
hverslu litlar upplýsingar fengust
við þeim spurningum sem mest
brenna í huga íbúa Bolungarvíkur
en það er hvaða íbúðarsvæði er
talið vera á hættusvæði.
Fundinn sóttu hátt í eitt hund-
rað manns og stóð fundurinn í
um tvo tíma.
Morgunblaðið/Sigurður Sigmundsson
UNNIÐ að vegagerðinni við Brúarhlöð.
Nýr vegur við Brúarhlöð
Syðra-Langholti - Um þessar
mundir er verið að ljúka við lagn-
ingu nýs vegar austan við Brúar-
hlöð um 2,7 km leið. Fyrri vegur
var í rauninni ekki annað en nið-
urgrafinn slóði ofan í melana
þarna við Hvitá, þannig að mikil
þörf var á að lagfæra þjóðveginn
á þessum slóðum.
í sumar var brúin yfir ána
endurbætt mikið og breikkuð,
geta nú allir stórir fólksflutn-
ingabílar farið þar um, sem erf-
itt var þó áður. Um Brúarhlöð
er mikil umferð á sumrin, ekki
hvað síst ferðafólks, en þó hefur
verið reynt að halda þessari leið
opinni á veturna, sem verður
mun auðveldara nú, en þarna er
eina brúin á Hvítá sem rennur á
milli Hrunamannahrepps og
Biskupstungna eins og kunnugt
er.
Það var Ketilbjörn hf. sem átti
lægsta tilboðið í verkið og annað-
ist því þessar vegaframkvæmdir,
sem gengu vel að sögn Þorkels
Þorkelssonar verksljóra.
Morgunblaðið/Davíð Pétursson
VIÐSTADDIR undirritun samninga voru sveitarstjórnarmenn,
bæjarstjórar, starfsmenn viðkomandi orkufyrirtækja og fulltrú-
ar iðnaðar- og fjármálaráðuneytis.
10% lækkun með breytingum á
Hitaveitu Akraness og Borgarfjarðar
Þrjú fyrirtæki
koma í stað HAB
Grund, Skorradal - Samningur á
milli ríkisins og eignaraðila HAB
var undirritaður 8. desember sl. á
Hvanneyri. Með samningnum er
gert ráð fyrir 10% raunlækkun
gjaldskrár 1. janúar 1996 og 5%
1. janúar 1998.
Viðstaddir undirritun samninga'
voru sveitarstjórnarmenn, bæjar-
stjórar og sveitarstjórar af Akra-
nesi, úr Borgarbyggð og Andakíls-
hreppi, starfsmenn viðkomandi
orkufyrirtækja, fulltrúar iðnaðar-
ráðuneytis, íjármálaráðuneytis og
nokkrir boðsgestir.
Fulltrúi fjármálaráðherra, Guð-
mundur Jóhannsson, kynnti inni-
hald samninganna, en það er í aðal-
atriðum þetta: Hitaveitu Akraness
og Borgarfjarðar (HAB) verður frá
áramótum skipt upp í þrjú fyrir-
tæki. HAB mun frá þeim tíma selja
heitt vatn í heildsölu til Akranes-
veitu og hitaveitu í Borgarnesi en
halda áfram að selja heitt vatn í
smásölu í sveitum. Með stofnun
Akranesveitu sameinast rafveita,
hitaveita og vatnsveita innanbæjar
auk áhaldahúss og tæknideildar í
eitt fyrirtæki.
HAB mun frá áramótum ekki
hafa neina starfsmenn í þjónustu
sinni en bæjarfélögin tvö munu
samkvæmt sérstökum þjónustu-
samningi annast rekstur fyrirtæk-
isins. Ríkið mun samkvæmt samn-
ingunum verða eignaraðili að HAB.
Eignarhlutföll í félaginu verða
sem hér segir: Akraneskaupstaður
53,7%, Andakílshreppur 4,3%,
Borgarbyggð 21,3% og ríkissjóður
20,7%. I fjárhagsáætlun sem gerð
hefur verið fyrir HAB og nær fram
til ársins 2012 er gert ráð fyrir að
fyrirtækið hafi þá lokið við að
greiða niður þau lán sem hvíla á því.
Ríkissjóður mun undirrita sam-
komulag við aðra eigendur HAB
um að valdi óviðráðanlegar ástæður
því að skuldir fyrirtækisins sem
samkomulagið nær til verði hærri
en 900 millj. kr. í árslok 2000 mun
ríkissjóður yfirtaka 75% þeirrar
fjárhæðar sem umfram stendur.
Akraneskaupstaður mun kaupa
eingarhluti Borgarbyggðar og
Andakílshrepps í Andakílsárvirkj-
un.
-kjarni málsins!