Morgunblaðið - 06.02.1996, Blaðsíða 9

Morgunblaðið - 06.02.1996, Blaðsíða 9
MORGUNBLAÐIÐ ÞRIÐJUDAGUR 6. FEBRÚAR 1996 9 FRETTIR íslensk söngkona með aðalhlutverkið í Bandaríkjunum Yfir 400 sýningar á 9 mánuðum BRYNDÍS Ásmundsdóttir söng- kona hefur verið ráðin til að syngja í bandarískum söngleik sem nefnist Ragtime Lil and the Banjo Banjo Show og gildir samn- ingurinn til níu mánaða. Hún syngur og leikur aðalhlutverkið í söngleiknum, sem sem settur er á svið í skemmtanaborginni Bran- son í Missouri í Bandaríkjunum. Söngleikurinn gerist um kring- um 1920, en „ragtime"-tónlistin í verkinu eru allt frá 1901 og segir Bryndís það einkennast af mikilli gleði og hlátri, steppdansi og glæsileika, enda fylgdi lífsgleði og nautnahyggja gjarnan blóma- skeiði þessarar tónlistarstefnu. Ragtúne Lil hefur verið á fjölun- um í tvö ár í leikhúsi í Branson sem tekur á áttunda hundrað gesti. I sýningunni eru á þriðja tug listamanna sem syngja og dansa, en þungamiðjan er titilpersónan. Lífsglöð næturdrottning „Lil er næturdrottning sem kann að njóta lífsins. Hún er bara eins og ég," segir Bryndís og hlær dátt. Bransan er mikil skemmtana- borg, ein 36 leikhús, 100 hótel og helmingi fleiri veitingastaðir, þannig að áherslan er lögð á ferðamenn og að stytta þeim stundir. Þar er að finna leikhús með sætum fyrir 2.000 gesti og nýverið byggði sveitasöngkonan Dolly Parton eitt slíkt í borginni. Álagið er mikið og þannig þarf Bryndís að syngja í tveimur sýn- ingum á dag, sex daga vikunnar í alls níu mánuði. Að óbreyttu eru þetta því yfir 400 sýningar. Frum- sýning með nýrri aðalleikkonu er 1. apríl, en Bryndís fer utan um miðjan mars. „Eg hef um hálfan mánuð til að æfa hlutverkið með hljómsveit og leikurum, en seinustu vikur hef ég horft á myndbandsupptöku af sýningunni, hlustað á tónlistina og lært stepp hjá Henný Her- manns. Sýningin hefur gengið ágætlega, en nýtt leikrit i Branson er um tvö ár að komast á fullan skrið, þannig að þriðja árið verður toppurinn og fyrir vikið fleyti ég væntanlega rjómann af sýning- unni," segir hún. Bryndís er tvítug og söng í Bandaríkjunum um tveggja mán- Nýr breskur sendiherra BRESKA utanríkisráðuneytið til- kynnti 1. febrúar að Hennar hátign Bretadrottning hefði samþykkt út- nefningu Mr. James McCullech sem sendiherra Breta á íslandi. Hann tekur við af Mr. Michael Hone OBE, sem lætur nú af störfum fyrir utan- ríkisþjónustuna. ? ? ? Afhenti trúnaðar- bréf í Portúgal SVERRIR Haukur Gunnlaugsson sendiherra afhenti 31. janúar sl. Mario Soares, forseta Portúgals, trúnaðarbréf sitt sem sendiherra ís- lands í Portúgal með aðsetur í París. -----------? ? ?----------- Morgunbtaðið/Júlíus BRYNDÍS Ásmundsdóttir heldur til Bandaríkjanna í næsta mán- uði þar sem við tekur strembin níu mánaða vinnulota í aðalhlut- verki söngleiksins Ragtime Lil and the Banjo Banjo Show. aða skeið í fyrrahaust, ásamt tón- listarmanninum Ragtime-Bob sem bauð henni að syngja á tónleikahá- tíðum og tónleikum. Mæltist vel fyrir „Fyrir seinustu skemmtunina var ég send í viðtal í spjallþætti í Springfield í Missouri. Ég sat við píanó í verslunarmiðstöð þarna og var kynnt sem „ung stjarna frá íslandi", en síðan söng ég sama lagið á ensku og íslensku. Annar þeirra sem rekur leikhúsið í Bran- son sá útsendinguna, en auk þess voru á ragtime-hátíðinni hjón sem stunda leikhúsrekstur í borginni og þau mæltu með mér við eigend- urna. Þeir hringdu í kjölfarið og buðu mér prufu, ætluðu að sjá um uppi- hald en ég átti sjálf að borga ferð- ina. Égsagðist ætla að hugsa málið. Á meðan öfluðu þeir sér meiri upplýsinga um mig frá að- standendum hátíðanna sem ég söng á, höfðu aftur samband og buðust til að greiða fyrir mig allan kostnað í fimm daga ferð. Þá þurfti ég ekki að hugsa mig leng- ur um." Eigendurnir eru fésýslumenn sem reka m.a. verksmiðju og stór- an skemmti- og veitingastað í Indi- anapolis og starfrækja leikhúsið í hjáverkum, ef svo má segja. „Ég var sótt á límósínu þannig að manni leið eins og kvikmynda- stjörnu. Ég hafði æft fjögur lög heima og var látin syngja þau fyr- ir um 150 manns á veitingastaðn- um, auk þess sem annar eigandinn birtist samdægurs með nýtt lag og sagði að ég þyrfti að læra það fyrir kvöldið. Þetta var strembið lag með gífurlega hröðum takti og ég hafði þrjá tíma til að læra það svo vel færi. Ég var kotroskin og hélt nú að eitt lag með svo skömmum fyrirvara væri hreinn barnaleikur en gleymdi hluta af texta í flutningnum, þannig að ég bjó bara eitthvað til á íslensku og lauk laginu. Þrátt fyrir þessi mis- tök voru þeir hæstánægðir því að þeir vildu kanna hvort ég stæðist álagið og þeim þótti ég hafa bjarg- að mér vel úr klúðrinu," segir Bryndís. Hagnast á samningnum Næsta dag hófstu samningavið- ræður og myndatökur og er búið að prenta 300 þúsund auglýs- ingabæklinga með myndum af. nýrri aðalleikkonu og fjögur risa- stór veggspjöld sem skarta Bryn- dísi. íslenskur lögfræðingur, bandaríski sendiherrann og fleiri aðilar eru búnir að yfirfara samn- inginn og kveðst Bryndís sátt við sinn hlut og bera traust til verð- andi vinnuveitenda. Hún segist ekki gera sér neinar sérstakar vonir um að sýningin verði henni stökkpallur til frekari frama í Bandaríkjunum, en hins vegar fái hún atvinnuleyfi, mikla reynslu og góða möguleika á að kynnast skemmtanafaginu. „Ég er að sjálfsögðu skíthrædd, en samt sem áður harðákveðin í að láta slag standa. Ég myndi naga mig í handabökin alla ævi ef ég tæki ekki slíku tilboði, auk þess sem óvissan er ekki algjör. Það er búið að útvega mér bíl og íbúð og án þess að ég kæri mig um að tala um fjárhæðir get ég sagt að samningurinn skilar mér gróða. Ég ætla að standa mig í stykkinu í níu mánuði og hugsa ekki lengra, þá kem ég heim og síðan verður hitt að ráðast." Varahlutasala Boddíhlutir, hurðir, stuðarar, Ijós, bretti, húdd o.fl. Rartar, varahlutasala, Kaplahrauni 11, sími 565-3323. Utsalan í fullum gangi Jogginggallar áður kr. 2.995 nú kr. 1.595 Háskólabolir áður kr. 1.995 nú kr. 995 Peysur áðurkr. 1.995 nú kr. 995 Flauelsbuxur áður kr. 1.995 nú kr. 1.295 BARNAKOT Borgarkringlunni Sfmi 588 1340 • Sendum i póstkröfu. Afhenti trúnaðar- bréf í Úkraínu GUNNAR Gunnarsson sendiherra afhenti 1. febrúar sl. Leonid Kuc- hma, forseta Úkraínu, trúnaðarbréf sitt sem sendiherra í Úkraínu með aðsetur í Moskvu. Nýkomin vorsending f rá ykw{[ TISKUVERSLUN Kringlunni 8-12, sími 553 3300 Síðasti dagur útsölunnar TESS - Verið velkomin - Opið virka daga kl. 9-18, laugardaga kl. 10-14. V. nc neðst við Dunhaga, sími 562 2230 Utsalan er ífullum gangi (S>skubuska - fyrir frjálslega vaxnar konur á öllum aldri - Suðurlandsbraut 52 (bláu húsin v/Faxafen), símí 588 3800. 9NÖGG- UTSAL • Stærðir 36-41 • Olíuborið leður • Grófur sóli • Dökk brúnn/ljós brúnn Verð aaeins 1.990 Póstsendum SKOUERSLUN KÚPAUOGS HAMRABORG 3 • S: 554 1754 Hinn heimsfrægi útivistarundirtatnaður frá CRAFT. OF SWEDEW Er flytur likamsrakann frá húðinni út ínæsta lag (t.d. Flees) sem kemur í veg fyrir að hrollur slái að eftir áreynslu. Frábært verð Peysur irá 2.150 Buxur frá 2.290 Hjólasamfestingar fré 3.980 LEIGAN ÚTIVISTARBÚÐIN við Umferðarmiðstöðina, simar 551 9800 og 551 3072.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.