Morgunblaðið - 06.02.1996, Page 27

MORGUNBLAÐIÐ
ÞRIÐJUDAGUR 6. FEBRÚAR 1996 27
AÐSENDAR GREIIMAR
Skattframtalið - óþarfa
vinna og kostnaður
UM ÞESSAR mundir
eru landsmenn að huga
að útfyllingu skatt-
framtala sinna, en
flestir fengu skattfram-
talseyðublöðin send
fyrir nokkru. Eins og
kunnugt er ber okkur
að fylla framtölin sam-
viskusamlega út, telja
fram tekjur, skuldir,
skuldara, eignir, tap,
gróða o.fl., og ekki má
gleyma að geta allra
fjárfestinganna í hluta-
bréfakaupunum milli
jóla og nýárs. Að end-
ingu undirritum við
skattframtalið, auðvit-
að að viðlögðum drengskap, og skil-
um því til skattyfirvalda eigi síðar
en 10. febrúar eða 15. mars, allt
eftir því hvort við erum launþegar
eða atvinnurekendur.
En lítum nú aðeins á forsendur
útfyllingar skattframtalsins og tök-
um venjulegan launamann sem
dæmi; við skulum kalla hann Jón.
Jón hefur unnið hjá sama atvinnu-
rekanda í fjöldamörg ár, hefur
þokkaleg laun, bílastyrk og dálitla
upphæð fær hann sem dagpeninga
vegna ferða innanlands, sem hann
þarf að sinna vegna starfs síns. Fríða
konan hans Jóns hefur unnið hálfan
daginn við bókhald hjá litlu fisk-
vinnslufyrirtæki og er rúmlega hálf-
drættingur á við Jón í launum. Jón
og Fríða byggðu sér einbýlishús fyr-
ir 25 árum, skulda þessi hefðbundnu
lán; þ.e. húsnæðismálastjómarlán
af gömlu gerðinni, ásamt lífeyris-
sjóðsláni sem Fríðu tókst að kría út
þegar þau keyptu sér jeppann. Jón
hefur aldrei lent í vanskilum og þeim
hjónum hefur yfirleitt tekist prýði-
lega að standa í skilum
með allar afborganir
ásamt gjöldum af hús-
inu og jeppanum.
Sem sagt; fiest ár eru
svipuð hjá þeim hjón-
um, launin berast ör-
ugglega um hver mán-
aðamót, sumarfrí eru
tekin reglulega, jeppinn
notaður til fjallaferða,
yfirleitt er lítið eftir í
buddunni þegar líður
að mánaðamótum, en
þetta bjargast allt.
En eitt af „þessu ár-
lega“, er að fylla út
skattframtalið. Þá sest
Jón niður og flokkar
launaseðla (þeir eru reyndar aðeins
tveir), kvittanir fyrir gjöldum af
húsinu og ekki má gleyma kvittun-
unum fyrir greiðslu afborgana af
lánunum. Næst reiknar Jón út vexti,
dráttarvexti, eftirstöðvar o.fl., allt
eftír reglum sem fram koma á einu
fylgiskjala skattframtalsins. Síðan
skráir Jón samviskusamlega lánin
sín, skuldaeigendur, gjalddaga o.fl.,
á fylgiskjalið, sem reyndar lítur þá
út á mjög svipaðan hátt og árið
áður. Niðurstöðutölur færir Jón síð-
an yfir á skattframtalið. Þá má ekki
gleyma að fylla út dálkinn um „eign-
ir í árslok", og nota til þess tölur
af öðru fylgiskjali skattframtalsins,
þ.e. af „tilkynningu um fasteigna-
mat“.
„Skratti væri nú gott að geta náð
til baka einhveiju af kostnaðinum
við bílinn, jafnvel þó ekki séu til
nótur fyrir öllum viðgerðarkostn-
aði“, hugsar Jón. „Nei, annars," eft-
ir lestur bæklingsins um skattsvik
fellur Jón frá þeirri hugmynd.
„Muna eftir stöðunni á banka-
Er margendurtekinn
innsláttur, spyr Guð-
mundur Gunnarsson,
virkilega nauðsynlegur
í tölvuvæddu nútíma-
þjóðfélagi?
reikningunum um áramótin, það
kom líklega á yfirlitinu frá bankan-
um.“
Að lokum telur Jón sig hafa lokið
við útfyllingu framtalsins, fer yfir
það með Fríðu sinni og þau skrifa
undir, að viðlögðum drengskap.
Er ekki eitthvað að í
ofangreindu dæmi?
Launamaðurinn er að lesa tölur
af pappírum, endurrita þær á aðra
pappíra, og senda að lokum nokkra
pappíra til skattyfirvalda. En hvað
gerist þá? Ætli vinnunni sé lokið?
Það skyldi þó aldrei vera að þá tæki
starfsfólk skattyfirvalda við papp-
írnum og tæki til við að slá tölur inn
í tölvur og gagnagrunna?
Jú, merkilegf nokk, það er ein-
mitt það sem gerist; enn einu sinni
tekur mannlegt auga til við að lesa
tölur af pappír, en í þetta sinn enda
tölurnar í opinberum gagnagrunn-
um. En hvað ætli sé búið að slá
sömu tölurnar oft áður inn í tölvu?
Líklega mörgum sinnum; t.d. var
launaseðillinn frá atvinnurekandan-
um sendur bæði til skattyfirvalda
og launamannsins sjálfs, þannig að
einhver hafði áður slegið inn tölur í
tölvu, því launaseðillinn var jú úr
prentara. Einhver hafði líka áður
slegið inn tölur um fasteignamat,
um stöðu lána, og margt fleira.
Og þar erum við komin að kjarna
málsins: Er þessi margendurtekni
innsláttur upplýsinga virkilega
nauðsynlegur i tölvuvæddu nútíma-
þjóðfélagi? Eru ekki flestar tölur og
upplýsingar til á tölvutæku formi
löngu áður en launamaðurinn fær
skattframtalið til útfyllingar?
Af hveiju er ekki hægt að ganga
þannig frá málum að tölur fyrir laun,
eftirstöðvar (flestra) lána, fasteigna-
mat o.s.frv., séu á skattframtalinu,
áður en það er sent til hins venju-
lega launamanns? Væri þetta gert,
þyrfti launamaðurinn ekki að gera
annað en að fara yfir skattframtalið
og gera athugasemdir, ef einhveijar
væru.
Telja má víst að meirihluti al-
mennra launamanna þyrfti ekki að
gera neitt annað en að undirrita, að
viðlögðum drengskap. Ótrúlegt er
annað en að einhvers staðar í veröld-
inni sé þetta útfært á þennan hátt.
Sanngjarnt er þó að taka fram
að svo virðist sem kerfið gæti tekið
við sér, því nú hefur Húsnæðismála-
stofnun sent viðskiptavinum sínum
yfirlit yfir lánastöðu, og ber að
þakka það. En ætli yfirlitið hafi ver-
ið sent á tölvutæku formi til skattyf-
irvalda? Auðvitað kostar mikið að
„breyta kerfinu" til betri vegar, eins
og hér er fjallað um, en undirritaður
er sannfærður um að sparnaðurinn
í vinnu, tíma, pappír og mörgu öðru
gerir miklu meira en að vega upp
þann kostnað. Að maður tali nú
ekki um þægindin.
Að viðlögðum drengskap,
Höfundur er starfar að fjarskipta-
málum.
Guðmundur
Gunnarsson
Oflugt starf í æskulýðs-,
íþrótta- og tómstundamálum
REYKJAVÍKUR-
LISTINN hefur und-
anfarin tvö ár lagt
áherslu á heildstæða
stefnu til uppbyggingar
æskulýðs- og íþrótta-
mála í borginni. Nú
þegar kjörtímabilið er
hálfnað, hefur Reykja-
víkurlistinn sett mark
sitt á þennan mála-
flokk, þó með nokkuð
öðrum hætti en Sjálf-
stæðisflokkurinn gerði.
í tíð sjálfstæðis-
manna í borgarstjórn
Reykjavíkur voru
æskulýðsmálin aldrei
hátt skrifuð á for-
gangslista þess meirihluta. Núver-
andi meirihluti hefur hins vegar
unnið markvisst að ýmiss konar
brautryðjendastarfi í málefnum
unglinga og má í því sambandi nefna
eflingu Hins hússins. Sú starfsemi
var flutt í hið sögufræga Geysishús
og hefur starfsfólk Hins hússins
unnið gríðarlega gott starf t.d. í
atvinnumálum fólks á aldrinum
18-25 ára. í frumvarpi að fjárhagsá-
ætlun 1996 er gert ráð fyrir áfram-
haldandi framkvæmdum við Geysis-
húsið sem felast m.a. í bættu að-
gengi fatlaðra.
Á síðastliðnu ári var samþykkt í
fyrsta skipti vímuvarnarstefna
Reykjavíkurborgar. í kjölfarið var
skipaður vinnuhópur sem á að sam-
ræma aðgerðir stofnana og sjá um
að stefnunni sé framfylgt. Málefni
miðbæjarins hafa einnig mikið verið
til umræðu og af hálfu borgaryfir-
valda var farið af stað með sérstakt
átak sem beindist að
því að fækka komum
barna og unglinga und-
ir lögaldri í miðbæinn
að næturlagi. Þarna
hefur náðst nokkur
árangur og dregið hef-
ur úr fjölda ungs fólks
undir lögaldri í mið-
bænum að nóttu til.
Upp á síðkastið hefur
fíkniefnaneysla barna
og unglinga verið mikið
til umræðu og hefur
borgarráð nýlega sam-
þykkt að fara af stað
með fræðsluátak í efstu
bekkjum grunnskóla.
ÍTR hefur einnig haft
frumkvæði að því að skipuleggja svo-
kallaða jafningjafræðslu sem hefur
verið til umræðu að undanfömu.
I umræðum um vanda þann sem
fylgir fíkniefnanotkun hefur komið
fram það sjónarmið að besta for-
vörnin sé fólgin í því að efla starf-
semi íþróttafélaga. Þó íþróttafélög
henti mörgum unglingum vel, veiti
aðhald og stuðning þá er samt mik-
ill fjöldi unglinga sem ekki hefur
áhuga á íþróttum. Þessi mál verður
að skoða í heildarsamhengi við t.d.
hvaða fræðslu og tómstundatilboð
boðið er upp á í skólum og í hverfun-
um sjálfum. Ég vil í þessu sambandi
nefna Mótorsmiðjuna, sem er sam-
starfsverkefni milli ÍTR, Félags-
málastofnunar og lögreglu. Þarna
er kominn staður fyrir þá unglinga
sem hafa áhuga á mótorhjólum og
þeir starfa þarna með leiðbeinendum
á vegum borgarinnar og hverfalög-
reglunni í Grafarvogi.
Núverandi meirihluti
hefur unnið markvisst
að ýmiss konar braut-
ryðjendastarfi í málefn-
um unglinga, segir
-
Steinunn V. Oskars-
dóttir, og má í því sam-
bandi nefna starfsemi
Hins hússins, Mótor-
smiðjuna, miðbæjarmál-
in og samþykkt vímu-
varnarstefnu.
Uppbygging í Grafarvogi
Grafarvogurinn hefur byggst
hratt upp á liðnum árum og barna-
og unglingafjöldi eykst þar jafnt og
þétt. I fjárhagsáætlun 1996 er gert
ráð fyrir sérstökum stuðningi við
félags- og tómstundastarf í Rima-
og Engjahverfi þar sem börnum og
unglingum hefur fjölgað mjög mikið.
Grafarvogsbúar eiga einnig von á
því að á næsta ári verði byijað á
byggingu nýrrar almennings- og
kennslulaugar við íþróttamiðstöðina
í Grafarvogi. Vonast ég til að hún
verði tekin í notkun eigi síðar en í
árslok 1997.
Aðrar framkvæmdir í
íþróttamálum
Af öðrum framkvæmdum á sviði
íþróttamála má nefna golfvöllinn við
Korpu, en á grundvelli samnings sem
borgaryfirvöld gerðu við Golfklúbb
Reykjavíkur á síðasta ári standa nú
yfir miklar framkvæmdir við völlinn.
Samkvæmt því frumvarpi til fjár-
hagsáætlunar Reykjavíkurborgar
sem nú liggur fyrir eru um 212
milljónir samningsbundnar til fram-
kvæmda við íþróttamannvirki
íþróttafélaganna í borginni. Á árinu
1996 verður bætt við 15 milljónum
og er stór hluti þeirrar upphæðar
hugsaður til að gera samning um
framtíðaruppbyggingu stærsta
íþróttafélags borgarinnar, KR. I
þessu sambandi má einnig nefna
viðræður sem borgaryfirvöld eiga
nú í við Þrótt um flutning félagsins
í Laugardalinn og viðræður við
íþróttafélagið Ármann um uppbygg-
ingu við Engjahverfi í Grafarvogi.
Á vegum ITR hefur verið starf-
andi vinnuhópur sem skoðað hefur
möguleika á yfirbyggingu skauta-
svells og er niðurstöðu að vænta fljót-
lega.
Auk þess sem að framan er talið
mætti nefna nætursund í Sundhöll-
inni, sem hefur mælst gríðarlega vel
fyrir, úttekt á stöðu kvenna innan
íþróttafélaganna og margt fleira.
I þessum málaflokki hefur átt sér
stað öflugt starf síðastliðin tvö ár
þar sem áhersla hefur verið lögð á
markvissa uppbyggingu í æskulýðs-,
tómstunda- og íþróttamálum.
Höfundur er borgarfulltrúi og
formaður ÍTR.
Steinunn V.
Óskarsdóttir
Bílamarkaöurinn
Smiðjuvegi 46E
v/Reykjanesbraut.
Kopavogi, simi
567-1800 ^
Löggild bílasala
Suzuki Sidekick JLXi 16v '93, 5 dyra,
hvítur, 5 g., ek. aðeins 38 þ. mílur, rafm.
í rúðum, samlæsingar, álfelgur, upphækk-
aður, ABS bremsur. V. 1.690 þús.
V.W. Golf 1.4 ici station '94, blár, 5 g.,
ek. 32 þ. km. rafm. í rúðum, dráttarkúla
o.fl. V. 1.150 þús.
MMC Pajero GLS Turbo m/lnterc. ’95,
m/mæli, blár, 5 g., ek. aðeins 8 þ. km.,
upphækkaður, 33“ dekk o.fl. Talsvert
breyttur. Sem nýr. V. 2,5 millj.
Grand Cherokee Limited V-8 '94, ek. 15
þ. km., grænsans., einn með öllu, gullfal-
legur bíll. V. 3.950 þús.
Dodge Aries LE 2ja dyra '87, sjálfsk., ek.
96 þ. km. V. 390 þúsþ Tilboð: 290 þús.
Mazda 626 GLX 2.0 '91, steingrár, 5 g.,
ek. 69 þ. km., rafm. í rúðum, álfelgur, 2
dekkjagangar o.fl. Tilboðsv. 990 þús.
Toyota Hilux D. Cap m/húsi '94,2.4 bens-
ín, 5 g., ek. 30 þ. km., 33“ dekk, bretta-
kantar o.fl. V. 2,2 millj.
Willys Koranda 2.3 diesil (langur) '88, 5
g., ek. aðeins 30 þús. km. V. 980 þús.
Nissan Sunny SKX 4x4 '91, rauður, 5 g.,
ek. aðeins 35 þ. km., rafm. í rúöum, spoil-
er o.fl. V. 1.030 þús.
Toyota Corolla Touring GLi '93, vínrauð-
ur, ek. 42 þ. km., rafm. í rúðum, dráttar-
krókur, 2 dekkjagangar o.fl. V. 1.350 þús.
Sk. ód.
Cherokee Pioneer 4.0L '87, 5 dyra, blár,
sjálfsk., ek. 110 þ. km., rafm. í rúðum o.fl.
Gott ástand og útlit. V. 1.190 þús.
M. Benz 250 T., diesel, station '86,
sjálfsk., ek. 296 þ. km. Gott ástand.
V. 1.650 þús.
Nissan Sunny Sedan SLX 1.6 '93, hvítur,
5 g., ek. 50 þ. km., rafm. í rúðum, hiti í
sætum o.fl. V. 1.030 þús.
Volvo 740 GL '87, rauður, 5 g., ek. 103
þ. km. V. 750 þús.
Subaru Legacy 1.8 station '90, sjálfsk.,
ek. 98 þ. km. V. 1.080 þús.
BMW 316 '88, 4 dyra, vínrauður, 5 gíra,
ek. aðeins 54 þ.km. Toppeintak. V. 690
þús. Sk. ód.
Chevrolet Van '87, húsbíll, gott eintak.
Tilboðsv. 690 þús.
Ford Bronco II XL '88, 5 g., ek. 93 þ.
Gott eintak. V. 990 þús.
Lada Samara 1500 '90, 3 dyra, grár, 5
g., ek. 80 þ.
MMC Lancer EXE '91, hlaðbakur, sjálfsk.,
ek. aðeins 11 þ.km. Einn m/öllu. V. 940
þ. stgr.
Mazda 323 F GLX '90, rauður, 5 dyra,
sjálfsk., ek,. 87 þ. km., rafm. í rúðum,
spoiler o.fl. Góður bfll. V. 790 þús.
V.W. Vento GL 2.0 '93, blár, 5 g., ek. 40
þ. km., sóllúga, álfelgur o.fl. V. 1.380 þús.
Ath.: Tilboðsverð
á fjölda bifreiða.