Morgunblaðið - 18.02.1996, Blaðsíða 18

18 SUNNUDAGUR 18. FEBRÚAR 1996
MORGUNBLAÐIÐ
Kastljósi beint
að Geirfinnsmálinu á ný
Geirfinni og sagði að hann mætti
eiga peningana ef hann vísaði á
spírabirgðirnar. Geirfinnur hélt á
peningunum augnablik en henti
þeim síðan í framsætið.
Þegar hér var komið sögu var
bíllinn kominn í Dráttarbrautina.
Stigu nú allir út og vildi Geirfinnur
komast á brott. Ekki vildu þeir
Guðjón, Sævar og Kristján sleppa
honum við svo búið og hófust slags-
mál sem mögnuðust stig af stigi.
Veittust þeir þrír að Geirfinni með
þeim afleiðingum að hann beið
bana. Ekki verður atlögunni nánar
lýst hér.
Samkvæmt tímamælingum lög-
reglu hefur klukkan líklega verið
að nálgast 23 þegar hér var komið
sögu. Sendibílstjóranum var nú sagt
að fara heim en hann varð ekki
vitni að þeim atburðum sem að
framan er lýst. Erlu var sagt að
fara heim á „puttanum" en hún
svaf um nóttina í veiðarfæra-
geymslu þarna skammt frá en fékk
far með tveimur bílum til Reykja-
víkur morguninn eftir. Fundust
báðir bílstjórarnir og staðfestu
framburð sinn fyrir dómi.
Kristján Viðar, Sævar og Guðjón
héldu hins vegar með lík Geirfinns
til Reykjavíkur í Volkswagenbif-
reiðinni. Var lík hans vinstra mégin
í aftursætinu og kápu Erlu vafið
um höfuð þess. Lík Geirfínns var
geymt á trébekk í kjallarageymslu
við Grettisgötu, þar sem Kristján
Viðar bjó. Fimmtudaginn 21. nóv-
ember fluttu Kristján Viðar, Sævar
og Erla líkið á Land-Roveijeppa upp
í Rauðhóla fyrir ofan Reykjavik,
þar sem þau grófu það. Áður höfðu
þau hellt yfír það benzíni og kveikt
í. Mikil leit var gerð í Rauðhólum
en lík Geirfinns fannst aldrei.
„Martröð er létt af þjóðinni“,
voru orð Ólafs Jóhannessonar
dómsmálaráðherra í Morgunblaðinu
daginn eftir blaðamannafundinn í
Borgartúni 7.
Sakborningar drógu
fátningarnar til baka
Eftir að ákæra var gefin út á
hendur sakborningum í Geirfinns-
málinu 1977 drógu þeir játningar
sínar til baka. Fyrstur tií þess varð
Kristján Viðar. Hinn 6. júlí 1977
lét hann bóka að hann hafí aldrei
komið til Keflavíkur og vissi ekkert
um afdrif Geirfinns. „Eg er hættur
að taka þátt í þessum skrípaleik,"
lét hann bóka eftir sér.
Hinn 13. september 1977 snéri
Sævar frá fyrri framburði og lét
bóka að allur framburður hans í
málinu væri rangur. Hann kannað-
ist ekkert við hvarf Geirfinns.
Framburður hans hafi þróast með
lögreglunni og hann hafi aðeins
staðfest sögusagnir hennar.
Hinn 11. janúar 1980, aðeins
nokkrum dögum áður en málflutn-
ingur Geirfinnsmálsins hófst í
Hæstarétti, dró Erla Bolladóttir
framburð sinn til baka. „Ég hef
þroskast", sagði Erla þegar ríkis-
saksóknari spurði hana um ástæð-
una.
Loks gerðist það um síðustu helgi
að Guðjón Skarphéðinsson dró til
baka framburð sinn í Geirfinnsmál-
inu nærri tveimur áratugum eftir
að hann var gefinn. Ákæruvaldið
hafí búið til sögu um afdrif Geirf-
inns Einarssonar, sem hann hafi á
þeim tíma fallist á að væri rétt.
Þrýstingur á sig um að upplýsa
málið og vafasamar rannsóknarað-
ferðir hafi átt mestan þátt í því að
hann játaði, sagði Guðjón.
Umboðsmenn
Akureyrí, RadJónaust
Akranes, Hijómsýn, Byggingahúsió
Blónduós, Kf Húnvetninga
Bolungarvík, Laufið
Borgarnes, Kf Borgfirðinga
Búðardalur, Einar Stefánsson
Djúpivogur, K.A.S.K.
Drangsnes, Kf Steingrimsfjaröar
Egilsstaðír, Kf Héraðsbúa.
Eskifjðrður, Elís Guðnason
Fáskrúðsfjórður, Helgi Ingason
Flateyrí, Bjórgvín Pórðarson
Grindavík. Rafborg
Grundafjörður, Guðni Hallgrímsson
Hafnarfj., Raftaekjav. Skúla Pórss., Rafmætti
Hella, Mosfell
Hellísandur, Blómsturveflir
Hólmavík, Kf Steingrímsfjarðar
Húsavfk, Kf Þingeyinga, Bókav. P. Stefánss.
Hvammstangl, Kf Vestur- Húnvetnlnga
Hvolsvöllur. Kf Rangæinga
Hðfn Hornafirði, KÁt.S.K.
ísafjörður, Póllinn
NesKaupsstaöur, Verslunin Vlk
Ólafsfjðrður, Valberg, Radíóvínnustofan
Patreksfjóröur, Rafbúð Jónasar
Reyöarfjörður, Kf Héraðsbúa
Sauðárkróki, Kf Skagfirðinga
Selfoss, Rafsel
Siglufjóröur, Aðalbúðin
Vestmanneyjar, Eyjaradíó
Þorlákshöfn, Rás
Þórshöfn, Kf Langnesinga
Vopnatjöröur. Kf Vopnfirðinga
Vík I Mýrdai, Kf Árnesinga Kfakkur
WHIRP00L
ÞVOTTAVÉL AWGT29
• 120 - 900 snúninga vinda
• 21 prógramm, þ.á.m.
sérstakt ullarprógram
• Sparnaðarrofi
• 2 stuttkerfi
• Þyngdarskynjari
• Mjög hljóðlát
Verð:
65.600
AWG727 800 snúninga
Verð: 59.000
Sæhska neytendablaðið
Forbruker valdi þessa
þvottavél "BEST I TEST"
sem þýðir að þú færð
afbragðs vöru fyrir
lágmarks pening.
L E IffoT’rrrtfl
m AU7 AB M MÁNAÐA
Heimilistæki hf
SÆTÚN8 SÍMI 569 1500
Umboösmenn um land allt.
DRÁTTARBRAUTIN i Keflavik, þar sem Geirfinnur
á að hafa látió lífió ef tir átök.
GEIRFINHSMALIÐ VAR OFARLEGA
í ÞJÚÐFÉLAGSUMR/EÐUHNI Á SÍHUM TÍMA

Orrahríó
á Alþingi .
GEIRFINNSMÁLIÐ var oft í
opinberri umræðu eins og
nærri má geta. Aldrei varð hvellur-
inn hærri en í byrjun febrúar 1976,
þegar málið barst inn í sali Alþingis.
Upphaf málsins var það að Vil-
mundur Gylfason ritaði grein í Vísi
30. janúar. Vitnað var í greinina á
forsíðu blaðsins undir
fyrirsögninni „Alvar-
legar ásakanir á hend-
ur dómsmálaráðuneyt-
inu: Sakað um að hefta
rannsókn Geirfinns-
málsins."
í greininni segir Vil-
mundur að þegar
rannsókn Geirfinns-
málsins stóð yfir hafi
dómsmálaráðuneytið
sent bréf til lögregl-
unnar í Keflavík sem
þar hafi verið skilið á
þann veg, að hætta
ætti rannsókn á til-
teknum manni tengd-
um Klúbbnum, sem
var til skoðunar. Enn-
fremur sagði Vilmundur að Óiafur
Jóhannesson dómsmálaráðherra
hafi beitt sér fyrir því að Klúbbur-
inn hafi fengið heimild til áfengis-
sölu eftir að hann hafi verið sviptur
leyfinu af lögreglustjóra vegna
gruns um ólöglega áfengissölu.
Leiðir Vilmundur getum að tengsl-
um Klúbbsins og Framsóknar-
flokksins, en Ólafur var formaður
hans.
Sighvatur Björgvinsson tók málið
upp utan dagskrár í neðri deild
Alþingis 2. febrúar og gerði grein
Vilmundar að umtalsefni. Ólafur
Jóhannesson svaraði Sighvati og
var þungorður. Hann sagði að af-
skipti dómsmálaráðuneytisins af
málefnum Klúbbsins hafi verið full-
komlega eðlileg. Þá sagði Ólafur
að hann hefði alls ekki heft rann-
sókn Geirfinnsmálsins, þvert á móti
hafi hann beitt sér fyrir íjölgun
rannsóknarmanna og gert ýmsar
aðrar ráðstafanir til að flýta rann-
sókninni.
Málaferli vegna
mafiuummæla
Ólafur Jóhannesson sagði að
mennirnir sem að Vísi stæðu bæru
ábyrgð á þeim rógsskrifum sem þar
birtust um hann og aðra „og hef
ég leyft mér að kalla þann virðu-
lega hóp mafíu“. Vegna þessara
ummæla stefndu Þorsteinn Pálsson,
þáverandi ritstjóri, og þrír af fimm
stjórnarmönnum Vísis Ólafi. Tveir
stjórnarmanna undirrituðu ekki
kæruna. Annar þeirra, Gunnar
Thoroddsen, þáverandi félagsmála-
ráðherra, birti yfirlýsingu, þar sem
hann sagðist hafa skömm á skrifum
Vísis um dómsmálaráðherra. Dóm-
ur féll í málinu í marz. Þar voru
ummæli Ólafs dæmd ómerk og
hann dæmdur til að greiða máls-
kostnað, 20 þúsund krónur.
í ræðu sinni á Alþingi var Ólafur
Jóhannesson harðorður í garð Vil-
mundar Gylfasonar og sagði hann
verkfæri í annarra manna höndum.
„Ég hef nú ekki ætlað
mér að nota þennan |
dag til þess að skjóta i
á þúfutittlinga," sagði
Ólafur í ræðu sinni.
Var hann að vísa til
þess að 2. febrúar, níu
árum áður, hafði hann
misst son sinn úr alvar-
legum sjúkdómi. Það
er athyglisvert að ná-
kvæmlega ári síðar, 2. .
febrúar 1977, hélt Karl
Schútz hinn fræga
blaðamannafund, þar
sem hann tilkynnti að
Geirfinnsmálið væri
upplýst. Fundinn átti
að halda 1. febrúar, en
boð komu frá dóms-
málaráðuneytinu að fundinum
skyldi frestað um einn dag.
Tilfinngar ráói
ekki feróinni
í leiðara Morgunblaðsins 3. |
febrúar 1976 segir orðrétt: „í |
stjórnmálum gildir það sama og við
skipstjórn. Þegar öldur rísa og boð-
ar brotna þurfa skipstjórnarmenn
að sýna hæfni og æðruleysi. Á ýf-
ingatímum eins og þeim, sem nú
ganga yfir landið, hlýtur sú krafa
að verða gerð til þeirra, sem í for-
ystu eru, að þeir fari að öllu með
gát og láti ekki tilfinningar sínar ,
og annarra ráða ferðinni.
Á þetta er minnzt hér af augljós-
um ástæðum, enda hefur Morgun-
blaðið gert þær kröfur til sjálfs sín,
að láta ekki tilfinningahita hlaupa
með sig í gönur, en vegið og metið
staðreyndir stjórnmála af kaldri
skynsemi. Enda þótt á ýmsu hafi
gengið í innanlandsmálum undan-
farna daga og úfar risið með mönn-
um og flokkum vegna ummæla um
Ólaf Jóhannesson dómsmálaráð-
herra og ummæla hans um þá, sem
á hann hafa ráðizt, er ekki ástæða
til að hlaupa upp til handa og fóta
og fella endanlega dóma, heldur
ættu menn að kynna sér rækilega
öll rök og fullyrðingar með og móti
og reyna svo sjálfir að mynda sér
skoðun á þeim forsendum sem fyrir
liggja. Morgunblaðið hefur birt
heimildir þessa máls og vill með því
gefa lesendum sínum tækifæri til
að fylgjast sem bezt með því. Þann-
ig telur blaðið sig bezt gegna því
hlutverki sínu að vera langstærsta j
blað landsins og mæta þeim kröfum 1
sem til þess eru gerðar sem slíks.“
Ólafur Jóhannesson.