Morgunblaðið - 23.03.1996, Blaðsíða 15

MORGUNBLAÐIÐ
VIÐSKIPTI
LAUGARDAGUR 23. MARZ 1996 15
Verð fjölbýlisíbúða
á niðurleið
Lækkaði um
3,5% íjanúar
Kemur ofan á 8,3% lækkun á síðasta ári
RAUNVERÐ íbúðarhúsnæðis hefur
haldið áfram að lækka á þessu ári
og var verðið í janúar 3,5% lægra
en meðalverð á síðasta ári. Meðal-
verð ársins 1995 var aftur á móti
8,3% lægra en meðalverð ársins
1994, samkvæmt því sem fram
kemur í Hagvísum Þjóðhagsstofn-
unar.
Að sögn Þórðar Friðjónssonar er
hér einungis miðað við verðlag á
íbúðum í fjölbýli og því kemur verð-
þróunin á stærri eignum þar ekki
við sögu. „Við vitum að verð á
stærri eignum hefur lækkað tölu-
vert á undanförnum árum en við
höfum hins vegar ekki jafn ná-
kvæma mynd af verðþróun þeirra
á undanfömum misserum," segir
Þórður.
í Hagvísum kemur fram að vart
hafi orðið aukinnar eftirspurnar
eftir íbúðarhúsnæði það sem af er
þessu ári en hækkun íbúðaverðs sé
þó ekki í augsýn.
íbúðabyggingar að aukast
Húsnæðisstofnun samþykkti rúm-
lega 8% færri skuldabréfaviðskipti
til einstaklinga vegna nýbygginga
íbúðarhúsnæðis á fyrstu tveimur
mánuðum þessa árs, miðað við sama
tímabil í fyrra. Á öllu árinu í fyrra
nam fækkunin 8,5% miðað við árið
1994. Hins vegar hefur orðið vart
við fjölgun umsókna vegna nýbygg-
inga upp á síðkastið, bæði frá ein-
staklingum og byggingaraðilum, og
má því ætla að íbúðarbyggingar
aukist nokkuð á næstunni.
Raunverð íbúðarhúsnæðis
á höfuðborgarsvæðinu
(verð á fermetra í fjölbýli)
1 Vísitala, 1990 = 100
Borgarstjóri segir staðsetningu nýrra
apóteka ekki mál borgarráðs
Heilbrigðisyfir-
valda að móta
slíkar reglur
BORGARYFIRVÖLD munu ekki
setja sig gegn umsóknum þeirra
aðila sem hyggjast opna nýjar lyfja-
verslanir í Reykjavík svo fremi sem
staðsetning þeirra verslana brjóti
ekki gegn aðalskipulagi borgarinn-
ar. Að sögn Ingibjargar Sólrúnar
Gísladóttur, borgarstjóra, mun
borgin því ekki skipta sér af íbúa-
íjölda að baki nýju apóteki eða stað-
setningu þess að öðru leyti.
„Þetta mál er lyijapólitískt mál
og við teljum að það sé heilbrigðis-
ráðuneytisins að móta stefnuna í
slíkum málum,“ segir Ingibjörg.
„Áður en við getum farið að velja
og hafna slíkum umsóknum þyrfti
ráðuneytið að setja reglur um það.
Að öðrum kosti förum við bara eft-
ir landnotkun."
Borgarráð fékk fyrstu umsókn-
irnar til umsagnar sl. þriðjudag eft-
ir gildistöku þeirra ákvæða lyfja-
laga sem opnuðu fyrir möguleikann
á stofnun nýrra apóteka. Var um-
sóknunum í framhaldinu vísað til
borgarlögmanns til nánari athugun-
ar. Ingibjörg segir að þetta hafi
verið gert þar sem um hafi verið
að ræða fyrstu afgreiðslu á slíkum
umsóknum og borgarráð hafí því
viljað móta grundvallarafstöðu í
þessu máli.
Ingibjörg segir að niðurstaða
borgarlögmanns liggi nú fyrir og
sé hún á þá leið að borgin muni
ekki skipta sér af staðsetningu
nýrra apóteka nema hvað varðar
það skilyrði að þau séu staðsett á
verslunarsvæðum samkvæmt aðal-
skipulagi Reykjavíkurborgar. Hún
segist því gera ráð fyrir því að borg-
arráð afgreiði umsóknirnar á fundi
sínum á þriðjudag í samræmi við
þessa niðurstöðu borgarlögmanns.
Stefnt að opnun Lyfju 30. mars
Fyrsta nýja apótekið sem verður
opnað eftir gildistöku þessara
ákvæða er Lyfja hf. í Lágmúla. Til
stóð að opna apótekið í gær en þar
sem lyfsöluleyfi lá ekki fyrir í tæka
tíð var opnuninni frestað. Að sögn
Róberts Melax, annars eigenda
Lyfju, er nú áætlað að opna næst-
komandi laugardag, þ.e. 30. mars.
Hann segir að lyfjaeftirlitið hafí
þegar tekið húsnæði apóteksins út
og gefið grænt ljós á opnun þess
fyrir sitt leyti. Nú sé aðeins beðið
afgreiðslu málsins hjá borgarráði
og leyfisveitingu heilbrigðisráðu-
neytisins í kjölfarið. Að því gefnu
að afgreiðsla umsóknarinnar gangi
skjótt fyrir sig ætti því markmið
um opnun 30. mars að ganga upp.
ÚRVERINU
Látið úr höfn
GUNNAR Hvanndal og Árni Sigurðsson Grímseyingur eru
búnir að greiða niður og bíða eftir að láta megi úr höfn.
Nýr fundur um stöðu
þorskstofnsins við Island
FISKIFÉLAG Íslands mun efna til
nýs fundar í fundaröð um stöðu
þorskstofnsins við íslands næstkom-
andi mánudagskvöld á Hótel Sögu.
Frummælendur verða Kristinn Pét-
ursson, fiskverkandi, Þórólfur Ant-
onsson, náttúrufræðingur, og Jón
Gunnar Ottósson, náttúrufræðingur.
í fréttatilkynningu frá Fiskifé-
laginu kemur fram að ástæðan fyr-
ir því að efnt sé til fundar að þessu
sinni sé sú að landburður af fiski
sé við Suðurland svo og mikil fisk-
gengd allt umhverfis landið. Þá
standi yfir hið árlega „togararall"
Hafrannsóknastofnunarinnar.
Fyrsti fundur í röðinni var hald-
inn á Hótel SÖgu í síðasta mánuði,
en þar var Gunnar Stefánsson, for-
maður fiskveiðiráðgjafarnefndar
Hafrannsóknastofnunarinnar,
frummælandi.
Marel hf. á sjávaraf-
urðasýningu í Boston
Aldrei geng-
ið betur
MAREL hf. tók þátt í sjávarafurða-
sýningu í Boston í síðustu viku. Pét-
ur Guðjónsson, markaðsstjóri fyrir-
tækisins, segir að þetta sé stærsta
sýning á sínu sviði í heiminum og
hann er mjög ánægður með þann
árangur sem náðist. „Þetta er í tí-
unda skipti sem við sýnum á þessari
sýningu," segir hann. „Fyrir okkur
verður hún alltaf betri og betri og
aldrei betri en nú.“
Hann segir að þarna séu um 20%
af sölubásunum með tæki. Mjög mik-
ið af viðskiptavinunum séu aðrir sýn-
ingaraðilar, en einnig séu gestir stór
hluti. „Þetta er mjög sterk sýning
fyrir okkur,“ segir hann. „Venjulega
býst maður ekki við að selja á sýning-
um, en þarna seldum við flokkara,
skurðarvél og skipavogir.“
Gengið var frá sölu á tækjum frá
Marel að verðmæti um 20 milljónir
króna á sýningunni. Pétur segir að
hún eigi svo eftir að skila sér í áfram-
haldandi sölu alveg fram að næstu
sýningu. Nú þurfi að vinna úr öllum
þeim fyrirspurnum sem hafí borist.
Á vegum Marels á sýningunni
voru fimmtán manns. Auk þeirra sem
komu frá íslandi voru menn frá dótt-
urfyrirtækjum Marels í Seattle og
Kanada og umboðsmenn í Noregi.
Pétur hélt svo utan í gær á aðra
sýningu í Englandi sem haldin verður
í næstu viku. „Þetta er í fyrsta skipti
sem við tökum þátt í henni, en það
er sýning sem haldin er annað hvert
ár í Birmingham," segir hann. „Hún
er mjög stór á sínu sviði og er með
tæki fyrir kjöt-, kjúklinga-, fisk- og
bökunariðnað."
■ ’