Morgunblaðið - 21.04.1996, Blaðsíða 8
8 SUNNUDAGUR 21. APRÍL 1996
MORGUNBLAÐIÐ
FRÉTTIR
Morgunblaðið/Ámi Sæberg
Blóðugar móttökur
Forsetinn
í Japan
FORSETI íslands, Vigdís
Finnbogadóttir, er stödd í
Japan í boði Saitamafylkis
og Japansk-íslenska vinafé-
lagsins. Forseti heldur aðal-
ræðu á alþjóðlegu kvenna-
ráðstefnunni „Global Forum
on Women Creating the Fut-
ure“ (Ráðstefna um framtíð-
arsýn kvenna), sem setja átti
formlega í gær, laugardag, í
Omiya í Saitama.
Fylkisstjóri Saitama,
Tsuchiya, stendur fyrir ráð-
stefnunni en Tsuchiya er
þekktur stjómmálamaður í
Japan og var síðast forseti
öldungadeildar japanska
þingsins. Tsuchiya er mikill
Islandsvinur. Um þessar
mundir fagnar Japansk-
íslenska vinafélagið 5 ára
afmæli og verður haldið upp
á það í tengslum við komu
forseta til Japans. Meðal ann-
ars syngur Sigrún Hjálmtýs-
dóttir við undirleik Önnu
Guðnýjar Guðmunsdóttur á
afmælishátíð félagsins í
Tókýó nk. þriðjudag.
í fréttatilkynningu foreta-
skriftofunnar segir, að forseti
íslands sé væntanlegur aftur
heim á sumardaginn fyrsta,
25. apríl..
MÓTTÖKURNAR sem farfugl-
arnir fá eru mismunandi og það
getur verið dýrkeypt að vera álft
og tylla sér eftir langt ferðalag.
Það fengu þær að reyna álftirnar
þijár sem hafa legið dauðar á
FYRIRHUGUÐ frestun fram-
kvæmda við tvöföldun akbrauta í
Ártúnsbrekku er talin geta valdið
mikilli slysahættu. Um er að ræða
framhald framkvæmdanna, sem nú
standa yfir. Af þessu tilefni sam-
þykkti Umferðarnefnd Reykjavíkur
bókun frá Ólafi F. Magnússyni
borgarfulltrúa Sjálfstæðisflokksins
þann 21. mars sl.
Þar er þeim tilmælum beint til
borgaryfirvalda að þau reyni að
hafa áhrif á að nægilegt fé verði
veitt til þjpðvegaframkvæmda í
Reykjavík. Á fundi borgarstjórnar
á fimmtudagskvöld sagðist Ölafur
hafa miklar áhyggjur af þessu
máli og óttast stóraukna slysatíðni
í Ártúnsbrekku. Hann spurði borg-
arstjóra hver viðbrögð yrðu við til-
mælum umferðarnefndar.
túni við Signýjarstaði í Hvítár-
síðu síðustu daga. Eins dauði er
annars brauð og vargar hafa
gætt sér á iðrum og augum álft-
anna þriggja. Álftin er alfriðaður
fugl í íslensku dýraríki.
Ingibjörg Sólrún Gísladóttir
borgarstjóri svaraði því til að borg-
aryfirvöld hefðu allt frá því á síð-
asta ári reynt að hafa áhrif á þá
fjármuni, sem veitt er til vegagerð-
ar á höfuðborgarsvæðinu og í
Reykjavík sérstaklega. Hún sagði
hins vegar niðurskurð á fjárlögum
Alþingis til vegamála og sérstaks
átaksverkefnis koma verst niður á
höfuðborgarsvæðinu. Hún líkti
ástandinu eins og það yrði í Ártúns-
brekkunni við einbreiðar brýr út á
landi, þar sem breiður vegur þreng-
ist snögglega.
Árni Sigfússon oddviti D-listans
varpaði fram þeirri hugmynd hvort
óska ætti eftir því að núverandi
endurbætur á Ártúnsbrekkunni
yrðu ekki teknar í notkun fyrr en
framhaldinu væri einnig lokið.
Artúnsbrekka
Óttast stóraukna
slysatíðni
/
/
// //.
//
//
//
//
30%- 70% afaláttur!
ÚTSALA
ÚTSALA
ÚTSALA
ÚTSALA
ÚTSALA
/
/
//
/
/
/
Útialan hept rnánudag 22. og otendur til 30. apríl.
V
EGGERT
jcbhkíYi
Sími 551 1121
Forstöðumaður skóla-
skrifstofu Eyþings
Sex umsókn-
ir bárust
Akureryri. Morgunblaðið
SEX umsóknir bárust um starf for-
stöðumanns Skólaskrifstofu Eyþings,
samtaka sveitarfélaga í Eyjafirði og
Þingeyjarsýslum.
Umsækjendur eru Amar Sverris-
son, sálfræðingur, Akureyri, Hólm-
fríður Bára Bjamadóttir, sálfræðing-
ur, Reykjavík, Jón Baldvin Hann-
esson, skólastjóri, Akureyri, Karl Er-
lendsson, skólastjóri, Glæsibæjar-
hreppi, Kristján Már Magnússon, sál-
fræðingur, Ákureyri og Sigurður R.
Símonarson, kennari, Svíþjóð.
Fjallað var um umsóknimar á fundi
skólaráðs Eyþings nú í vikulokin og
ákveðið að kalla hluta umsækjenda
til viðtals. Stefnt er að því að sögn
Hjalta Jóhannessonar að ráða í stöð-
una sem fyrst. Skólaskrifstofa Ey-
þings verður í húsnæði við Glerárgötu
26 á Akureyri, þar sem starfsemi
fræðslu- og félagsmálasviðs er til
húsa. Auk þess verður rekið útibú frá
skrifstofunni á Húsavík. Alls verða í
byijun níu stöðugildi á skólaskrifstof-
unni, en eitt bætist við síðar.
Möguleikar akstursíþrótta miklir
Neikvæð við-
brögð yfirvalda
eru vonbrigði
Morgunblaðið/Gunnlaugur Rögnvaldsson
BragiBragason
Mikill uppgangur er
í heimi aksturs-
íþróttamanna -
hérlendis og helst ber að
nefna það að íslenska tor-
færan verður sýnd á sjón-
varpstöðinni Eurosport í
allt sumar. Þá er LÍA í
samningarviðræðum við
japanska ríkissjónvarpið
og hefur aðstoðað fjöl-
marga blaðamenn og
þáttagerðarmenn varðandi
kynningu á landinu og
akstursíþróttum. Alþjóð-
arallið sem verður hérlend-
is í september hefur kveikt
áhuga margra þekktra
ökumanna erlendis, eftir
kynningu á Eurosport. _En
framkvæmdastjóri LÍA,
Bragi Bragason telur
skorta skilning yfirvalda á
því hve mikið er í húfi
varðandi þessar íþrótta-
greinar hérlendis og
hveiju þær hafi þegar skilað lands-
mönnum.
„Við höfum fengið fjölda fyrir-
spurna frá útlöndum, bæði frá
atvinnumönnum og áhugamönn-
um í ýmsum löndum Evrópu við-
víkjandi alþjóðarallinu hérlendis í
haust og torfærunni. Ég vonast
til að 10-12 bílar komi frá útlönd-
•um, í það minnsta, sem þýðir
100-150 manns og tilheyrandi
gjaldeyristekjur fyrir þjóðarbúið,"
sagði Bragi.
Mikið hefur verið um að vera
hjá LÍA eftir að Eurosport sýndi
þátt um íslenskar akstursíþróttir
fyrir skömmu auk stöðugra end-
urbirtinga BBC á þætti um ísland
og akstursíþróttir. Þessa dagana
er LIA að semja við stærstu sjón-
varpsstöð Japans um aðstoð vegna
gerð fimm þátta um ísland, m.a.
um akstursíþróttir. í næstu viku
fara fram upptökur á torfæruefni
fyrir enska þáttinn Lonely Planet,
sem sýndur er í 22 löndum, m.a.
á íslandi í gegnum Discovery
Channel.
„Ég hef trú á að 60-70 milljón-
ir manna muni fylgjast með tor-
færunni á Eurosport í ár. Þrátt
fyrir þessa og aðra kynningu sem
landið fær fáum við grátlega litlar
undirtektir hjá íslenska ríkinu,
fyrirtækjum og sveitarfélögum.
Fólk verður að vakna fyrir mögu-
leikunum, sem þessi kynning býð-
ur upp á. Það voru lagðar 20 millj-
ónir króna í heimsmeistaramótið
í handbolta í sértæka kynningar-
starfsemi. Við erum að vinna í að
fá margfalt meira áhorf til margra
ára og fáum lítil eða engin við-
brögð. Það eru geysileg vonbrigði
að fá þessi neikvæðu viðbrögð.
Þáttur sem við aðstoðuðum við í
fyrra hefur margsinnis verið end-
ursýndur á BBC um allan heim,
fyrir tugmilljónir áhorfenda. Ég
veit ekki hvað þarf til
að sannfæra þá sem
ráða.
Torfæran á góða
möguleika að veita 100
manns ajvinnu, ef við
náum að halda henni hérlendis og
peningunum sem henni gætu
fylgt. Við ætlum að gera þetta
að atvinnumannaíþrótt og samn-
ingurinn við Eurosport er fyrsta
skrefið. Áhuginn er mikill erlendis
og ég hræðist mest að torfæran
flytjist úr landi, ef menn vakna
ekki upp. Tveir af stærstu bjór-
framleiðendum heims, Bitburger
og Budweiser vilja styrkja íslenska
keppendur og keppnishald, en slíkt
er ekki hægt eins lög og reglur
eru hérlendis. Samt geta íslend-
ingar horft á erlendar bjórauglýs-
►Bragi Bragason er fram-
kvæmdastjóri Landssambands
íslenskra akstursíþróttamanna
(LIA) og stjórnarformaður
fjölmiðlafélags LÍA, sem fram-
leiðir Mótorsport sjónvarps-
þáttinn, sem sýndur er í Ríkis-
sjónvarpinu. Eiginkona Braga
heitir Guðbjörg Elín Ragnars-
dóttir, þau eigatvö börn, Ragn-
ar Braga og Rakel Dögg.
ingar í íslensku sjónvarpi gegnum
erlendar sjónvarpsrásir, og í er-
lendum blöðum og tímaritum. Ég
veit að íslenska ríkið verður kært
fyrir Evrópudómstólnum vegna
þessara laga á þessu eða næsta
ári. Ég hef enga trú á að þessar
reglur standist EES lög. Þessi mál
eru í lögfræðilegri athugun þessa
dagana hjá einu stórfyrirtæki og
ég vona að það verði tekið fyrir
hjá réttum dómstólum. Vægt
áætlað er þjóðarbúið að tapa 140
milljónum króna af mögulegum
tekjum í formi auglýsinga af þessu
tagi/‘ sagði Bragi.
„Islenskar akstursíþróttir eru á
mikilli uppleið, en spurningin er
hvort við missum aðal vaxtar-
broddinn, torfæruna, út fyrir land-
steinanna. Það er sama hvernig
við höfum lagj; dæmið upp fyrir
opinbera aðila; sem landkynningu,
útflutningsvöru, nýsköpun í at-
vinnumálum eða íþrótt. Torfæran
byggist á íslensku hugviti, ís-
lenskri smíði, íslenskum keppend-
um og íslensku umhverfi - þetta
er algjörlega íslensk íþrótt. Við
höfum þegar sannað hve mikill
áhugi fjölmiðla er erlendis. Það
fínnst öllum þetta gott mál, en
þegar á reynir þá fáum við litla
hjálp eða enga. Dymar eru lokað-
ar á íþrótt sem hefur sannað sig
á 25 árum og í fyrsta
skipti í sögu landsins
verður íslenskt sjón-
varpsefni birt tugmillj-
ónum manna með
reglulegum hætti.
Unnið hefur verið gegn starf-
semi okkar í þingsölum á þeim
forsendum að íþróttin valdi mikilli
mengun vegna eldsneytiseyðslu
keppnistækjanna, sem þó eru sér-
hæfð til að nýta eldneytið til hins
ýtrasta. Á sama tíma geta sömu
aðilar farið í hópferð til Kína í
þotu sem brenndi meira eldsneyti
og olli meiri mengun en akturs-
íþróttir íslendinga hafa gert og
munu gera á þessari öld. Mér
finnst skilaboð þessara aðila og
fleiri vera skýr: íslenskt, nei takk“,
sagði Bragi.
Torfæran
gæti veitt 100
manns vinnu