Morgunblaðið - 28.04.1996, Qupperneq 4

4 SUNNUDAGUR 28. APRÍL 1996
FRETTIR
MORGUNBLAÐIÐ
JKieiripwiMíi&lí'
VIKAN 21/4 - 27/4.
►STANTON Perry frá
Children’s Hospital í Boston
og Hróðmar Helgason frá
Landspítalanum, sérfræð-
ingar í hjartasjúkdómum
barna, gerðu hjartaþræð-
ingu á Marín Hafsteinsdótt-
ur, eins árs frá Eskifirði, á
mánudag. Eftir aðgerðina
sagðist Stanton ánægður
með árangurinn.
► FLÓTT AM ANN AH JÁLP
Sameinuðu þjóðanna hefur
óskað eftir að íslendingar
taki við fjörutíu flóttamönn-
um frá Bosníu. Af þeim
þurfa nítján sérstakrar að-
stoðar við. Halldór Asgríms-
son utanríkisráðherra segir
að reynt verði að verða við
þessari beiðni.
►FEÐGARNIR Arnór og
Eiður Smári Guðjohnsen
léku sama landsleikinn
gegn Eistlendingum í vik-
unni. Ekki er vitað til að
feðgar hafi áður verið vald-
ir í sama landsliðið í knatt-
spyrnu. Arnór leikur í Sví-
þjóð en Eiður Smári í Hol-
landi.
►ÍSLENDINGAR kvöddu
mildan vetur í góðu veðri
sumardaginn fyrsta á
fimmtudag. Meðalhiti í
Reykjavík var ein gráða eða
rúmri einni gráðu yfir með-
allagi á tímabilinu desem-
ber til mars sl. Sólskins-
stundir voru 195 eða örfá-
um stundum færri en venja
er. Á Akureyri var meðal-
hiti t-0,3 gráður eða 2,3
gráðum yfir meðallagi. Sól-
skinsstundir á Akureyri
voru 200 eða u.þ.b. 80 fleiri
en í meðallagi.
►FJÖLDI erlendra skipa
hefur verið við mörk 200
mílna lögsögunnar á
Reykjaneshrygg undan-
farnar vikur. Oftar en einu
sinni hafa íslensk varðskip
þurft að stugga við þeim
þegar þau hafa gerst of
nærgöngul við landhelgina.
Lág laun við HÍ vandi
HÁSKÓLAREKTOR telur vissa hættu
á því að samfara bættu efnahags-
ástandi aukist líkur á að kennarar við
Háskóla íslands sæki í betur launuð
störf utan skólans. Hann segir að bor-
ið hafi á því að erfitt sé að fá sérfræð-
ing á vissum sviðum til að sækja um
laus störf við HÍ. Enginn sótti um pró-
fessorsstöðu í röntgenlækningum ný-
lega. Aðeins tveir sóttu um prófessors-
embætti í tölvuverkfræði.
Dætur Sophiu fyrir
dómara
DÓMARI í undirrétti í Istanbúl í Tyrk-
landi hefur farið fram á að dætur Soph-
iu Hansen komi fyrir réttinn í Tyrk-
landi vegna forræðismáls hennar og
fyrrverandi eiginmanns hennar. Sophia
hefur ekki trú á því að dætur hennar
þori að tjá sig í réttinum enda óttist
þær refsingu föður síns. Hins vegar
þykir jákvætt að dómarinn skuli hafa
samþykkt niðurstöðu hæstaréttar. Nið-
urstaðan felst m.a. í því að dæma eigi
í málinu samkvæmt íslenskum lögum.
Ættarnöfn fleiri en
föðurnöfn
ÆTTARNÖFNUM fjölgar mjög ört hér
á landi og nú er svo komið að ættar-
nöfn karla eru nokkru fleiri en föður-
nöfn þeirra en ættarnöfn kvenna all-
miklu fleiri en föðurnöfn þeirra. Verði
ekkert að gert kann svo að fara að
ekki líði margir áratugir þar til kenni-
nafnaflóra Islendinga einkennist af
ættamöfnum sem flest verða útlend
og með mjög framandlegum blæ.
Setubiskup
KIRKJUMÁLARÁÐHERRA hefur
sett séra Bolla Gústavsson, vígslubisk-
up á Hólum, setubiskup í tengslum
við niðurstöðu stjórnar PÍ í framhaldi
af áliti siðanefndar Prestafélagsins.
Siðanefnd komst að því að biskup
hefði brotið alvarlega af sér gagnvart
hinu kirkjulega embætti með því að
bera út upplýsingar um fund sóknar-
prests og skjólstæðings vegna per-
sónulegra hagsmuna. í framhaldi af
því óskaði stjórn PÍ eftir því að emb-
ætti biskups kæmi að umfjöllun máls-
ins og lúkningu þess. Nú hefur séra
Bolli verið fenginn til þess.
Vopnahlé í átökum
ísraela og Hizbollah
SAMKOMULAG tókst í fyrradag um
vopnahlé í átökum ísraela og Hiz-
boílah-hreyfingarinnar í Líbanon. Að
sögn Warrens Christophers utanríkis-
ráðherra Bandaríkjanna lofuðu báðir
stríðsaðilar að hlífa óbreyttum borgur-
um við frekari árásum. Vopnahléð tók
gildi klukkan eitt í fyrrinótt að íslensk-
um tíma. „Samkomulagið bindur enda
á Katjúsa árásir [Hizbollah á norður-
hluta ísraels] og vemdar óbreytta
borgara, bæði í ísrael og Líbanon, og
gerir þeim kleift að snúa loks heim
úr loftvarnarbyrgjum," sagði Christ-
opher á blaðamannafundi í Jerúsalem.
Viðbrögð sýrlenskra ráðamanna drógu
nokkuð úr bjartsýninm vegna sam-
komulagsins. Þeir sögðu að Hizbollah
héldi rétti sínum til að ráðast á „ísra-
elska hemámsliðið" í suðurhluta Lí-
banons. ísraelar héldu uppi árásum á
suðurhlutann 17 daga í röð til að hefna
eldflaugaárása Hizbollah á bæi í norð-
urhluta ísraels. Um 200 manns hafa
týnt lífi, 400 særst og rúm hálf milljón
manna neyðst til að flýja heimili sín
vegna átakanna.
Heitir styrkri stjórn
á Italíu
ÓLÍFUBANDALAG mið- og vinstri-
flokka var ótvíræður sigurvegari í
þingkosningum á Ítalíu sl. sunnudag.
Romano Prodi, forsætisráðherraefni
bandalagsins, hét því að mynda styrka
stjóm og binda endi á upplausn, sem
einkennt hefur landsstjórnina á síðustu
ámm. Úrslitin eru mikið áfall fyrir
Silvio Berlusconi, leiðtoga Frelsis-
bandalagsins, samsteypu mið- og
hægriflokka.
►ÞESS var minnst víða um
heim í fyrradag, að þá voru
liðin 10 ár frá Tsjernobyl-
slysinu. Áformað er að loka
verinu árið 2000.
►TSJETSJENAR heita því
að berjast áfram fyrir sjálf-
stæði frá Rússlandi þó svo
leiðtogi þeirra, Dzhokar
Dúdajev, hafi fallið í rúss-
neskri eidflaugaárás að-
faranótt mánudags.
►ÞING Palestínumanna
samþykkti á miðvikudag að
afnema ákvæði í stofnskrá
Frelsissamtaka Palestínu-
manna (PLO) um að eyða
beri Ísraelsríki. Atkvæðin
féllu 504-54 en 14 sátu hjá.
►VÍSINDAMENN í Bret-
landi kynntu á miðvikudag
niðurstöður rannsókna sem
sýna, að kúariða og Creutz-
feldt-Jakob-sjúkdómur, er
veldur heilarýrnun í mönn-
um, eru náskyld.
► BORIS Jeltsín Rússlands-
forseti faðmaði og kyssti
Jiang Zemín, forseta Kína,
þegar hann kom til Peking
á miðvikudag. Leiðtogarnir
lýstu heimsókninni sem fyr-
irboða nýs vors í samskipt-
um ríkjanna.
►HELMUT Kohl kanslari
Þýskalands kynnti í fyrra-
dag á þingi áform um rúm-
lega 2.000 milljarða króna
sparnað ríkissjóðs auk að-
gerða til að draga úr kostn-
aði fyrirtækja.
Varðan á
Suðurnesi
Sæluvikan
hefst í dag
endurbyggð
BÆJARYFIRVÖLD á Seltjarnar-
nesi hafa ákveðið að huga að end-
urbyggingu vörðunnar á Suður-
nesi ásamt þeim aðilum sem áhuga
hafa. Að sögn Hrafns Jóhannsson-
ar bæjarverkfræðings var varðan
rifin vegna mikillar slysahættu en
hún laskaðist illa af ágangi sjávar
í vetur og óveðrinu í febrúar.
Varðan var reist fyrir um 200
árum og var notuð sem innsigling-
armerki við sundið milli Suður-
ness og boða og skeija fyrir utan.
„Þetta var leiðarmerki þegar róið
var á árabátum en hefur ekki
gegnt því hlutverki lengi," sagði
Hrafn. Varðan var síðast endur-
hlaðin um 1930 í þeirri mynd sem
hún var þegar hún var rifin. Sjó-
menn hafa á síðari árum notað
hana til að miða út fiskimið.
Varðan skemmdist mjög illa í
óveðrinu í febrúar í vetur og höfðu
bæjaryfirvöld leitað tilboða í við-
gerðir. „Mér leist ekki á hana og
fékk lögreglu til að líta á hana
með mér,“ sagði Hrafn. „Lögregl-
an taldi hana hættulega og vildi
láta rífa hana. Það höfðu komið á
hana tvö stór göt og gijót skolast
út og stór hvelfing myndast."
Varðan var girt af en fyrir
nokkru voru börn þarna að leik
sem skriðu inn í hvelfinguna.
Skömmu eftir að þau skriðu út
hrundi niður mikið af grjóti.
Starfsmenn á golfvellinum urðu
vitni að atburðinum og gerðu lög-
reglu og bæjaryfirvöldum viðvart.
Saudárkróki. Morgunblaðið.
HIN ÁRLEGA Sæluvika Skagfirð-
inga hefst í dag, sunnudaginn 28.
apríl. Að vanda verður margt til
skemmtunar á þessari gleðiviku, sem
á sér mjög langa sögu, og var upp-
haflega tengd sýslufundi héraðsins
og hét þá Sýslufundarvika.
Sæluvikan hefst í Safnahúsinu
klukkan 15 þegar opnuð verður sýn-
ing á verkum meðlima í Félagi tré-
rennismiða, og ætla þeir sem að sýn-
ingunni standa að vera með rennibekk
meðferðis og sýna vinnubrögðin.
Á mánudagskvöld er fastur liður,
Kirkjukvöld Sauðárkrókskirkju, þar
sem kirkjukórinn kemur fram ásamt
Jóhanni Má Jóhannssyni, Sigríði Ell-
iðadóttur og Sigurdríf Jónatansdótt-
ur, sem syngja einsöng, en ræðumað-
ur kvöldsins verður séra Pétur Þórar-
insson í Laufási.
Karlakórinn Heimir heldur sitt
árlega Heimiskvöld í íþróttahúsinu á
þriðjudag, þar sem mest er um kór-
söng. Að venju eru hagyrðingar og
harmóníkuleikarar með í för, og
Heimiskonur bjóða upp á glæsilegt
kaffihlaðborð.
Björgunarsveitin Skagfirðinga-
sveit verður með opið hús allan mið-
vikudaginn, þar sem kynnt verður
starfsemi deildarinnar og mönnum
gefinn kostur á að reyna sjálfír það
sem meðlimir sveitarinnar eru að
fást við.
Á Hótel Mælifelli verður dansleik-
ur með hljómsveitinni Herramönn-
um. Dægurlagakeppni Kvenfélags
Sauðárkróks verður í íþróttahúsinu
á fímmtudagskvöldið, og ætla má
að ekki verði þessi keppni síðri þeim
sem á undan hafa verið.
Eldridansaklúbburinn Hvellur
verður með sinn dansleik í Miðgarði
á föstudagskvöld og þar mun Geir-
mundur Valtýsson sjá um að menn
sitji ekki mjög lengi.
í Miðgarði eru stórtónleikar á
laugardagskvöldið, en þar koma
fram margir kórar. Að loknum tón-
leikunum verður lokadansleikur Mið-
garðs.
Nýtt leikrit frumsýnt
Leikfélag Sauðárkróks verður með
fímm sýningar í Sæluviku á nýju
verki eftir Jón Ormar Ormsson, und-
ir leikstjórn Eddu V. Guðmundsdótt-
ur, og er frumsýning í Bifröst á
fyrsta degi Sæluviku.
Þá munu veitingahúsin á Sauðár-
króki; Hótel Mælifeli, Kaffi Krókur
og Pollinn, leggja sitt af mörkum til
þess að gera sérstaklega vel við gesti
þessa viku á ýmsan hátt. Svo sem
sjá má ættu allir að fínna eitthvað
við sitt hæfi á Sæluviku Skagfirð-
inga, sem nú eins og alltafáður er
einn þekktasti og vinsælasti viðburð-
urinn í skemmtanalífi Norðlendinga.
Morgunblaðið/Árni Halldórsson
SIGURÐUR Gunnars-
son fyrrverandi skóla-
stjóri, rithöfundur og
þýðandi lést á Landspít-
alanum 23. apríl sl. á
84. aldursári.
Sigurður var fæddur
á Skógum í Öxarfirði
10. október árið 1912.
Foreldrar hans voru
Kristveig Björnsdóttir,
húsfreyja, og Gunnar
Árnason, bóndi. Eftir
gagnfræðafræðapróf á
Akureyri stundaði Sig-
urður _nám í Kennara-
skóla Islands. Að námi
loknu stundaði hann
kennslu í Borgarnesi 1936 til 1938
og á Seyðisfirði 1938 til 1940. Hann
var skólastjóri barnaskólans á Húsa-
vík á árunum 1940 til 1960 og æf-
ingakennari við Kennaraskólann, síð-
ar KHÍ, á árunum 1960 til 1978.
Um tíu ára skeið starfaði hann fyrir
Samtök aldraðra. Sigurður sótti fjöl-
mörg kennaranámskeið hér heim og
erlendis, gegndi ýms-
um trúnaðarstörfum og
lét að sér kveða í bind-
indismálum.
Sigurður skrifaði
fjölda greina í blöð og
tímarit, kennslubækur
og bækur fyrir börn og
unglinga. Hann var af-
kastamikill þýðandi af
norsku, dönsku og
ensku og þýddi m.a.
Línu Langsokk eftir
Astrid Lindgren árið
1970, Litla bróður og
Kalla á þakinu I-II á
árunum 1976 og 1978,
Kötubækurnar svoköll-
uðu, Teskeiðarkerlinguna árið 1971
og ný ævintýri af Teskeiðarkerling-
unni árið 1974. Hann hafði unun af
ferðalögum og gaf sjálfur út fjórar
bækur með ferðaminningum sínum.
Sigurður giftist eftirlifandi eigin-
konu sinni Guðrúnu Karlsdóttur frá
Seyðisfirði 24. júní 1941. Þau eign-
uðust þijá syni.
Endurskoðun
virkj anasamnings
Nær til 120
starfs-
manna
VSÍ og ASÍ hafa komist að sam-
komulagi um endurskoðun á samn-
ingi starfsmanna við virkjanafram-
kvæmdir. Þórarinn V. Þórarinsson,
framkvæmdastjóri VSÍ, segir að end-
urskoðunin hafí annars vegar snúið
að aðstæðum og tækni og hins vegar
launaþróun í Iandinu.
Hann sagði að samningurinn væri
að stofninum til frá árinu 1976. Nú
hefði hins vegar farið fram endur-
skoðun á gerð samningsins frá árinu
1984. Unnið hefði verið samkvæmt
samningnum við Blönduvirkjun til
1990.
Þórarinn sagði að samningurinn
næði til 80 starfsmanna við Kvíslár-
veitu og um 40 starfsmanna vegna
hækkunar stíflu við Blöndu. Viðkom-
andi verkalýðsfélög hefðu komið að
samningsgerðinni. Þórarinn sagði að
launahækkun samningsins væri i
samræmi við launaþróun í landinu.
Andlát
SIGURÐUR
GUNNARSSON