Morgunblaðið - 04.05.1996, Page 48

48 LAUGARDAGUR 4. MAÍ 1996
MORGUNBLAÐIÐ
BRÉF
TIL BLAÐSINS
Dýraglens
Tommi og Jenni
Ljóska
Kringlan 1 108 Reykjavík • Sími 5691100 • Símbréf 569 1329
• Netfang: lauga@mbl.is
Enga bíla
á göngnstígum
Frá Margréti Sæmundsdóttur:
GUÐVARÐUR Jónsson, Hamra-
bergi 2 í Reykjavík, skrifar um
varasama umferð bíla á göngustíg
við hús hans fimmtudaginn 18.
apríl. Þar sem ég þekki vel til
málsins leyfi ég mér að svara
Guðvarði. Ég hef bæði rætt við
Guðvarð í síma og skrifað honum,
auk þess sem erindi hans hefur
verið til afgreiðslu í umferðar-
nefnd Reykjavíkur, gatnamála-
stjóri hefur einnig leiðbeint hon-
um.
Umferðarnefnd er undirnefnd
borgarráðs og til ráðgjafar fyrir
það. Umferðarnefnd benti borgar-
ráði á að umræddur göngustígur
er á sameiginlegri einkalóð hús-
anna Hamrabergs 3 til 21 en á
mæliblaði kemur fram, að kvöð
um umferð gangandi og hitaveitu-
lögn, jarðstreng og gröft raf-
magnsveitu. Ennfremur er kvöð
um bílastæði. Þegar um fram-
kvæmdir á einkalóðum er að ræða
er slíkt á kostnað þeirra sem eiga
lóðina, í þessu tilviki íbúar í
Hamrabergi. Þetta veit Guðvarður
og það er ómaklegt af honum að
vera að hnýta í borgarstjóra vegna
þessa máls.
Eigendum einkalóða er heimilt
að setja hindranir á lóð sína (sem
hægt verður að fjarlægja ef vinna
þarf að hitaveitu eða rafmagni,
samanber kvaðir á lóðinni). Það
er því á misskilningi bygt að hann
og nágrannar megi ekki hindra
umferð bíla um göngustíga. Þeir
hafa fullan rétt til þess að gera
það en verða að vera sammála um
það sem á að gera.
Ég hef fulla samúð með því sem
Guðvarður ér að beijast fyrir, það
er að fá frið fyrir bílum á göngu-
stígum. Auðvitað á enginn að aka
á göngustíg, sem er, eins og nafn-
ið bendir til, fyrst og fremst fyrir
gangandi fólk. Það er hárrétt hjá
honum að börn og aðrir gangandi
vegfarendur eiga að geta verið
óhult fyrir umferð bíla á göngu-
stígum og það er algjört tillitsleysi
að virða ekki rétt þeirra. Því mið-
ur er lýsing Guðvarðar á háttalagi
sumra ökumanna ekkert einsdæmi
og slæmt til þess að vita að fáir
ökumenn komi óorði á alla aðra
með þessum hætti.
Með kveðju og von um að eng-
inn ökumaður láti sér detta í hug
að aka um göngustíga, hvorki við
Hamraberg né annars staðar í
borginni.
MARGRÉT SÆMUNDSDÓTTIR,
formaður umferðarnefndar
Reykjavíkur.
Halló? Hver? Já, þetta er hann ... Já, eins og ég sagði, þetta er Reyndu „það“.
uh,huh - já, þetta er hann ... hann.
Foreldraverðlaunin
Frá Unni Halldórsdóttur:
LANDSSAMTÖK foreldra,
Heimili og skóli, veita í fyrsta sinn
á þessu vori viðurkenningu sem
hefur hlotið heitið Foreldraverð-
launin.
Tilgangur Heimilis og skóla með
þessari viðurkenningu er að vekja
jákvæða eftirtekt á grunnskólan-
um og því gróskumikla starfí sem
þar er unnið á fjölmörgum sviðum.
Sérstaklega verður litið til verk-
efna sem efla tengsl heimila og
skóla og auka virkni foreldra,
kennara og nemenda í því mikil-
væga samstarfi. Búast má við að
margar tilnefningar berist því for-
eldrar og skólamenn um land allt
eru að gera góða hluti þótt ekki
fari það hátt í fjölmiðlum. Raunar
hafa margir skólamenn kvartað
yfir því að erfitt sé að koma já-
kvæðum fréttum af skólastarfi að
í íjölmiðlum en þetta framtak
gæti kannski opnað einhveijar
smugur.
Kannski finnst einhveijum erf-
itt að festa hendi á hvers slags
starfssemi kæmi til greina við til-
nefningu til foreldraverðlauna.
Hér eru nokkur dæmi valin af
handahófi.
* Öflugir bekkjarfulltrúar sem
hafa stuðlað að ánægjulegum
uppákomum innan bekkjanna
þar sem foreldrar, nemendur og
kennarar hafa skemmt sér og
fræðst saman
* Áhugasamir kennarar og skóla-
stjórar sem finna árangursríkar
leiðir til að laða foreldrana að
skólanum.
* Duglegir formenn eða stjórnir í
nemendafélögum sem hafa brú-
að bilið milli kynslóðanna, for-
eldra og nemenda
* Umsjónarmenn félagsstarfs í
skólum ' sem hafa virkjað for-
eldra og börn í sveitarfélaginu
og þannig gert skólann að mið-
stöð félagslífs
* Framtakssamar stjórnir for-
eldrafélaga sem hafa laðað fleiri
foreldra til þátttöku í foreldra-
starfinu og fitjað upp á
skemmtilegum nýjungum á því
sviði.
Heyrst hefur af kröftugu starfi
víða um land, t.d. er foreldrarölt
í gangi á 20 stöðum, foreldrar
standa fyrir opnu húsi í skólunum
og styðja þannig við heilbrigt fé-
lagslíf nemenda, sjóferðir, fjall-
göngur og fl. spennandi er skipu-
lagt af foreldrum og kennurum.
Frestur til að senda inn tilnefn-
ingar rennur út 10. maí nk. og
mun dómnefnd þá taka til starfa.
Verðlaunin verða síðan veitt við
hátíðlega athöfn í lok maí.
UNNUR HALLDÓRSDÓTTIR,
formaður Heimilis og skóla.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.